ARYNews.tv | Urdu – Har Lamha Bakhabar

Tag: شکار

  • ’بابر اور رضوان اندرونی سیاست کا شکار ہوئے‘

    ’بابر اور رضوان اندرونی سیاست کا شکار ہوئے‘

    (20 اگست 2025): راشد لطیف نے بابر اعظم اور محمد رضوان کے ایشیا کپ اسکواڈ سے اخراج کو اندرونی سیاست کا شاخسانہ قرار دیا ہے۔

    اگلے ماہ یو اے ای میں ہونے والے ایشیا کپ کے لیے قومی اسکواڈ میں پاکستان کے سابق کپتان اور ریکارڈ ساز بلے باز بابر اعظم اور محمد رضوان کو ڈراپ کیا گیا ہے، جس پر مختلف حلقے تعجب کا اظہار اور سلیکشن کمیٹی کے فیصلے پر تنقید کر رہے ہیں۔ اب پاکستان ٹیم کے سابق کپتان اور بے لاگ اپنا موقف پیش کرنے والے راشد لطیف بھی اس پر بول پڑے ہیں۔

    راشد لطیف نے خلیج ٹائمز کو دیے گئے ایک انٹرویو میں بابر اعظم اور محمد رضوان کے ٹیم سے اخراج کو اندرونی سیاست کا شاخسانہ قرار دیتے ہوئے کہا ہے کہ دونوں کی حالیہ کارکردگی میں کمی ضرور آئی ہے، لیکن انہیں صرف کرکٹنگ وجوہات نہیں بلکہ سیاست کی بنا پر ایشیا کپ کے اسکواڈ سے باہر کیا گیا ہے۔

    سابق کپتان کا کہنا تھا کہ پاکستان اس وقت آئی سی سی ٹی 20 رینکنگ میں آٹھویں نمبر پر ہے۔ ایسے وقت میں بابر اور رضوان جیسے کھلاڑیوں کو نظر انداز کرنا سمجھ سے بالاتر ہے، کیونکہ ہمارے پاس کوئی ڈان بریڈ مین جیسا بلے باز تو ہے نہیں۔

    راشد لطیف نے ایک بار پھر اپنا موقف دہراتے ہوئے کہا کہ پی سی بی میں جاری کھینچا تانی اور باہمی سیاست نے ملک کے دو بہترین کھلاڑیوں کو ذہنی طور پر نقصان پہنچایا، جس نے ان کی کارکردگی کا گراف بھی گرایا۔

    انہوں نے بابر اعظم کے اسٹرائیک ریٹ پر سوال اٹھانا بھی ناانصافی ہے کیونکہ کرکٹ میں محض اسٹرائیک ریٹ سب کچھ نہیں ہوتا، کھیل کی سمجھ سب سے اہم ہے۔

    ساتھ ہی امید ظاہر کی کہ بابر اپنے مسائل پر قابو پاتے ہوئے جلد دوبارہ وہی بیٹر بنیں گے جو دنیا کے بہترین کھلاڑیوں کی فہرست میں شامل تھا۔ لیکن یہ تب ہی ممکن ہے کہ انہیں سیاست اور غیر ضروری دباؤ سے آزاد کیا جائے۔

    سابق کپتان نے ٹی 20 ورلڈ کپ 2024 کے لیے دوبارہ ٹیم کی قیادت قبول کرنے کو بابر اعظم کی سب سے بڑی غلطی قرار دیتے ہوئے کہا کہ ان کے اس فیصلے نے ان کی بیٹنگ فارم کو بری طرح متاثر کیا۔

  • ندا ڈار ذہنی مسائل کا شکار، کرکٹ سے بریک لے لیا

    ندا ڈار ذہنی مسائل کا شکار، کرکٹ سے بریک لے لیا

    پاکستان ویمن کرکٹ ٹیم کی سابقہ کپتان ندا ڈار ذہنی مسائل کا شکار ہو گئیں۔

    پاکستان کرکٹ ٹیم کی سابقہ کپتان نے سوشل میڈیا پر ایک پیغام جاری کیا ہے جس میں ندا ڈار نے بتایا کہ انہوں نے مینٹل ہیلتھ کے ایشو پر کرکٹ سے بریک لے لیا۔

