ARYNews.tv | Urdu – Har Lamha Bakhabar

Tag: شہبازشریف

  • نیب کی شہبازشریف کا نام ای سی ایل سےنکالنے کےخلاف سپریم کورٹ میں اپیل دائر

    نیب کی شہبازشریف کا نام ای سی ایل سےنکالنے کےخلاف سپریم کورٹ میں اپیل دائر

    اسلام آباد :بڑے بڑے کرپشن مقدمات میں نامزد ملزم شہباز شریف کے روپوش ہوجانے کے خدشے کے پیش نظر نیب نے شہباز شریف کا نام ای سی ایل سے نکالنے کے خلاف سپریم کورٹ سے رجوع کرلیا۔

    تفصیلات کے مطابق نیب نے شہباز شریف کا نام ای سی ایل سے نکالنے کے خلاف سپریم کورٹ میں اپیل دائرکردی، نیب نے موقف اختیار کیا ہے کہ لاہور ہائی کورٹ کا ای سی ایل سے نام نکالنے کا فیصلہ درست نہیں، شہباز شریف نیب کی تحقیقات کو متاثر کرنے کی کوشش کررہےہیں۔

    اپیل میں کہا گیا خدشہ ہے شہباز شریف بیرون ملک فرار یا انڈرگراؤنڈ ہوجائیں گے اور ملزم کی عدم دستیابی پر نیب کی تحقیقات اور کارروائی رک جائےگی۔

    نیب اپیل میں مزید کہا کہ مقدمےکےشریک ملزم سلمان شہباز پہلے ہی فرارہیں، ہائی کورٹ کے فیصلے میں یہ بھی نہیں بتایا گیا کہ کون سے بنیادی حقوق متاثر ہوتے ہیں۔

    مزید پڑھیں : لاہورہائی کورٹ کا شہباز شریف کا نام ای سی ایل سے نکالنے کا حکم

    یاد رہے 26 مارچ کو لاہور ہائی کورٹ نے شہباز شریف کا نام ای سی ایل سے نکالنے کا حکم دیا تھا۔

    22 فروری کو وزارت داخلہ نے نیب کی سفارش پر اثاثہ جات کیس میں سابق وزیراعلیٰ پنجاب اور اپوزیشن قومی اسمبلی شہباز شریف کا نام ایگزٹ کنٹرول لسٹ (ای سی ایل) میں داخل کیا تھا جس کے خلاف 28 فروری کو شہباز شریف نے اپیل دائر کی تھی۔

    فروری میں ہی لاہور ہائی کورٹ میں جسٹس ملک شہزاد اور جسٹس مرزا وقاص پرمشتمل بینچ نے شہبازشریف کی رمضان شوگر ملز اور آشیانہ اسکینڈل کیسز درخواست ضمانت پرسماعت کرتے ہوئے ان کی ضمانت منظور کی تھی اور 10 ، 10لاکھ کے 2 ضمانتی مچلکے جمع کرانے کی ہدایت بھی کی تھی۔

  • شہبازشریف اور حمزہ شہباز کی حاضری سے استثنیٰ کی درخواست منظور

    شہبازشریف اور حمزہ شہباز کی حاضری سے استثنیٰ کی درخواست منظور

    لاہور: احتساب عدالت نے آشیانہ اقبال ہاؤسنگ اور رمضان شوگر مل کیس کی سماعت 25 مئی تک ملتوی کردی۔

    تفصیلات کے مطابق لاہور کی احتساب عدالت میں آشیانہ اقبال ہاؤسنگ اسکیم اوررمضان شوگرمل کیس کی سماعت ہوئی۔

    عدالت نے سماعت کے آغاز پراستفسار کیا کہ کیا شہباز شریف اورحمزہ شہباز موجود ہیں؟ جس پر وکیل نے جواب دیا کہ آج کی حاضری سے استثنیٰ کی درخواست دی ہے۔

    احتساب عدالت نے ریمارکس دیے کہ شہباز شریف ملک سے باہر چلے گئے، انہوں نے ملک سے باہر جانے کی ٹرائل کورٹ سے اجازت نہیں لی۔

