اسلام آباد : ن لیگ کے رہنما راجہ ظفرالحق نے چیف الیکشن کمشنر کو خط لکھ کر میگا کرپشن کے بڑے ملزم کی گرفتاری پر تحفظات کا اظہار کیا ہے، ان کا کہنا ہے کہ شہبازشریف کی گرفتاری پری پول دھاندلی کے مترادف ہے۔
تفصیلات کے مطابق کرپشن کیس میں گرفتار میاں شہباز شریف کی حمایت میں ن لیگ کھل کر سامنے آگئی، ن لیگی رہنما راجہ ظفرالحق نے اس حوالے سے چیف الیکشن کمشنر کو ایک خط ارسال کیا ہے۔
خط کے متن میں ان کا کہنا ہے کہ قومی احتساب بیورو کے پاس قومی اسمبلی میں قائد حزب اختلاف شہباز شریف کو گرفتار کرنے کا کوئی قانونی جواز نہیں تھا۔
سابق وزیر اعلیٰ پنجاب کو صاف پانی کیس میں عدالت بلاکر آشیانہ ہاؤسنگ اسکینڈل میں گرفتار کیا گیا، خط میں راجہ ظفرالحق کا مزید کہنا ہے کہ شہبازشریف کی گرفتاری پری پول دھاندلی کے مترادف ہے کیونکہ ضمنی الیکشن سے پہلے شہبازشریف کی گرفتاری سیاسی انتقام ہے۔
انہوں نے سوال کیا ہے کہ ہیلی کاپٹرکیس اور نندی پوراسکینڈل اس سے بڑے مقدمات تھے مگر ان کیسوں میں کسی کی گرفتاری کیوں نہیں ہوئی؟
خط میں عمران خان کی چیئرمین نیب سے ملاقات سے متعلق کہا گیا کہ ہے کہ اس ملاقات سے حکومت اور نیب کا گٹھ جوڑ بھی ثابت ہوتا ہے،اس کے علاوہ گرفتاری کے بعد وزراء کے بیانات بھی اس گٹھ جوڑ کا پتہ دیتے ہیں۔
سینیٹرسراج الحق نے کہا کہ بھارت کی ہرجارحیت کا منہ توجواب دیا جائے گا، ملک میں پانی کی شدیدقلت ہےڈیم بننے چاہییں.
یاد رہے کہ گذشہ روز مسلم لیگ ن کے سربراہ میاں شہباز شریف کو نیب نے گرفتار کر لیا تھا. انھیں صاحب پانی کیس میں طلب کیا گیا تھا، دوران تفتیش آشیانہ اسکینڈل سے متعلق بھی سوالات ہوئے، جس کے بعد انھیں گرفتار کیا گیا.
خیال رہے کہ آشیانہ ہاؤسنگ اسکینڈل میں گرفتار سابق وزیراعلیٰ پنجاب اور مسلم لیگ ن کے صدر شہبازشریف کو احتساب عدالت نے 10 روزہ جسمانی ریمانڈ پر نیب کے حوالے کردیا۔
احتساب عدالت نے آشیانہ ہاؤسنگ اسکینڈل سے متعلق کیس کی سماعت 16 اکتوبر تک ملتوی کردی۔
شہبازشریف کو سماعت کے بعد انتہائی سخت سیکیورٹی میں بکتربند گاڑی میں احتساب عدالت سے روانہ کردیا گیا۔
یاد رہے کہ گزشتہ روز قومی احتساب بیورو( نیب) نے آشیانہ کمپنی کیس میں مسلم لیگ ن کے صدر اور اپوزیشن لیڈر میاں شہباز شریف کو کرپشن کے الزامات میں گرفتار کیا تھا۔
لاہور: آشیانہ ہاؤسنگ اسکینڈل میں گرفتار سابق وزیراعلیٰ پنجاب اور مسلم لیگ ن کے صدرشہبازشریف کو احتساب عدالت نے 10 روزہ جسمانی ریمانڈ پر نیب کے حوالے کردیا۔