    ندا ڈار ذہنی مسائل کا شکار، کرکٹ سے بریک لے لیا

    ندا ڈار نے کہا کہ پچھلے کچھ عرصے میں میری ذات اور پروفیشن کے حوالے سے بہت کچھ ہوا، ان معاملات کی وجہ سے میری ذہنی صحت پر بہت اثر پڑا ہے۔

    ان کا کہنا ہے کہ اس وجہ سے میں کرکٹ سے بریک لے رہی ہوں تاکہ اپنے اوپر فوکس کرسکوں، میری پرائیویسی کا خیال رکھنے کی درخواست ہے۔

    واضح رہے کہ سابق کپتان کو آئی سی سی ویمن کرکٹ ورلڈ کپ کوالیفائر کے لیے کیمپ میں بلایا گیا تھا جس کے لیے ان کا فٹنس ٹیسٹ لیا گیا  اور فٹنس کی بنیاد پر ندا ڈار کو ٹیم میں شامل نہیں کیا گیا تھا۔

  • سچن ٹنڈولکر بھی ڈیپ فیک ویڈیو کا شکار

    سچن ٹنڈولکر بھی ڈیپ فیک ویڈیو کا شکار

    بھارت کے لیجنڈری کھلاڑی و سابق کپتان سچن ٹنڈولکر بھی ڈیپ فیک ویڈیو کا شکار ہوگئے۔

    سابق کپتان سچن ٹنڈولکر  نے ایکس پر اپنی جعلی ویڈیو شیئر کی اس ڈیپ فیل ویڈیو میں کھلاڑی کو آن لائن گیمنگ ایپ کی تشہیر کرتے ہوئے دیکھا جاسکتا ہے۔

    گیمنگ ایپ کی تشہیر کے لیے بنائی گئی اس جعلی ویڈیو میں سچن ٹنڈولکر کی ویڈیو اور آواز کا استعمال کیا گیا ہے۔

    پریانکا چوپڑا کی ڈیپ فیک ویڈیو منظر عام پر آگئی

    سابق کپتان سچن ٹنڈولکر نے ویڈیو کے کیپشن میں اپنے مداحوں کو جعلی ویڈیو کے حوالے سے آگاہ کرتے ہوئے لکھا کہ ’یہ ویڈیوز جعلی ہے‘۔

    سچن  نے ٹیکنالوجی کے غلط استعمال پر تشویش کا اظہار کرتے ہوئے کہا کہ ٹیکنالوجی کا مسلسل غلط استعمال کیا جارہا ہے جو کہ ایک پریشان کن بات ہے۔

    انہوں نے کہا کہ  میری صارفین سے درخواست ہے کہ اس طرح کی تمام ایپس، اشتہارات اور ویڈیوز کو بڑی تعداد میں رپورٹ کریں ساتھ ہی سابق کھلاڑی نے سوشل میڈیا پلیٹ فارمز سے اپیل کرتے ہوئے کہا کہ اس طرح کی جعلی ویڈیوز کے خلاف فوری کارروائی کی جائے۔

    رشمیکا مندانہ کے بعد عالیہ بھٹ کی ڈیپ فیک ویڈیو وائرل

    بھارت کے سابق کپتان سچن ٹنڈولکر  نے لکھا کہ سوشل میڈیا پلٹ فارمز صارفین کی شکایات پر چاکنا رہیں، ان کی جانب سے کئے گئے فوری اقدامات ہی اس طرح کی ڈیپ فیک اور غلط معلومات کے پھیلاؤ کو روک سکتے ہیں۔

    واضح رہے کہ کھلاڑی سچن ٹنڈولکر سے قبل ان کی بیٹی سارہ ٹنڈولکر، بھارتی اداکارائیں عالیہ بھٹ، رشمیکا اور پرینکا بھی جعلی ویڈیوز اور تصاویر کا شکار ہوچکی ہیں۔

  • پاکستان میں ہر 5 میں سے 1 بچہ غذائی قلت کا شکار

    پاکستان میں ہر 5 میں سے 1 بچہ غذائی قلت کا شکار

    اسلام آباد: نگراں وفاقی وزیر صحت ڈاکٹر ندیم جان نے کہا ہے کہ پاکستان میں ہر 5 میں سے 1 بچہ غذائی قلت کا شکار ہے۔