    نیب وکیل نے دلائل دیتے ہوئے کہا کہ شہبازشریف نے عدالت کی کارروائی کا مذاق اڑایا ہے، شہبازشریف کے وکیل نے کہا کہ ان کے موکل کے بہت سے ٹیسٹ ہونا ہیں اس لیے ملک سے باہر ہیں۔

    عدالت نے استفسار کیا کہ کیا یقین دہانی کرا سکتے ہیں کہ وہ 2 ہفتے بعد پیش ہوں گے جس پروکیل نے جواب دیا کہ جی !امید کی جاتی ہے کہ وہ علاج کے بعد پاکستان واپس آجائیں گے۔

    نیب وکیل نے کہا کہ حاضری معافی کی درخواست کو مسترد کیا جائے، گزشتہ 3 سماعتوں سے وہ عدالت میں پیش نہیں ہو رہے۔

    احتساب عدالت نے شہبازشریف اور حمزہ شہباز کی حاضری سے استثنیٰ کی درخواست منظور کرتے ہوئے کیس کی سماعت 25 مئی تک کے لیے ملتوی کردی۔

  • شہبازشریف کا عہدے سے پیچھے ہٹنا اچانک نہیں، یہ خاندانی فیصلہ لگتا ہے، سراج الحق

    شہبازشریف کا عہدے سے پیچھے ہٹنا اچانک نہیں، یہ خاندانی فیصلہ لگتا ہے، سراج الحق

    اسلام آباد : امیر جماعت اسلامی سینیٹر سراج الحق نے کہا ہے کہ شہباز شریف کا پی اے سی کے عہدے سے پیچھے ہٹنا اچانک نہیں بلکہ یہ کھیل کا پہلا حصہ ہے، حکومت حقیقی احتساب نہیں کرسکتی۔

    ان خیالات کا اظہار انہوں نے پارلیمنٹ کے باہر میڈیا نمائندگان سے گفتگو کرتے ہوئے کیا، سینیٹر سراج الحق نے کہا کہ شہباز شریف کے پیچھے ہٹنے کے بعد مزید نئے نئے افسانے بھی سامنے آئیں گے، شہباز شریف نے منصب چھوڑنے پر اپوزیشن اراکین کو بھی اعتماد میں نہیں لیا، لگتا ہے یہ بھی خاندانی فیصلہ ہے۔

    امیر جماعت اسلامی کا کہنا تھا کہ این آراو دینا حکمرانوں کے بائیں ہاتھ کا کھیل ہے، خود حکومت کے اپنے اندر قابل احتساب لوگ موجود ہیں اس لئے حکمران حقیقی احتساب نہیں کرسکتے، حقیقی احتساب وہی کرسکتا ہے جس کا اپنا دامن صاف ہو۔

    حکومت میں بیٹھے ہوئے سابقہ حکومتوں کے لوگ حقیقی احتساب کی راہ میں سب سے بڑی رکاوٹ ہیں، رانا تنویر کو پی اے سی کا چیئرمین اور خواجہ آصف کو پارلیمانی لیڈر مقرر کرنا مسلم لیگ نون کا اندرونی معاملہ ہے۔

    ایک سوال کے جواب میں انہوں نے کہا کہ فاٹا انضمام کے باوجود قبائلی عوام کی زندگی میں کوئی انقلاب نہیں آیا ،فاٹا کیلئے سو ارب کے پیکیج کا باربار اعلان تو کیا گیا مگر عملی طور پر انہیں کچھ نہیں دیا گیا۔

    امیر جماعت اسلامی نے کہا کہ موجودہ حکومت کے ابتدائی نو ماہ میں ہی عوام کو مہنگائی کے سونامی میں ڈبو دیا گیا، ماہ رمضان سے قبل ہی اشیائے خورد ونوش کی قیمتیں آسمان پر پہنچ گئیں، اسد عمر کی پیش گوئی سچ ثابت ہوگئی ہے کہ اب عوام کی چیخیں نکلیں گی۔

  • شہباز شریف سے کوئی ڈیل نہیں‌ ہوئی، ملک لوٹنے والوں‌ سے حکومت حساب لے گی، نعیم الحق

    شہباز شریف سے کوئی ڈیل نہیں‌ ہوئی، ملک لوٹنے والوں‌ سے حکومت حساب لے گی، نعیم الحق

