Tag: شہبازشریف

لاہور: وزیراعلیٰ پنجاب شہبازشریف کا کہنا ہے کہ ملکی ترقی وخوشحالی پہلے بھی مقدم ہے اور رہے گی لیکن بعض سیاسی عناصر افراتفری پھیلانے کی کوشش کررہے ہیں۔

تفصیلات کے مطابق وزیراعلیٰ پنجاب شہبازشریف سے مسلم لیگ ن کے رہنما حنیف عباسی نے ملاقات کی جس میں شہبازشریف نے کہا کہ دھرنا گروپ نے ہمیشہ ترقی کے سفر میں رکاوٹیں کھڑی کیں۔

شہبازشریف نے کہا کہ پی ٹی آئی عوام کی ترقی چاہتی ہے نہ ملک کی خوشحالی، انہوں نے کہا کہ عوام کی ترقی کے مخالفین کو ہرمحاذ پر ناکامی کا سامنا کرنا پڑا ہے۔

وزیراعلیٰ پنجاب نے کہا کہ عوام اپنے مسائل کا حل اورخوشحالی چاہتے ہیں انہوں نے کہا کہ رکاوٹیں ڈالنےوالوں کا محاسبہ عوام 2018 کے انتخابات میں کریں گے۔

دوسری جانب مسلم لیگ ن کے رہنما حنیف عباسی نے کہا کہ حکومت کے خلاف سازش کی جارہی ہے جبکہ عمران خان اور شیخ رشید قوم کو گمراہ کررہے ہیں۔

حنیف عباسی کا کہنا تھا کہ نوازشریف کا قصور یہ تھا کہ سی پیک بنایا اور پنجاب میں سڑکوں کے جال بجھا دیے۔

---

بلاخوف کہہ سکتاہوں شفافیت نے نوازشریف کے گزشتہ ادوار کو مات کیا،شہبازشریف

---

واضح رہے کہ دو روز قبل وزیراعلیٰ پنجاب شہباز شریف نےمسلم لیگ ن کے جنرل کونسل اجلاس سے خطاب کرتے ہوئے کہا تھا کہ کیا احتساب صرف ن لیگ کے لیے ہے، بلا خوف کہہ سکتا ہوں شفافیت نے نوازشریف کے گزشتہ ادوار کو مات دیا۔

---

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

لاہور: وزیراعلیٰ پنجاب شہبازشریف کا کہنا ہے کہ پاکستان اور انڈونیشیا میں مذہبی، ثقافتی اور تجارتی تعلقات ہیں۔

تفصیلات کے مطابق وزیراعلیٰ ہاؤس میں انڈونیشیا کے سیفر نے وزیراعلیٰ پنجاب شہبازشریف سے ملاقات کی جس میں باہمی دلچسپی کے امور سمیت دو طرفہ تعاون کے فروغ پر تبادلہ خیال کیا گیا۔

اس موقع پر وزیراعلیٰ پنجاب کا کہنا تھا کہ پاکستان اور انڈونیشیا میں تجارتی ومعاشی روابط کو بڑھانے کی ضرورت ہے۔ انہوں نے کہا کہ زرعٰی شعبے میں بھی انڈونیشیا کے ساتھ درآمد بڑھائی جاسکتی ہے۔

وزیراعلیٰ پنجاب شہبازشریف کا کہنا تھا کہ دونوں ملکوں میں تجارتی وفود کے تبادلوں سے معاشی تعلقات کو فروغ ملے گا۔

دوسری جانب انڈونیشین سفیرآئیوان ایس آمری کا کہنا تھا کہ پاکستان کے ساتھ حلال فوڈ سمیت دیگر شعبوب میں مزید تعاون کے خوائش مند ہیں۔

---

اپنے آپ کوعوام کا خادم کہلوانے پرفخرمحسوس کرتا ہوں‘ شہبازشریف

---

واضح رہے کہ گزشتہ ہفتے شہبازشریف نے ڈیرہ غازی خان میں جلسے سے خطاب کرتے ہوئے کہا تھا کہ ہم عوام کی خدمت کا کوئی موقع ہاتھ سے جانے نہیں دیتے اگرہم نے9 سال میں عوام کا ایک دھیلا بھی کھایا ہو توعوام کا ہاتھ اورمیرا گریبان ہوگا۔

