نارووال: این اے 75 شکر گڑھ سے آزاد امیدوار دانیال عزیز کو گرفتار کرلیا گیا ہے۔
تفصیلات کے مطابق آزاد امیدوار دانیال عزیز کی اہلیہ مہناز اکبر نے ان کی گرفتاری کی تصدیق کی ہے اور بتایا کہ دانیال عزیز کو تشدد کے بعد گرفتار کیا گیا۔
ان کی اہلیہ مہناز اکبر کا کہنا ہے دانیال کو موڑ سلہریاں پر ناکے سے گرفتار کیا گیا، دانیال عزیز پر بدترین تشدد بھی ہوا ہے۔
اہلیہ مہناز اکبر عزیز نے مزید کہا کہ دانیال عزیز کو زبردستی گاڑی میں ڈالا گیا۔
شکر گڑھ : سسرال والوں نے مبینہ طور پر تین بچوں کی ماں کو جلا کر مار ڈالا، مقتولہ کے لواحقین نے قتل کا الزام خاوند، سسر اور نند پر عائد کیا ہے۔
تفصیلات کے مطابق شکرگڑھ کے علاقے اخلاص پور میں مصباح نامی شادی شدہ حاملہ خاتون کو آگ لگا کر قتل کردیا گیا، خاتون کے اہلخانہ نے مقتولہ کے خاوند، سسر اور نند پر قتل کا الزام عائد کیا ہے۔
اس حوالے سے مقتولہ کے بھائی نے میڈیا کو بتایا کہ مصباح پر مٹی کا تیل چھڑک کر آگ لگائی گئی، بہن کی موت کی اطلاع ہمیں محلہ داروں نے فون پر دی، اس نے کہا کہ مصباح کے تین معصوم بچےتھے، پولیس تعاون نہیں کررہی، ہمیں انصاف چاہیے۔
دوسری جانب پولیس کا کہنا ہے کہ خاتون لاش کو پوسٹ مارٹم کے لیے اسپتال منتقل کر دیا گیا، واقعے کی تفتیش شروع کردی ہے جلد حقائق سامنے لائیں گے۔
مزید پڑھیں : سکھر میں بیوی کو زندہ دفن کرنے والا ملزم ڈرامائی انداز میں گرفتار، لاش برآمد
یاد رہے کہ گزشتہ روز سکھر کے علاقے صالح پٹ کے قریب شادی شدہ خاتون کو اس کے شوہر نے سیاہ کاری کا الزام لگا کر تشدد کے بعد زندہ دفن کیا تھا۔
شکر گڑھ: وزیر داخلہ احسن اقبال نے کہا ہے کہ خطے میں بدامنی پاکستان کے لئے ہی نہیں، بھارت کے لئے بھی خطرہ بن سکتی ہے، بھارت پاکستان کے ساتھ میچ کھیلنا چاہتا ہے تو ہم تیار ہیں۔
ان خیالات کا اظہار وفاقی وزیر داخلہ احسن اقبال نے شکر گڑھ میں بھارتی فائرنگ سے زخمی ہونے والے افراد کی عیادت کے بعد میڈیا سے گفتگو کرتے ہوئے کیا.
وزیر داخلہ کا کہنا تھا کہ بھارت کو اپنا طرزعمل بد لنا ہو گا، خطے کا مستقبل امن سے وابستہ ہے، البتہ اگر بھارت محاذآرائی چاہتا ہے، تو ہم بھی تیار ہیں.
انھوںنے مزید کہا کہ مسئلہ کشمیر پر اب بھارت کو مذاکرات شروع کرنے ہوں گے، خطے میں بدامنی خود بھارت کے لئے بھی خطرہ بن سکتی ہے۔
وزیر داخلہ نے کہا کہ سیالکوٹ اور نارووال کی ورکنگ باؤنڈری پر حفاظتی بنکر تعمیر کئے جا رہے ہیں، تاکہ اس نوع کے واقعات پر قابو پایا جاسکے.
یاد رہے کہ بھارت کی جانب سے سیزفائر کی خلاف ورزی معمول بن گئی ہے. آج رواں ہفتے مسلسل چوتھی بار بھارت نے ایل او سی پر بلا اشتعال فائرنگ کی، جس کے نتیجے میں خاتون سمیت دو افراد شہید ہوگے.
واقعے کے بعد بھارتی ڈپٹی کمشنرجے پی سنگھ کو دفتر خارجہ طلب کرکے ایل او سی پر بھارتی فوج کی فائرنگ اور شہریوں کی شہادت پر شدید احتجاج ریکارڈ کرایا گیا.
