Tag: شوگر ملز

اسلام آباد : فیڈرل بورڈ آف ریونیو (ایف بی آر) نے 8 شوگر ملز میں اربوں روپے کی ٹیکس چوری پکڑ لی ، اور ملوں کے نام بھی سامنے آگئے۔

تفصیلات کے مطابق قومی اسمبلی کی قائمہ کمیٹی برائےخزانہ کا اجلاس ہوا، رکن کمیٹی عمر ایوب نےٹیکس چوری کرنے والی شوگرملز کی تفصیلات طلب کی تھیں۔

چیئرمین کمیٹی نوید قمر کو ٹیکس چور شوگر ملز اور ان کے جرمانے کی تفصیلات جمع کرادی گئیں۔

عمر ایوب نے ٹیکس چورشوگرملز کی تفصیلات ملتے ہی میڈیا کو فراہم کردیں، سرکاری دستاویز میں بتایا گیا ایف بی آر نے 8 شوگر ملز میں بڑی ٹیکس چوری پکڑ لی ہے۔

سرکاری دستاویز میں کہنا تھا کہ سکرنڈ شوگر مل، چمبر اور ڈگری، جوہرآباد اور تاندلیانوالہ، المعیز ، طارق کارپوریشن اورجڑانوالہ کیخلاف کارروائی کی گئی۔

دستاویز میں مزید بتایا گیا کہ سکرنڈ ملز کی 1200 چینی کی بوریاں اور چمبر ملز کی 150 میٹرک ٹن چینی ضبط کی گئی جبکہ ڈگری ملز کو سیل کر دیا گیا اور جوہرآباد ملز کے گودام کو تالہ لگادیا گیا۔

دستاویز کے مطابق تاندلیانوالہ شوگر ملز کے ویٹ برج ایریا کو سیل کردیا گیا۔

لاہور : شوگر ملز نے چینی کی قیمت کم کرنے سے انکار کردیا اور خبردار کیا حکومت قیمت کم کرنے کی کوشش کرے گی توچینی نہیں ملے گی۔

تفصیلات شوگر ملز مالکان اورحکومت کے درمیان چینی کی قیمت پرتنازع برقرار ہے، ذرائع نے بتایا کہ شوگر ملزنے140 روپے فی کلو چینی دینےسےانکار کر دیا، چینی کی قلت ہے عید پر مزید ریٹ بڑھ سکتے ہیں۔

شوگر مل کے نمائندوں نے خبردار کیا ہے کہ اگر حکومت پاکستان نے قیمتیں کم کرنے میں مداخلت کی تو مارکیٹ میں چینی کی سپلائی روک دی جائے گی۔

انہوں نے یہ نشاندہی کی کہ حکومت نے خود چینی کی برآمد کی اجازت دی ہے تو اب شکوہ کیوں؟ اس کے نتیجے میں پیدا ہونے والی قلت کی شکایت نہیں کرنی چاہیے۔

اس وقت ریٹیل مارکیٹوں میں چینی 170 سے 175 روپے فی کلو میں فروخت ہو رہی ہے۔ حکومت کی جانب سے قیمتوں کو مستحکم کرنے کی کوششوں کے باوجود کوئی خاص کمی دیکھنے میں نہیں آئی۔

خیال رہے کہ حکومت پاکستان نے ریٹ کے استحکام کی یقین دہانی پر شوگر ملز کو چینی برآمد کرنے کی اجازت دی تھی، ذرائع نے 14 مارچ کو بتایا کہ وزیر اعظم (پی ایم) شہباز شریف نے مہنگائی کا نوٹس لیتے ہوئے چینی کی ذخیرہ اندوزی کے خلاف کریک ڈاؤن کا حکم دیا تھا۔

شہباز شریف نے زور دے کر کہا تھا کہ چینی کی قیمتوں میں مصنوعی اضافے کے لیے چینی ذخیرہ اندوزی اور فرضی ٹریڈنگ برداشت نہیں کی جائے گی۔

وفاقی تحقیقاتی ادارے (ایف آئی اے) نے کرشنگ سیزن میں شوگر ملوں کی مانیٹرنگ کا فیصلہ کیا ہے۔

