Tag: شکست

جیمز فولنکر کی دھواں دھار بیٹنگ کی بدولت آسٹریلیا نے انگلینڈ کو دوسرے ون ڈے میں سنسنی خیز مقابلے کے بعد شکست دے کر پانچ میچز کی سیریز میں دو صفر کی برتری حاصل کرلی۔

انگلینڈ کی ٹیم ایک مرتبہ منزل پر پہنچ کر ناکام ہوگئی۔ برسبین میں بھی مہمان ٹیم کی ناکامی کا سفر جاری رہا۔ انگلینڈ نے ٹاس جیت کر پہلے بیٹنگ کا فیصلہ کیا اور ایوائن مورگن کی سینچری کی بدولت مقررہ پچاس اوورز میں آٹھ وکٹوں پر تین سو رنز بنائے۔

مورگن نے ایک سو چھ رنز کی ذمہ دارانہ اننگز کھیلی۔ این بیل نے ارسٹھ اور جوز بٹلر نے انچاس رنزبنائے۔ جواب میں آسٹریلیا نےجیمز فولنکر کی دھواں دھار بیٹنگ کی بدولت انگینڈ سے فتح چھین لی۔

فولنکر نے سینتالیس گیندوں پر پانچ چھکوں اور تین چوکوں کی مدد سے انہتر رنز کی ناقابل شکست اننگز کھیلی۔ شان مارش اور گلین میکسویل نے نصف سینچریاں اسکور کیں۔

آسٹریلین اوپن ٹینس ٹورنامنٹ میں اپ سیٹ کا سلسلہ جاری ہے۔ ارجنٹائن کے یوآن مارٹن ڈیل پوترو دوسرے راؤنڈ میں حیران کن شکست کے بعد ایونٹ سے باہر ہوگئے۔ برطانیہ کے اینڈی مرے نے تیسرے راؤنڈ میں جگہ بنالی۔ میلبورن میں جاری سال کے پہلے گرینڈ سلم ایونٹ کے مینز سنگلز کے دوسرے راؤنڈ کے میچ میں ففتھ سیڈ ارجنٹائن کے یوآن مارٹن ڈیل پوترو کو اسپین کے رابرٹ بوٹیسٹا نے پانچ سیٹ کے سخت مقابلے کے بعد اپ سیٹ شکست دے دی۔

تین گھنٹہ تریپن منٹ تک جاری رہنے والے مقابلے میں اسپینش کھلاڑی نے چار چھ، چھ تین، پانچ سات، چھ چار اور سات پانچ سے کامیابی حاصل کی۔ دوسرے راؤنڈ کے ایک اور میچ میں فورتھ سیڈ برطانیہ کے اینڈی مرے نے فرانسیسی کوالیفائر وینسینٹ میلوٹ کو اسٹریٹ سیٹس میں زیر کرتے ہوئے تیسرے راؤنڈ کے لئے کوالیفائی کیا۔

مرے کی فتح کا اسکور چھ دو، چھ دو اور سات پانچ رہا۔ ویمنز سنگز میں بیلاروس کی وکٹوریا ازرینکا بھی تیسرے راؤنڈ میں پہنچ گئی ہیں۔ ازرینکا نے جمہوریہ چیک کی باربورا کو با آسانی چھ ایک اور چھ چار سے قابو کیا۔

سری لنکا نے دبئی ٹیسٹ میں پاکستان کو نو وکٹوں سے شکست دیکر سیریز میں ایک صفر کی برتری حاصل کرلی ہے۔ سری لنکن ٹیم کے کھلاڑی مہیلا جے وردھنے پلیئر آف دی میچ قرار پائے۔
دبئی ٹیسٹ میں بارش بھی پاکستان کو شکست سے نہ بچا سکی۔ شائقین کو آسمان پر پھیلے گہرے سیاہ بادلوں سے جو امید تھی وہ صحیح وقت پر برس نہ سکے۔

