ARYNews.tv | Urdu – Har Lamha Bakhabar

Tag: شوکت خانم اسپتال

  • اسحاق ڈارنے شوکت خانم اسپتال پرحملہ کرکے گھٹیا حرکت کی، عمران خان

    اسلام آباد : چیئرمین تحریک انصاف عمران خان نے کہا ہے کہ اسحاق ڈار نے آج شوکت خانم اسپتال پرحملہ کرکے گھٹیا حرکت کی ہے، ان لوگوں کو پاکستان میں غریب کے علاج کی کوئی پرواہ نہیں۔عمران خان کی بہنوں کا کہنا ہے کہ ہم نے جرم کیا ہے تو عدالت جانے کو تیار ہیں۔ 

    یہ بات انہوں نے سماجی رابطے کی ویب سائٹ ٹوئٹر پر اپنے پیغام میں کہی، عمران خان کا کہنا تھا کہ شوکت خانم اسپتال کینسرکے75فیصد مریضوں کا مفت علاج کرتا ہے، اسپتال کا مریضوں پر کیا جانے والا سالانہ خرچہ5 بلین روپے سے زائد ہے۔

    عمران خان نے مزید کہا کہ شریف خاندان خود پاکستان سے باہرجاکر اپنا چیک اپ کراتا ہے، ان لوگوں کو پاکستان میں غریب عوام کےعلاج کی کوئی پرواہ نہیں۔

    ہم نے کوئی جرم کیا ہے تو عدالت جانے کیلئے تیار ہیں، بہنیں عمران خان

    علاوہ ازیں وزیر خزانہ اسحاق ڈار کے بیان پر عمران خان کی بہنوں عظمیٰ خان اورعلیمہ خان نے اپنے شدید ردعمل کا اظہار کرتے ہوئے کہا ہے کہ اگر ہم نے کوئی جرم کیا ہے تو ہمیں قانون کےکٹہرے میں لایاجائے۔

    انہوں نے کہا کہ ہمارے خلاف کوئی الزام ہے تو عدالتوں میں پیش ہونے کیلئے تیار ہیں، اگرجرم ثابت ہو جائے تو ہمیں سلاخوں کے پیچھے ڈال دیں، عظمیٰ خان اورعلیمہ خان کا مزید کہنا ہے کہ ہم یہ سمجھنے سےقاصر ہیں کہ ہم نے ایساکون سا جرم کردیا ہے۔

    مزید پڑھیں: عمران خان نے اسپتال کی رقم سے جوا کھیلا: اسحٰق ڈار

    واضح رہے کہ پانامہ کیس کی جے آئی ٹی کے سامنے پیشی کے بعد اسحاق ڈار نے میڈیا سے گفتگو کرتے ہوئے کہا تھا کہ عمران خان میرے ہی بچوں کو کہتے تھے کہ اسپتال کے لیے عطیات دے دیں۔

    انہوں نے کہا کہ سال 2008 تک عمران خان کو عطیات دیتا رہا، لیکن جب پتہ چلا کہ عمران خان نے عطیات کے پیسوں سے جوا کھیلا ہے تو میرا اعتماد ختم ہوگیا۔

  • تالیاں بجا کر یونس خان کو شاباش دی جائے‘عمران خان

    تالیاں بجا کر یونس خان کو شاباش دی جائے‘عمران خان

    اسلام آباد : پاکستان تحریک انصاف کےسربراہ عمران خان کاکہناہےکہ یونس خان 10ہزاررنزبنانے والا پہلا پاکستانی ہےتالیاں بجاکراس کو شاباش دی جائے۔

    تفصیلات کےمطابق میڈیا سے گفتگوکرتے ہوئےچیئرمین تحریک انصاف عمران خان نے کہاکہ کھیل آپ کو جیتنا اور ہارنا دونوں سیکھاتا ہے۔

