Tag: شہبازگل

لاہور : وزیراعلیٰ پنجاب کے ترجمان شہباز گل نے کہا اگر برطانوی اخبار کی خبرچھوٹی ہوتی تون لیگ والے اتنے پریشان نہ ہوتے اور نہ ان کی جان کےلالے نہ پڑتے ، پیسے نہیں کھائے توصحافی کوعدالت میں چیلنج کریں۔

تفصیلات کے مطابق وزیراعلیٰ پنجاب کے ترجمان شہبازگل نے اے آروائی نیوز کے پروگرام باخبر سویرا میں گفتگو کرتے ہوئے کہا برطانوی اخبار کی خبراتنی چھوٹی نہیں ہے، اگر خبر چھوٹی ہوتی توان کوجان کے لالے نہ پڑتے، ان کے گلو بٹ برطانیہ میں صحافی کو ہراساں کررہے ہیں۔

شہبازگل کا کہنا تھا ان لوگوں کو ہر چیز میں سے پیسہ کھانے کی عادت ہے، اگر خبر چھوٹی ہوتی تو ن لیگ والے اتنے پریشان نہ ہوتے، ان لوگوں نے رقم نہیں کھائی تو صحافی کو عدالت میں چیلنج کریں۔

ترجمان وزیراعلیٰ پنجاب نے کہا ن لیگ کی شرمناک حرکت کی تحقیقات کروائیں گے، مریم نواز کے لیے جھوٹ بولنا کوئی مشکل کام نہیں ہے، جو تصاویر دکھائی گئی وہ ایک سال پرانی ہیں ہم نے خود شیئر کیں۔

مزید پڑھیں : شہباز شریف اسکینڈل کی انگلینڈ اور پاکستان کے اندر تحقیقات کرائیں گے، شہباز گل

گذشتہ روز ترجمان وزیراعلیٰ پنجاب شہباز گل نے نیوز کانفرنس کرتے ہوئے کہا تھا کہ امداد اور خیرات کا مال بھی کھالیا گیا ہے، مافیا پہلے پیسوں کی پیشکش کرتا ہے بات نہ بنے تو دھمکیاں دیتا ہے، کوئی قانون ہاتھ میں لے گا تو قانون حرکت میں آئے گا۔

شہباز گل نے کہا کہ ادارے آزادانہ احتساب کا عمل جاری رکھے ہوئے ہیں، ہماری حکومت کسی کو سیاسی انتقام کا نشانہ نہیں بنارہی ہے، ہم وہ حکمران نہیں جو یہ کہیں کہ آپ کو قربانی دینی چاہئے۔

ترجمان وزیراعلیٰ پنجاب نے کہا کہ شہبازشریف ،ان کاخاندان عوامی دولت دونوں ہاتھوں سے لوٹتےرہے، مشکل وقت میں عوام کے ساتھ کھڑے ہیں، ایک ایک پائی جمع کریں گے۔

واضح رہے کہ برطانوی اخبار نے دعویٰ کیا تھا کہ سابق وزیراعلیٰ پنجاب شہباز شریف نے زلزلہ متاثرین کی امداد میں لاکھوں پاؤنڈ کی خوردبرد کی، خادم اعلیٰ نے ڈی ایف آئی ڈی فنڈ پروگرام سے بھی چوری کی۔

لاہور: ترجمان وزیراعلیٰ پنجاب شہباز گل نے کہا ہے کہ آج میں کرولا پرآؤں اور کل جائیدادیں بن جائیں تو کیاعوام احتساب نہیں چاہیں گے؟۔

تفصیلات کے مطابق سماجی رابطے کی ویب سائٹ ٹویٹر پر اپنے پیغام میں ترجمان وزیراعلیٰ پنجاب نے کہا کہ 50 سال یہ دونوں پارٹیاں حکومت میں رہیں۔

شہباز گل نے کہا کہ پی ٹی آئی سے اگر کسی نے مال کھایا اسے بھی اندر ہونا چاہیے، اسے بھی آپ ہی کے برابر والی بیرک میں ہونا چاہیے۔ انہوں نے کہا کہ جنہوں نے لمباعرصہ مال کھایا ان کے معاملات پہلے سامنے آگئے ہیں۔

یہاں پر مسئلہ قانون کا نہیں، مسئلہ احتساب کا ہے۔ جس بھی قانون کے تحت آپ لوگوں کا احتساب کرینگے، وہ احتساب نہیں دینا چاہتے۔ پاکستان میں کرپشن ہوئی ہے نہ ہم سب کو پتا ہے، ورنہ ہمارا یہ حال نہ ہوتا۔ جو 50 سال حکومت میں رہے انہوں نے کی ہے؛ آپ نے اور میں نے تو نہیں کی! @SHABAZGIL pic.twitter.com/dkasdKb9mi