تفصیلات کے مطابق نیب نے سابق وزیراعلیٰ پنجاب کے 15 روزہ جسمانی ریمانڈ کی درخواست کی جس پر عدالت نے شہبازشریف کا 10 روزہ جسمانی ریمانڈ منظور کرلیا۔
آشیانہ ہاؤسنگ کیس میں گرفتار مسلم لیگ ن کے صدرشہبازشریف کو آج احتساب عدالت میں پیش کیا گیا۔
نیب کی جانب سے سابق وزیراعلیٰ پنجاب کو انتہائی سخت سیکیورٹی میں بکتربند گاڑی میں احتساب عدالت پہنچایا گیا۔
سماعت کے آغاز پرکمرہ عدالت میں رش زیادہ ہونے پر احتساب عدالت کے جج نجم الحسن نے شہبازشریف اور وکلا کو اپنے چیمبرمیں بلالیا اورسماعت شروع کی۔
سابق وزیراعلیٰ پنجاب نے کہا میں کیس کی سماعت کھلی عدالت میں چاہتا ہوں جس پر معزز جج کورٹ روم میں آگئے جہاں سماعت ہوئی۔
شہبازشریف کی جانب سے ان کے وکیل امجد پرویز احتساب عدالت میں پیش ہوئے۔
مسلم لیگ ن کے صدر شہبازشریف نے احتساب عدالت میں کہا کہ کوئی غیرقانونی کام نہیں کیا، ملک وقوم کی ترقی کے لیے کام کیا۔
سابق وزیراعلیٰ پنجاب شہبازشریف نے کہا کہ لوٹنے والوں سے وصولی کرکے قومی خزانے کونقصان سے بچایا۔
امجد پرویز نے کہا کہ چوہدری لطیف اینٹی کرپشن کے ایک کیس میں مفرور ہے، ایک کیس میں90 کروڑروپے چوہدری لطیف سے وصول کیے گئے۔
سابق وزیراعلیٰ پنجاب نے کہا کہ ملزمان کورنگے ہاتھوں پکڑا لیکن نیب نے ان کوچھوڑدیا، آپ جانتے ہیں لٹیرے کیسے آپس میں مل جاتے ہیں۔
نیب پراسیکیوٹر نے احتساب عدالت میں الزامات سے متعلق دلائل دیتے ہوئے کہا کہ شہبازشریف نے اختیارات سے تجاوزکیا۔
انہوں نے کہا کہ شہبازشریف کےغیرقانونی اقدامات سے خزانے کو نقصان پہنچا، انہوں نے آشیانہ اسکیم کا کنٹریکٹ غیرقانونی طریقے سے دیا۔
نیب پراسیکیوٹر نے عدالت سے استدعا کی کہ شہبازشریف سے مزید تفتیش کرنی ہے، ریمانڈ دیا جائے۔
سابق وزیراعلیٰ پنجاب شہبازشریف کے وکیل امجد پرویز نے جسمانی ریمانڈ کی مخالفت کی۔
احتساب عدالت نے شہبازشریف کا 10 روزہ جسمانی ریمانڈ منظور کرتے ہوئے کیس کی سماعت 16 اکتوبر تک ملتوی کردی۔
شہبازشریف کو سماعت کے بعد انتہائی سخت سیکیورٹی میں بکتربند گاڑی میں احتساب عدالت سے روانہ کردیا گیا۔
خیال رہے کہ آج احتساب عدالت لے جانے سے پہلے شہبازشریف کا طبی معائنہ کیا گیا اور ڈاکٹرز نے انہیں مکمل فٹ قرار دیا۔
سابق وزیراعلیٰ کی پیشی کے موقع پرسیکیورٹی کے انتہائی سخت انتظامات کیے گئے، عدالت کے گرد پولیس کی بھاری نفری تعینات تھی۔