    عمران خان نےکہاکہ زندگی مقابلے کا نام ہے اور بہتر مقابلے والا آگے بڑھتاہے۔انہوں نےکہاکہ زندگی میں کوئی شارٹ کٹ نہیں ہوتامحنت کرناہوتی ہے۔

    تحریک انصاف کےسربراہ عمران خان کاکہناتھاکہ یونس خان کو تالیاں بجاکر شاباش دی جائے وہ پہلا پاکستانی ہے جس نے ٹیسٹ کرکٹ میں 10ہزار رنز کیے۔

    عمران خان کی یونس خان کو ٹیسٹ کرکٹ میں10ہزاررنزکرنےپرمبارکباد

    عمران خان کا کہناتھاکہ مجھے پہلے ٹیسٹ کے بعدتین سال کے لئے ٹیم سے نکال دیا گیا لیکن میں نے ہمت نہیں ہاری محنت کی اور پھرٹیم میں شامل ہوا۔

    چیئرمین پی ٹی آئی نےکہاکہ محنت کی اور نمبر ون کھلاڑی اور پھر محنت کرکے ٹیم کو نمبر ون بنایا۔

    عمران خان نےکہاکہ اچھا کھلاڑی نہ بنتا تو شوکت خانم اسپتال نہیں بناسکتاتھا۔انہوں ںےکہاکہ اچھی کرکٹ نہ کھیلتا تو کبھی تحریک انصاف نہیں بناسکتا تھا۔

    تحریک انصاف کے سربراہ کاکہناتھاکہ چیمپین وہ ہوتا ہےجوہار نہیں مانتا،مشکل وقت میں بھی کھڑا رہتاہے۔

    واضح رہےکہ چیئرمین پی ٹی آئی کاکہناتھاکہ خیبرپختونخواہ میں کھیل کے100 میدان بنارہے ہیں۔

  • کراچی: عمران خان نے شوکت خانم اسپتال کا سنگ بنیاد رکھ دیا

    کراچی: عمران خان نے شوکت خانم اسپتال کا سنگ بنیاد رکھ دیا

    کراچی: چیئرمین تحریک انصاف عمران خان کراچی پہنچ گئے جہاں انہوں نے شوکت خانم اسپتال کا سنگ بنیاد رکھا۔

    تفصیلات کے مطابق چیئرمین تحریک انصاف عمران خان 3 روزہ دورے پر کراچی پہنچ گئے۔ عمران خان نے کراچی میں شوکت خانم اسپتال کا سنگ بنیاد رکھا۔

    تقریب سے خطاب کرتے ہوئے انہوں نے کہا کہ 29 دسمبر 2019 کو اس اسپتال کا افتتاح کردیا جائے گا۔

    انہوں نے بتایا کہ جب میں اپنی والدہ کے کینسر کے علاج کے لیے باہر گیا تب مجھے احساس ہوا کہ یہ کتنا تکلیف دہ عمل ہے۔ انہوں نے کہا کہ پاکستان میں 90 فیصد کینسر کے مریض اپنا علاج نہیں کر سکتے۔

    انہوں نے کہا کہ مریضوں کے صرف علاج پر 26 ارب روپے خرچ کیے جاچکے ہیں۔ اسپتالوں اور مشینوں کے اخراجات اس کے علاوہ ہیں۔ اللہ نے برکت ڈالی اسی لیے اسپتال کامیابی کے ساتھ چل رہے ہیں۔

    دوسری جانب تحریک انصاف کے ترجمان کے مطابق عمران خان کراچی کے دورے کے موقع پر ڈسٹرکٹ سینٹرل میں دفتر کا افتتاح اور ممبر شپ مہم کا آغاز بھی کریں گے۔ شام 6 بجے انصاف ہاؤس میں پریس کانفرنس کے بعد وہ تعزیت کے لیے جنید جمشید کے گھر جائیں گے۔