— Dr. Shahbaz Gill Updates (@SPCMPunjab) July 5, 2019

ترجمان وزیراعلیٰ پنجاب شہباز گل نے کہا کہ آج میں کرولا پرآؤں اور کل جائیدادیں بن جائیں تو کیاعوام احتساب نہیں چاہیں گے؟۔

آپکو کیا لگتا ہے انکا احتساب کریں گے کل عوام ہمیں چھوڑے گی؟ آج میں اگر ٹویوٹا کرولا پر آتا اور کل کو میری بہت سی جائیدادیں بن جائیں تو کیا عوام میرا احتساب نہیں چاہے گی؟ میں ٹویٹ کروں تو کئی ہماری پارٹی کے فالورز ہی تنقید کرتے ہیں کہ بھائی یہ نہیں یہ کام کرو۔۔۔ @SHABAZGIL pic.twitter.com/XN8X6jScdX

— Dr. Shahbaz Gill Updates (@SPCMPunjab) July 5, 2019

احتجاج اور ریلی نکالنا ن لیگ کے بس کی بات نہیں، شہباز گل

یاد رہے کہ 16 مئی کو ترجمان وزیراعلیٰ پنجاب کا کہنا تھا کہ پنجاب میں گزشتہ 10 سالوں میں غریب کی حالت بد سے بدتر ہوتی گئی تھی، ن لیگ نے کمیشن کھانے، ٹی ٹی ٹرانزیکشن کے علاوہ کچھ نہیں کیا۔

لاہور: ترجمان وزیراعلیٰ پنجاب شہباز گل کا کہنا ہے کہ پنجاب اسمبلی بجٹ اجلاس میں سے 15 ارکان غائب تھے، وہ ان 15 سے مختلف ہیں جن کی وزیراعظم سے ملاقات ہوئی۔

تفصیلات کے مطابق سماجی رابطے کی ویب سائٹ ٹویٹر پر شہباز گل نے اپنے پیغام میں کہا کہ رانا صاحب نے کہا تھا پارٹی چھوڑنے والوں کے گھروں کا گھیراؤ کروں گا، راناصاحب 46 لوگوں کے گھروں کا گھیراؤکرنے کا انتظام کرلیں۔

ترجمان وزیراعلیٰ پنجاب نے کہا کہ پنجاب اسمبلی بجٹ اجلاس میں سے 15 ارکان غائب تھے، وہ ان 15 سے مختلف ہیں جن کی وزیراعظم سے ملاقات ہوئی، اس کے علاوہ 31 لوگ اور ہیں۔

یاد رہے کہ 29 جون کو وزیراعظم عمران خان نے حزب اختلاف کی جماعت مسلم لیگ ن کے 15 ارکان پنجاب اسمبلی نے ملاقات کی تھی۔ ن لیگی ارکان پنجاب اسمبلی کی وزیراعظم سے ملاقات کے دوران وزیراعلیٰ پنجاب بھی موجود تھے۔

ذرائع کا کہنا تھا کہ مسلم لیگ ن کے ارکان پنجاب اسمبلی نے وزیراعظم عمران خان اور وزیراعلیٰ پنجاب سردار عثمان بزدار کی پالیسیوں پر اعتماد کا اظہار کیا تھا۔

وزیراعظم عمران خان کے معاون خصوصی برائے سیاسی امور نعیم الحق نے ن لیگی ارکان پنجاب اسمبلی کی وزیراعظم سے ملاقات کی تصدیق کی تھی۔

لاہور : ترجمان وزیراعلیٰ پنجاب شہبازگل کا کہنا ہے کہ اے پی سی این آر او کے لیے ہے، ان لوگوں کوکسی صورت این آراونہیں دیاجائےگا، اقتدار کی ہوس میں ’’مولانا‘‘ آئے دن سازشوں کی محفل رچاتے ہیں، جتنی چاہے مجلسیں کر لیں، آپ کا یوم حساب آن پہنچا ہے۔

تفصیلات کے مطابق ترجمان وزیراعلیٰ پنجاب شہبازگل نے اے پی سی کے حوالے سے بیان میں کہا لٹیروں کا ٹولہ جمہوریت بچاؤمہم کےنام پر پھر اکٹھا ہورہا ہے، احتساب کے خوف سے مستند چوروں کی نیندیں اڑ گئی ہیں، یہ اے پی سی، آل پارٹیز کرپشن بچانے کی ناکام کوشش ہے۔

