Tag: شوہر

فیصل آباد: شوہر نے اپنی بیوی پر تیزاب پھینک دیا ، وزیراعلیٰ نے واقعے کا نوٹس لیتے ہوئے فوری کارروائی کا حکم دے دیا۔

فیصل آباد کی تحصیل سمندری میں ایک دلخراش واقعے میں شوہر نے اپنی بیوی پر تیزاب پھینک دیا، جس کے نتیجے میں متاثرہ خاتون شدید جھلس کر زخمی ہو گئی۔

جھلس کرزخمی ہونیوالی خاتون ایشا الائیڈ اسپتال کےبرن وارڈمیں زیر علاج ہے۔

وزیراعلیٰ پنجاب مریم نواز نے واقعے کا فوری نوٹس لیتے ہوئے متاثرہ خاتون کو بہترین طبی سہولیات فراہم کرنے کی ہدایت دی اور ملزم کی فوری گرفتاری اور سخت کارروائی کے احکامات جاری کیے۔

وزیراعلیٰ کی ہدایت پر چیئرپرسن ویمن پروٹیکشن بھی اسپتال پہنچیں اور متاثرہ خاتون کی عیادت کی۔

مزید براں وزیراعلیٰ کی ہدایت پر سی پی او سے واقعے کی تفصیلی رپورٹ طلب کر لی گئی ہے، پنجاب حکومت نے واضح کیا کہ تیزاب گردی جیسے جرائم کسی صورت برداشت نہیں کیے جائیں گے۔

یاد رہے رواں ماہ کے آغاز میں جھنگ میں تھانہ مسن کی حدود میں تیزاب گردی کا لرزہ خیز واقعہ پیش آیا تھا، جہاں دو ملزموں نے فرسٹ ایئر کی طالبہ بشرا فاطمہ پر گھر میں گھس کر تیزاب پھینک دیا تھا۔

ریسکیو حکام کا کہنا تھا کہ طالبہ کا چہرہ بری طرح جھلس گیا جس کے بعد فوری طور پر ڈسٹرکٹ اسپتال منتقل کیا گیا تاہم اب وہ برن وارڈ میں زیرِ علاج ہے۔

پولیس کا کہنا تھا کہ واقعہ کے بعد دونوں ملزمان فرار ہوگئے، تفتیش جاری ہے

فیصل آباد: گھریلو جھگڑے پر شوہر نے دوسری بیوی کو قتل کرکے اپنے سر میں گولی مار گولی مار کر زندگی کا خاتمہ کرلیا۔

فیصل آباد کے علاقے کڑی ولا میں گھریلو جھگڑے پر شوہر نے دوسری بیوی کو قتل کر کے اپنے سر میں گولی مار کر خودکشی کر لی۔

پولیس نے بتایا محلہ عثمان غنی کے رہائشی محنت کش شہباز نے محلہ کڑی ولا کی رہائشی چار بچوں کی ماں بشریٰ سے دوسری شادی کر رکھی تھی ۔

حکام کا کہنا تھا کہ سوموار کے روز شہباز بشریٰ کے گھر گیا تو وہاں میاں بیوی کے مابین جھگڑا ہو گیا، شہباز نے تلخ کلامی کے بعد مشتعل ہو کر پستول سے بشریٰ پر فائرنگ کر دی، جس سے سر پر گولی لگنے سے وہ موقع پر ہی دم توڑ گئی ۔

مزید پڑھیں : شوہر نے ناراض بیوی کو گولی مار کرقتل کردیا

بعد ازاں ملزم شہباز نے اپنے سر میں بھی گولی مار کر اپنی زندگی ختم کر لی تاہم تھانہ نشاط آباد پولیس نے علاقہ مکینوں کی اطلاع پر پہنچ کر دونوں لاشیں پوسٹ مارٹم کے لئے الائیڈ اسپتال منتقل کر دیں۔