    ترجمان کے مطابق چیئرمین تحریک انصاف لیاری شاہ ولی اللہ روڈ بھی جائیں گے۔ جمعہ کو عمران خان کارساز پر پارٹی کابینہ سے ملیں گے۔ دورے کے تیسرے روز عمران خان وکلا اور تاجر برادری سے ملاقاتیں کریں گے۔

  • کراچی پولیس کو غیر سیاسی کیے بغیر امن ممکن نہیں، عمران خان

    کراچی پولیس کو غیر سیاسی کیے بغیر امن ممکن نہیں، عمران خان

    کراچی : تحریک انصاف کے چیئرمین عمران خان نے کہا ہے کہ رینجرز کراچی میں اچھا کام کررہی ہے مگر جرائم پر مستقل قابو پانے کے لیے پولیس کے نظام کو بہتر بنانا بہت ضروری ہے۔

    تفصیلات کے مطابق چیئرمین تحریک انصاف نے کراچی آمد کے موقع پر میڈیا سے گفتگو کرتے ہوئے کہا کہ ’’کراچی پولیس کو غیر سیاسی اور غیر جانبدار ہونا چاہے، جب تک پولیس ٹھیک نہیں ہوگی شہر میں دیرپا امن قائم نہیں کیا جاسکتا ہے‘‘۔

    انہوں نے مزید کہا کہ تحریک انصاف کی حکومت نے خیبرپختونخوا میں پولیس کے نظام کو بہت بہتر بنادیا ہے، اب وہاں پر میرٹ اور ٹیسٹ کی بنیاد پر تقرریاں کی جاتی ہیں، کے پی کے کی پولیس کی کارکردگی کی تعریف کورکمانڈر خیبرپختونخوا نے خود کی ہے کہ صوبے میں دہشت گردی پر قابو پانے کے لیے پولیس نے اہم کردار ادا کیا‘‘۔

    عمران خان نے اعلان کیا کہ ’’عید کے بعد حکمرانوں کی چوری اور منی لانڈرنگ کے خلاف نئی تحریک کا آغاز ہوگا اور جب تک یہ جیل میں نہیں جائیں گے اس جدوجہد کو جاری رکھا جائے گا، پاکستانیوں میں بہت شعور آگیا ہے اور یہ بہت سنہری موقع ہے کہ عوام حکمرانوں سے اپنے لوٹے ہوئے پیسوں کا حساب لیں‘‘۔

    مسلم لیگ ن پر تنقید کرتے ہوئے سربراہ تحریک انصاف نے کہا کہ ’’حکمرانوں نے ہر ادارے میں اپنے لوگ بٹھائے ہوئے ہیں جو ملک سے زیادہ ان کے وفادار ہیں، حکمرانوں کے اس عمل سے ملک کو بہت نقصان پہنچا ہے، مگر پاکستانیوں کے اندر آنے والے شعور اور جذبے سے مجھے یہ حکمرانوں کا آخری وقت لگ رہا ہے‘‘۔

    مزید پڑھیں : پنجاب پولیس کی عمران خان کی ہمشیرہ سے مبینہ تلخ کلامی

     اپنی ہمشیرہ ڈاکٹر عظمیٰ کے ساتھ لاہور میں پیش آنے والے واقعے پر عمران خان نے کہا کہ ’’آج میری بہت کے اوپر بندقیں تانی گئیں، کلے شیشے والی دو گاڑیوں نے ٹکر ماری اور بدتمیزی کی جب انہوں نے اس وی آئی پی موومنٹ کے بارے میں پوچھا تو معلوم ہوا کہ مریم نواز اسلام آباد سے لاہور تشریف لارہی ہیں‘‘۔

    کپتان نے مسلم لیگ پر تنقید کرتے ہوئے کہا کہ مریم نواز کو کس حیثیت سے اتنی سیکورٹی دی گئی ہے، وہ نہ تو کسی حکومتی عہدے پر فائض ہیں اور نہ اسمبلی کی ممبر ہیں ، مسلم لیگ ن کی حکومت جمہوریت نہیں بلکہ بدترین بادشاہت ہے، ان مظالم کے خلاف قوم کو ہرصورت کھڑا ہونا ہوگا۔