    اسلام آباد: وزیر اعظم عمران خان کے معاونِ خصوصی نعیم الحق نے شہباز شریف کی ڈیل سے متعلق چلنے والی خبروں پر خاموشی توڑتے ہوئے تمام باتوں کو بے بنیاد قرار دے دیا۔

    تفصیلات کے مطابق نعیم الحق نے شہباز شریف کی پبلک اکاؤنٹس کمیٹی کی چیئرمین شپ چھوڑنے پر ردعمل دیتے ہوئے کہا کہ استعفے کی وجوہات کا مجھے کوئی علم نہیں ہے۔ اُن کا کہنا تھا کہ ہم شروع دن سے شہباز شریف کو چیئرمین پی اے سی بنانے کے خلاف تھے، مستعفیٰ ہونے کے معاملے پر مشاورت کے بعد ہی ردعمل دیں گے۔

    مزید پڑھیں: مسلم لیگ ن کی سیکنڈ لیڈر شپ قیادت سنبھال سکتی ہے، خواجہ آصف

    نعیم الحق کا کہنا تھا کہ ’جس نے بھی پاکستان کی دولت کو لوٹا تحریک انصاف کی حکومت میں اُسے جواب دینا ہوگا، کسی بھی شخص سے کوئی ڈیل یا این آر او نہیں ہوگا۔‘ معاونِ خصوصی کا کہنا تھا کہ شہبازشریف عدالتی فیصلے کے بعد ملک  سے باہر گئے اور اگر عدالت سمجھ گی تو اُن کو واپس بھی بلا لے گی۔

    یاد رہے کہ شہبازشریف گزشتہ دنوں اپنی پوتی کو دیکھنے اور علاج کرانے کی غرض سے لندن گئے تھے، ذرائع کے مطابق انہوں نے لندن میں اپنا قیام غیر معینہ مدت تک طویل کردیا۔ قائد حزب اختلاف نے پبلک اکاؤنٹس کمیٹی کی چیئرمین شپ سے بھی مستعفیٰ ہونے کا اعلان کیا جس کے بعد مسلم لیگ ن نے رانا تنویر کو عہدے کے لیے نامزد کردیا۔

  • شہبازشریف اورحمزہ شہبازآج احتساب عدالت میں پیش ہوں گے

    شہبازشریف اورحمزہ شہبازآج احتساب عدالت میں پیش ہوں گے

    لاہور: احتساب عدالت میں آشیانہ اقبال ہاؤسنگ اسکیم کیس کی سماعت آج ہو گی، سابق وزیراعلیٰ پنجاب شہبازشریف اور ان کے صاحبزادے حمزہ شہباز عدالت کے سامنے پیش ہوں گے۔

    تفصیلات کے مطابق احتساب عدالت میں آشیانہ اقبال ہاؤسنگ اسکیم کیس کی سماعت معزز جج سید نجم الحسن کریں گے۔

    احتساب عدالت نے شہباز شریف اورحمزہ شہبازکوطلب کررکھا ہے، دونوں ملزمان 9 اپریل کونیب عدالت میں پیش ہوئے تھے۔

    احتساب عدالت کے معزز جج سید نجم الحسن نے گواہان کو طلب کرتے ہوئے سماعت 23 اپریل تک ملتوی کی تھی۔

    ٰیاد رہے کہ رواں سال 14 فروری کو لاہور ہائی کورٹ نے شہبازشریف کو آشیانہ ہاؤسنگ اسکیم اور رمضان شوگر ملز میں ضمانت منظور کرتے ہوئے انہیں فوری طور پر رہا کرنے کا حکم دیا تھا۔

    بعدازاں شہبازشریف نے میڈیا سے گفتگو کرتے ہوئے کہا تھا کہ عدالت کا فیصلہ حق اور سچ کی فتح ہے، اللہ تعالیٰ کا شکر ادا کرتے ہیں کہ اس نے ایک مرتبہ پھر ہم پرکرم فرمایا۔

    شہبازشریف کا کہنا تھا کہ میں اپنی والدہ، بڑے بھائی نوازشریف، اپنے خاندان اور پاکستان کے عوام اور مسلم لیگ ن کے کارکن کا بے حد شکرگزار ہوں کہ انہوں نے اپنی دعاؤں میں مجھے یاد رکھا۔