شہبازشریف کے صاحبزادے حمزہ شہباز بھی احتساب عدالت پہنچے اور انہیں عدالت کے اندرجانے کے اجازت دی گئی۔
مسلم لیگ ن کی رہنما مریم اورنگزیب، خواجہ احمد حسان، سمیع اللہ خان، سائرہ افضل تارڑ سمیت دیگر بھی احتساب عدالت کے باہرموجود تھے۔
احتساب عدالت کے باہر مسلم لیگ ن کے کارکن بھی بڑی تعداد میں جمع تھے جن کی جانب سے مسلسل نعرے بازی کی گئی۔
یاد رہے کہ گزشتہ روز قومی احتساب بیورو( نیب) نے آشیانہ کمپنی کیس میں مسلم لیگ ن کے صدر اور اپوزیشن لیڈر میاں شہباز شریف کو کرپشن کے الزامات میں گرفتار کیا تھا۔
نیب کے ترجمان کا کہنا تھا کہ شہباز شریف کی گرفتاری آشیانہ ہاؤس اسکینڈل میں غیرقانونی ٹھیکے دینے پرگرفتارکیا گیا۔
لاہور: مسلم لیگ ن کی رہنما مریم اورنگزیب کا کہنا ہے کہ شہبازشریف نے صوبہ پنجاب کی زندگی بھر خدمت کی۔
تفصیلات کے مطابق مسلم لیگ ن کی رکن قومی اسمبلی مریم اورنگزیب کا کہنا ہے کہ نیب کیسے آزاد ہے وزیراطلاعات کہتے ہیں یہ پہلی گرفتاری ہے۔
مریم اورنگزیب کا کہنا ہے کہ آج کا دن پاکستان کی تاریخ کا سیاہ دن ہے، شہبازشریف نے صوبہ پنجاب کی زندگی بھر خدمت کی۔
مسلم لیگ کی رہنما نے کہا کہ سیاست میں جب شکست نہ دی جاسکی تو گرفتار کرلیا گیا، صاف پانی کمپنی میں بلایا گیا، آشیانہ میں گرفتارکرلیا، دوران تحقیقات گرفتاری پرنیب کوجواب دینا پڑے گا۔
مریم اورنگزیب نے کہا کہ 80 ارب کے گڑھے کھودنے والے نیب کو نظرنہیں آتے۔
انہوں نے کہا کہ تحقیقات ہورہی ہیں اس لیے ضمانت منظورکرنی چاہیے، کوئی شواہد موجود ہیں تو نیب کوریفرنس میں شامل کرنے چاہییں۔
یاد رہے کہ گزشتہ روز قومی احتساب بیورو( نیب) نے آشیانہ کمپنی کیس میں مسلم لیگ ن کے صدر اور اپوزیشن لیڈر میاں شہباز شریف کو کرپشن کے الزامات میں گرفتار کیا تھا۔
نیب کے ترجمان کا کہنا تھا کہ شہباز شریف کی گرفتاری آشیانہ ہاؤس اسکینڈل میں غیرقانونی ٹھیکے دینے پرگرفتارکیا گیا۔
لاہور: پاکستان عوامی تحریک نے کہا ہے کہ ہم اب شہباز شریف کی سانحہ ماڈل ٹاؤن میں گرفتاری کے منتظر ہیں.
ان خیالات کا اظہار پاکستان عوامی تحریک نے مسلم لیگ ن کے صدر شہبازشریف کی گرفتاری پر ردعمل دیتے ہوئے کیا.
پاکستان عوامی تحریک کے ترجمان خرم نوازگنڈا پور کا کہنا تھا کہ شہباز شریف کو بہت پہلے گرفتار کر لیا جانا چاہیے تھا.
خرم نوازگنڈاپور نے کہا کہ شریفوں کی کرپشن کوئی ڈھکی چھپی بات نہیں ہے، احد چیمہ اور فوادحسن فواد شہباز شریف کےفرنٹ مین ہیں.
