Tag: شوکاز نوٹس

  • نیپرا کا کے الیکٹرک کو شوکاز نوٹس جاری کرنے کا فیصلہ

    نیپرا کا کے الیکٹرک کو شوکاز نوٹس جاری کرنے کا فیصلہ

    اسلام آباد : نیشنل الیکٹرک پاور ریگولیٹری اتھارٹی (نیپرا) نے نیٹ میٹرنگ قوانین کی خلاف ورزی پر شہر قائد میں بجلی کی تقسیم کار کمپنی کے الیکٹرک کو شوکاز نوٹس جاری کرنے کا فیصلہ کرلیا۔

    تفصیلات کے مطابق کے الیکٹرک کی جانب سے نیٹ میٹرنگ قوانین کی خلاف ورزی پر نیپرا نے سخت ایکشن لیتے ہوئے کے الیکٹرک کو شوکاز نوٹس جاری کرنے کا فیصلہ کرلیا ہے۔

    نیپرا نے کے الیکٹرک کے خلاف آرڈر جاری کرنے کی تیاری کرلی، دستاویز کے مطابق نیپرا نے نیٹ میٹرنگ کنکشن فراہم نہ کرنے کی شکایات پر نوٹس لیا تھا۔

    کراچی میں سولر سسٹم لگانے والے گرین میٹر سے محروم صارفین نے نیپرا سے کے الیکٹرک کی شکایت کر دی، صارفین کو نیٹ میٹرنگ کنکشن نہ دینے پر نیپرا نے نوٹس لیا۔

    دستاویز کے مطابق نیپرا نے کے الیکٹرک سے قوانین کی خلاف ورزی پر وضاحت طلب کی تھی، کے الیکٹرک نے نیپرا احکامات پر ایک سے زائد مرتبہ اپنا جواب جمع کرایا۔

    نیشنل الیکٹرک پاور ریگولیٹری اتھارٹی (نیپرا) نے کےالیکٹرک کا جواب غیرتسلی بخش قرار دیتے ہوئے شوکاز نوٹس جاری کرنے کا فیصلہ کیا۔

    کے الیکٹرک کا موقف:

    ترجمان کے الیکٹرک کا کہنا ہے کہ کے الیکٹرک کی جانب سے نیٹ میٹرنگ کنیکشن کا اجراء جاری ہے، نیٹ میٹرنک پالیسی کے نفاذ سے اب تک 18000 سے زائد نیٹ میٹرنک کنیکشنز نسب کیے گئے ہیں، نیپرا اتھارٹی سے اس حوالے سے رابطے میں ہیں-

  • پیپلز پارٹی نے سردار لطیف کھوسہ کو شوکاز نوٹس جاری کر دیا

    پیپلز پارٹی نے سردار لطیف کھوسہ کو شوکاز نوٹس جاری کر دیا

    اسلام آباد: پاکستان پیپلز پارٹی نے سردار لطیف کھوسہ کو شوکاز نوٹس جاری کر دیا ہے۔

    تفصیلات کے مطابق سردار لطیف کھوسہ کو دوسری پارٹی کے سربراہ کے کیسز میں معاونت پر پارٹی کی جانب سے شوکاز نوٹس جاری ہو گیا ہے۔

    نوٹس میں کہا گیا ہے کہ لطیف کھوسہ پیپلز پارٹی کی سینٹرل ایگزیکٹیو کمیٹی کے ممبر ہیں، اور وہ بغیر اطلاع دوسری جماعت کے سربراہ کے کیسز میں معاونت کر رہے ہیں۔

    شوکاز نوٹس کے مطابق دوسری جماعت کے سربراہ نے کرپشن کیسز میں سزا پائی ہے، لیکن لطیف کھوسہ نے ان کیسز میں معاونت کی، اور وکلا کنونشن سے خطاب میں سائفر کو لے کر ریاست پر بھی تنقید کی۔

    لطیف کھوسہ سے 7 روز میں شو کاز نوٹس کا جواب طلب کیا گیا ہے، جواب نہ دیے جانے پر ان کے خلاف ضابطے کی کارروائی عمل میں لائی جائے گی، اور پارٹی کی بنیادی رکنیت ختم کر دی جائے گی۔