---

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

لاہور : وزیراعلیٰ پنجاب میاں محمد شہبازشریف لاہور سے لندن روانہ ہوگئے جہاں وہ سابق وزیراعظم نوازشریف سے ملاقات کریں گے۔

تفصیلات کے مطابق وزیراعلیٰ پنجاب شہبازشریف علامہ اقبال انٹرنیشنل ایئرپورٹ سے پی آئی اے کی پرواز پی کے 757 کے ذریعے لندن روانہ ہوگئے۔

وزیراعلیٰ پنجاب شہبازشریف کے ہمراہ مصطفیٰ رمدے ، سلمان شہباز اور ان کے بچے بھی ہیں۔

شہباز شریف سابق وزیراعظم نواز شریف سے لندن میں ملاقات کریں گےجس میں وہ چوہدری نثارعلی خان کا اہم پیغام بھی نوازشریف تک پہنچائیں گے۔

---

وزیراعظم شاہد خاقان عباسی نیویارک سے لندن پہنچ گئے

---

وزیر خارجہ خواجہ آصف ، مریم نواز اور حسن،حسین نواز بھی اس ملاقات کا حصہ ہوں گے۔ پارٹی ذرائع کے مطابق اس ملاقات میں نیب کی کارروائی،آرٹیکل 62 اور63 پر بات چیت بھی ایجنڈے کا حصہ ہوگی۔

خیال رہے کہ وزیراعلیٰ پنجاب شہبازشریف یکم اکتوبر کو لندن سے وطن واپس پہنچیں گے۔

---

ماڈل ٹاؤن رپورٹ پبلک نہ کرنے پرتوہین عدالت درخواست دائر

---

دوسری جانب پاکستان عوامی تحریک نے سانحہ ماڈل ٹاؤن جوڈیشل رپورٹ عام نہ کرنے پروزیراعلیٰ پنجاب، چیف سیکریٹری کے خلاف توہین عدالت کی درخواست دائر کی ہے۔

درخواست میں پاکستان عوامی تحریک کی جانب سے استدعا کی گئی ہے کہ رپورٹ عام نہ کرنے پر توہین عدالت کی کارروائی کی جائے۔

واضح رہے کہ گزشتہ ہفتے وزیراعلیٰ پنجاب میاں محمد شہبازشریف لندن سے وطن واپس پہنچے تھے، شہبازشریف کلثوم نواز کی عیادت کے لیےگزشتہ ماہ لندن گئے تھے۔

---

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

ڈیرہ غازی خان : وزیراعلیٰ پنجاب شہبازشریف کا کہنا ہے کہ میٹروملتان سے متعلق کرپشن کا بے بنیاد الزام لگایا گیا،میرےادوارمیں ایک دھیلے کی بھی کرپشن ملی تو سزاضروردینا۔

تفصیلات کے مطابق وزیراعلیٰ پنجاب شہبازشریف نے ڈیرہ غازی خان میں جلسے سے خطاب کرتے ہوئے کہا کہ ہم عوام کی خدمت کا کوئی موقع ہاتھ سے جانے نہیں دیتے اگرہم نے9 سال میں عوام کا ایک دھیلا بھی کھایا ہو توعوام کا ہاتھ اورمیرا گریبان ہوگا۔

وزیراعلیٰ پنجاب نے پاکستان تحریک انصاف کےسربراہ پر تنقید کرتے ہوئے کہا کہ جس شخص کو آدھے گھنٹے پہلے کے اپنے الفاظ کا پتہ نہ ہو اس سے کیا توقع کی جاسکتی ہے۔

انہوں نے کہا کہ میں نے پریس کانفرنس میں بتایا کہ 48 گھنٹے میں ثبوت پیش کیے جائیں اور عمران خان کو عدالت لے کر گیا تو وہ پیش ہی نہیں ہوئے۔

شہبازشریف کا کہنا تھا کہ ہمیں کہتےتھے نوازشریف اورشہبازشریف ڈینگی برادران ہیں، انہوں نے کہا کہ پشاورمیں ڈینگی پھیلا تو مجھےتکلیف اوردرد محسوس ہوا۔

واضح رہے کہ وزیراعلیٰ پنجاب شہبازشریف نے کہا کہ پشاورمیں ڈینگی کی وباپھیلی توخان صاحب پہاڑوں کی سیرکررہے تھے۔

