معروف ہالی ووڈ اداکار ٹام کروز نے خلا میں فلم کی شوٹنگ کے لیے امریکی خلائی ادارے ناسا سے معاملات طے کیے تھے اور اب ان کے خلا میں جانے کی حتمی تاریخ بھی سامنے آگئی ہے۔
سماجی رابطے کی ویب سائٹ پر خلائی مشن سے متعلق معلومات فراہم کرنے والے ادارے اسپیس شٹل المینیک نے ایک چارٹ شیئر کیا۔
اس چارٹ میں دیکھا جاسکتا ہے کہ اکتوبر 2021 میں اسپیس ایکس نامی کمپنی کے پائلٹ لوپیز الیگریا کے ہمراہ ٹام کروز اور معروف ہدایت کار ڈوگ لیمن بھی خلا میں جائیں گے۔
اس چارٹ میں خلا میں جانے کے لیے ان کے ساتھ ایک اور شخص کی سیٹ خالی ہے، تاہم اس پر کوئی نام سامنے نہیں آسکا ہے۔
خیال رہے کہ رواں برس مئی میں خبریں سامنے آئی تھیں کہ ٹام کروز فلم کی شوٹنگ کے لیے خلا میں جائیں گے۔ ایک امریکی اخبار کا کہنا تھا کہ آٹو کمپنی ٹیسلا اور راکٹ کمپنی اسپیس ایکس کے سربراہ ایلن مسک بھی اس منصوبے میں شامل ہوں گے۔
امریکی خلائی ادارے ناسا کے ایڈمنسٹریٹر جم برائیڈنسٹائن نے سماجی رابطے کی ویب سائٹ ٹویٹر پر ٹویٹ کرتے ہوئے کہا تھا کہ ناسا زمین کے مدار کے باہر بین الاقوامی خلائی اسٹیشن (اسپیس اسٹیشن) پر ٹام کروز کے ساتھ فلم کی شوٹنگ کے لیے پرجوش ہے۔
انہوں نے کہا کہ اس طرح کے مقبول میڈیم کے ذریعے انجینیئرز اور سائنسدانوں کی نئی نسل ناسا کے منصوبوں کو حقیقت میں بدلنے کے لیے متاثر ہوگی۔
ہالی ووڈ کے معروف اداکار ٹام کروز اپنی فلم کی شوٹنگ کے لیے خلا میں جائیں گے، امریکی خلائی ادارے ناسا نے پروجیکٹ کی تصدیق کردی ہے۔
امریکی خلائی ادارے ناسا کے ایڈمنسٹریٹر جم برائیڈنسٹائن نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ ناسا زمین کے مدار کے باہر بین الاقوامی خلائی اسٹیشن (اسپیس اسٹیشن) پر ٹام کروز کے ساتھ فلم کی شوٹنگ کرنے کے لیے پرجوش ہے۔
انہوں نے کہا کہ اس طرح کے مقبول میڈیم کے ذریعے انجینیئرز اور سائنسدانوں کی نئی نسل ناسا کے منصوبوں کو حقیقت میں بدلنے کے لیے متاثر ہوگی۔
NASA is excited to work with @TomCruise on a film aboard the @Space_Station! We need popular media to inspire a new generation of engineers and scientists to make @NASA’s ambitious plans a reality. pic.twitter.com/CaPwfXtfUv
مذکورہ فلم کے بارے میں تاحال کہیں سے کوئی تفصیلات موصول نہیں ہوئیں تاہم ایک امریکی اخبار کا کہنا ہے کہ آٹو کمپنی ٹیسلا اور راکٹ کمپنی اسپیس ایکس کے سربراہ ایلن مسک بھی اس منصوبے میں شامل ہوں گے۔
تینوں کمپنیوں اور ٹام کروز کی ٹیم نے اس بارے میں کوئی تفصیلات فراہم نہیں کیں۔
خیال رہے کہ بین الاقوامی خلائی اسٹیشن (انٹرنیشنل اسپیس اسٹیشن) زمین کے محور سے 408 کلو میٹر باہر زمین کے گرد چکر لگا رہا ہے، اگر ٹام کروز خلائی اسٹیشن کے لیے روانہ ہوتے ہیں تو وہ راکٹ پر زمین کے مدار سے باہر سفر کریں گے۔