    نگراں وفاقی وزیر صحت ڈاکٹر ندیم جان نے کانفرنس سے خطاب کرتے ہوئے بتایا کہ پاکستان میں ہر 5 میں سے 1 بچہ غذائی قلت کا شکار ہے، پاکستان میں 22 فیصد بچے پیدائش کے وقت کم وزن کیساتھ پیدا ہوتے ہیں۔

    وزیر صحت کا کہنا ہے کہ غذائی قلت کے حالات کسی صورت حوصلہ افزا نہیں ہیں، پاکستان میں 10  سال قبل تک بھی صحت اور غذا کے حوالے سے بہتری کی شرح انتہائی کم  تھی۔

    ڈاکٹر ندیم جان نے کہا کہ سیاسی حکومتوں نے غذا اور صحت پرکم دھیان اور وسائل لگائے، شہریوں کی آگاہی کے حوالے سے بھی تاحال ہم اچھے نتائج حاصل نہیں کرسکے، ہمیں ملکر ماں اور بچے کی صحت پر کوششیں کرنی ہونگی۔

    واضح رہے کہ غربت، بھو ک، افلاس انسان سے جینے کا حق چھین لیتی ہیں۔ یہ ایک تلخ حقیقت ہے پاکستان میں غربت دن بدن بڑھتی چلی جارہی ہے اور اسی غربت کی ہی وجہ سے لوگوں کو مشکل سے دو وقت کی روٹی نصیب ہوتی ہے۔

  • ہالی وڈ فلم ’ڈیون‘ پارٹ 2 تاخیر کا شکار ہوگئی؟

    ہالی وڈ فلم ’ڈیون‘ پارٹ 2 تاخیر کا شکار ہوگئی؟

    ہالی وڈ انڈسٹری کے وارنر برادرز اسٹوڈیو  نے ہالی وڈ اداکاروں کی ہڑتال کی وجہ سے ’ڈیون‘ اور ‘لارڈ آف دی رنگز’ فلم کو نومبر میں ریلیز نہ کرنے کا اعلان کیا ہے۔

    رپورٹ کے مطابق ہالی وڈ کے  وارنر برادرز مووی اسٹوڈیو کے ریکارڈ بجٹ میں بننے والی سیکوئل  ڈیون کو نومبر کے بجائے اب مارچ 2024 میں ریلیز  کیا جائے گا۔

    وارنر اسٹوڈیو کے ترجمان کے مطابق ہالی وڈ کے اداکار اس وقت ہرتال پر ہیں جس کی وجہ سے فلم کی تشہیر نہیں ہوسکی ہے اس لیے فلم کی ریلیز تاریخ کو موخر کرنے کا فیصلہ کیا گیا ہے۔

    فرینک ہربرٹ کے 1965 کے ناول پر مبنی ایک سائنسی سیکوئل ’ڈیون‘ میں ہالی وڈ کی معروف اداکارہ زینڈیا اور ٹیموتھی نے مرکزی کردار ادا کیا ہے۔

    رپورٹ کے مطابق اس فیصلے سے ہالی وڈ کے بڑے سینیماز کو ایک بڑا دھچکا لگا ہے، کیوں کہ کرونا وبا کے بعد اب سنیما گھروں کی رونق بحال ہوئی تھی ساتھ ہی ڈیون کی ریلیز سے توقع کی جارہی تھی سنیما کی رونق مکمل طور پر واپس لوٹ آتی۔

    دوسری جانب ہالی وڈ کی ایک اینیمیٹڈ "لارڈ آف دی رِنگز” فلم بھی اب  دسمبر 2024 میں ریلیز کی جائے گی، اس کے علاوہ ہالی وڈ کی متعدد فلموں کو اداکاروں کی ہرتال کی وجہ سے مؤخر کردیا گیا ہے۔

    وبائی امراض کے دوران 2021 میں ریلیز ہونے والی ’ڈیون ‘ نے عالمی باکس آفس پر 402 ملین ڈالر کا بزنس کیا تھا، اس کے علاوہ فلم ’دی لارڈ آف دی رنگز‘ کی 2001 سے 2003 تک ریلیز ہونے والی تین فلموں نے باکس آفس پر دو اعشاریہ 991 بلین ڈالرز کا بزنس کیا تھا۔

    واضح رہے کہ ہالی وڈ کی فلم ’باربی‘ اور اوپن ہائمر نے کرونا وبا کے بعد انڈسٹری کو دوبارہ سے پروان چڑھانے میں بہترین کردار ادا کیا ہے لیکن اس سال بھی باکس آفس میں مجموعی طور پر فلمیں وبائی امراض سے پہلے کی سطح سے نیچے ہیں۔