---

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

لاہور: وزیراعلیٰ پنجاب شہبازشریف کا کہنا ہے کہ این اے 120 کے نتائج سے ثابت ہوگیا کہ عوام خدمت کی سیاست کرنے والوں کے ساتھ ہیں۔

تفصیلات کے مطابق وزیراعلیٰ پنجاب شہبازشریف نے کہا کہ این اے 120 کے ضمنی الیکشن نے ثابت کیا کہ عوام احتجاجی سیاست سے تنگ آچکے ہیں۔

شہبازشریف نے سماجی رابطے کی ویب سائٹ ٹویٹر پر اپنے پیغام میں بیگم کلثوم نواز اور کارکنوں کو این اے 120 میں کامیابی پر مبارکباد دی۔

Congratulations to Begum Kalsoom Nawaz, PMLN office bearers, voters, supporters & workers on excellent victory in NA120 contest ….

— Shehbaz Sharif (@CMShehbaz) September 17, 2017

وزیراعلیٰ پنجاب نے ٹویٹر پر اپنے ایک اور پیغام میں کہا کہ کلثوم نوازکی کامیابی عوام کا مسلم لیگ ن سے والہانہ محبت کا اظہار ہے،ثابت ہوگیا عوام خدمت کی سیاست کرنے والوں کے ساتھ ہیں۔

Result of this NA120 election has shown that the hearts of the masses beat with PMLN …

— Shehbaz Sharif (@CMShehbaz) September 17, 2017

شہبازشریف کا کہنا تھا کہ جھوٹ کی سیاست کوعوام نے ووٹ کی طاقت سے رد کردیا،انہوں نے کہا کہ 4 سال بعد بھی ن لیگ ملک کی مقبول ترین جماعت ہے۔

وزیراعلیٰ پنجاب کا کہنا تھا کہ عوام موجودہ حکومت کی پالیسیوں کا تسلسل چاہتے ہیں، مسلم لیگ عوامی خدمت کا سفر عزم کے ساتھ جاری رکھے گی۔

---

این اے 120 : کلثوم نواز کی جیت کا غیرسرکاری اعلان

---

واضح رہے کہ گزشتہ روز این اے 120 کے ضمنی انتخاب بیگم کلثوم نواز نے 61745 ووٹ حاصل کرکے جیت لیا تھا۔

---

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

لاہور: وزیراعلیٰ پنجاب شہبازشریف کا کہنا ہے کہ پاکستانی ٹیم اور ورلڈ الیون کے کھلاڑیوں نےعمدہ کھیل سےشائقین کو محظوظ کیا۔

تفصیلات کے مطابق وزیراعلیٰ پنجاب شہبازشریف کا کہنا ہے کہ آزادی کپ میچز کا پُرامن انعقاد امن دشمنوں کی شکست ہے، ہار جیت سے قطع نظرپُرامن پاکستانی قوم کو فتح ملی۔

وزیراعلیٰ پنجاب کا کہنا تھا کہ پاکستان اور ورلڈالیون کے کھلاڑیوں نےعمدہ کھیل سے شائقین کومحظوظ کیا،بہترین کھیل پردونوں ٹیموں کو مبارکباد دیتا ہوں۔

---

عالمی کرکٹرزکی آمدکھیل کےمیدان میں تازہ ہواکے جھونکے کی مانندہے‘ شہبازشریف

---

خیال رہے کہ چار روز قبل شہباز شریف کا کہنا تھا کہ عالمی کرکٹرزکی آمدکھیل کےمیدان میں تازہ ہواکےجھونکےکی مانند ہے،انٹرنیشنل کرکٹرز پاکستان سےاچھی یادیں لے کر جائیں گے۔

یاد رہے کہ ورلڈ الیون کے کوچ اینڈی فلاور نے لاہور پہنچنے پر پاکستانی شائقین کے نام ویڈیو پیغام جاری کیا تھا جس میں ان کا کہنا تھا کہ پاکستان آکر خوشی ہوئی۔

واضح رہے کہ گزشتہ روز آزادی کپ کے تیسرے اور فیصلہ کن ٹی ٹوئنٹی میچ میں پاکستان نے ورلڈ الیون کو 33 رنز سے شکست دے کر سیریز اپنے نام کرلی تھی۔

