چنیوٹ : شوہر کو قتل کر کے گیس سلنڈر دھماکے کا ڈرامہ کرنے والی بیوی کو ساتھیوں سمیت گرفتار کرلیا گیا، ملزمہ شوہر سے طلاق لینا چاہتی تھی، نہ دینے پر قتل کرنے کا منصوبہ بنایا۔

تفصیلات کے مطابق چنیوٹ میں شوہر کو قتل کر کے گیس سلنڈر دھماکے کا ڈرامہ کرنے والی بیوی سمیت 3 ملزمان کو گرفتار کرلیا گیا۔

پولیس نے بتایا کہ تھانہ لالیاں پولیس کوچندروزقبل سلنڈردھماکےسےہلاکت کی اطلاع ملی تھی، دوران تحقیقات انکشاف ہوا حادثاتی موت نہیں گلہ دبا کر قتل کیا گیا۔

پولیس کا کہنا تھا کہ مقتول عمران کی بیوی نےبھائی ،دوست کےہمراہ شوہرکونشہ آورگولیاں دیکرقتل کیا، ملزمان نے لاش کچن میں رکھ کر گیس سلنڈر لیک کرکے آگ لگا دی۔

حکام کے مطابق ملزمان نے لاش کوآگ لگا کر حادثاتی موت کا ڈرامہ رچایا، ملزمہ شوہرسےطلاق لیناچاہتی تھی،نہ دینےپرقتل کرنےکامنصوبہ بنایا۔

تلمبہ: پنجاب کے شہر میں بیوی نے شوہر کو قتل کرکے لاش صحن میں دفنا دی۔

تفصیلات کے مطابق پنجاب کے شہر تلمبہ کے نوری سہاگ میں مبینہ طور پر بیوی نے شوہر کو قتل کردیا، پولیس نے مقتول سجاد شاہ کی بیوی  کو گرفتار کر لیا، بیوی نے خاوند کو قتل کرکے لاش صحن میں دفنا دی تھی۔

پولیس کا کہنا ہے کہ مقتول کی لاش گھر کے صحن سے نکال کر اسپتال منتقل کر دی ہے تاہم قتل کرنے کہ وجہ معلوم نہیں ہوسکی ہے۔

ضلع بنوں کے مختلف علاقوں میں فائرنگ کے واقعات میں 4 افراد جاں بحق ہوگئے۔

تفصیلات کے مطابق صوبہ خیبر پختونخوا کے جنوب میں ضلع بنوں کے مختلف علاقوں میں فائرنگ کے واقعات میں جس سے 4 افراد کی جان چلی گئی۔

بنوں کے بائی یست خیل میں گھریلو ناچاقی پر بیوی نے شوہر کو قتل کر دیا جبکہ میر والی کلہ میں  پستول صاف کرنے کے دوران گولی چلنے سے ایک شخص جاں بحق ہوگیا۔

پولس کا کہنا ہے کہ متوفی کا بھائی پستول صاف کررہا تھا کہ پستول گرنے سے گولی چل گئی، دوسری جانب تھانہ ہوید میں بھتہ نہ دینے  پر 2 فریقین میں فائرنگ ہوئی۔

پولیس کا بتانا ہے کہ فائرنگ کے تبادلے میں پولیس اہلکار سمیت 2 افراد جاں بحق ہوگئے،  پولیس نے ان تمام واقعات کے الگ الگ مقدمات درج کر لیے ہیں۔