    شوکاز نوٹس پیپلز پارٹی کے سیکریٹری جنرل نیئر بخاری کی طرف سے جاری کیا گیا ہے۔

  • مسلم لیگ ن خیبر پختونخوا میں اختلافات، کئی رہنماؤں کو شوکاز جاری

    مسلم لیگ ن خیبر پختونخوا میں اختلافات، کئی رہنماؤں کو شوکاز جاری

    ایبٹ آباد: پاکستان مسلم لیگ ن خیبر پختونخوا میں اختلافات کے باعث کئی رہنماؤں کو شوکاز جاری کر دیے گئے۔

    اے آر وائی نیوز کے مطابق مسلم لیگ ن خیبر پختونخوا میں اختلافات کھل کر سامنے آ گئے ہیں، مہتاب عباسی، ظفر اقبال جھگڑا، ارباب خضر حیات، فرید مفکر اور ایصال خان کو شوکاز نوٹس جاری کر دیے گئے ہیں۔

    ذرائع کا کہنا ہے کہ تمام رہنماؤں کو پارٹی عہدوں سے بھی الگ کر دیا گیا ہے اور شوکاز نوٹس کے 15 دنوں میں جواب طلب کیا گیا ہے، یہ نوٹسز صوبائی جنرل سیکریٹری مرتضیٰ جاوید عباسی نے جاری کیے ہیں۔

    تاہم دوسری طرف مرتضیٰ جاوید عباسی کی جانب سے اپنے ہی جاری کردہ شوکاز نوٹس کی تردید کر دی گئی ہے۔

  • پی ٹی آئی قیادت کا نور عالم خان کو شوکاز نوٹس جاری کرنے کا فیصلہ

    پی ٹی آئی قیادت کا نور عالم خان کو شوکاز نوٹس جاری کرنے کا فیصلہ

    اسلام آباد: پاکستان تحریک انصاف کی سینیئر قیادت نے رکن اسمبلی نور عالم خان کو ان کے بیانات پر شوکاز نوٹس جاری کرنے کا فیصلہ کیا ہے۔

    تفصیلات کے مطابق پی ٹی آئی رکن قومی اسمبلی نور عالم خان کی اپنی ہی حکومت کے خلاف بیان بازی پر پی ٹی آئی کی سینئر قیادت نے معاملے کا نوٹس لے لیا ہے۔

    ذرائع کا کہنا ہے کہ حکومت کے خلاف بیان بازی پر پاکستان تحریک انصاف کی سینئر قیادت نے ایم این اے نور عالم خان کو شوکاز نوٹس جاری کرنے کا فیصلہ کیا ہے۔

    ذرائع نے بتایا کہ شوکاز نوٹس پی ٹی آئی خیبر پختون خوا کے صدر پرویز خٹک جاری کریں گے اور ان سے حکومت کے خلاف بیان بازی پر وضاحت طلب کی جائے گی۔

    اے آر وائی نیوز کے مطابق ایم این اے نور عالم خان ان دنوں اپنی ہی پارٹی کی سینیئر قیادت کے خلاف بیانات دینے کے لیے کافی مشہور ہو چکے ہیں، چند دن قبل پارلیمانی پارٹی اجلاس میں بھی انھوں نے وزیر اعظم عمران خان سے کچھ سخت سوالات کیے تھے، جن پر انھیں جوابات دیے گئے۔

    تاہم اس کے بعد نور عالم خان نے کچھ ٹوئٹس کیے ہیں جن میں انھوں نے پارٹی کی سینیئر قیادت اور مشیران کے نام ای سی ایل میں ڈالنے کا مطالبہ کیا، نور عالم خان کا کہنا ہے کہ وہ اپنے اس مطالبے پر اب بھی قائم ہیں۔