شہبازگل کا کہنا تھا اقتدار کی ہوس میں ’’مولانا‘‘آئےدن سازشوں کی محفل رچاتے ہیں، نوزائیدہ قائدین ابوؤں کی کرپشن بچانےکی حکمت عملی بنائیں گے، بیگم صفدر ،بلاول زرداری مولانا کی اصل خوبیوں سےواقف نہیں۔

چوروں کا اکٹھ بتا رہا ہے کہ دیس میں ایماندار تھانیدار آ گیا ہے

ترجمان وزیراعلیٰ پنجاب نے کہا اے پی سی دراصل ریلو کٹوں کا اجتماع ہے ، چوروں کا اکٹھ بتا رہا ہے کہ دیس میں ایماندار تھانیدار آ گیا ہے، امید ہے اعلامیے میں تمام چور قومی دولت واپس کرنے کا اعلان کریں گے، جتنی چاہے مجلسیں کر لیں، آپ کا یوم حساب آن پہنچا ہے۔

ان کا کہنا تھا اپوزیشن نےکرپشن چھپانےکی بھرپورکوشش کی، اے پی سی این آراوکےلیےہے، یہ علی باباچالیس چورہیں، یہ پتہ نہیں کہ علی بابا شہباز شریف  ہیں یاآصف زرداری، یہ طے کریں گے کہ کرپشن کے الزامات سے بچنا کیسے ہے۔

جتنی چاہے مجلسیں کر لیں، آپ کا یوم حساب آن پہنچا ہے

شہبازگل نے کہا مولانافضل الرحمان پہلی دفعہ اقتدارسےباہرہیں، عوام کوپتہ ہےیہ ملک لوٹ کرکھاگئے، عوام نے لوگوں کے مؤقف کو رد کردیا، سب کوپتہ ہےملک ان کی وجہ سےمشکل صورتحال میں ہے۔

ترجمان وزیراعلیٰ پنجاب کا کہناتھا روپےکی قدرگرنےسےمہنگائی بڑھی، ماضی میں اتنےقرضےلیےگئےجس سےروپےکی قدرگری، مہنگائی اس وجہ سےہوئی کہ ڈالرکی قدر میں اضافہ ہوا، مہنگائی گزشتہ حکومتوں کے غلط فیصلوں کانتیجہ ہے۔

عوام کو بیوقوف بنانے کے لیے اے پی سی اپوزیشن کی نورا کشتی ہے

انھوں نے مزید کہا ہم نےنہیں کہالیکن حقیقت یہی تھی کہ ملک دیوالیہ ہوچکاتھا، روپےکی قدرمیں کمی ان کی لوٹ مارکی وجہ سےہوئی، ان لوگوں کو کسی  صورت این آراو نہیں دیا جائےگا، عوام کو بیوقوف بنانے کے لیے اے پی سی اپوزیشن کی نورا کشتی ہے۔

لاہور: ترجمان وزیراعلیٰ پنجاب شہباز گل نے کہا ہے کہ گزشتہ حکومت 19 بلین ڈالرکا کرنٹ اکاؤنٹ ڈیفیسٹ دے کرگئی۔

تفصیلات کے مطابق اے آروائی نیوز کے پروگرام باخبرسویرا میں گفتگو کرتے ہوئے ترجمان حکومت پنجاب شہبازگل نے کہا کہ مشکل وقت سے نکل آئے ہیں، آگے اچھا وقت ہے، حکومت دن رات عوام کے لیے کام کر رہی ہے۔

شہباز گل نے کہا کہ چوروں کے ساتھ مل کرعوام حکومت نہیں گرائیں گے، وزارت سے دور رہ کر فضل الرحمان کی طبیعت خراب ہوگئی ہے، مولانا صاحب کا یہاں کوئی مستقبل نہیں ہے۔

ترجمان حکومت پنجاب نے کہا کہ جس حالات میں یہ ملک چھوڑکرگئے تھے 8 ماہ ہم پھنسے رہے، گزشتہ حکومت 19 بلین ڈالرکا کرنٹ اکاؤنٹ ڈیفیسٹ دے کرگئی۔

شہباز گل نے کہا کہ بجٹ پیش کردیا اب ہم چوروں کو پکڑیں گے، پیسہ نکالیں گے، فضل الرحمان عمرے پربھی سرکاری خرچ پرجاتے تھے۔

ہم کسی سے سیاسی انتقام نہیں لے رہے، شہبازگل

یاد رہے کہ تین روز قبل اے آروائی نیوز کے پروگرام باخبرسویرا میں بات چیت کرتے ہوئے ترجمان پنجاب حکومت شہباز گل نے کہا تھا کہ ہم کسی سے سیاسی انتقام نہیں لے رہے۔