    یاد رہے کہ ہالی وڈ کے ہزاروں اداکاروں کی یونین کی جانب سے اسٹریمنگ جائنٹ کے ساتھ مذاکرات کیلئے دی گئی ڈیڈلائن ختم ہونے کے بعد مطالبات تسلیم نہ ہونے پر ہڑتال پر ہیں۔

  • شکار کے لیے آنے والی شیرنی بھینسوں کے نرغے میں، عبرت ناک انجام

    شکار کے لیے آنے والی شیرنی بھینسوں کے نرغے میں، عبرت ناک انجام

    بھینس شیروں کا پسندیدہ شکار ہوتی ہے کیونکہ ایک بھینس شکار کرنے کے بعد شیر کو کم از کم اگلے 5 دن تک شکار کی ضرورت نہیں پڑتی، اس ایک بھینس کا گوشت ہی اس کے لیے کئی دن تک کافی ہوتا ہے۔

    تاہم سوشل میڈیا پر وائرل دل دہلا دینے والی ایک ویڈیو میں بھینسوں نے اپنے شکار کے لیے آنے والی ایک شیرنی کو عبرت کا نشان بنا دیا۔

    شیرنیاں جو پورے جتھے کے لیے شکار کرتی ہیں عموماً اپنے بچوں کے ساتھ شکار کے لیے نکلتی ہیں، بچے اپنی ماں کو دیکھ کر شکار کرنا سیکھتے ہیں اور اس سیکھنے کی عمر تقریباً 16 ماہ ہوتی ہے۔

    حال ہی میں سوشل میڈیا پر وائرل ایک ویڈیو میں دیکھا جاسکتا ہے کہ ایک شیرنی اور اس کے بچے کو بھینسںوں کے ریوڑ نے گھیر لیا۔

    بھینسوں نے شیرنی پر حملہ کیا اور اسے فضا میں فٹ بال کی طرح اچھال دیا، جبکہ ننھے شیر کو بھی چند بھینسوں نے نہایت بے دردی سے ٹکر مار کر ایک طرف پھینک دیا۔

     

    View this post on Instagram

     

    A post shared by Earth Reels (@earth.reel)

    سوشل میڈیا پر ویڈیو وائرل ہونے کے بعد صارفین کا کہنا تھا کہ بھینسوں کے بدلے کا وقت آن پہنچا، شیرنی کو اپنے کیے کی سزا مل گئی۔

  • شیروں کا جتھہ زرافے پر حملہ آور، زرافے نے کیسے جان بچائی؟

    شیروں کا جتھہ زرافے پر حملہ آور، زرافے نے کیسے جان بچائی؟

    جنگلات میں شیر عموماً ایسے جانوروں کو اپنا شکار بناتے ہیں جنہیں وہ آسانی سے قابو کرسکیں، لیکن بعض اوقات وہ اپنے سے بڑے کسی جانور پر بھی حملہ کردیتے ہیں تاہم منہ کی کھاتے ہیں۔

    ایسی ہی ایک ویڈیو سوشل میڈیا پر تیزی سے وائرل ہورہی ہے۔

    شیر کی شکار کی حکمت عملی یہ ہوتی ہے کہ جس پر حملہ کرے اس کی گردن کو نشانہ بنائے تاکہ وہ جانور بے بس ہوسکے، اگر کبھی اسے چھوٹا جانور نہ مل سکے تو وہ اپنے سے بڑے جانور کی طرف بھی لپکتا ہے، لیکن ایسی صورت میں وہ بچے، حاملہ یا کمزور جانور کو نشانہ بناتا ہے۔

    غالباً ان میں سے کوئی جانور شیروں کے اس جتھے کو ہاتھ نہ لگا تب ہی اس ویڈیو میں دیکھا جاسکتا ہے کہ وہ ایک صحت مند زرافے پر حملہ کرتے ہیں۔

    3 سے 4 شیر ایک ایک کر کے زرافے کی پشت سے اس پر جھپٹتے ہیں لیکن زرافہ اپنی لمبی ٹانگوں سے زوردار دھکے دے کر انہیں ہٹا دیتا ہے۔

     

    View this post on Instagram

     

    A post shared by Wildlife Stories (@wildlife_stories_)

