شکار پور: لاڑکانہ بائی پاس پر ایک ہی خاندان 4 افراد کو قتل کردیا گیا ، حملے کی وجہ پرانا تنازع بتایا جارہا ہے۔
تفصیلات کے مطابق شکارپور میں لاڑکانہ بائی پاس پر فائرنگ کے واقعے میں 4افراد جاں بحق ہوگئے۔
پولیس کا کہنا ہے جاں بحق چاروں افراد کا تعلق ایک ہی برادری سے ہے، حملے کی وجہ پرانا تنازع بتایا جارہا ہے۔
فائرنگ کے بعدملزمان فرارہوگئے تاہم لاشیں اسپتال منتقل کردی گئیں ہیں اور ملزمان کی گرفتاری کے لئے ٹیم تشکیل دے دی گئی ہے۔
یاد رہے 6 مئی کو گوجرانوالہ کے گاؤں ارتالی ورکاں میں دیرینہ ذاتی دشمنی کے باعث فائرنگ سے پانچ افراد جاں بحق ہو گئے تھے۔
مزید پڑھیں : گوجرانوالہ: سابقہ رنجش پر فائرنگ سے 5 افراد قتل
پولیس حکام کے مطابق حملہ آور نے مبینہ طور پر حویلی میں سوئے ہوئے مکینوں پر فائرنگ کی م جس کے نتیجے میں عثمان ورک، اس کے دو بندوق بردار اور دو ساتھی ہلاک ہوگئے۔ عمران، جو عثمان کا چچا ہے، موقع سے فرار ہو گیا۔
اس سے قبل ندھ کوٹ میں جاگیرانی اور چاچڑ قبائل کے درمیان دیرینہ دشمنی پر فائرنگ کے نتیجے میں 9 افراد جاں بحق ہوگئے تھے۔
جاں بحق ہونے والوں میں شاہ مراد چاچڑ، حضور بخش، عبدالخالق، شہزاد، حامد، منظور، شعبان اور اللہ وریو چاچڑ شامل تھے۔