دوسری جانب ناسا نے فیصلہ کیا ہے کہ اسپیس اسٹیشن کو تحقیق کے علاوہ اب تجارتی مقاصد کے لیے بھی کھولا جائے گا۔
اس سے قبل سنہ 2002 میں آئی میکس نامی ایک دستاویزی فلم اور سنہ 2012 میں سائنس فکشن فلم اپوجی آف فیئر بھی خلائی اسٹیشن پر جا کر فلمائی گئی تھی۔
اسلام آباد: پاکستان ٹیلی ویژن اور فلم انڈسٹری کی معروف اداکارہ نجمہ محبوب کی برسی آج منائی جارہی ہے. وہ 6 دسمبر 1983 کو ایک ٹرین حادثے میں زندگی کی بازی ہار گئی تھیں۔
1949 میں راولپنڈی میں پیدا ہونے والی نجمہ محبوب نے اسٹیج ڈراموں سے اداکاری کا سفر شروع کیا اور 1969 میں ٹیلی ویژن کی طرف آئیں۔ ان کا پہلا ڈراما ‘‘ہاتھی دانت’’ تھا جو لاہور اسٹیشن سے نشر ہوا۔ اس کے بعد انھوں نے ٹی وی پر متعدد سیریلوں اور ڈراما سیریز میں کام کیا۔
پاکستان ٹیلی ویژن کی اس اداکارہ نے جلد ہی فلم نگری میں قدم رکھ دیا اور بڑے پردے پر 79 فلموں میں اداکاری کے جوہر دکھائے۔ ان کی پہلی فلم ‘‘خلش’’ تھی جب کہ ‘‘نازک رشتے’’ ان کی آخری فلم تھی۔ یہ فلم 1987 میں ریلیز ہوئی۔
نجمہ محبوب ایک پنجابی فلم ‘‘رکشہ ڈرائیور’’ کی شوٹنگ کے دوران بچے کو بچاتے ہوئے چلتن ایکسپریس سے ٹکرا گئی تھیں۔ ان کی مشہور فلموں میں سلطانہ ڈاکو، ان داتا، ٹھگاں دے ٹھگ، غازی علم الدین شہید، سالا صاحب شامل ہیں۔
بیجنگ : ہالی ووڈ اداکار گوڈ فرے گاؤ ریئلٹی شو کی شوٹنگ کے دوران گرنے کے بعد جان کی بازی ہار گئے۔
تفصیلات کے مطابق تائیوان نژاد کینیڈین اداکار35 سالہ گوڈفرے گاؤ چین کے معروف چیمپئن ریئلٹی شو کی شوٹنگ کے دوران اچانک گر پڑے، انہیں فوری طور پر اسپتال منتقل کیا گیا مگر وہ جانبر نہ ہوسکے۔
گوڈ فرے گاؤ کی شوٹنگ کے دوران موت پر چین اور تائیوان سمیت کینیڈا میں ان کے مداح غمگین دکھائی دیے، سوشل میڈیا پر مداحوں نے انہیں خراج تحسین پیش کیا۔ اداکار کی اچانک موت کے بعد ریئلٹی شو کی انتظامیہ نے شوٹنگ منسوخ کردی۔
ہالی ووڈ اداکار نے اپنے کیریئر کا آغاز بطور ماڈل کیا اور وہ کسی مغربی برانڈ میں تشہیر کے لیے منتخب ہونے والے پہلے ایشیائی ماڈل تھے۔ گوڈ فرے گاؤ ہالی ووڈ کی اب تک ایک ہی فلم میں کام کرسکے تھے۔
تائیوان نژاد کینیڈین اداکار35 سالہ گوڈفرے گاؤ کو چین، ہانگ کانگ اور تائیوان میں خاصی شہرت حاصل تھی۔
یاد رہے کہ جنوری 2017 میں نوجوان آسٹریلوی اداکار فیٹلی گانے کی شوٹنگ کے دوران آتش گیر مادہ پھٹنے سے ہلاک ہوگئے تھے۔
کراچی: شہر قائد میں ایک اور طالبہ ڈکیتی کی واردات کے دوران فائرنگ کی بھینٹ چڑھ گئی، اس سے پہلے بھی کئی معصوم پولیس اور ڈکیتوں کی فائرنگ کی زد میں آکر جاں بحق ہوچکے ہیں۔
تفصیلات کے مطابق حالیہ واقعہ کراچی کےعلاقے گلشن اقبال میں واقع موچی موڑکےقریب پیش آیا جہاں علی الصبح ڈکیتی کی واردات کے دوران ڈاکوؤں کی فائرنگ سےنجی یونیورسٹی کی طالبہ جاں بحق ہوگئی۔
