Tag: شوکت ترین

اسلام آباد : سابق وزیر خزانہ شوکت ترین کا کہنا ہے کہ اپنے کپڑے بیچنے کا اعلان کرنے والوں نے عوام کے کپڑے اتار دیئے۔

تفصیلات کے مطابق سابق وزیر خزانہ شوکت ترین نے پیٹرولیم مصنوعات کی قیمتوں میں اضافے پر ردعمل دیتے ہوئے کہا کہ سینیٹ میں کہا تھا آج یہ قیمتیں نہیں بڑھائیں گے لیکن بڑھادی گئیں، ان کی اور کوئی سوچ نہیں بس ایک ہی سوچ ہے کہ غریب آدمی کومارناہے۔

شوکت ترین کا کہنا تھا کہ کئی دن سے کہہ رہےہیں روس سےسستاتیل خریدلیں، یہ لوگ روس اس لیےنہیں جارہےکیونکہ امریکا سے ڈرتے ہیں، ان کو2ماہ سے زائد ہوگئے ہیں لیکن پھر بھی ٹارگٹڈ سبسڈی نہیں دے رہے۔

سابق وزیر خزانہ نے بتایا کہ 149روپے فی لیٹرپرپیٹرول چھوڑ کرگئےتھے، اس حکومت نے15دن میں 85روپےپیٹرول کی قیمت بڑھادی، پیٹرول کی فی لیٹر قیمت اب 235 روپے ہوگئی ہے۔

ان کا کہنا تھا کہ اپنےکپڑے بیچنے کااعلان کرنےوالوں نےعوام کےکپڑے اتاردیئے ، 2 ہزار روپےدینے سے عام آدمی کوکیا فرق پڑےگا، حکومت کوئی پوسٹ باکس تونہیں، کوئی طریقہ کارلائیں کچھ سوچیں۔

شوکت ترین نے مزید کہا کہ نچلےطبقےکوتوڈبودیااب مڈل کلاس کی باری ہے، گروتھ ریٹ ڈرامائی اندازمیں نیچےآئےگا اور مہنگائی بڑھےگی، مہنگائی بڑھنے سے غربت بڑھے گی ، کتنی بڑھتی ہے وقت بتائے گا۔

اسلام آباد : سابق وزیر خزانہ شوکت ترین نے مفتاح اسماعیل کو مخاطب کرتے ہوئے کہا اسٹاک اور کرنسی مارکیٹ نے آپ کا بجٹ مسترد کردیا ہے۔

تفصیلات کے مطابق سابق وزیر خزانہ شوکت ترین نے سماجی رابطے کی ویب سائٹ ٹوئٹر پر اپنے بیان میں کہا کہ مفتاح صاحب، مارکیٹس جھوٹ نہیں بولتیں، اسٹاک اورکرنسی مارکیٹ نےآپ کابجٹ مسترد کردیا ہے۔

شوکت ترین کا کہنا تھا کہ 24 فیصد مہنگائی جو بجلی اورگیس نرخوں کی وجہ سے مزید بڑھے گی، مہنگائی پسےہوئےعام آدمی کو بدستور پریشان کر رہی ہے، نئے انتخابات کا وقت ہے۔

Miftah Sahib, the markets don’t lie. Stock and currency market -ve response indicates they have rejected your budget. Inflation of 24% which will increase further because of power and gas tariffs, continue to bedevil the common man who has been crushed. Time for fresh elections

— Shaukat Tarin (@shaukat_tarin) June 13, 2022

دوسری جانب سابق وزیر فواد چوہدری نے اپنے ٹوئٹ میں لکھا کہ اسٹاک مارکیٹ اور ڈالر میں اضافے نے مارکیٹ کابجٹ پر ردعمل دیا ، سمجھ رکھنےوالےتمام طبقات طفلانہ معاشی پالیسیوں پر انگشت بدنداں ہیں، موجودہ حالات میں ورق پلٹنے کی ضرورت ہے۔

اسٹاک مارکیٹ اور ڈالر کی قدر میں آج کے اضافے نے مارکیٹ کا بجٹ پر ردعمل دیا ہے، تمام طبقات جو سمجھ رکھتے ہیں اس مسلط حکومت کی طفلانہ معاشی پالیسیوں پر انگشت بدنداں ہیں،ان حالات میں ورق پلٹنے کی ضرورت ہے دونوں اداروں کی لیڈرشپ ملک کو کنارے پر بیٹھ کر ڈوبتا نہ دیکھے حل کی طرف بڑھیں

— Ch Fawad Hussain (@fawadchaudhry) June 13, 2022

تحریک انصاف کے رہنما اسد عمر نے بھی اپنے ٹوئٹر پیغام میں طنز کرتے ہوئے کہا کہ کیا شاندار بجٹ پیش کیا ہےعوام ناراض، اسٹاک مارکیٹ میں منفی رجحان ، روپے کی قدر میں مزید کمی اور امپورٹڈ وزیر خزانہ کا کہنا ہے آئی ایم ایف خوش نہیں ، تو پھرکینڈی بنانے والی کمپنیوں کےعلاوہ اس بجٹ سےہےکون خوش؟

کیا شاندار بجٹ پیش کیا ہے… عوام ناراض، سٹاک مارکیٹ میں منفی رجحان ، روپے کی قدر میں مزید کمی، اور امپورٹڈ وزیر خزانہ کا کہنا ہے کہ IMF بھی خوش نہیں…. تو پھر کینڈی بنانے والی کمپنیوں کے علاوہ اس بجٹ سے ہے کون خوش؟؟؟.#امپورٹڈ_حکومت_نامنظور

