شوگر ایڈوائزری بورڈ کی جانب سے ایک لاکھ میٹرک ٹن چینی برآمد کی سفارش کردی گئی، حتمی منظوری اقتصادی رابطہ کمیٹی دے گی۔
وفاقی وزیر صنعت و پیداوار رانا تنویر کی زیرِصدارت شوگر ایڈوائزری بورڈ کا اجلاس منعقد ہوا، اسلام آباد میں ہونیوالے اجلاس میں وزیر تجارت جام کمال خان بھی شریک تھے، اجلاس میں ملک میں چینی کے اسٹاک کی دستیابی اور قیمتوں کا جائزہ لیا گیا۔
جاری اعلامیے میں بتایا گیا کہ شوگر ایڈوائزری بورڈ نے ایک لاکھ میٹرک ٹن چینی ملک سے باہر بھیجنے کی کی سفارش کی ہے۔
6 سال کے دوران چینی کی فی کلو قیمت میں کتنا فیصد اضافہ ہوا؟ بڑا انکشاف
بیرون ملک چینی برآمد کی حتمی منظوری کابینہ کی اقتصادی رابطہ کمیٹی دے گی، وفاقی وزیر رانا تنویر حسین نے کہا کہ ملک میں سرپلس چینی موجودہے۔
رانا تنویرحسین نے کہا کہ چینی کی ایکس ملز پرائس میں کسی قسم کا اضافہ نہیں ہوگا، چینی کی برآمد کابینہ کی طرف سے طے شدہ شرائط پر کی جائے گی۔