  • شہبازشریف کا حکومت سے نجی اورسرکاری تمام ملازمین کی تنخواہوں میں اضافہ کا مطالبہ

    شہبازشریف کا حکومت سے نجی اورسرکاری تمام ملازمین کی تنخواہوں میں اضافہ کا مطالبہ

    لاہور : اپوزیشن لیڈر اور صدر ن لیگ شہبازشریف نے رمضان کی آمدکےپیش نظر حکومت سے نجی اورسرکاری تمام ملازمین کی تنخواہوں میں اضافہ کرنے کا مطالبہ کرتے ہوئے کہا فوری ریلیف نہ دیاگیاتوعوام کیلئےماہ صیام گزارنا ممکن نہیں ہوگا۔

    تفصیلات کے مطابق اپوزیشن لیڈر اور صدر ن لیگ شہباز شریف نے حکومت سے مطالبہ کیا ہے کہ مہنگائی کے پیش نظر نجی اورسرکاری تمام ملازمین کی تنخواہوں میں اضافہ کیا جائے۔

    شہبازشریف کا کہنا تھا رمضان المبارک کی آمد کے پیش نظر کم از کم تنخواہ 18ہزار کی جائے اور 3ہزار تنخواہ میں اضافہ کیا جائے جبکہ ایک لاکھ تک ماہانہ کمانے والوں کی تنخواہ میں 20 فیصداضافہ کیا جائے۔

    اپوزیشن لیڈر نے کہا تنخواہ میں اضافےپرعمل کیلئےمؤثراقدامات کئےجائیں، اضافہ نجی اورسرکاری دونوں شعبہ جات کے ملازمین کو دیا جائے ،فوری ریلیف نہ دیا گیا تو عوام کیلئے ماہ صیام گزارنا ممکن نہیں ہوگا۔

    ان کا کہنا تھا مہنگائی اورافراط زر کی شرح ہمارےدورمیں کم ترین 3فیصدتھی، آج مہنگائی اورافراط زرکی شرح 9.4فیصدہوچکی ہے، ان حالات میں غریب اور تنخواہ دار طبقہ مہنگائی کے بوجھ تلے پس چکا ہے۔

    خیال رہے حکومت نے  مہنگائی میں اضافےکی روک تھام کیلئے قومی پرائس مانیٹرنگ کمیٹی اہم اشیائےخوردونوش کی دستیابی یقینی بنانے کیلئے مضبوط  نظام بنانےکافیصلہ کیا اورکہا تھا  قیمتیں بڑھنے کاباعث بنے والے کارٹلز کے خلاف بھی کارروائی کی جائےگی۔

  • شہبازشریف کی بیگم اور بیٹیوں کو بھجوایا گیا نیب کا سوالنامہ منظر عام پر آگیا

    شہبازشریف کی بیگم اور بیٹیوں کو بھجوایا گیا نیب کا سوالنامہ منظر عام پر آگیا

    لاہور : اپوزیشن لیڈر شہبازشریف کی بیگم نصرت شہباز اور بیٹیوں رابعہ اور جویریہ کو بھجوایا گیا نیب کا سوالنامہ منظر عام پر آگیا، سوالنامہ میں تینوں سے 2008 تا 2017 تک کے ذرائع آمدن سے متعلق پوچھا گیا ہے۔

    تفصیلات کے مطابق اپوزیشن لیڈر شہبازشریف کی بیگم نصرت شہباز کو بھجوائےگئے نیب کے سوالات سامنے آگئے، سوالنامہ میں نصرت شہباز سے 2008 تا 2017 تک کے ذرائع آمدن سے متعلق پوچھا گیا ہے۔

    نیب سوالنامہ کے مطابق نصرت شہباز بتائیں دیگر ممالک سےآنےوالی آمدن کےذرائع کیاہیں؟ کس کمپنی سےکتناپیسہ آیا، کس کمپنی میں ان کےکتنےشیئرزہیں۔

    سوالنامہ میں کہا گیا نصرت شہباز کو جوتحفےتحائف موصول ہوئےان سےآگاہ کریں اور بتائیں ماڈل ٹاؤن وڈونگاگلی رہائش گاہ کی خریداری کےذرائع کیاہیں۔

