Tag: شگفتہ اعجاز

پاکستان کی نامور اداکارہ شگفتہ اعجاز اپنے شوہر یحییٰ صدیقی کو یاد کر کے جذباتی ہوگئیں جس میں اپنے جذباتی تجربات شیئر کیے ہیں۔

پاکستان کی نامور اداکارہ شگفتہ اعجاز نے فوٹو اینڈ شیئرنگ ایپ انسٹاگرام پر پوسٹ شیئر کی ہے ساتھ ہی انہوں نے ایک طویل کیشن لکھا جس میں انہوں نے اپنی زندگی کے مشکل ترین لمحات کے بارے میں کھل کر بات کی۔

 

View this post on Instagram

 

A post shared by Shagufta Ejaz (@shaguftaejazofficial)

اداکارہ نے اپنی پوسٹ میں پرانی موم بتیوں کی تصاویر شیئر کیں، جنہیں انہوں نے نئے سانچوں میں ڈھال کر دوبارہ تخلیق کیا، ان موم بتیوں کو یاد کرتے ہوئے انہوں نے بتایا کہ یہ وہی موم بتیاں ہیں جنہیں ان کے شوہر کے ساتھ خوشیوں کے لمحوں میں جلایا گیا تھا۔

اداکارہ شگفتہ اعجاز نے کہا کہ میرا یہ عمل صرف موم بتیوں کو نئی شکل دینا نہیں، بلکہ ان یادوں کو دوبارہ زندہ کرنے کی ایک کوشش تھی، جو میری زندگی کا حصہ بن چکی ہیں۔

شگفتہ نے جذباتی انداز میں اپنے شوہر کی فلم بادل اور بجلی کے مشہور گانے ’آج جانے کی ضد نہ کرو‘ کا ذکر بھی کیا، جو ان کے لیے ایک خاص یادگار حیثیت رکھتا ہے۔

اداکارہ نے لکھا کہ میں اس وقت اپنی زندگی کو دوبارہ ترتیب دینے کی جدوجہد کر رہی ہوں اور میری مداحوں سے درخواست ہے کہ وہ مجھے اپنی دعاؤں میں یاد رکھیں۔

اداکارہ شگفتہ اعجاز نے خود کو حوصلہ دیتے ہوئے کہا کہ میں ایک سنگل پیرنٹ کے طور پر اپنی ذمہ داریوں کو نہیں بھولی اور انشااللہ ان کو مزید طاقت اور لگن کے ساتھ پورا کروں گی جو میرے شوہر اور میری بیٹیوں نے مجھ میں ڈالی ہے۔

واضح رہے کہ شگفتہ اعجاز کے دوسرے شوہر یحییٰ صدیقی ایک طویل عرصہ کینسر جیسے موزی مرض میں مبتلا رہنے کے بعد ستمبر کو زندگی کی بازی ہار گئے تھے۔

پاکستان کی سینیئر اداکارہ شگفتہ اعجاز نے مرحوم شوہر کے نام جذباتی پیغام لکھا ہے جو سوشل میڈیا پر وائرل ہوگیا۔

اداکارہ شگفتہ اعجاز دوسرے شوہر کے انتقال کر جانے کے بعد اپنی زندگی کے مشکل ترین مراحلے سے گزر رہی ہیں، انہوں نے سوشل میڈیا پر مرحوم شوہر کی یاد میں جذباتی پیغام جاری کیا ہے۔

فوٹو اینڈ ویڈیو شیئرنگ ایپ انسٹاگرام  پر اداکارہ نے پوسٹ شیئر کی جس میں انہوں نے اپنے شوہر یحییٰ صدیقی کے فیملی ٹائم کے یادگار لمحات کو شیئر کیا۔

شگفتہ اعجاز نے پوسٹ کے کیپشن میں طویل نوٹ میں لکھا کہ ’میرے پیارے شوہر اور ہمارے عزیز بچوں کے والد کے نام، اگرچہ آپ اس دنیا سے رخصت ہو چکے ہیں، آپ کی محبت، وراثت، اور یادیں ہمیشہ میرے دل اور ہمارے بچوں کے دلوں میں محفوظ رہیں گی‘۔

شفتہ اعجاز نے لکھا کہ ’آپ کی موجودگی ہماری زندگیوں میں ایک عظیم نعمت تھی، اور میں اس وقت کے لیے بے حد شکر گزار ہوں جو ہم نے ساتھ گزارا، آپ کی محبت، رہنمائی، اور حمایت نے مجھے اس شخص میں ڈھالا جو میں آج ہوں، اور میں اس کے لیے بے حد شکر گزار ہوں۔

 

View this post on Instagram

 

A post shared by Shagufta Ejaz (@shaguftaejazofficial)

اداکارہ نے لکھا کہ ہمارے بچے آپ کی زندگی کی روشنی تھے، اور آپ ان کے لئے ایک مضبوط سہارا، ہیرو، اور ایک اعلیٰ مثال تھے، مجھے وہ لمحات یاد ہیں جب آپ ہمیں ہنساتے تھے، جب آپ ہمیشہ جانتے تھے کہ ہمیں کیسے بہتر محسوس کروانا ہے، اور جب آپ ہمیشہ دوسروں کو اپنے اوپر ترجیح دیتے تھے، آپ کی بے لوث مہربانی، اور سخاوت نے مجھے ہر روز متاثر کیا۔

اداکارہ نے مزید لکھا کہ اگرچہ آپ اس دنیا سے جا چکے ہیں لیکن آپ کی یادیں ہمارے بچوں اور میرے ذریعے زندہ رہیں گی، ہم آپ کی زندگی، آپ کی کامیابیوں، اور ان بے شمار یادوں کا جشن مناتے رہیں گے جو ہم نے ساتھ گزارے ہیں، میں آپ کو ہمیشہ اپنے دل میں سنبھالے رکھوں گی۔

واضح رہے کہ اداکارہ شگفتہ اعجاز کے دوسرے شوہر یحییٰ صدیقی گزشتہ کئی عرصے سے کینسر جیسی موذی بیماری سے جنگ لڑ رہے تھے اور  12 ستمبر کو وہ چل بسے۔