کراچی : شہر قائد میں قتل کا اندوہناک واقعہ پیش آیا ہے جس میں بیوی نے اپنے ہی خاوند کو گولی مار کر اس کی زندگی کا خاتمہ کردیا، پولیس نے ملزمہ کو گرفتار کرلیا۔
تفصیلات کے مطابق کراچی کے علاقے گولیمار کھجی گراؤنڈ میں بیوی نے فائرنگ کرکے شوہر کو قتل کردیا۔
اس حوالے سے پولیس حکام کا کہنا ہے کہ مقتول کی شناخت45سالہ ضیاءاللہ کے نام سے ہوئی ہے، جس کی لاش تحویل میں لے کر پوسٹ مارٹم کیلئے اسپتال منتقل کردیا گیا ہے۔
پولیس کے مطابق اطلاع ملتے ہی دوری کارروائی کرتے ہوئے ملزمہ ماہم کو گرفتار کرلیا گیا اور اس کے قبضے سے واردات میں استعمال کیا جانے والا اسلحہ بھی برآمد کرلیا گیا ہے۔
گھریلو جھگڑے کے دوران ہونے والا واقعہ رضویہ تھانے کی حدود میں پیش آیا، واقعے کی مزید تفتیش کی جارہی ہے۔
