Tag: شوکاز نوٹس جاری

اسلام آباد : قومی اسمبلی سیکرٹریٹ کے حاضری نہ لگانے والے 90 ملازمین کو شوکاز نوٹس جاری کرتے ہوئے 3 ہفتے کے اندر رجسٹریشن کرانے اور وقت کی پابندی کی ہدایت کردی۔

تفصیلات کے مطابق قومی اسمبلی سیکرٹریٹ کے 90 ملازمین کو شوکاز نوٹس جاری کردیا، ملازمین کو حاضری کے لئے بائیو میٹرک سسٹم میں رجسٹریشن نہ کرانے پر نوٹس جاری کئے گئے۔

ذرائع کا کہنا تھا کہ ملازمین کو تین ہفتے کے اندر رجسٹریشن کرانے اور وقت کی پابندی کی ہدایت کی گئی ہے۔

شوکاز وقت کی پابندی کرنے والے ملازمین کی شکایت پر کیا گیا جبکہ بائیو میٹرک سسٹم کے تحت رجسٹریشن نہ کرانے والے ملازمین کے خلاف کاروائی کا فیصلہ کیا گیا ہے۔

ذرائع کے مطابق اسپیکر کو رپورٹ ملی تھی کہ گھوسٹ ملازمین تنخواہیں وصول کر رہے ہیں لیکن دفتر نہیں آ رہے۔

ذرائع کا کہنا تھا کہ ایسے افسران اور ملازمین کا سراغ لگانے کے لیے اسپیکر نے بائیو میٹرک حاضری کو یقینی بنانے کی ہدایت کی گئی ہے۔

اسلام آباد : پاکستان تحریک انصاف کے رہنما شیر افضل مروت کو شوکاز نوٹس جاری کر دیا گیا ، جس میں 3 روز میں وضاحت طلب کی گئی ہے۔

تفصیلات کے مطابق تحریک انصاف نے رہنما شیرافضل مروت کوشوکاز نوٹس جاری کر دیا، شوکاز سیکرٹری جنرل پی ٹی آئی عمر ایوب نے جاری کیا۔

رہنما پی ٹی آئی  کوغیر ذمہ دارانہ بیانات دینے پر شوکازجاری کیاگیا ، نوٹس میں ان سے 3 روز میں وضاحت طلب کرلی گئی ہے۔

شوکاز نوٹس میں کہا گیا ہے کہ ایسے بیانات سے پارٹی کی ساکھ کو نقصان پہنچا، بانی پی ٹی آئی کے واضح احکامات ہیں غیر ذمہ دارانہ بیانات نہ دیے جائیں۔

نوٹس میں کہنا ہے کہ آپ کے کردار سے پارٹی اور ارکان کوہزیمت اٹھاناپڑی، کیوں نہ آپ کے خلاف تادیبی کاروائی کی جائے۔

شوکاز نوٹس میں مزید کہا گیا کہ جواب نہ دیایامطمئن نہ کر سکےتو پارٹی ڈسپلن کےتحت مزید کارروائی ہوگی۔

یاد رہے اس سے قبل شیر افضل مروت کو پی ٹی آئی کی سیاسی کمیٹی سے نکال دیا تھا، انھوں  نے  پارٹی رہنماؤں کو شدید تنقید کا نشانہ بنایا تھا۔

اسلام آباد : پاکستان تحریک انصاف کے رہنما شیرافضل مروت کو بیرسٹرگوہر کے خلاف بیان پر شوکاز نوٹس کردیا گیا ، جس میں 2 روز میں معافی جمع کروانے کی ہدایت کی ہے۔

تفصیلات کے مطابق پاکستان تحریک انصاف نے شیرافضل مروت کو بیرسٹر گوہر کے خلاف بیان پرشوکاز نوٹس جاری کردیا۔

شوکاز نوٹس میں کہا گیا ہے کہ شیر افضل کے بیان کی وجہ سے تناؤ کی صورتحال بنی، پارٹی کی جانب سے شیر افضل کو دو روز میں معافی نامہ جمع کرانےکی ہدایت کی گئی ہے۔

نوٹس میں کہا ہے کہ جواب نہ دینے یا غیر مطمئن جواب کی صورت میں پارٹی پالیسی کے مطابق ایکشن ہوگا۔

اسلام آباد : نیشنل الیکٹرک پاور ریگولیٹری اتھارٹی (نیپرا) نے اووربلنگ کے معاملے پر بجلی کمپنیوں کو شوکاز نوٹس جاری کرنے کا فیصلہ کرلیا۔

تفصیلات کے مطابق نیشنل الیکٹرک پاور ریگولیٹری اتھارٹی (نیپرا) میں سہ ماہی ایڈجسٹمنٹ کے تحت بجلی کی قیمتوں کی درخواست پر سماعت ہوئی۔

نیپرا نے اووربلنگ کے معاملے پر بجلی کمپنیوں کے جوابات غیرتسلی بخش قرار دیتے ہوئے بجلی کمپنیوں کوشوکاز نوٹس جاری کرنے کا فیصلہ کرلیا۔

نیپرا اتھارٹی کا کہنا تھا کہ آئندہ چند روز میں بجلی کمپنیوں کوشوکازنوٹس جاری کردیں گے اور اس معاملے کو ایک ماہ کے اندر ہی نمٹادیں گے۔