Tag: شوگر ملز مالکان

لاہور : حکومت اور شوگرایسوسی ایشن کے درمیان چینی ایکسپورٹ سے متعلق معاملات طے ہوگئے، وزارت خزانہ پیداوار اور فوڈ سیکیورٹی نے ایکسپورٹ کی کلیئرنس دے دی۔

تفصیلات کے مطابق شوگر ملز مالکان اور حکومت کے درمیان کرشنگ پر ڈیڈ لاک ختم ہوگیا ہے۔

ذرائع وزارت پیدوار نے بتایا ہے کہ حکومت اور شوگرایسوسی ایشن کے درمیان چینی ایکسپورٹ کے معاملات طے ہوگئے ، وزارت خزانہ پیداوار اور فوڈ سیکیورٹی نے ایکسپورٹ کی کلیئرنس دیدی۔

ذرائع کا کہنا تھا کہ 11لاکھ ٹن چینی سرپلس اعدادوشمار پر اتفاق ہو گیا، وزیر خزانہ اسحاق ڈارنے پیر کو چینی ایکسپورٹ پرسمری منگوا لی ہے ، سمری منگل کو ای سی سی اجلاس میں پیش کی جائے گی۔

ذرائع شوگرملزایسوسی ایشن نے کہا ہے کہ حکومت کا احسن فیصلہ ہے ،کسانوں کو ادائیگی ممکن ہو سکے گی ، 10لاکھ ٹن چینی برآمد سے ڈالر ملک میں آئیں گے۔

شوگرملز ایسوسی ایشن کا کہنا تھا کہ امید ہے یہ تنازع اگلے ہفتے مکمل ختم ہو جائے گا، حکومت کی یقین دہانی پر ہم نے کرشنگ شروع کردی۔

لاہور: ڈی جی اینٹی کرپشن گوہر نفیس کا کہنا ہے کہ محکمہ اینٹی کرپشن کسانوں کے ساتھ ہونے والے ناانصافی کا ازالہ کرےگا۔

تفصیلات کے مطابق اینٹی کرپشن پنجاب نے شوگر ملز مافیا کے گرد گھیرا مزید تنگ کرتے ہوئے صوبے بھر سے 44 شوگر ملز مالکان کو ریکارڈ سمیت طلب کر لیا۔

ڈی جی اینٹی کرپشن پنجاب نے کہا کہگنے کے کاشت کاروں کا استحصال ہرگز قبول نہیں، ملز مالکان کے خلاف بڑی تعداد میں شکایات موصول ہو رہی ہیں۔

گوہر نفیس کا کہنا تھا کہ پچھلے 2 ہفتوں میں ڈھائی ہزار شکایات موصول ہوئیں،متعین کردہ ریٹ سےکم قیمت کے حوالے سے 1363 شکایات آئیں،کاشت کاروں کورقم کی عدم ادائیگی سے متعلق 641 شکایات موصول ہوئیں۔

انہوں نے کہا کہ گنے کی غیر قانونی کٹوتی کے حوالے سے 503 شکایات موصول ہوئیں، زیادہ تر شکایات جنوبی پنجاب سے موصول ہوئیں۔

ڈی جی اینٹی کرپشن پنجاب کا مزید کہنا تھا کہ پنجاب بھرمیں گنے کے کاشت کاروں کے لیے کھلی کچہریوں کا اہتمام کر رہے ہیں،محکمہ اینٹی کرپشن کسانوں کے ساتھ ہونے والے ناانصافی کا ازالہ کرےگا۔