    شہبازشریف کی بیٹیوں رابعہ عمران اور جویریہ علی سے بھی دو ہزارآٹھ سے دو ہزار سترہ تک کےذرائع آمدن کا پوچھاگیا جبکہ دیگرممالک سے آنےوالی آمدن کےذرائع، کمپنیوں سےملنے والی رقم اور تحفوں سےمتعلق بتانے کا کہا گیا ہے

    نیب کے مطابق رابعہ عمران بتائیں کس کمپنی یا ادارے سے کتنی تنخواہ ملتی رہی۔

    خیال رہےنیب نےشہبازشریف کی اہلیہ اور بیٹیوں کوسوالنامہ بھجوادیا ہیں ،  نصرت شہباز،جویریہ اوررابعہ کوبذریعہ ڈاک سوالنامہ بھجوایاگیا، سوالنامہ میں مبینہ منی لانڈرنگ اور بنکوں مین انے والی رقوم کے حوالے سے پوچھا گیا ہے۔

    مزید پڑھیں : نیب نے شہباز شریف کی اہلیہ اور بیٹیوں کو سوالنامہ بھجوادیا

    گزشتہ روز چیرمین نیب جسٹس ر جاوید اقبال کی ہدایت پر طلبی کے نوٹسز کینسل کر دئیے تھے ،جس کے بعد چیرمین نیب کی ہدایت پر بزریعہ ڈاک سوالنامہ بھجوائے گئے۔

    یاد رہے 13 اپریل کو نیب نے اثاثہ جات کیس میں شہباز شریف خاندان کے خلاف تحقیقات کا دائرہ کار مزید وسیع کرتے ہوئے شہباز شریف کے پورے خاندان کو بیان کیلئے طلب کیا تھا۔

    نیب نے منی لانڈرنگ کیس میں نصرت شہباز کو 17 اپریل کو ذاتی حیثیت میں طلب کیا جبکہ اثاثہ جات کیس میں 18 اپریل کو رابعہ شریف اور 19 اپریل کو جویریہ شریف کو بھی طلب کیا گیاتھا۔

    واضح رہے کہ نیب نے گزشتہ ماہ شہباز شریف کی دو بیگمات کے اثاثوں کی تفصیلات بھی حاصل کرلی تھیں، نصرت شہباز 69 لاکھ 56 ہزار پانچ سو شیئرز کی مالک اور تہمینہ درانی کے پاس گوادر میں چار کنال کے پلاٹ اور ایک ایکڑ بیش قیمت زمین کا انکشاف ہوا تھا۔

  • شہبازشریف کی ترک صدر کو بلدیاتی انتخابات میں کامیابی پر مبارکباد

    شہبازشریف کی ترک صدر کو بلدیاتی انتخابات میں کامیابی پر مبارکباد

    لاہور : اپوزیشن لیڈر شہبازشریف نے ترک صدررجب طیب اردوان کو بلدیاتی انتخابات میں کامیابی پرمبارکباد دیتے ہوئے کہا آپ کی کامیابی ترک عوام  کا آپ پر بے مثال اعتماد کاثبوت ہے جبکہ ترک صدر کا کہنا تھا میں نوازشریف کی صحت یابی اورتندرستی کےلیےدعاگوہوں۔

    تفصیلات کے مطابق اپوزیشن لیڈر شہبازشریف نے ترک صدر رجب طیب اردوان سے ٹیلی فونک رابطہ کیا اور انھیں بلدیاتی انتخابات میں کامیابی پرمبارکباد دیتے ہوئے کہا آپ کی کامیابی ترک عوام کا آپ پر بے مثال اعتماد کا ثبوت ہے۔

    ترک صدر نے خیرسگالی کے جذبات اور مبارکبادپر شہبازشریف کا شکریہ ادا کیا اور کہا پاکستان اورترکی بھائی ہیں ہمیشہ کی طرح ساتھ رہیں گے۔

    رجب طیب اردوان نے سابق وزیراعظم نوازشریف کی صحت کے بارے میں دریافت کیا اور کہا میں نواز شریف کی صحت یابی اورتندرستی کے لیے دعاگوہوں۔