    انھوں نے کہا کہ ان کے نزدیک مہنگائی عوام کا بڑا مسئلہ ہے، جب تک یہ مسئلہ حل نہیں کیا جاتا، وہ اسی طرح آواز اٹھاتے رہیں گے۔ ایم این اے اگرچہ کچھ عرصے سے آواز اٹھا رہے ہیں تاہم جب سے ان کے سخت ٹوئٹس سامنے آئے ہیں تو پی ٹی آئی قیادت نے بھی اس کا نوٹس لے لیا ہے۔

    پی ٹی آئی خیبر پختون خوا کے صدر کے طور پر پرویز خٹک نور عالم کو شو کاز نوٹس جاری کریں گے، اور وضاحت طلب کریں گے کہ وہ یہ بیانات کیوں دے رہے ہیں، نوٹس کے ذریعے انھیں 7 دن کی مہلت دی جائے گی۔

  • کنٹرولرمالاکنڈ بورڈ کے بیٹے کو نقل کروانے والے امتحانی عملے کو شوکاز نوٹس جاری

    کنٹرولرمالاکنڈ بورڈ کے بیٹے کو نقل کروانے والے امتحانی عملے کو شوکاز نوٹس جاری

    پشاور : وزیراعلیٰ خیبر پختونخواہ محمود خان نے امتحان میں کنٹرولرمالاکنڈبورڈ کے بیٹے کو نقل میں سہولت فراہم کرنیوالے امتحانی عملے کو شو کاز نوٹس کردیا۔

    تفصیلات کے مطابق وزیراعلیٰ خیبر پختوںخواہ محمود خان نے امتحان میں کنٹرولرمالاکنڈبورڈ کے بیٹے کی جانب سے نقل کا نوٹس لے لیا اور امیدوار کو نقل میں سہولت فراہم کرنیوالے امتحانی عملے کو شو کاز نوٹس کردیا۔

    شوکاز نوٹس میں مذکورہ عملے کو فرائض سے غفلت اور ڈسپلن کی خلاف ورزی کا مرتکب قرار دیا گیا ہے ، عملے میں ایگزامینشن سینٹرکے سپرنٹنڈنٹ ہمایون خان اور نگران رحمت علی شامل ہیں۔

    شوکاز نوٹس میں دونوں کو 15دن کے اندر تسلی بخش جواب دینے کی ہدایت کی گئی ہے۔

    اس حوالے سے وزیر اعلیٰ خیبر پختونخواہ نے کہا امتحانی ہال میں عملےکی سر پرستی میں نقل کرانے کا معاملہ شرمناک ہے، اس واقعے سے محکمہ تعلیم اور صوبائی حکومت کی بدنامی ہوئی ہے۔

    محمود خان کا کہنا تھا کہ ملوث تمام کرداروں کو قانون کے مطابق سزا دی جائے گی، معاملےمیں ملوث کسی سے کوئی رعایت نہیں برتی جائے گی، موجودہ حکومت شفافیت، میرٹ کی بالادستی پر مکمل یقین رکھتی ہے۔

  • پی ڈی ایم اجلاس، ن لیگ نے اپنا فیصلہ کر لیا

    پی ڈی ایم اجلاس، ن لیگ نے اپنا فیصلہ کر لیا

    اسلام آباد: مولانا فضل الرحمان کی زیر صدارت اسلام آباد میں پی ڈی ایم کا اجلاس جاری ہے، تاہم مسلم لیگ ن نے پیپلز پارٹی اور اے این پی سے متعلق اپنا فیصلہ کر لیا ہے۔

    ذرائع کا کہنا ہے کہ پاکستان مسلم لیگ ن نے پیپلز پارٹی اور عوامی نیشنل پارٹی کو پاکستان ڈیموکریٹ موومنٹ میں شامل نہ کرنے پر اتفاق کر لیا ہے، آج ن لیگ اپنی رائے سے پی ڈی ایم اجلاس میں آگاہ کر دے گی۔

    پی ڈی ایم اجلاس سے قبل صدر مسلم لیگ ن شہباز شریف کی زیر صدارت پارٹی کا مشاورتی اجلاس منعقد ہوا تھا، جس میں مریم نواز، احسن اقبال، شاہد خاقان عباسی، مریم اورنگزیب سمیت سینئیر قیادت نے شرکت کی۔

