کراچی: محرم الحرام میں کسی بھی شکایت کے ازالے کے لیے گورنر ہاؤس میں کنٹرول روم قائم کر دیا گیا۔
تفصیلات کے مطابق گورنر سندھ کامران ٹیسوری کی ہدایت پر گورنر ہاؤس میں ایک مانیٹرنگ اینڈ کنٹرول سیل قائم کیا گیا ہے، جو یوم عاشور تک 24 گھنٹے کام کرے گا۔
یہ مانیٹرنگ سیل حکومتی و قانون نافذ کرنے والے اداروں سمیت بلدیاتی اداروں سے رابطے میں رہے گا، خصوصی سیل کسی بھی شکایت کی صورت میں متعلقہ حکام سے رابطے کرے گا۔
پاکستان میں محرم الحرام کا چاند نظر آگیا
کنٹرول روم مجالس یا جلوس کے راستوں میں مسائل پر بلدیاتی اداروں سے بھی رابطے میں رہے گا، خصوصی سیل روزانہ کی بنیاد پر رپورٹ گورنر سندھ کو بھیجے گا۔
شکایتی سیل کا خصوصی ہیلپ لائن اور واٹس ایپ نمبر بھی جاری کر دیا گیا ہے۔ شہری ہیلپ لائن نمبر 1366/02199204748 پر یا واٹس ایپ نمبر 03162971504 رابطہ کر سکتے ہیں۔