پولیس کےمطابق طالبہ مصباح اطہر کے والد معمول کے مطابق اسے یونی ورسٹی چھوڑنے جارہےتھےکہ موچی موڑکےقریب ڈکیتی کی واردات ہوئی۔ واردات کے دوران مسلح ملزمان نے موبائل اور پرس چھینے اور اسی دوران انہوں نے فائرنگ کردی۔
ذرائع کا کہنا ہے کہ ڈاکوؤ ں کی فائرنگ سے ایک گولی مصباح نامی طالبہ کے سر میں لگی جو کہ اس کی موت کا سبب بن گئی۔واقعہ صبح سات بجے پیش آیا۔ ڈکیتی اور قتل کی یہ واردات دو نامعلوم ملزمان کے ہاتھوں عمل میں آئی جو کہ موٹر سائیکل پر سوار تھے، تاحال ملزمان کی شناخت نہیں ہوسکی ہے۔
یاد رہے کہ رواں سال فروری میں شہر قائد کے علاقے انڈا موڑ پر پولیس مقابلے کی زد میں آکر نمرہ نامی طالبہ سر پر گولی لگنے کے سبب جاں بحق ہوگئی تھی۔پوسٹ مارٹم رپورٹ کے مطابق 23سال کی نمرہ کو رات 10بجکر21 منٹ پرجس وقت جناح اسپتال کراچی لایاگیا وہ دم توڑ چکی تھی، طالبہ کے سر کے سیدھے حصے پر گولی لگی جو جان لیوا ثابت ہوئی تھی۔
اسی برس اپریل میں صفورہ چورنگی کے قریب پولیس اہلکاروں اور ڈاکوؤں کے مقابلے کے دوران دو سالہ معصوم ا حسن جاں بحق اور اس کا والد کاشف شیخ زخمی ہوگیا تھا، پولیس نے مقابلہ کرنے والے چار اہلکاروں کو حراست میں لے لیا تھا ، بعد ازاں آئی جی سندھ نے اس واقعے پر احسن کے ورثا ء سے معافی بھی مانگی تھی۔
رواں سال اپریل 2019 تک کراچی میں اس نوعیت کے مختلف واقعات میں 11 افراد اپنی جان سے ہاتھ دھوبیٹھے تھے۔ ا ن واقعات پر گزشتہ برس امل نامی ۱۱ سال کی بچی کی ہلاکت کے بعد سندھ حکومت نے قانون سازی بھی کی تھی تاہم ابھی تک ایسے واقعات کی روک تھام ممکن نہیں ہوسکی ہے۔
نئی دہلی: ورلڈ کپ میں شرکت کے لیے پاکستانی شوٹرز کو ویزا نہ دینا بھارت کو مہنگا پڑگیا۔ انٹرنیشنل شوٹنگ فیڈریشن نے بھارت کو سنگین نتائج سے خبردار کر دیا۔
تفصیلات کے مطابق انٹرنیشل شوٹنگ ورلڈ کپ کے لیے پاکستانی شوٹرز کو میزبان ملک بھارت جانا تھا تاہم بھارت نے ہمیشہ کی طرح نیچ حرکت کا مظاہرہ کیا اور آخری وقت میں پاکستانی شوٹرز کو ویزا دینے سے انکار کردیا۔
پاکستانی شوٹرز کی عدم شرکت سے ٹورنامنٹ متاثر ہوگیا جس کے بعد انٹرنیشنل شوٹنگ اسپورٹس فیڈریشن نے بھارت کو سنگین نتائج کی دھمکی دے دی۔
فیڈریشن کا کہنا ہے کہ بھارت کی اس اوچھی حرکت سے اس کے کھلاڑیوں پر پابندی بھی لگ سکتی ہے۔
فیڈریشن کی جانب سے جاری کردہ بیان میں کہا گیا ہے کہ بھارت کی جانب سے پاکستانی کھلاڑیوں کو ویزا نہ دینے کے باعث ٹورنامنٹ متاثر ہوا۔ فیڈریشن اس معاملے کو حل کرنے اور پاکستان کھلاڑیوں کے متاثر نہ ہونے کے لیے اقدامات کر رہی ہے۔
بیان کے مطابق فیڈریشن بھارت کی اس حرکت کے بعد اس بات پر بھی نظر ثانی کر رہی ہے کہ آئندہ بھارت کو کسی ٹورنامنٹ کا میزبان نہ بنایا جائے۔