سیکریٹری جنرل پی اے ٹی نے کہا کہ قومی دولت لوٹنے والوں کا کڑا احتساب ہونا چاہیے، کوئی رعایت نہیں ملنی چاہیے، اب ہم سانحہ ماڈل ٹاؤن میں گرفتاریوں کے منتظر ہیں.
یاد رہے کہ قومی احتساب بیورو ( نیب) نے آشیانہ کمپنی کیس میں مسلم لیگ ن کے صدر اور اپوزیشن لیڈر میاں شہباز شریف کو کرپشن کے الزامات میں حراست میں لے لیا ہے۔
شہباز شریف کوصاف پانی کیس میں تفتیش کے لیے طلب کیا گیا تھا، شہباز شریف تفتیش کے لیے آئے تو ان سے آشیانہ سوسائٹی کے حوالے سے بھی پوچھ گچھ کی گئی.
اسلام آباد: قومی احتساب بیورو (نیب) کے مطابق صدرمسلم لیگ ن شہبازشریف کو آشیانہ کمپنی کیس میں گرفتارکیا گیا.
ترجمان نیب نے قومی اسمبلی میں اپوزیشن لیڈر شہبازشریف کی گرفتاری پر ردعمل دیتے ہوئے کہا کہ ان پر غیرقانونی ٹھیکےدینےکےالزامات ہیں.
ترجمان نیب کے مطابق شہبازشریف کوکل احتساب عدالت میں پیش کیا جائے گا۔
ادھر اسپیکر قومی اسمبلی اسدقیصر کو شہباز شریف کی گرفتاری سے متعلق آگاہ کردیا گیا ہے. واضح رہے کہ قانون کے مطابق کسی بھی ایم این اےکی گرفتاری سے پہلے اسپیکر کو اطلاع دینا ضروری ہے۔
آشیانہ اسکینڈل میں شہبازشریف کی گرفتاری تیسری بڑی کارروائی ہے. نیب اس سے قبل احد چیمہ اور فواد حسن فواد کو بھی آشیانہ اسکینڈل میں گرفتارکرچکی ہے.
یاد رہے کہ آشیانہ اسکینڈل میں ایل ڈی اےکےمتعددافسران کوبھی گرفتارکیاجاچکا ہے، نیب نےآشیانہ اسکینڈل کی تحقیقات رواں سال کےآغازمیں شروع کی تھی.
نیب ذرایع کے مطابق آشیانہ اسکینڈل میں نیب کی جانب سےمزیدگرفتاریوں کاامکان ہے.
یاد رہے کہ شہباز شریف کو آج صاف پانی کیس میں تفتیش کے لیے طلب کیا گیا تھا، شہباز شریف تفتیش کے لیے آئے تو ان سے آشیانہ سوسائٹی کے حوالے سے بھی پوچھ گچھ کی گئی، جس کے بعد انھیں گرفتار کیا گیا.
لاہور : مسلم لیگ ن کے سینئر رہنما رانا ثنا اللہ نے کہا ہے کہ جس طرح حنیف عباسی کو رات11 بجے سزا سنائی گئی، اسی طرح عجلت میں آج شہبازشریف کی گرفتاری ہوئی.
ان خیالات کا اظہار انھوں نے مسلم لیگ ن کے صدر شہبازشریف کی گرفتاری پر ردعمل دیتے ہوئے کیا.
راناثنااللہ کا کہنا تھا کہ شہبازشریف پرایک روپے کی کرپشن بھی ثابت نہیں کی جاسکتی.
انھوں نے کہا کہ سیاسی انتقامی کارروائی کرتے ہوئے شہبازشریف کو گرفتارکیا گیا.
سابق وزیر قانون کو کہنا تھا کہ اقتدارمیں رہتے شہبازشریف نے کمپنی کیس میں کرپشن کی نشان دہی کی تھی، آج سیاسی انتقام پرمبنی کارروائی کی گئی۔
انھوں نے مزید کہا کہ یہ کہانی اپنےانجام کو پہنچےگی، یہ اقدامات حکومت کو بچا نہیں سکیں گے.