    پڑھیں :   پانامہ پیپرز: ٹی او آرز کمیٹی کی مدت آج ختم، ڈیڈ لاک برقرار

     اس موقع پر عمران خان نے اعلان کیا کہ کراچی میں شوکت خانم اسپتال کے لیے ڈی ایچ اے میں زمین مل گئی ہے جس کی تعمیر جلد شروع کردی جائے گی۔

    واضح رہے عمران خان دو رزہ دورے پر کراچی پہنچے ہیں، دو روزہ قیام کے دوران وہ شوکت خانم اسپتال کے افطار ڈنر میں شرکت، شہید قوال امجد صابری کے اہل خانہ سے ملاقات اور معروف سماجی رہنما عبدالستار ایدھی کی عیادت کریں گے، چیئرمین کے ہمراہ تحریک انصاف کے رہنما نعیم الحق اور فیصل خان جدون موجود ہیں۔

  • لاہور: کرکٹر محمد عامر کا فاطمید فاؤنڈیشن کا دورہ

    لاہور: کرکٹر محمد عامر کا فاطمید فاؤنڈیشن کا دورہ

    لاہور: کرکٹر محمد عامر کا کہنا ہے کہ وہ کرکٹرز بحالی پروگرام کی مکمل حمایت کرتے ہیں، ان کاکسی سے کوئی تنازع نہیں،ٹیم میں جلد واپسی کے لئے پرعزم ہیں۔

    محمد عامر نے بحالی پروگرام کے سلسلے میں فاطمید فاؤنڈیشن کا دورہ کیا اور تھیلیسمیا میں مبتلا بچوں میں خون کا عطیہ دیا، عامر نے بچوں میں اپنے آٹوگراف والے بیٹ اور تحائف بھی تقسیم کئے۔

    اس موقع پر میڈیا سے گفتگو کرتے ہوئے محمد عامر کا کہنا تھا کہ انہوں نے پابندی کے پانچ سال بہت مشکل سے گزارے۔

    ان کا کہنا تھا کہ اب وہ اچھی کرکٹ کھیل کر بہتر زندگی گزارنا چاہتے ہیں، مشکل وقت میں سب نے سپورٹ کیا، وہ کرکٹرز بحالی پروگرام کی حمایت کرتے ہیں۔

  • پورے ملک میں سیاسی شعور پیدا ہوچکا ہے، عمران خان

    پورے ملک میں سیاسی شعور پیدا ہوچکا ہے، عمران خان

    لاہور : تحریک انصاف کے سربراہ عمران خان نے کہا ہے کہ انہوں نے اپنی سیاست سے قوم کو جگایا، آج پورے ملک میں ان کی وجہ سے سیاسی شعور پیدا ہوچکا ہے۔

    ان خیالات کا اظہار انہوں نے شوکت خانم اسپتال کے سالانہ افطار ڈنر سے خطاب کرتے ہوئے کہی، عمران خان نے کہا کہ تبدیلی پہلے فرد میں آتی ہے پھر ملک میں، انہیں فخر ہے کہ ان کی کوششوں سے پاکستان لوگ جاگے۔

    ان کا کہنا ہے کہ لوگوں کی خدمت سےجوخوشی ملتی ہے، پیسہ کمانے سے نہیں ملتی، تحریک انصاف کا کہنا تھا کہ رفاعی کاموں میں خوشی ملتی ہے ورنہ آج وہ بھی کرکٹ میں پیسے کما رہے ہوتے۔

    انہوں نے کہا کہ عبدالستار ایدھی کی صحت کے لئے سب کو دعا کرنی چاہیے وہ بڑے آدمی ہیں، عمران خان نے کہا کہ آئندہ سال عید سے پہلے پشاور میں شوکت خانم اسپتال بھی شروع ہو جائے گا ۔