سری لنکا نو وکٹوں سے کامیاب ہوگیا۔ کھیل کے فیصلہ کن روز سب کی نگاہیں پاکستانی وکٹ کیپر سرفراز احمد پر مرکوز تھیں جو سنھبل کر کھیل رہے تھے۔ مگر وہ اسکور میں مزید چار رنز کا اضافہ کرکے چوہتر رنز پر پویلین لوٹ گئے۔ وکٹ کیپر کے آؤٹ ہوتے ہی دیگر کھلاڑیوں کی ہمت ٹوٹ گئی اور ٹیم تین سو انسٹھ رنز پر آؤٹ ہوگئی۔

سرفراز احمد کیساتھ مصباح الحق ستانوے،یونس خان ستتر رنز بناکر نمایاں رہے۔ سورنگا لکمل نے چار وکٹیں حاصل کیں۔ سری لنکا کو جیت کیلئے ایک سو سینتس رنز کا ہدف ملا۔ جو اوپنرز کی عمدہ کارکردگی کی بدولت باآسانی حاصل کرلیا گیا۔

کوشل سلوا نے اٹھاون رنز بنائے۔ کورونارتنے نے باسٹھ رنز کی ناقابل شکست اننگز کھیلی۔اے آر وائی ڈیجیٹل نیٹ ورک کے سینئر وائس پریذیڈنٹ آپریشنز طارق وصی نے سری لنکن بیٹسمین کوشل سلوا کو آروائی گولڈ بار پیش کیا ۔ سیریز میں سری لنکا کو ایک صفر کی سبقت حاصل ہے۔ آخری معرکہ سولہ جنوری سے شارجہ میں شروع ہوگا۔   

سری لنکا نے پاکستان کو دوسرے ون ڈے میں دو وکٹ سے شکست دے کر پانچ میچوں کی سیریز ایک ایک سے برابر کردی۔ دونوں ٹیموں کے درمیان سیریز کا تیسرا میچ کل شارجہ میں کھیلا جائے گا۔

دبئی میں سری لنکن کپتان نے ٹاس جیت کر فیلڈنگ کا فیصلہ کیا۔ پہلے میچ کے ہیرو شرجیل خان اور صہیب مقصود دوسرے میچ میں زیرو رہے۔ احمد شہزاد نے کپتان مصباح الحق کے ساتھ پارٹنرشپ لگا کر ٹیم کی پوزیشن کو مضبوط بنایا۔

احمد شہزاد نے شاندار بیٹنگ کا مظاہرہ کرتے ہوئے کیرئیر کی چوتھی سنچری بناڈالی۔ اننگز کے اختتامی لمحات میں بوم بوم آفریدی نے لنکن بولرز کی دھلائی لگاتے ہوئے جارحانہ انداز میں تیس رنز بنائے ، مصباح انسٹھ رنز کے ساتھ ناٹ آؤٹ رہے۔  دو سو پچیاسی رنز کے تعاقب میں سری لنکا کی اننگز کا آغاز پراعتماد رہا۔،

مہمان ٹیم کے دونوں اوپنرز کو بولرز نے آؤٹ نہیں کیا بلکہ دونوں ہی رن آؤٹ ہوئے۔ سنگاکارا اور چندی مل کے درمیان اہم شراکت نے میچ میں سری لنکا کی واپسی یقینی بنائی، سنگاکارا اٹھاون اور چندی مل چوالیس رنز بناکر آؤٹ ہوئے۔

کپتان اینجلو میتھوز نے کپتانی اننگز کھیلتے ہوئے سری لنکا کو جیت کے ایک قدم قریب کیا، لیکن آخری اوور میں آفریدی نے میتھوز کو آؤٹ کرکے میچ میں سنسنی پھیلا دی۔ رنز کم ہونے کی وجہ سے آفریدی بھی پاکستان کو دوسرے میچ میں جیت نہ دلواسکے اور سری لنکا نے میچ دو وکٹوں سے جیت لیا۔