وزیر داخلہ نے بھارتی فائرنگ سے زخمی ہونے والوں کی عیادت کے بعد میڈیا سے گفتگو کرتے ہوئے واضح کیا کہ بھارت کو اپنا طرز عمل بدلنا ہو گا اور کشمیر سمیت تمام ایشوز پر مذاکرات کی ٹیبل پر آنا ہوگا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
شکر گڑھ : بھارتی سکیورٹی فورسز نے شکر گڑھ سیکٹر پر ایک مرتبہ پھر بلااشتعال فائرنگ کر دی، جس پر چناب رینجرز نے بھرپور جواب دے کر دشمن کو خاموش کرا دیا۔
تفصیلات کے مطابق بھارتی سکیورٹی فورسز نے اپنی اشتعال انگیزی کا مظاہرہ کرتے ہوئے ایک بار پھر شکر گڑھ سیکٹر کو فائرنگ اور گولہ باری کا نشانہ بنایا ہے۔ جس سے ٹمبر چک اور کرول کے علاقے زیادہ متاثر ہوئے۔
بھارتی فوج کی کارروائی پر چناب رینجرز نے بھرپور جوابی کارروائی کر کے دشمن کی توپوں کو خاموش کرا دیا۔ تاہم بھارتی گولہ باری سے تاحال کسی جانی یا مالی نقصان کی اطلاع نہیں ملی ہے۔
واضح رہے کہ بھارت کی جانب سے أئے روز کنٹرول لائن کی خلاف ورزی کا سلسلہ جاری رہتا ہے، جس پر پاک فوج بروقت کارروائی کر کے اس کا منہ توڑ جواب دیتی ہے۔
شکرگڑھ : ورکنگ باؤنڈری پربھار ت کی بلااشتعال فائرنگ سے خاتون سمیت 2 افراد شہید اور رینجرز اہلکار سمیت 3 افراد زخمی ہوگئے۔
آئی ایس پی آر کے مطابق رواں برس بھارتی فوج نےچھٹی مرتبہ جارحیت کامظاہرہ کیا اور بھاری ہتھیاروں سے سویلین آبادی کونشانہ بنایا، بھارت کی جانب سے ظفروال اور شکرگڑھ کے علاقوں پرمارٹرگولے داغے گئے اور فائرنگ کی گئی، چناب رینجرز نے بھارت کی بلااشتعال فائرنگ کا منہ توڑ جواب دیا،جس کے نتیجے میں بھارتی فوج کوبھاری نقصان پہنچنے کی اطلاعات ہیں۔
شکر گڑھ: بھارت کی جانب سے ایک بار شکر گڑھ کے قریب ورکنگ باؤنڈری پر سیز فائر کی خلاف ورزی کرتے ہوئے بلااشتعال فائرنگ کی گئی ہے۔
رینجرز حکام کے مطابق رات دیر گئے شروع ہونے والا فائرنگ کا یہ سلسلہ صبح تک جاری رہا ، حکام کے مطابق پاکستان کی جانب سے بھارتی فائرنگ کا بھرپور اور منہ توڑ جواب دیا گیا، جس پر بھارتی توپیں خاموش ہوگئیں ہیں۔
دفاعی ماہرین نے بھارت کی جانب سے اس اشتعال انگیزی کو بین الاقوامی قوانین کی صریح خلاف ورزی قرار دیا ہے۔
دو روز قبل پاکستان کی جانب سے غلطی سے لائن آف کنٹرول پار کرنے والی کھوئی رٹہ کی بارہ سالہ نسرین کو بھارت کے حوالے کیا گیا جبکہ اگلے روز رینجرز اہلکاروں کو فلیگ میٹنگ کے بہانے بلا کر فائرنگ کا ناشنہ بنایا گیا، جو بعد ازاں شہید ہوگئے ہیں۔
واقعات کے مطابق پاکستان ماضی قریب میں انڈین بارڈر سکیورٹی فورس کے اہلکار سمیت بھارتی شہریوں کو پاکستانی علاقے میں آنے پر واپس کرتا رہا ہے جبکہ بسا اوقات پاکستانی شہریوں کے بھارتی علاقے میں چلے جانے سے کے واقعات پر درعمل منفی رہا۔
چند واقعات میں بی ایس ایف پاکستانی شہریوں کو بعض اوقات زیر و لائن سے زبردستی اٹھا کر لے گئی اور پھر ان کو زندہ واپس نہیں کیا گیا۔
شکر گڑھ : بھارتی فوج کی بلااشتعال فائرنگ سے شکر گڑھ سیکٹر پر شدید زخمی ہونے والے دو رینجرز اہلکار شہید ہوگئے۔
تفصٓیلات کے مطابق شکر گڑھ ورکنگ باؤنڈری پر بھارتی سکیورٹی فورسز کے سیکٹرکمانڈر کی جانب سے فلیگ میٹنگ کی درخواست کی گئی تھی ۔
دونوں رینجرز اہلکار لانس نائیک ریاض شاکر اور لانس نائیک محمد صفدر ورکنگ باؤنڈری پر موجود تھے کہ بھارتی سکیورٹی فورسز نے بلااشتعال فائرنگ کا سلسلہ شروع کردیا،جو کئی گھنٹے تک جاری رہا۔
دونوں زخمی اہلکاروں کو شکر گڑھ سیکٹر سے اٹھانے کی کوشش کی گئی مگر بھارتی فورسز کی جانب سے مسلسل فائرنگ کے باعث دونوں اہلکاروں کو طبی امداد فراہم نہ کی جا سکی اور زیادہ خون بہہ جانے کی وجہ سے دونوں اہلکار جام شہادت نوش کرگئے۔
نارووال : سرحدی علاقے شکر گڑھ میں مارٹر گولہ پھٹنے سے تین بچے جاں بحق ہوگئے، وزیر اعظم نواز شریف نے واقعے کا نوٹس لے لیا۔
رینجرز ذرائع کے مطابق شکرگڑھ کے گاؤں تغلپورہ میں بھارتی حدود سے فائر کیا گیا مارٹرگولہ گراتھا، جس کو بچےکھیت سے اٹھاکرگھرلےآئےجو پھٹ گیا،جاں بحق ہونے والے بچوں کی شناخت ہنزلہ ، سارہ اورحفیظ کے ناموں سے ہوئی ہے، وزیر اعظم نواز شریف نے واقعے کا نوٹس لے لیا ہے اور پنجاب حکومت اور وزارت داخلہ سے واقعے کی رپورٹ طلب کرلی ہے۔