    ان کا کہنا تھا کہ لوگوں کے ذہن تبدیل ہو رہے ہیں اب بہت سی اہم شخصیات بھی اسپتال اور اسکول بنا کر عوام کی خدمت کر رہی ہیں۔ تقریب کے دوران ساڑھے نو کروڑ روپے کے عطیات جمع ہوئے۔

  • نیوزی لینڈ کے خلاف میچ ہارنے سے ٹیم کا مورال کم ہوا۔ محمد عامر

    نیوزی لینڈ کے خلاف میچ ہارنے سے ٹیم کا مورال کم ہوا۔ محمد عامر

    لاہور : فاسٹ بولر محمد عامرنےکہا ہے کہ سینیئر کھلاڑیوں کے نہ ہونے سے ٹیم کا توازن خراب ہوا اور  نیوزی لینڈ سے سیریز ہارنے سے  مورال کم ہوا۔

      تفصیلات کے مطابق فاسٹ بولر محمد عامر کا کہنا ہے کہ سینیئر کھلاڑیوں کے نہ ہونے سے ٹیم کا توازن خراب ہوا۔ نیوزی لینڈ کے خلاف ون ڈے سیریز ہارنے سے ٹیم کا مورال کم ہوا۔

    ان خیالات کا اظہار انہوں نے کینسر کے عالمی دن کے موقع  پر لاہور میں شوکت خانم اسپتال کا دورہ کےدوران کیا ۔ محمد عامرنے اسپتال میں بچوں کی عیادت کی اور ان میں تحائف تقسیم کئے ۔

    اس موقع پر محمد عامر نے کینسر کے مرض میں مبتلا بچوں کے ساتھ کرکٹ بھی کھیلی۔ میڈیا سے گفتگو کرتے ہوئے محمد عامر کا کہنا تھا کہ ورلڈ کپ سے پہلےنیوزی لینڈ کے خلاف میچ اہم تھے۔ ہارنے سے ٹیم کا مورال کم ہواہے ۔

  • دبئی: شوکت خانم اسپتال کی فنڈ ریزنگ چیریٹی ڈنر کی تقریب

    دبئی: شوکت خانم اسپتال کی فنڈ ریزنگ چیریٹی ڈنر کی تقریب

    دبئی: شوکت خانم اسپتال کی فنڈ ریزنگ چیریٹی ڈنر کی تقریب ہوئی, جس میں بوم بوم شاہد آفریدی سمیت پاکستان کرکٹ ٹیم کے کھلاڑیوں نے شرکت کی۔

    شوکت خانم اسپتال کی فنڈ ریزنگ چیریٹی ڈنر کی تقریب کے میزبانی فخرِعالم کر رہے تھے ، تقریب میں فخرعالم نے دبئی کے لوگوں سے درخواست کی کہ شوکت خانم اسپتال کی فنڈ ریزنگ میں مدد کریں، تقریب میں پاکستانی کرکٹ ٹیم کے ٹیسٹ کپتان مصباح الحق ، ٹی 20 کے کپتان شاہد آفریدی ، احمد شہزاد ، سہیل تنویر، عمر اکمل اور عمر گل نے شرکت کی۔

    shokat-khanum

    تقریب کے موقع پر مصباح الحق کا کہنا تھا کہ انشاء اللہ شوکت خانم اسپتال پشاور میں کامیاب ہوگا، شاہد آفریدی کا کہنا تھا کہ میری حمایت ہمیشہ انکے ساتھ رہے گی۔

    احمد شہزاد کا کہنا تھا کہ ہمیں عمران خان پر فخر ہے اور میری حمایت بھی ہمیشہ شوکت خانم اسپتال کے ساتھ ہے، ایسی تقریب میں آنے سے وقار بڑھتا ہے۔