    ذرائع کے مطابق پیپلز پارٹی اور اے این پی کی پی ڈی ایم میں شمولیت کے معاملے پر ن لیگ نے دونوں جماعتوں کو شامل نہ کرنے پر اتفاق کیا ہے، ن لیگ اپنی رائے سے پی ڈی ایم کو آگاہ کر دے گی، خیال رہے کہ پی ڈی ایم میں شامل دیگر جماعتیں بھی شو کاز نوٹس کا جواب دیے بغیر پیپلز پارٹی اور اے این پی پی کی شمولیت پر تحفظا ت کا اظہار کر چکی ہیں۔

    ذرائع کا کہنا ہے کہ اجلاس میں پیپلز پارٹی اور اے این پی کی پی ڈی ایم میں شمولیت کاحتمی فیصلہ آج ہوگا۔

    مولانا فضل الرحمان کی سربراہی میں پاکستان ڈیموکریٹک موومنٹ کا سربراہی اجلاس اسلام آباد میں جاری ہے، اجلاس میں شہباز شریف اور مریم نواز دونوں شریک ہیں، اجلاس میں شرکت کے لیے دونوں ایک ہی گاڑی میں پہنچے تھے۔

    ذرائع کے مطابق اجلاس میں پیپلز پارٹی اور اے این پی سے متعلق معاملات پر غور ہوگا، اجلاس میں ملک کی مجموعی سیاسی صورت حال کا جائزہ لیا جائے گا جب کہ حکومت کے خلاف احتجاجی تحریک اور آئندہ بجٹ پر بھی مشاورت کی جائے گی۔

  • شوکاز نوٹس کے بعد ڈاکٹر فاروق ستار نے عوام میں جانے کا فیصلہ کرلیا

    شوکاز نوٹس کے بعد ڈاکٹر فاروق ستار نے عوام میں جانے کا فیصلہ کرلیا

    کراچی : ساتھیوں نے تنہا کر دیا تو ڈاکٹر فاروق ستار نے عوام سے امیدیں باندھ لیں، ان کا کہنا ہے کہ عہدے کی پروا نہیں میرا فیصلہ عوام کریں گے۔

    تفصیلات کے مطابق جماعت کے ساتھیوں کی بے وفائی کے بعد ایم کیو ایم کے رہنما ڈاکٹر فاروق ستار نے جارحانہ حکمت عملی اختیار کرلی، انہوں نے کراچی، حیدرآباد، سکھر، نوابشاہ اور میرپور خاص کے دورے کرنے کا اعلان کردیا۔

    متحدہ قومی موومنٹ پاکستان  کے رہنماؤں کی جانب سے سابق کنوینر کو شوکاز  نوٹس دے دیا گیا جس کے بعد فاروق بھائی نے جارحانہ اننگز کھیلنے کا فیصلہ کرلیا، نئی حکمت عملی کے تحت عوام میں جانے کا فیصلہ کرلیا۔

    فاروق ستار نے کراچی سمیت حیدرآباد، نوابشاہ، سکھر، میرپور خاص جا کر عوام سے ملاقاتوں کا فیصلہ کیا ہے، فاروق ستار نے آرگنائزیشن ریسٹوریشن کمیٹی کو کام تیز کام کرنے کی ہدایت کردی۔

    انہوں نے میڈیا سے گفتگو کرتے ہوئے کہا کہ مجھے عہدے کی پروا نہیں، بال اب عوام کے کورٹ میں ہے اور ان کا فیصلہ بھی وہی کریں گے، کارکنان اور عوام نے جسے اعتماد کا ووٹ دیا وہی کارکنان کے مسائل کا نجات دہندہ ہوگا۔

    مزید پڑھیں: ایم کیو ایم پاکستان نے فاروق ستار کا بطور رکن رابطہ کمیٹی استعفی منظورکرلیا