خیال رہے کہ مقبوضہ کشمیر میں بھارتی فوجیوں پر حملے کے بعد بھارت نے حسب معمول پاکستان پر الزام تراشیوں کا سلسلہ شروع کر رکھا ہے اور بھارتی سیاستدان، اداکار اور میڈیا پاکستان کی مخالفت میں ہر حد سے گزر چکے ہیں۔
اس سے قبل یہ خبریں بھی سامنے آئی تھیں کہ بھارت آئی سی سی ورلڈ کپ 2019 میں پاک بھارت میچ کو منسوخ کرنے کی کوششیں کر رہا ہے تاہم انٹرنیشنل کرکٹ کونسل نے تمام خبریں مسترد کرتے ہوئے کہا کہ ورلڈ کپ میں پاک بھارت میچ شیڈول کے مطابق ہوگا۔
تالاہاسی: امریکی ریاست فلوریڈا میں شوٹنگ کا واقعہ پیش آیا ہے جس میں دو خواتین ہلاک جبکہ پانچ افراد زخمی ہوئے ہیں، حملہ آور بھی موقع پر ہی ہلاک ہوگیا۔
تفصیلات کے مطابق فلوریڈا کے شہر تالاہاسی میں گزشتہ شام ایک ہاٹ یوگا اسٹوڈیو میں فائرنگ کا واقعہ پیش آیا جہاں 40 سالہ اسکاٹ پال بائرلے نے عوام پر ایک دم فائرنگ کردی۔
اسکاٹ کی اسٹودیو میں کی جانے والی فائرنگ کے نتیجے میں 61 سالہ نینسی وین اور 21 سالہ مورا بنکلے موقع پر ہی اپنی جان کی بازی ہار گئیں ، سانحے میں پانچ دیگر افراد زخمی ہوئے جن میں سےدو تاحال اسپتال میں داخل ہیں جبکہ تین کو طبی امداد دے کر گھر بھیج دیا گیا۔
شہر کے پولیس چیف مائیکل ڈی لیو کا کہنا ہے کہ حملہ کرنے کے بعد حملہ آور نے بندوق اپنی طرف بھی گھمالی ، پولیس جب موقع پر پہنچی تو حملہ آور بھی ہلاک ہوچکا تھا۔ پولیس کے مطابق یہ سارا واقعہ کل ساڑھے تین منٹ میں پیش آیا ۔ کئی ایسے لوگ بھی ہیں جن کو گن کے بٹ سے ضرب ماری گئی ہے اور آثار ہیں کہ یہاں کافی جھگڑا بھی ہوا ہے۔
اس حوالے سے تالاہاسی کے میئر کا کہنا ہے کہ گن وائلنس کا کوئی بھی واقعہ قبول نہیں او ر میں اس معاملے پر پولیس سے مسلسل رابطے میں ہوں ۔ وہ ان دنوں ڈیموکریٹک امید وار کی فلوریڈا کے گورنر کے لیے چلائی جانے والی مہم کے سبب شہر سے باہر ہیں، تاہم انہوں نے فی الفور واپسی کا اعلان بھی کردیا۔
یاد رہے کہ امریکا میں اس قسم کے واقعات آئے روز پیش آتے ہیں اور ا س کا سبب وہاں کے معاشرے میں پھیلی بے یقینی اور اسلحے تک باآسانی رسائی ہے ، رواں سال جب اسکولوں میں اس نوعیت کے حملوں کی تعداد بڑھ گئی تو عوام نے بڑے پیمانے پر احتجاج کرتے ہوئے ملک میں گن کلچرل کو کنٹرول کرنے کا مطالبہ کیا تھا تاہم ٹرمپ حکومت نے یہ معاملہ سرد خانے کی نظر کردیا۔
یاد رہے کہ رواں برس جولائی میں امریکی ریاست ٹیکساس کےعلاقے رابزٹاؤن کے نرسنگ ہوم میں نامعلوم حملہ آور نے گھس کر اندھا دھند فائرنگ کردی جس کے نتیجے میں ایک خاتون سمیت 4 افراد جان کی بازی ہار گئے۔
پولیس حکام کے مطابق 4 افراد کو قتل کرنے کے بعد اس حملہ آور نے بھی خود کو گولی مارکرخودکشی کرلی تھی ۔
ممبئی : بالی ووڈ فلم انڈسٹری کی بلاک بسٹرفلم’ایک تھا ٹائیگر‘ کےسیکویل ’ٹائیگر زندہ ہے‘ میں ولن کا کردار کون نبھائے کا مداح جاننےکے لیے بے تاب ہیں۔
تفصیلات کےمطابق بالی ووڈ فلم’ٹائیگر زندہ ہے‘ان دنوں خبروں کی زینت بنی ہوئی ہےاوراس بار یہ سلمان اور کترینہ کی جوڑی کو لیکر نہیں بلکہ ولن کےکردار کی وجہ سےخبروں کی سرخیوں میں ہے۔
بھارتی میڈیا رپوٹس کےمطابق اس بار بالی ووڈ کے سلطان کے سامنے کوئی اور نہیں بلکہ تامل فلم انڈسٹری کےسپراسٹار سدیپ سنجیوولن کے روپ میں نظر آئیں گےتاہم اس حوالے سےسلمان خان یاان کی ٹیم کی جانب سے تصدیق نہیں کی گئی۔
اگر فلم ’ٹائیگر زندہ ہے‘میں بھارتی اداکار سدیب سنجیو ولن کا کردار نبھارہے ہیں تویہ ان کی بالی ووڈ فلم انڈسٹری میں 6سال بعد واپسی ہوگی۔
لاس اینجلس: امریکا میں ایک فلم کی شوٹنگ کے لیے کتے کو زبردستی پانی میں بھیجنے اور کتے کے اپنے ٹرینر سے لڑنے کی ویڈیو نے طوفان مچادیا اور جانوروں کے تحفظ کی تنظیموں نے احتجاج کرتے ہوئے فلم کے بائیکاٹ کا اعلان کردیا۔
ہالی ووڈ کی فلم ’آ ڈاگز پرپز‘ ایک کتے اور اس کے مالکوں کی کہانی ہے۔ فلم میں کتے کی وفاداری اور انسانوں سے محبت کو دکھایا گیا۔
ویڈیو میں کوئی یہ کہتا ہوا بھی سنائی دے رہا ہے، ’یہ پانی میں جانے تک سکون سے نہیں بیٹھے گا، اسے پانی میں پھینک دو‘۔
کتے نے آخری حد تک مزاحمت کی اور اپنے پنجوں سے کنارے کو پکڑ لیا۔ بعد ازاں دیکھا گیا کہ کتا پانی کے بہاؤ کو برداشت نہیں کر سکا اور ڈوبنے لگا جس کے بعد فلم کا عملہ حرکت میں آیا اور کتے کو پانی سے باہر نکال لیا گیا۔
ویڈیو کے لیک ہوتے ہی ایک ہنگامہ کھڑا ہوگیا اور یورپ بھر میں جانوروں کے تحفظ کے لیے کام کرنے والی تنظیموں نے فلم کے بائیکاٹ کا اعلان کردیا۔
عالمی تنظیم پیٹا کا کہنا ہے، ’ہم امید کرتے ہیں کہ کتوں سے محبت کرنے والے افراد اس فلم کا بائیکاٹ کریں گے تاکہ لوگوں کو پیغام ملے کہ کتوں کے ساتھ بھی انسانیت کا سلوک کیا جائے‘۔
کینیڈا میں بھی جانوروں کی ایک تنظیم نے جانوروں سے انسانیت سوز سلوک کے الزام میں فلم سازوں کے خلاف مقامی پولیس اسٹیشن میں شکایت درج کروادی ہے۔
فلم میں پس پردہ کتے کی صدا کاری کے فرائض انجام دینے والے اداکار جوش گیڈ بھی اس ویڈیو کو دیکھ کر حیران رہ گئے۔ انہوں نے کہا، ’ایک جانور کو اس بے دردی سے، اس کی مرضی کے خلاف ایسی صورتحال میں ڈالنا نہایت ہی افسوسناک صورتحال ہے اور اس نے مجھے ہلا کر رکھ دیا ہے‘۔
دوسری جانب فلم کے ہدایت کار لیسی ہال اسٹروم نے بھی ویڈیو دیکھ کر حیرانی کا اظہار کیا اور کہا کہ یہ واقعہ ان کی موجودگی میں پیش نہیں آیا۔
انہوں نے دعویٰ کیا کہ فلم میں شامل تمام جانوروں کو سیٹ پر ایک محفوظ ماحول فراہم کرنے کی کوشش کی گئی تاہم مذکورہ واقعہ میں ملوث ذمہ داران کے خلاف کارروائی کی جائے گی۔
فلم ’آ ڈاگز پرپز‘ میں ڈینس کائد اور برٹ روبرٹسن مرکزی کردار ادا کر رہے ہیں۔