یاد رہے چند روز قبل شوہر نے ناراض بیوی کو گولی مارکر قتل کردیا ، مقتولہ شوہرسے ناراض ہو کرمیکے چلی گئی تھی۔

حکام کا کہنا تھا کہ احمد علی بیوی کو منانے میکے گیا تھا، جہاں میاں بیوی میں جھگڑا بڑھ گیا اور شوہر نے بیوی کو گولی مار کر قتل کردیا تھا۔

میاں چنوں: جوا کھیلنے والا شخص اپنی بیوی ہار گیا اور تاہم اہلیہ کے انکار پر جواری نے تشدد کا نشانہ بنایا۔

تفصیلات کے مطابق پنجاب کے ضلع خانیوال کی تحصیل میاں چنوں میں انسانیت سوز واقعہ سامنے آیا ہے، جہاں شوہر بیوی کو جوئے میں ہار گیا۔

خاتون نے جیتنے والے کے ساتھ جانے سے انکار کردیا تاہم اہلیہ کے انکار پر جواری نے تشدد کیا۔

پولیس کا کہنا ہے کہ واقعے کا مقدمہ درج کرلیا گیا ہے ، واقعہ نواحی علاقہ 46 پندرہ ایل میں پیش آیا۔

یاد رہے چند سال قبل چنیوٹ میں جواری شوہر اپنی بیوی کو جوئے میں ہار گیا تھا تاہم خاتون نے جواریوں کے ساتھ تعلقات بنانے کے انکار کیا تو تیز دھار آلے سے اس کا چہرہ بگاڑ دیا۔

مہوش نے پولیس کو بیان دیا تھا کہ میں نویں کلاس کی طالبہ ہوں پیپر دینے کیلئے اپنے میکے گئی ہوئی تھی، گزشتہ رات علی رضا مجھے واپس گھر لے گیا اور جوئے میں مجھے ہارگیا تھا، جب دوستوں کے ساتھ وقت گزارنے کا کہا، میرے انکار پرعلی رضا غصے میں آگیا اور مجھے کمرے میں بند کردیا، شوہر نے تیز دھار آلے سے میرے چہرے پر کٹ لگائے۔

ڈسکہ : شوہر  نے بیوی کو قتل کرکے لاش پڑوس کے گھر میں پھینک دی، مقتولہ تین ماہ کی ایک بچی کی ماں تھی۔

تفصیلات کے مطابق پنجاب کے شہر ڈسکہ میں افسوسناک واقعہ پیش آیا، جہاں شوہر نے چھوٹے بھائی کیساتھ ملکر تشدد کر کے بیوی کوقتل کردیا۔

پولیس نے بتایا کہ ملزم نے قتل کے بعد لاش اپنے گھرسے نکال کرپڑوس کے گھر میں پھینک دی۔

بھمبرآزادکشمیرکی لاریب کی ایک سال قبل ہپوگڑھا کے سفیان سےشادی ہوئی تھی ، مقتولہ تین ماہ کی ایک بچی کی ماں تھی تاہم لاش سول اسپتال منتقل کردی گئی ہے۔

مزید پڑھیں : دوسری شادی سے منع کرنے پر شوہر نے بیوی کو قتل کردیا

یاد رہے گذشتہ ماہ پاکپتن کے گاؤں امرسنگھ میں دوسری شادی سے منع کرنے پر شوہر نے بھائی کے ساتھ مل کر بیوی کو قتل کردیا۔

تفصیلات کے مطابق پاکپتن کے گاؤں امر سنگھ میں دوسری شادی سے منع کرنے پر شوہر نے بھائی کے ساتھ مل کر بیوی کو قتل کردیا تھا۔

پولیس کا کہنا تھا کہ ملزم خالد نے بھائی ساجد کے ساتھ ملکر بیوی کو فائرنگ کر کے قتل کیا، ڈی پی او کے نوٹس پر پولیس نے دونوں ملزمان کو گرفتار کرلیا ہے جبکہ دونوں ملزمان کے خلاف مقدمہ بھی درج کرلیا گیا تھا۔