    واضح رہے کہ متحدہ قومی موومنٹ پاکستان نے گزشتہ روز فاروق ستار کا بطور رکن رابطہ کمیٹی استعفی منظورکر لیا، رابطہ کمیٹی نے فاروق ستار کو شو کاز نوٹس جاری کرتے ہوئے جواب طلب کیا ہے۔

     

  • راولپنڈی بارمیں تقریر ، جسٹس شوکت عزیزصدیقی کو شوکاز نوٹس جاری

    راولپنڈی بارمیں تقریر ، جسٹس شوکت عزیزصدیقی کو شوکاز نوٹس جاری

    اسلام آباد : سپریم جوڈیشل کونسل نے اسلام آباد ہائی کورٹ کے جسٹس شوکت عزیز صدیقی سے راولپنڈی بار میں کی گئی تقریر پر وضاحت طلب کرلی ہے۔

    تفصیلات کے مطابق سپریم جوڈیشل کونسل نے اسلام آباد ہائی کورٹ کے جسٹس شوکت عزیز صدیقی کو راولپنڈی بار میں کی گئی تقریر پر شوکاز نوٹس جاری کر دیا اور اٹھائیس اگست تک جواب طلب کیا گیا ہے۔

    جسٹس شوکت عزیز صدیقی کو شو کاز نوٹس ان کی راولپنڈی بار میں کی گئی تقریر پر دیا گیا ہے۔

    یاد رہے کہ جسٹس شوکت عزیز صدیقی نے راولپنڈی بار سے خطاب میں عدلیہ اور پاک فوج پر سنگین نوعیت کے الزامات عائد کیے تھے جبکہ ان کی جانب سے فوج پر سیاسی مقدمات کے حوالے سے عدالتی نظام میں مداخلت کے الزمات بھی عائد کیے گئے تھے۔


    مزید پڑھیں :  سپریم کورٹ، جسٹس شوکت عزیزکے الزامات پرضروری کارروائی کرے،  پاک فوج


     جس کے بعد پاک فوج کے شعبہ نشر و اشاعت کے ڈی جی آصف غفور نے بھی اپنے ٹویٹ میں مذکورہ تقریر پر تشویش کا اظہار کرتے ہوئے کہا کہ ہائی کورٹ کے جج نے ریاستی اداروں پر الزامات لگائے ہیں، چیف جسٹس آف پاکستان سے اس معاملے پر ضروری عدالتی کارروائی کریں۔

    بعد ازاں 22 جولائی 2018 کو چیف جسٹس آف پاکستان نے شوکت صدیقی کی تقریرکا نوٹس لیتے ہوئےپیمرا سے تقریر کا مکمل ریکارڈ طلب کیا تھا۔

    مزید پڑھیں :  چیف جسٹس ثاقب نثارنے جسٹس شوکت صدیقی کی تقریر کا

    نوٹس لے لیا

    سپریم کورٹ نے جج شوکت عزیز کے خلاف ازخودنوٹس سے متعلق سماعت کا اعلامیہ بھی جاری کیا تھا، جس میں چیف جسٹس پاکستان نے چیف جسٹس اسلام آبادہائی کورٹ سے رائےطلب کی اور ہدایت کی کہ وہ الزامات کےثبوت حاصل کریں۔


    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • توہین عدالت کیس : دانیال عزیزکو شوکاز نوٹس جاری

    توہین عدالت کیس : دانیال عزیزکو شوکاز نوٹس جاری

    اسلام آباد : سپریم کورٹ آف پاکستان نے توہین عدالت کیس میں وفاقی وزیردانیال عزیز کو شوکاز نوٹس جاری کردیا اور کیس کی سماعت 23 فروری تک ملتوی کردی۔

    تفصیلات کے مطابق سپریم کورٹ میں جسٹس عظمت سعید شیخ کی سربراہی میں عدالت عظمیٰ کے تین رکنی بینچ نے وفاقی وزیر برائے نجکاری دانیال عزیز کے خلاف توہین عدالت کیس کی سماعت کی۔