    اس سے قبل یکم اپریل کو شہباز شریف نے سماجی رابطے کی ویب سائٹ ٹوئٹر پر ترکی زبان میں جاری پیغام میں کہا تھا وہ اپنے بھائی رجب طیب ایردوان کو ان کی جماعت کے بلدیاتی انتخابات میں کامیابی پر دلی مبارکباد دیتے ہیں ، انھوں نے ثابت کردیا ہے کہ سیاسی کامیابی عوامی خدمت کےبل بوتے پر حاصل ہوتی ہے، اور یہ کامیابی ان کی قیادت پر عوام کے اعتماد کا نتیجہ ہے ۔

    یاد رہے وزیراعظم عمران خان نے سماجی رابطے ویب سائٹ ٹوئٹر پر اپنے پیغام میں ترک صدر رجب طیب اردوگان کو مقامی سطح پر الیکشن میں کامیابی پر مبارکباد دیتے ہوئے کہا تھا پاکستان کےعوام ان کی مزیدکامیابیوں کےلیےدعاگوہیں۔

    خیال رہے ترک صدر کی جماعت جسٹس اینڈ ڈیولپمنٹ پارٹی نے اتحادیوں کے ساتھ ملکر بلدیاتی انتخابات میں کامیابی حاصل کی ہے۔

  • شہبازشریف کا نام ای سی ایل سے نکال دیا گیا، وزات داخلہ

    شہبازشریف کا نام ای سی ایل سے نکال دیا گیا، وزات داخلہ

    اسلام آباد : وزات داخلہ نے اپوزیشن لیڈر شہبازشریف کا نام ای سی ایل سے نکال دیا گیا، ای سی ایل سے نام لاہور ہائی کورٹ کے حکم پر نکالا گیا۔

    تفصیلات کے مطابق وزارت داخلہ نے اپوزیشن لیڈر شہبازشریف کانام ای سی ایل سےنکال دیاگیا اور نوٹی فکیشن کردیا ، لاہورہائی کورٹ کےحکم پرای سی ایل سےنام نکالاگیا۔

    یاد رہے 26 مارچ کو لاہور ہائی کورٹ نے شہباز شریف کا نام ای سی ایل سے نکالنے کا حکم دیا تھا، ان کا نام گزشتہ ماہ نیب کی سفارش پر ای سی ایل میں ڈالا گیا  تھا، جس کے خلاف 28 فروری کو شہباز شریف نے اپیل دائر کی تھی۔

    مزید پڑھیں : لاہورہائی کورٹ کا شہباز شریف کا نام ای سی ایل سے نکالنے کا حکم

    فروری میں ہی لاہور ہائی کورٹ میں جسٹس ملک شہزاد اور جسٹس مرزا وقاص پرمشتمل بینچ نے شہبازشریف کی رمضان شوگر ملز اور آشیانہ اسکینڈل کیسز درخواست ضمانت پرسماعت کرتے ہوئے ان کی ضمانت منظور کی تھی اور 10 ، 10لاکھ کے 2 ضمانتی مچلکے جمع کرانے کی ہدایت بھی کی تھی۔

    خیال رہے  22 فروری کو وزارت داخلہ نے نیب کی سفارش پر اثاثہ جات کیس میں سابق وزیراعلیٰ پنجاب اور اپوزیشن قومی اسمبلی شہباز شریف کا نام ایگزٹ کنٹرول لسٹ (ای سی ایل) میں داخل کیا تھا جس کے خلاف 28 فروری کو شہباز شریف نے اپیل دائر کی تھی۔

  • لاہورہائی کورٹ کا شہباز شریف کا نام ای سی ایل سے نکالنے کا حکم

    لاہورہائی کورٹ کا شہباز شریف کا نام ای سی ایل سے نکالنے کا حکم

    لاہور: عدالت عالیہ نے مسلم لیگ ن کے صدر شہباز شریف کا نام ایگز ٹ کنٹرول لسٹ سے خارج کرنے کا حکم صادر کردیا ہے۔

    تفصیلات کےمطابق لاہور ہائی کورٹ نے آج بروز منگل شہباز شریف کا نام ای سی ایل سے نکالنے کا حکم دیا ہے ، ان کا نام گزشتہ ماہ نیب کی سفارش پر ای سی ایل میں ڈالا گیا تھا۔