    شیروں کی کوشش ہے کہ وہ زرافے کی گردن تک پہنچ سکیں لیکن زرافے کی روز دار ککس سے وہ اپنے مقصد میں ناکام رہتے ہیں۔

    سوشل میڈیا پر اس ویڈیو کو ہزاروں افراد کی جانب سے دیکھا اور پسند کیا گیا ہے۔

  • شکار کو پکڑنے کے لیے تیندوے کی خطرناک چھلانگ، ویڈیو وائرل

    شکار کو پکڑنے کے لیے تیندوے کی خطرناک چھلانگ، ویڈیو وائرل

    چیتے اور تیندوے کی تیز رفتاری نہایت غیر معمولی ہے اور انسان تو کیا کئی جانور بھی ان کا مقابلہ کرنے میں ناکام رہتے ہیں، اور جب بات ہو شکار پکڑنے کی تو ان کی پھرتی اور رفتار میں اور بھی اضافہ ہوجاتا ہے۔

    بھارت میں سوشل میڈیا پر وائرل ہونے والی ایک ویڈیو میں بھی دیکھا جاسکتا ہے کہ تیندوا کس طرح اپنے شکار تک پہنچنے کے لیے تیز رفتاری دکھاتا ہے۔

    یہ ویڈیو ایک بھارتی فاریسٹ افسر نے شیئر کی جو دیکھتے ہی دیکھتے وائرل ہوگئی۔

    ویڈیو میں دیکھا جاسکتا ہے کہ نصف رات کے وقت سنسان گلی میں تیزی کے ساتھ ایک جانور جو بظاہر بلی دکھائی دیتی ہے، اپنی جان بچانے کے لیے جالی والے دروازے کے اندر سے بھاگتی ہوئی نکل گئی۔

    بلی کی اس رفتار سے یوں لگتا ہے جیسے اسے پیچھے کوئی خطرہ ہے، اور اگلے ہی لمحے وہ خطرہ دکھائی دے جاتا ہے، ایک تیندوا اپنے شکار کو قابو کرنے کے لیے خطرناک تیز رفتاری سے دوڑ رہا ہے۔

    اگلے ہی لمحے ویڈیو دیکھنے والے حیرت میں مبتلا ہوجاتے ہیں جب تیندوا جالی والے دروازے سے چند قدم دور چھلانگ لگاتا ہے اور جست لگا کر تقریباً 5 فٹ بلند دروازہ پار کرلیتا ہے۔

    تیندوے کی اس پھرتی کو دیکھ کر یہ کہنا مشکل نہیں کہ بیچاری بلی شاید ہی اپنی جان بچا پائی ہو۔

    سوشل میڈیا پر 9 سیکنڈز کی اس وائرل ویڈیو پر دلچسپ تبصرے کیے جارہے ہیں، کوئی بلی سے اظہار ہمدردی کر رہا ہے تو کوئی تیندوے کی اس صلاحیت پر حیران ہے۔

    یاد رہے کہ تیندوا 20 فٹ تک بلند کسی شے کو چھلانگ لگا کر پار کرسکتا ہے جبکہ ہوا میں 10 فٹ بلند چھلانگ لگا سکتا ہے۔

  • دنیا کا نایاب ترین سفید زرافہ شکاریوں کے ہاتھوں ہلاک

    دنیا کا نایاب ترین سفید زرافہ شکاریوں کے ہاتھوں ہلاک

    نیروبی: شمالی افریقی ملک کینیا میں دنیا کے 2 نہایت نایاب سفید زرافوں کا شکار کرلیا گیا، ان زرافوں کی تعداد دنیا بھر میں صرف 3 تھی اور ان دو زرافوں کی موت کے بعد اب اپنی نوعیت کا ایک ہی زرافہ واحد بچا ہے۔

    کینیا میں ماحولیات کے لیے کام کرنے والی تنظیموں کے مطابق پولیس کو مادہ زرافے اور اس کے بچے کی باقیات شمالی مشرقی کینیا کی گریسا کاؤنٹی سے ملیں۔ یہ تلاش ماں اور بچے کے لاپتہ ہونے کے بعد عمل میں لائی گئی تھی۔

    اب ان کے بعد اس نوعیت کا صرف ایک زرافہ بچا ہے جو تنزانیہ میں ہے اور دنیا بھر میں پایا جانے والا واحد سفید زرافہ ہے۔