— Asad Umar (@Asad_Umar) June 13, 2022

اسلام آباد : سابق وزیر خزانہ شوکت ترین نے مفتاح اسماعیل کو جواب دیتے ہوئے کہا کہ مہذب زبان میں بات کریں، میں نے جواب دیا تو چھپنے کی جگہ نہیں ملے گی۔

تفصیلات کے مطابق سابق وزیر خزانہ شوکت ترین نے اے آر وائی نیوز سے خصوصی گفتگو میں حکومت پر تنقید کرتے ہوئے کہا یہ حواس باختہ ہوگئےہیں،ان کوسمجھ ہی نہیں آرہی معیشت کو کیسے چلائیں، ان کی فیس سیونگ نہیں ہورہی اس لئے یہ پریشان ہیں۔

شوکت ترین کا کہنا تھا کہ پی ٹی آئی حکومت نے ن لیگ حکومت کو ہر شعبے میں پیچھے چھوڑا ہے، ہم نے روزگار کے مواقع بھی پیدا کئے ، زراعت کے شعبے کو بہتر کیا، قرضے بڑھیں تو ساتھ جی ڈی پی بھی بڑھی ہے۔

سابق وزیر خزانہ نے کہا کہ یہ لوگوں کو بےوقوف بنانے کی کوشش نہ کریں، انھوں نے آئی ایم ایف کو وعدہ کیا کہ سبسڈی کم کردیں گے ، پیٹرول پرائس بڑھا دیں گے۔

ان کا کہنا تھا کہ عالمی سطح پر پیٹرول کی قیمت بڑھتی تو ہم پھر بھی کم بڑھارہے تھے، پیٹرول دیگرممالک میں ہمارے یہاں سے زیادہ مہنگا تھا، سبسڈی دینے کیلئے عوام کوہم نے فنڈز مختص کئے تھے۔

شوکت ترین نے مزید کہا کہ ہم نے غلط سبسڈی تو یہ پیسے بڑھا دیں ،جب پیٹرول کی قیمت بڑھا رہے تھے تویہ ہم پر تنقید کرتے تھے ، پہلے تو انھیں بارودی سرنگ نظر نہیں آتی تھی ، اب کیوں آرہی ہے۔

ان کا مزید کہنا تھا کہ ہم 486ارب روپے جو سبسڈی کیلئے رکھے اس کاکتنی بار بتا چکا ہوں ،ایک میٹنگ میں ہم ساتھ بیٹھے تھے اس بھی انھیں بتایا تھا ، یہ کہتے ہیں کہ شوکت ترین جھوٹ بولتے ہیں، اس قسم کی گفتگو نہ کریں، مفتاح اسماعیل مہذب اندازمیں گفتگو کریں، میں نے کی توچھپنے کی جگہ نہیں ملے گی۔

سابق وزیر خزانہ نے بتایا کہ زراعت کےشعبے میں فصل میں ریکارڈ پیداوار ہوئی ہے، ملک میں اس وقت 15لاکھ ٹن شوگر کا ذخیرہ ہے ، آبادی دو فیصد سے بڑھ رہی ہے انھوں نے 10،10سال کچھ نہیں کیا ، یہ تو بیڑہ غرق کرکے گئے ہم تو سب ٹھیک کررہے تھے۔

اسلام آباد : سابق وزیر خزانہ شوکت ترین نے آئی ایم ایف کو جون سے پہلے پٹرولیم قیمتوں میں اضافہ کی یقین دہانی کی تردید کر دی۔

تفصیلات کے مطابق سابق وزیر خزانہ شوکت ترین نے سماجی رابطے کی ویب سائٹ ٹوئٹر پر اپنے بیان میں کہا ہے کہ آئی ایم ایف کو پیٹرولیم قیمت میں جون سے پہلے اضافے کی یقین دہانی نہیں کرائی، جس کی میں پہلے بھی تردید کرچکا ہوں، اس کےبرعکس سبسڈی کی ادائیگی سے متعلق طریقہ کار دیا۔

شوکت ترین نے مزید لکھا کہ مفتاح صاحب اب آپ پاکستانی عوام پر بوجھ نہ ڈالیں اور تسلیم کریں پاکستان تحریک انصاف حکومت کی پالیسی درست تھی ۔

I have already refuted that I gave assurance to IMF to increase petrol/diesel prices before June 2022. On the contrary we gave the method how to pay for the subsidy. Now Miftah Sahib you should not burden the citizens of this country and accept PTI govt was right in their policy

— Shaukat Tarin (@shaukat_tarin) May 6, 2022

گذشتہ روز وفاقی وزیر خزانہ مفتاح اسماعیل نے کراچی میں پریس کانفرنس کرتے ہوئے کہا تھا کہ پی ٹی آئی حکومت آئی ایم ایف کیساتھ جون سے قبل پٹرولیم مصنوعات کی قیمتوں میں اضافے کا وعدہ کر چکی ہے۔

مفتاح اسماعیل کا کہنا تھا کہ عمران خان کے معاہدے کے تحت پیٹرول کی قیمت245روپے ہونی چاہیے تھی، پیٹرول کی قیمت بڑھنے کے اثرات اشیائے خورد ونوش پر بھی ہوتے ہیں، عمران خان نے آئی ایم ایف سے پیٹرولیم کی قیمتیں بڑھانے کا معاہدہ کیا تھا۔