پارٹی کا ردعمل
بعد ازاں ن لیگ کی پارلیمانی پارٹی نے شہبازشریف کی گرفتاری پر ردعمل دیتے ہوئے الزام عائد کیا کہ اسپیکرکی اجازت کےبغیرشہبازشریف کو گرفتار کیا گیا۔
ن لیگ کے مطابق نیب کےاستعمال کی بدقسمت تاریخ ایک بارپھر دہرائی جارہی ہے، ضمنی الیکشن پرنظراندازہونےکے لئےشہبازشریف کوگرفتار کیا گیا، آزادانہ غیرجانب دارانہ الیکشن مخالفین اپنی سیاسی موت سمجھتےہیں۔
یاد رہے کہ قومی احتساب بیورو ( نیب) نے آشیانہ کمپنی کیس میں مسلم لیگ ن کے صدر اور اپوزیشن لیڈر میاں شہباز شریف کو کرپشن کے الزامات میں حراست میں لے لیا ہے۔
شہباز شریف کوصاف پانی کیس میں تفتیش کے لیے طلب کیا گیا تھا، شہباز شریف تفتیش کے لیے آئے تو ان سے آشیانہ سوسائٹی کے حوالے سے بھی پوچھ گچھ کی گئی.
ادھر شہباز شریف کی گرفتاری کے بعد نیب لاہور بیورو کے باہر سیکیورٹی بڑھا دی گئی ہے.
اسلام آباد: دوران الیکشن ذاتی اشتہاری مہم سے متعلق کیس میں شہبازشریف نے اپنی اشتہاری مہم کےعوض 55 لاکھ کا چیک عدالت میں جمع کرادیا، جس پر چیف جسٹس نے ریمارکس دیئے کہ شہباز شریف نے رضاکارانہ چیک جمع کراکر مثال قائم کردی ہے۔
تفصیلات کے مطابق سپریم کورٹ میں چیف جسٹس ثاقب نثار کی سربراہی میں پینچ نے دوران الیکشن ذاتی اشتہاری مہم سے متعلق کیس کی سماعت کی، دوران سماعت شہبازشریف نے اپنی اشتہاری مہم کےعوض 55 لاکھ کا چیک عدالت میں جمع کرادیا۔
چیف جسٹس نے استفسار کیا کہ شہبازشریف کا چیک ڈیم فنڈ میں جائے گا یا حکومتی خزانے میں ؟ جس پر ایڈووکیٹ شاہد حامد نے کہا چیک حکومت پنجاب کےخزانے میں جائے گا، ڈیم کے لیے ن لیگ حکومت نے 122ارب مختص کیے تھے۔
چیف جسٹس نے ریمارکس میں کہا رقم تو قومی خزانے سےتھی ذاتی حیثیت میں نہیں، شاہد حامد اینڈ کمپنی کی جانب سے ڈیم فنڈ میں کوئی چندہ نہیں آیا۔
جسٹس ثاقب نثار کا کہنا تھا کہ بتایا گیا سندھ اور کے پی میں بھی ذاتی اشتہاری مہم سرکاری خرچ پر چلائی گئی، پٹیشنربھی معلومات دینا چاہیے تو دے سکتا ہے، مزید کوئی معلومات ہوں تو عدالت میں جمع کرائیں۔
چیف جسٹس سپریم کورٹ نے کہا شہباز شریف نے رضاکارانہ چیک جمع کراکر مثال قائم کردی، باقی رہنمابھی اس پر عمل کریں، تاریخی کلمات کے ساتھ شہبازشریف کیخلاف نوٹس نمٹایا جاتا ہے۔
دوران سماعت چیف سیکریٹری سندھ اور کے پی کے کو نوٹس جاری کرتے ہوئے 10دن میں جواب طلب کرلیا اور سماعت 10دن کے لئے ملتوی کردی۔