    تنزانیہ میں بچنے والا دنیا کا واحد سفید زرافہ

    مقامی تنظیموں کے مطابق ان زرافوں کو سب سے پہلے 2017 میں دیکھا گیا تھا، علاوہ ازیں تنزانیہ میں موجود سفید زرافہ اس سے قبل 2016 میں دیکھا گیا تھا۔

    ان تنظیموں کے ساتھ مقامی اسحٰق بنی ہیرولا کمیونٹی بھی جانوروں کی رکھوالی اور حفاظت کے کام میں شریک تھی اور ان کے مطابق یہ ان کی زندگی کا دکھ بھرا دن ہے۔

    ان لوگوں کے مطابق ان کی کمیونٹی ان نایاب زرافوں کی رکھوالی کرنے والی دنیا کی واحد کمیونٹی ہے۔

    شکار ہونے والا زرافہ

    ماہرین کا کہنا ہے کہ یہ نایاب زرافے ایک جینیاتی بگاڑ لیوک ازم کا شکار تھے۔ اس بیماری میں خلیوں میں موجود رنگ دینے والے پگمنٹس کم ہوجاتے ہیں۔

    یہ بیماری البانزم (یا برص) سے مختلف ہے، ایک مرض جسم کو جزوی طور پر سفید کرتا ہے جبکہ دوسرا جسم کو مکمل طور پر سفید کردیتا ہے۔ اس کی الٹ بیماری میلینزم کی ہے جس میں رنگ دینے والے پگمنٹس نہایت فعال ہوتے ہیں اور جانور کا جسم مکمل سیاہ ہوجاتا ہے۔

    افریقہ کی وائلڈ لائف فاؤنڈیشن کے مطابق گزشتہ 30 سال میں گوشت اور کھال کے لیے زرافوں کا بے تحاشہ شکار کیا گیا ہے جس سے زرافوں کی آبادی میں 40 فیصد کمی واقع ہوئی ہے۔

    عالمی ادارہ برائے تحفظ ماحولیات (آئی یو سی این) کے مطابق سنہ 1985 میں زرافوں کی آبادی 1 لاکھ 55 ہزار تھی جو سنہ 2015 تک گھٹ کر صرف 97 ہزار رہ گئی۔

  • امریکی شہری کو مارخور کے شکار سے روک دیا گیا

    امریکی شہری کو مارخور کے شکار سے روک دیا گیا

    پشاور: خیبرپختونخوا کے ضلع چترال میں مارخور کے شکار میں مداخلت پر تین افراد کے خلاف مقدمہ درج کرلیا گیا۔

    تفصیلات کے مطابق ڈی ایف او چترال کا کہنا ہے کہ امریکن شکاری مارخور کے شکار کے لیے ٹوشی ٹو آیا تھا، شکار سے پہلے شہری نے ہوائی فائرنگ کرکے جانوروں کو بھگادیا۔ تاہم مقدمہ درج کرلیا گیا۔

    شہری کی فائرنگ کی وجہ سے امریکن شکاری کو جگہ تبدیل کرنا پڑی، اس وقت تک شکار بھاگ چکا تھا۔ امریکن شہری کو ایک لاکھ50 ہزار ڈالر کے عوض ٹرافی ہنٹ کا پرمٹ دیا گیا تھا۔ جو پورا نہ ہوسکا۔

    خیال رہے کہ 8 جنوری کو گلگت بلتستان میں مارخور کی ٹرافی ہنٹنگ ہوئی تھی جس میں 83 ہزار 5 سو ڈالر میں مارخور کا شکار کیا۔ اسپینش شکاری نے 83500 امریکی ڈالرز فیس دے کر شکار کیا تھا۔

    83 ہزار 5 سو ڈالر میں مارخور کا شکار

    اس سے قبل گزشتہ سال 12 دسمبر کو گلگت بلتستان کے ضلع اسکردو میں اٹلی کے شہری نے سیزن کا پہلا مارخور شکار کیا گیا تھا۔ اٹلی کے شہری کارلوپاسکو نے 85 ہزار امریکی ڈالر فیس دے کر مارخور شکار کیا۔

    محکمہ جنگلی حیات کا کہنا تھا کہ شکار فیس کی 80 فیصد رقم مقامی آبادی اور 20 فیصد رقم حکومت کو دی جائے گی۔