---

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

لاہور: وزیراعلیٰ پنجاب میاں محمد شہبازشریف ترکی کے دورے پرروانہ ہوگئے جہاں وہ ترک اعلیٰ حکام سے ملاقاتیں کریں گے۔

تفصیلات کے مطابق وزیراعلیٰ پنجاب شہبازشریف ترکی کے دورے پرروانہ ہوگئے، شہبازشریف ترک قیادت سے ملاقات کریں گے۔

شہبازشریف کا ترکی روانگی سےقبل کہنا تھا کہ پاکستان اورترکی کےتعلقات نئےدورمیں داخل ہوچکے ہیں۔

وزیراعلیٰ پنجاب کا کہنا تھا کہ پاکستان اورترکی علاقائی اورعالمی امورپریکساں مؤقف رکھتےہیں،میرے دورہ ترکی سے دونوں ملکوں کے دو طرفہ تعلقات کو فروغ ملے گا۔

---

پاکستان کی قربانیوں کو قدر کی نگاہ سے دیکھتے ہیں، ترک وزیراعظم

---

خیال رہے کہ تین روز قبل وزیرخارجہ خواجہ آصف سے ملاقات میں ترک وزیراعظم بن علی یلدرم نے پاکستان کی قربانیوں کا اعتراف کرتے ہوئے کہا تھا کہ پاکستان نے دہشت گردی کے خلاف بہت قربانیاں دی ہیں اورعالمی برادری کو پاکستان کی قربانیوں کوتسلیم کرنا چاہیے۔

ترک وزیراعظم بن علی یلدرم کا کہنا تھا کہ افغانستان کے مسئلے پر ترکی پاکستان کی حمایت کرتا ہے اور دہشت گردی کے خلاف جنگ میں 60 ہزار پاکستانیوں نے اپنی جانوں کے نذرانے پیش کیے جسے قدر کی نگاہ سے دیکھتے ہیں۔

---

وزیراعلیٰ پنجاب شہبازشریف لاہور پہنچ گئے

---

واضح رہے کہ گزشتہ روز وزیراعلیٰ پنجاب میاں محمد شہبازشریف لندن سے وطن واپس پہنچے تھے ،شہبازشریف کلثوم نواز کی عیادت کے لیے لندن گئے تھے۔

---

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

لاہور : وزیراعلیٰ پنجاب میاں محمد شہبازشریف لندن سے وطن واپس پہنچ گئے ،شہبازشریف کلثوم نواز کی عیادت کے لیے لندن گئے تھے۔

تفصیلات کے مطابق وزیراعلیٰ پنجاب دورہ لندن کے بعد آج صبح لاہور ایئرپورٹ پہنچے، شہباز شریف نے لندن میں بیگم کلثوم نوازکی عیادت کی۔

وزیراعلیٰ پنجاب شہباز شریف قومی ایئرلائن کی پروازپی کے758کےذریعےآج صبح 7 بجے لندن سےلاہورپہنچے۔

خیال رہے کہ گزشتہ ماہ کلثوم نواز کے بعد وزیراعلیٰ پنجاب شہبازشریف کے بیٹے حمزہ شہباز نجی دورے پر لندن روانہ ہوگئے تھے۔

---

حمزہ شہبازشریف نجی دورے پرلندن روانہ

---

لندن روانگی سے قبل پارٹی عہدیداران سے گفتگو کرتے ہوئے انہوں نے کہا کہ کلثوم نواز میری والدہ ہیں۔

شہبازشریف کا کہنا تھا کہ الیکشن سے پہلے کلثوم نواز اور میں وطن واپس آجائیں گے اور این اے 120 کا الیکشن ہم سب کا الیکشن ہے اور ہم سب مل اس ضمنی انتخاب میں حصہ لیں گے۔

---

شریف خاندان کے افراد اچانک لندن روانہ

---

بعدازاں سابق وزیراعظم نوازشریف اور شہبازشریف کے اہل خانہ قومی علامہ اقبال انٹرنیشنل ایئرپورٹ سے قومی ایئرلائن کی پرواز پی کے 757 سے اچانک لندن روانہ ہوگئے تھے۔

---

وزیراعلیٰ پنجاب شہبازشریف لندن روانہ

---

واضح رہے کہ گزشتہ ہفتے وزیراعلیٰ پنجاب میاں محمد شہبازشریف کلثوم نواز کی عیادت کرنے کے لیے لندن روانہ ہوگئے تھے۔

---

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں