Tag: شکیب الحسن

بنگلہ دیش کرکٹ ٹیم کے سابق کپتان شکیب الحسن کے خلاف شکنجہ سخت ہوگیا ہے اور عدالت نے کرکٹر کے اثاثے ضبط کرنے کا حکم دیا ہے۔

بنگلہ دیش کرکٹ ٹیم کے سابق کپتان اور مفرور وزیراعظم شیخ حسینہ واجد کی جماعت عوامی لیگ کے ٹکٹ پر منتخب سابق رکن قومی اسمبلی شکیب الحسن کے خلاف قانون کا شکنجہ سخت ہوگیا ہے اور عدالت نے کرکٹر کے اثاثے ضبط کرنے کا حکم جاری کر دیا ہے۔

شکیب الحسن نے 2016 میں بنگلادیش میں ستکھیرا میں ایک کیکڑے کا فارم بنایا تھا، جو 2021 سے غیر فعال ہے۔ شکیب کی اس کمپنی نے بینک سے لیا تھا جس کی ادائیگی کے چیکس ناکافی فنڈز کی وجہ سے باؤنس ہو گئے تھے۔

غیر ملکی میڈیا کے مطابق ڈھاکا کے ایڈیشنل چیف میٹروپولیٹن مجسٹریٹ ضیا الدین رحمان نے شکیب الحسن کو چیک باؤنس کیس میں جائیداد ضبط کرنے کا حکم دیدیا۔

رپورٹ کے مطابق اکتوبر 2024 میں بنگلادیشی بینک نے باؤنس ہونے والے چیکس کے معاملے پر قانونی نوٹس جاری کیا تھا اور بعد میں 24 دسمبر کو شکیب اور ان کی کمپنی کے 3 دیگر عہدیداروں کے خلاف مقدمہ دائر کیا تھا۔

بعد ازاں شکیب الحسن کو گزشتہ برس 18 دسمبر کو عدالت نے ابتدائی سماعت کے بعد انہیں 19 جنوری کو عدالت کے سامنے پیش ہونے کا حکم دیا گیا تھا تاہم کرکٹر پیش نہ ہوئے۔

شکیب الحسن کی عدم پیشی پر عدالت نے اس کیس میں ان کے وارنٹ گرفتاری جاری کیے تھے۔

واضح رہے کہ سابق بنگلہ دیشی وزیراعظم کی معزولی اور مفرور ہونے کے بعد شکیب الحسن مسلسل مشکلات کا شکار ہیں۔ وہ گزشتہ سال حکومت مخالف مظاہروں کے دوران نوجوان کے قتل کے مقدمے میں بھی نامزد ہیں۔ تاہم کرکٹر مسلسل بنگلہ دیش سے باہر ہیں۔

https://urdu.arynews.tv/shakibul-hasan-apologized-to-the-bangladeshi-nation/

نئی دہلی: بھارت کے خلاف دوسرے ٹیسٹ سے قبل بنگلہ دیش ٹیم کو مشکل درپیش ہے، ٹیم کے اہم ترین کھلاڑی کے میچ سے باہر ہونے کا خدشہ ہے۔

کانپور کے گرین پارک اسٹیڈیم میں بنگلہ دیش اور بھارت کی ٹیمیں سیریز کے دوسرے اور آخری ٹیسٹ میچ میں 27 ستمبر کو ایک دوسرے کے مدمقابل ہونگی، مہمان سائیڈ کو اس لیے پریشانی ہے کہ تجربہ کار کھلاڑی شکیب الحسن انگلی کی انجری کا شکار ہیں اور ان کا کھیلنا یقینی نہیں۔

بنگلہ دیشی سلیکٹر حنان سرکار نے بتایا کہ شکیب ڈاکٹر کی نگرانی میں ہیں اور کانپور میں ان کے کھیلنے کے بارے میں فیصلہ بعد میں کیا جائے گا۔

چنئی میں کھیلے گئے پہلے ٹیسٹ میچ کے دوران شکیب کو بیٹنگ کرتے ہوئے جسپریت بمراہ کی گیند انگلی پر لگی تھی اور تکلیف کے باعث انھیں میدان میں ہی فوری طبی امداد کی ضرورت پیش آئی تھی۔

بی سی سی سلیکٹر حنان سرکار نے منگل کو ٹیم کانپور پہنچے گی، وہاں ہمارے دو سیشن ہوں گے۔ اس کے بعد ہم دوسرے ٹیسٹ میچ کے لیے شکیب الحسن کی دستیابی کا فیصلہ کریں گے۔

حنان نے کہا کہ کانپور ٹیسٹ میچ شروع ہونے میں ابھی وقت ہے، اس دوران ہم ان کی حالت دیکھیں گے۔ ہم جانتے ہیں کہ ان کے ہاتھ کی چوٹ موضوع بحث ہے۔

خیال رہے کہ چنئی ٹیسٹ میچ میں شکیب کی کارکردگی کچھ خاص نہیں رہی تھی، وہ پہلی اننگز میں 32 رنز بنانے کے بعد آؤٹ ہوئے جبکہ دوسری اننگز میں صرف25 رنز پر ہی پویلین لوٹ گئے تھے، وہ دونوں اننگز میں بھی وکٹیں لینے میں ناکام رہے تھے۔

پاکستان کے آف اسپنر ابرار احمد کی گراؤنڈ میں آنے کے لیے جلدی دیکھ کر بنگلہ دیشی آل راؤنڈر شکیب ہنستے رہے جس کی ویڈیو وائرل ہوگئی۔

بنگلہ دیش اور پاکستان کے درمیان راولپنڈی میں کھیلے گئے دوسرے ٹیسٹ میں ایک مضحکہ خیز واقعہ دیکھنے میں آیا جب ابرار احمد ٹائم آؤٹ سے بچنے کے لیے پچ تک بھاگ بھاگ کر پہنچے جبکہ شکیب الحسن پاکستانی بیٹر کو دیکھ کر مسکراتے نظر آئے۔

ابرار احمد محمد علی کے آؤٹ ہونے کے بعد پاکستان کی جانب سے 10ویں نمبر پر بیٹنگ کرنے کے لیے میدان میں آئے، تاہم انھیں تھوڑی دیر ہوگئی، ابرار نے شرمندگی سے بچنے کے لیے میدان میں بھاگنے کا فیصلہ کیا جس کی ویڈیو سوشل میڈیا پر زیرگردش ہے۔

آف اسپنر جب پچ کی طرف بڑھ رہے تھے تو ان کا بیٹنگ گلوز زمین پر گر گیا جسے لینے کے لیے ہو واپس پلٹے اور پھر پچ کی طرف دوڑ پڑے جبکہ شکیب شاید ماضی کو یاد کرکے ہنستے نظر آئے۔

یہ بات قابل ذکر ہے کہ شکیب الحسن نے دہلی میں 2023 ون ڈے ورلڈ کپ میچ کے دوران سری لنکا کے آل راؤنڈر اینجلو میتھیوز کو ٹائم آؤٹ کر دیا تھا، وہ بین الاقوامی کرکٹ میں ٹائم آؤٹ ہونے والے پہلے کرکٹر تھے۔

خیال رہے کہ ہوم گراؤنڈ پر پاکستان مینز کرکٹ ٹیم کی پرفارمنس اتنی گراوٹ کا شکار رہی کہ نہ ہی ٹیم کی بولنگ چلی نہ ہی بیٹنگ اور فیلڈنگ میں بھی ہمیشہ کی طرح کیچز ڈارپ کیے گئے۔

بنگلہ دیش جس نے آج تک اپنے ملک میں کبھی پاکستان کو ٹیسٹ میچز میں شکست نہیں دی تھی، اس نے نہ صرف گرین شرٹس کو ان کی سرزمین پر ہزیمت سے دوچار کیا بلکہ پاکستان کو سیریز میں تاریخی وائٹ واش شکست کا سامنا کرنا پڑا۔

بنگلہ دیشی آل راؤنڈر شکیب الحسن جو گراؤنڈ اور گراؤنڈ سے باہر اپنی تند مزاجی کے لیے مشہور ہیں انھیں اور ٹیم کو ہٹ دھرمی مہنگی پڑ گئی۔

کینیڈا میں ہونے والی گلوبل ٹی ٹوئنٹی لیگ کے دوران شکیب الحسن ایک بار پھر تنازع میں پھنسے نظر آئے، ایونٹ میں جمعے کو بنگلہ ٹائیگرز اور ٹورنٹو نیشنلز کے درمیان ایلیمنیٹر میچ ہونا تھا، تاہم بارش کی وجہ سے میچ نہ ہوسکا اور بات کٹ آف ٹائم سے بھی آگے نکل گئی۔

ایسے میں حکام نے بنگلہ ٹائیگرز کے ٹورنٹو نیشنلز کے خلاف میدان میں نہ آنے پر فیصلہ سنادیا اور شکیب کی ٹیم کو ان ہٹ دھرمی کی وجہ سے ایونٹ سے ناک آؤٹ کردیا گیا۔

ایسے میں میچ کو نتیجہ خیز بنانے کے منتظمین نے دونوں ٹیموں کے درمیان سپر اوور کا میچ کروانے کا فیصلہ کیا جبکہ یہ پلیئنگ ریگولیشن کے مطابق بھی تھا مگر شکیب اور ان کے ٹیم اونر نے اسے ماننے سے انکار کردیا اور ٹاس کے لیے کپتان گراؤنڈ میں ہی نہیں آئے۔

View this post on Instagram

A post shared by CricXtasy – Daily Cricket News and Updates (@cricxtasy)

بنگلہ ٹائیگرز کے کپتان شکیب نے احتجاجاً سپر اوور کے لیے ٹاس کے سلسلے میں گراؤنڈ میں نہ آنے کا فیصلہ کیا، کیوں کہ اگر میچ کو مکمل طور پر واش آؤٹ قرار دیا جاتا تو شکیب کی ٹیم کو فائدہ ہوتا۔

گروپ مرحلے میں پوائنٹس ٹیبل میں اوپر کی پوزیشن پر رہنے کی وجہ سے شکیب کی بنگلہ ٹائیگرز خود بخود کوالیفائر 2 میں کھیلنے کی اہل ہوجاتی۔

بنگلہ ٹائیگرز کے مالک ظفیر یاسین کا کہنا تھا کہ میچ کم از کم پانچ یا دس اوورز کا ہونا چاہیے تھا نہ کہ سپر اوور میں میچ کرایا جاتا، تاہم جی ایل ٹی ٹوئنٹی کے سی ای او جوئے بھٹاچارجیا نے کہا کہ ہم اس بات کو یقینی بنانے کی کوشش کر رہے تھے کہ کسی بھی طرح سے نتیجہ نکلے۔

انھوں نے کہا کہ چاہے میچ ایک اوور کا ہی ہوتا یہ سب ایونٹ کے ضابطوں کا حصہ تھا، تاہم بنگلہ ٹائیگرز نے میچ کھیلنے سے انکار کیا۔

مداحوں کی جانب سے سیلفی لینے کے دوران شکیب الحسن کی بیزاری کا انداز کیمرے نے قید کرلیا۔ وہ بے دلی سے جمائی لیتے ہوئے نظر آئے۔

تفصیلات کے مطابق بنگلہ دیشی کپتان اور آل راؤنڈر شکیب الحسن نے حال ہی میں ملکی حکمران جماعت ’عوامی لیگ‘ کا حصہ بننے کے بعد سیاست کی دنیا میں قدم رکھ دیا ہے اور وہ اس پچ پر اپنی نئی اننگز کا آغاز کررہے ہیں۔

آل راؤنڈر نے 2024 کے عام انتخابات کے لیے اپنی مہم شروع کر رکھی ہے اور اپنی پارٹی کی جیت کو یقینی بنانے کے لیے کوشاں ہیں۔ اس دوران کئی مداح خواتین ان کے ساتھ سیلفی لیتی نظر ائیں۔

اس دوران شکیب بے دلی سے مداحوں کے ساتھ تصاویر بنواتے رہے جبکہ وہ جمائی لیتے ہوئے بھی نظر آئے۔ ان کی یہ ویڈیو سوشل میدیا پر وائرل ہورہی ہے۔

😭 pic.twitter.com/cBaFuPXSjt

— ت (@10astroo) January 5, 2024

کرکٹر پارٹی کی کئی سیاسی مہمات میں شامل ہوچکے ہیں اور ان کی متعدد ویڈیوز آن لائن منظر عام پر آچکی ہیں۔

ایک کلپ میں مداح شکیب کے ساتھ تصاویر لینے کی خواہشمند ہیں اور وہ سیلفی بھی بنا رہی ہیں۔ تاہم، کرکٹر کی عدم دلچسپی واضح ہے۔ وہ بغیر تاثرات کے جمائی لیتے اور پوز دیتے ہوئے نظر آتے ہیں۔

بنگلا دیش کی حکمران جماعت عوامی لیگ نے کرکٹ ٹیم کے کپتان شکیب الحسن کے الیکشن لڑنے کی تصدیق کر دی۔

دنیائے کرکٹ کے کئی ستارے کھیل کے میدان میں جگمگانے کے بعد سیاست میں آئے اور نام بھی کمایا اب ایک اور کپتان نے سیاست میں انٹری دے دی ہے۔

میڈیا رپورٹ کے مطابق بنگلا دیش کی حکمران جماعت عوامی لیگ نے شکیب الحسن کی نامزدگی کی تصدیق کردی ہے، شکیب الحسن آئندہ برس 7 جنوری کو 12ویں پارلیمانی انتخابات میں حصہ لیں گے۔

مقامی میڈیا کے مطابق شکیب الحسن اپنے آبائی ضلع ماگورا ون کے حلقے سے الیکشن لڑیں گے، شکیب 6 نومبر کو سری لنکا کے خلاف ورلڈ کپ میچ کے دوران انجرڈ ہوگئے تھے تاہم ان کی کرکٹ میں واپسی کا ابھی نہیں بتایا گیا۔

واضح رہے کہ اب تک دنیائے کرکٹ کے کئی نامور کھلاڑی کھیل کے میدان سے سیاسی میدان میں آئے اور یہاں بھی اپنی کامیابی کے جھنڈے گاڑے۔

کھیل سے سیاست میں آنے والے کھلاڑیوں میں کامیابی کی معراج 1992 ورلڈ کپ کے فاتح سابق پاکستانی کپتان عمران خان رہے جو وزارت عظمیٰ کے منصب تک پہنچے۔

ان کے علاوہ سابق بھارتی کرکٹرز کپل دیو، نوجوت سدھو، بنگلہ دیشی کھلاڑی مشرفی مرتضیٰ، سابق سری لنکن کپتان ارجنا رانا ٹنگا، جے سوریا سمیت دیگر کئی کھلاڑی اپنے اپنے ممالک میں رکن پارلیمنٹ منتخب ہو چکے۔