    گزشتہ ماہ 22 فروری کو وزارت داخلہ نے نیب کی سفارش پر اثاثہ جات کیس میں سابق وزیراعلیٰ پنجاب اور اپوزیشن قومی اسمبلی شہباز شریف کا نام ایگزٹ کنٹرول لسٹ (ای سی ایل) میں داخل کیا تھا جس کے خلاف 28 فروری کو شہباز شریف نے اپیل دائر کی تھی۔

    شہباز شریف کے وکیل اعظم نذیر تارڑ نے مؤقف اختیار کیا کہ نیب کے کہنے پر ایف آئی اے نے شہباز شریف کا نام ای سی ایل میں شامل کیا۔ شہباز شریف انکوائری کے دوران بھی بیرون ملک جا کر واپس آتے رہے۔

    نیب پراسیکیوٹر نے عدالت کو آگاہ کیا شہباز شریف کے 3300 ملین روپے کے آمدن سے زائد اثاثہ جات ہیں۔ شہباز شریف کے خلاف ابھی انکوائری جاری ہے۔ای سی ایل سے نام نکلوانے کے لئے شہباز شریف متعلقہ فورم سے رجوع کریں۔

    عدالت نے قرار دیا کہ نیب جو الزامات لگا رہا ہے اس کا دستاویزی ثبوت دیا جائے۔ صرف الزامات کی بنیاد پر نام ای سی ایل میں شامل کیسے کیا جا سکتا ہے۔

    عدالت نے قرار دیا کہ زبانی کلامی بات کی بجائے دستاویزات پیش کی جائیں اس طرح تو زبانی طور ہر یہ بھی کہا جا سکتا ہے کہ شہباز شریف دنیا کے سب سے امیر انسان ہیں۔ کیا الزامات کی بنیاد پر کسی کی آزادی سلب کی جا سکتی ہے۔

    دلائل کے بعد عدالت نے شہباز شریف کا نام ای سی ایل سے خارج کرنے کا حکم دے دیا۔

    فروری میں ہی لاہور ہائی کورٹ میں جسٹس ملک شہزاد اور جسٹس مرزا وقاص پرمشتمل بینچ نے شہبازشریف کی رمضان شوگر ملز اور آشیانہ اسکینڈل کیسزدرخواست ضمانت پرسماعت کرتے ہوئے ان کی ضمانت منظور کی تھی۔

    لاہور ہائی کورٹ نے شہبازشریف کو10،10لاکھ کے 2 ضمانتی مچلکے جمع کرانے کی ہدایت بھی کی تھی۔دوسری جانب لاہور ہائی کورٹ نے آشیانہ اسکینڈل میں فواد حسن فواد کی ضمانت منظور اورآشیانہ اسکینڈل کیس میں ضمانت کی درخواست مسترد کردی تھی۔

    قومی احتساب بیورو (نیب) نے 14 مارچ کوشہبازشریف کی ضمانت منسوخی کے لیے سپریم کورٹ سے رجوع کیا تھا۔نیب کی جانب سے اسپیشل پراسیکیوٹر اکرم قریشی نے عدالت عظمیٰ میں درخواست دائر کی تھی جس میں موقف اختیار کیا گیا تھا کہ ہائی کورٹ نے حقائق کے برعکس شہبازشریف کی درخواست ضمانت منظور کی گئی ہے ، تاہم عدالت عظمیٰ نے اس درخواست کو اعتراض لگا کر مسترد کردیا تھا۔

    یاد رہے کہ 4 مارچ کو جسٹس ملک شہزاد احمد خان کی سربراہی میں دو رکنی بینچ نے لاہور ہائی کورٹ میں شہبازشریف کی درخواست پرسماعت کی تھی۔

    عدالت نے استفسار کیا تھا کہ یہ معاملہ سنگل بینچ کا ہے، کیس دو رکنی بینچ میں کیسے لگا؟ جس پر شہبازشریف کے وکیل اعظم نذیر تارڑ کا کہنا تھا کہ پہلے بھی اسی نوعیت کا کیس سنگل بینچ سن چکا ہے لیکن رجسٹرار آفس نے 2 رکنی بینچ کے روبرو لگا دیا۔