اے آر وائی نیوز کے مطابق ملک میں گنے کی کرشنگ کا سیزن شروع ہونے والا ہے اور ایف آئی اے نے کرشنگ سیزن مین ملک بھر میں شوگر ملوں کی مانیٹرنگ کا فیصلہ کیا ہے۔

اس سلسلے میں ایف آئی اے نے وزیراعظم شہباز شریف کی ہدایت پر خصوصی ٹیمیں بھی تشکیل دے دی ہیں۔ یہ ٹیمیں شوگر ملز میں چینی کی پیداوار اور اسٹاک کا ریکارڈ رکھیں گی۔

ایف آئی اے کا کہنا ہے کہ ٹیکس چوری روکنے کے لیے روانہ کی بنیاد پر ملز کی سیلز کا ریکارڈ بھی مرتب کیا جائے گا جب کہ شوگر ملز میں گنے کی آمد اور ٹرالیوں کی تعداد کا ریکارڈ بھی مرتب ہوگا۔

اس سلسلے میں لاہور زون کی ٹیمیں تین شوگر ملوں پر تعینات کر دی گئی ہیں اور ڈائریکٹر لاہور زون سرفراز خاں ورک نے میٹنگ میں ٹیموں کو ٹاسک سونپ دیے ہیں۔

ڈائریکٹر ایف آئی اے نے ٹیموں کو ہدایت کی ہے کہ وہ انتہائی ذمہ داری اور ایمانداری سے ڈیٹا مرتب کریں۔ ٹیکس چوری کو روکنا ایک اہم قومی فریضہ ہے اور اس میں کوئی کوتاہی برداشت نہیں کی جائے گی۔

واضح رہے کہ گزشتہ ماہ وزیراعظم شہباز شریف کی زیر صدارت اجلاس میں شوگر ملز اور ڈیلروں کی ٹیکس چوری کی روک تھام کے لیے تین اداروں کو مشترکہ کارروائیاں کرنے کی ذمے داری تفویض کی گئی تھی۔

https://urdu.arynews.tv/sugar-mills-and-dealers-shahbaz-sharif/

اسلام آباد : شوگر ملز نے حکومت سے چینی ایکسپورٹ کرنے کی اجازت دینے کا مطالبہ کردیا ، جس پر وزیراعظم شہباز شریف نے کہا ملک میں چینی کی قیمت میں اضافہ کسی صورت قبول نہیں۔

تفصیلات کے مطابق وزیراعظم شہباز شریف کی زیر صدارت چینی برآمد سے متعلق خصوصی اجلاس ہوا، اجلاس میں وزیر اعظم بریفنگ میں بتایا اگر چینی برآمد نہ ہوئی تو آئندہ سیزن میں شوگرملز دیوالیہ ہوجائیں گی اور آئندہ کرشنگ سیزن میں چالیس شوگر ملز بند ہوجائیں گی۔

بریفنگ میں کہا گیا کہ شوگر ملز نے رواں سیزن گنے کے کاشت کاروں کو آٹھ ارب روپے میں سے سات سو سٹھ ارب روپے ادا کیے، اگر چینی برآمد کی اجازت نہ ملی تو شوگر ملز نومبر میں کرشنگ نہیں کرسکیں گی۔

اجلاس میں مزید کہنا تھا کہ ملک میں پندرہ لاکھ ٹن چینی اضافی موجود ہے، اگر 5 لاکھ ٹن چینی ایکسپورٹ کی گئی تو چھبیس کروڑ ڈالر حاصل ہوں گے۔

وزیر اعظم نے کہا کہ چینی کی برآمد کا فیصلہ اقتصادی رابطہ کمیٹی کرے گی اور اقتصادی رابطہ کمیٹی کو ہدایت کی کہ چینی کے اسٹاک اور عالمی مارکیٹ کا جائزہ لے۔

شہباز شریف کا کہنا تھا کہ ملک میں چینی کی قیمت میں اضافہ کسی صورت قبول نہیں، شوگر ملز پورا سال چینی ایک سو چالیس روپے ایکس فیکٹری پرائس پر فراہمی کی یقین دہانی کرائیں۔