    وفاقی وزیر دانیال عزیز اپنے وکیل کے ہمراہ سپریم کورٹ میں پیش ہوئے۔

    دانیال عزیز نے عدالت عظمیٰ سے استدعا کی کہ جواب دینے کی مہلت دی جائے جس پر جسٹس عظمت سعید شیخ نے ریمارکس دیے کہ ہم اظہار وجوہ کا نوٹس دیتے ہیں آپ جواب جمع کرادیں۔

    بعدازاں عدالت عظمیٰ نے وفاقی وزیر دانیال عزیز کو شوکاز نوٹس جاری کرتے ہوئے کیس کی سماعت 23 فروری تک کے لیے ملتوی کردی۔


    توہین آمیز تقاریر پر دانیال عزیز کو عدالت میں طلبی کا نوٹس


    یاد رہے کہ مسلم لیگ ن کے رہنما اور وزیر برائے نجکاری دانیال عزیز کی عدلیہ کے خلاف توہین آمیز تقاریر پر 2 فروری کوسپریم کورٹ نے ازخود نوٹس لیا تھا۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں

  • فاروق ستارکی جانب سےرابطہ کمیٹی کےاراکین کوشوکازنوٹس جاری

    فاروق ستارکی جانب سےرابطہ کمیٹی کےاراکین کوشوکازنوٹس جاری

    کراچی : سربراہ ایم کیوایم پاکستان ڈاکٹر فاروق ستار نے رابطہ کمیٹی کے 33 اراکین کو شوکاز نوٹس جاری کردیئے ہیں.

    تفصیلات کے مطابق تمام اراکین رابطہ کمیٹی کو شو کاز نوٹس تنظیمی نظم و ضبط کی خلاف ورزی کرنے پر جاری کیے گئے جس پر ڈاکٹر فاروق ستار کے بطور کنونیر دستخط موجود ہیں.

    ذرائع کے مطابق ڈاکٹر فاروق ستار نے شوکاز نوٹس کے ذریعے سوال کیا کہ رابطہ کمیٹی اراکین نے کنونیر کی غیر موجودگی میں اجلاس کیوں طلب کیا جب کہ الیکشن کمیشن کو خط لکھنے کے معاملے کی وضاحت طلب کی گئی ہے.

    شوکاز نوٹس میں یہ بھی پوچھا گیا ہے کہ پی آئی بی میں واقع فاروق ستارکے گھر سے جاتے وقت رابطہ کمیٹی نے درست زبان استعمال نہیں کی جس سے تنظیم کی ساکھ متاثر ہوئی لہذا غیر مناسب زبان استعمال کرنے پر معافی طلب کیا جائے۔

    شوکاز نوٹس کے متن میں کہا گیا ہے دیئے گئے مقررہ وقت کے دوران جواب نہ دینے پر تنظیمی قواعد و ضوابط کے تحت کارروائی کی جائے گی اور ڈسپلن کی خلاف ورزی کی کسی طور اجازت نہیں دی جائے گی.

    آج صبح جاری کیے گئے شوکاز نوٹس بہادر آباد میں واقع مرکزی دفتر میں رابطہ کمیٹی کے اراکین کو موصول ہوچکے ہیں جس کا جواب دینے کے لیے رابطہ کمیٹی کے درمیان صلح مشورے کا عمل جاری ہے جس کے لیے بیرسٹر فروغ نسیم سے مدد لی جائے گی۔

    قبل ازیں ڈاکٹر فاروق ستار اور رابطہ کمیٹی کے درمیان ہونے والی ملاقات میں کچھ برف پگھلتی نظر آرہی ہے اور سینیٹ کی نشستوں کے لیے چار نئے ناموں کے انتخاب پر اتفاق رائے ہو گیا ہے.

    خیال رہے کامران ٹیسوری کو سینیٹ کا ٹکٹ دیئے جانے پر 5 فروری سے سربراہ ایم کیوایم پاکستان فاروق ستار اور رابطہ کمیٹی کے درمیان جاری خلیج گو کم ہوتی نظر آرہی ہے لیکن تاحال کوئی حتمی نتیجہ سامنے نہیں آیا ہے.


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