شہبازگل نے کہا کہ ن لیگ اورپیپلزپارٹی ایک سکے کے دو رخ ہیں، کرپشن کوبچانے کے لیے ایک دوسرے کی حمایت کرتے ہیں، دونوں کرپشن کے لیے کبھی دائیں اورکبھی بائیں جانب کے ہوجاتے ہیں۔

کراچی: ترجمان پنجاب حکومت شہبازگل کا کہنا ہے کہ مسلم لیگ ن اور پیپلزپارٹی کے پاس ہمارے خلاف کوئی بیانیہ نہیں ہے۔

تفصیلات کے مطابق اے آروائی نیوز کے پروگرام باخبرسویرا میں بات چیت کرتے ہوئے ترجمان پنجاب حکومت شہباز گل نے کہا کہ ہم کسی سے سیاسی انتقام نہیں لے رہے۔

شہبازگل نے کہا کہ ن لیگ اورپیپلزپارٹی ایک سکے کے دو رخ ہیں، کرپشن کوبچانے کے لیے ایک دوسرے کی حمایت کرتے ہیں، دونوں کرپشن کے لیے کبھی دائیں اورکبھی بائیں جانب کے ہوجاتے ہیں۔

ترجمان پنجاب حکومت نے کہا کہ کسی حکومت کے خلاف تحریک ہو تو اس کی وجہ ہوتی ہے، دونوں جماعتوں کے پاس ہمارے خلاف کوئی بیانیہ نہیں ہے۔

شہبازگل نے کہا کہ مجھے نہیں لگتا کہ عوام ان کی کوئی بات ماننے کوتیار ہوں گے، دونوں جماعتوں کے بیانیے میں کوئی جان نہیں ہے۔

بیان بازی سے لگ رہا ہے شہبازشریف علاج کروا کرنہیں ورلڈکپ جیت کرآئے ہیں، شہبازگل

یاد رہے کہ دو روز قبل ترجمان وزیراعلیٰ پنجاب ڈاکٹرشہبازگل نے ردعمل دیتے ہوئے کہا تھا کہ مہاراجاؤں کی طرح حکومت کرنے والے اپنے لیے ایک اسپتال نہ بناسکے۔

شہبازگل کا کہنا تھا کہ پی ٹی آئی کی حکومت نئے پاکستان میں شاندار اسپتال بنائے گی، شاندار اسپتال بنائے جائیں گے تاکہ ان جیسے حکمرانوں کو باہر نہ جانا پڑے۔

لاہور: ترجمان پنجاب حکومت شہبازگل نے کہا کہ شہبازشریف علاج کے نام پرلندن میں سیاست، سازشوں میں مصروف رہے۔

تفصیلات کے مطابق شہبازشریف کی وطن واپسی پرترجمان وزیراعلیٰ پنجاب ڈاکٹرشہبازگل نے ردعمل دیتے ہوئے کہا کہ مہاراجاؤں کی طرح حکومت کرنے والے اپنے لیے ایک اسپتال نہ بناسکے۔

شہبازگل نے کہا کہ پی ٹی آئی کی حکومت نئے پاکستان میں شاندار اسپتال بنائے گی، شاندار اسپتال بنائے جائیں گے تاکہ ان جیسے حکمرانوں کو باہر نہ جانا پڑے۔

ترجمان پنجاب حکومت نے کہا کہ شہبازشریف علاج کے نام پرلندن میں سیاست، سازشوں میں مصروف رہے، کتنا ہی اچھا ہوتا کہ اپنے مفرور داماد، بیٹے اور اسحاق ڈار کو بھی ساتھ لاتے۔

شہباز گل نے مزید کہا کہ بیان بازی سے لگ رہا ہے شہبازشریف علاج کروا کرنہیں ورلڈکپ جیت کرآئے ہیں۔

شہبازشریف لندن سے وطن واپس پہنچ گئے

واضح رہے کہ قومی اسمبلی میں اپوزیشن لیڈر میاں شہبازشریف 2 ماہ تک لندن میں قیام کے بعد وطن واپس پہنچے۔

مسلم لیگ ن کے رہنما احسن اقبال، امیرمقام، ملک احمد خان، خواجہ عمران نذیر، عظمیٰ بخاری، خواجہ احمد حسان، مجتبیٰ شجاع الرحمان، سیف الملک کھوکھر، پرویزملک، شائستہ ملک، وحیدعالم، سہیل شوکت ودیگر نے شہبازشریف کا ایئرپورٹ پراستقبال کیا۔