یاد رہے مارچ میں چیف جسٹس نے سرکاری اشتہارات از خود نوٹس کیس میں وزیراعلیٰ پنجاب شہباز شریف کو سرکاری اشتہار کے 55 لاکھ روپے قومی خزانے میں جمع کروانے کا حکم دیا تھا۔
لاہور : صدر مسلم لیگ ن شہبازشریف کا کہنا ہے کہ وزیراعظم کے خلاف تحریک عدم اعتماد قبل ازوقت ہے، ملک کو چیلنجز ہیں، مل کر آگے بڑھنا ہوگا، نوازشریف کی رہائی کسی ڈیل کانتیجہ نہیں،مسلم لیگ ن کے قائد ہیں اور رہیں گے۔
تفصیلات کے مطابق صدر مسلم لیگ ن شہباز شریف نے پارلیمانی رپورٹرز کی ایگزیکٹیو باڈی سے گفتگو کرتے ہوئے کہا وزیراعظم کےخلاف تحریک عدم اعتمادقبل ازوقت ہے، ملک کو چیلنجز ہیں مل کر آگے بڑھنا ہوگا۔
صدر مسلم لیگ ن کا کہنا تھا کہ تحریک عدم اعتمادپارلیمانی اقدام ہےلیکن ابھی ملک کواستحکام چاہیے، پارلیمنٹ کسی کو بنا بھی سکتی ہے اور ہٹا بھی سکتی ہے، تحریک عدم اعتماد فی الوقت پری میچور بات ہے۔
شہباز شریف نے کہا نوازشریف مسلم لیگ ن کے قائد ہیں اور رہیں گے، نوازشریف کی رہائی کسی ڈیل کا نتیجہ نہیں، من پسند احتساب ہوا تو مزاحمت کریں گے، 2009 میں پنجاب میں گورنر راج کے نفاذ کا کیا جواز تھا۔
ان کا کہنا تھا کہ اپوزیشن کی خواہش ہےملک کیلئےمتحدہوکرچلیں، اپوزیشن میں تقسیم ہوئی تھی لیکن اپوزیشن بہرحال ایک ہے، اختلاف رائے جمہوریت کا حسن ہے، قومی ایشوز پر سب ایک ہیں۔
صدر مسلم لیگ ن نے کہا کوشش ہے خارجہ، داخلہ اور قومی سلامتی کے امور پر اتفاق رہے، پی اے سی کو خود ہیڈ کروں گا، جو روایات ہیں، برقرار رہنا چاہیے، اپوزیشن کے رابطے ہوتے ہیں مدد کیلئے زرداری سے رابطہ نہیں کیا۔
شہباز شریف کا کہنا تھا کہ میرے علم میں ایسی کوئی بات نہیں، پیپلزپارٹی سے مدد طلب کی گئی، خرید و فروخت کی منڈی صدارتی الیکشن میں لگائی گئی، پی ٹی آئی نے جہاز بھر بھر کے ارکان کو خریدا وہ بھی سامنے ہے۔
انھوں نے مزید کہا اداروں کا آئین میں ایک کردار ہے، جنہیں حدود میں رہنا چاہیے، 18 ویں ترمیم کی رول بیک کی باتیں قبل ازوقت ہیں، 70 گاڑیاں نیلام کرنے والے واویلا کر رہے ہیں، ہم نے اپنے دور میں 500 گاڑیاں نیلام کیں۔
ن لیگ صدر کا کہنا تھا کہ ضمنی انتخابات میں حصہ لےرہےہیں،حکومت نےمہنگائی بم گرادیا، بیورو کریسی خدمت کر رہی ہے، بھینٹ چڑھایا تو حکومت کو مشکل ہوگی۔
شہباز شریف نے کہا کہ میٹرو بس پراجیکٹ کا شوق سے احتساب کریں ،پشاور میٹرو کو بھی شامل کرلیں۔
