Tag: شہبازگل

لاہور : ترجمان وزیراعلیٰ پنجاب شہباز گل کا کہنا ہے کہ حمزہ شہباز نیب حکام کو گرفتاری دیں دیوار کے پیچھے نہ چھپیں‌، انھیں نیب گرفتاری پراعتراض ہے ، ہائی کورٹ سے رجوع کریں، دودھ کا دودھ پانی کاپانی ہو جائے گا۔

تفصیلات کے مطابق ترجمان وزیراعلیٰ پنجاب شہباز گل نے نیب ایکشن پر ردعمل کرتے ہوئے کہاحمزہ شہباز سیاسی کارکن ہیں تو قانون کا احترام کریں اور نیب حکام کو گرفتاری دیں دیوار کے پیچھے نہ چھپیں‌۔

شہبازگل کا کہنا تھا حمزہ شہباز کو خود باہر آکر گرفتاری دینی چاہیے، کارکنان اورقانون نافذ کرنے والے اداروں کوآمنے سامنے نہ کریں ، نیب ایک آزاد ادارہ ہے جو یہ آپریشن کررہا ہے، پنجاب حکومت نیب کی قانونی مدد کرے گی۔

گرفتاری پراعتراض ہے تو ہائی کورٹ سے رجوع کریں دودھ کا دودھ پانی کاپانی ہو جائے گا

ترجمان وزیراعلیٰ پنجاب نے کہا حمزہ شہباز کونیب گرفتاری پراعتراض ہے ، ہائی کورٹ سے رجوع کریں دودھ کا دودھ پانی کاپانی ہو جائے گا، قانون نافذکرنے والے اداروں ، کارکنان کو آمنے سامنے کرنا عقلمندی نہیں۔

ان کا کہنا تھا عدالت نےحمزہ شہبازکوگرفتارکرنےکی اجازت دیدی ہے، عدالتیں آزاد نہ ہوتیں توان لوگوں کوریلیف نہ ملتا، قانون کےمطابق کارروائی جاری رہےگی۔
یاد رہے حمزہ شہبازکی گرفتاری کیلئے نیب تین گھنٹے سے ان کی رہائش گاہ کے باہر موجود ہے اور انھیں گھرمیں داخل نہیں ہونےدیاجارہا، پولیس نےگھرکا محاصرہ کرلیا ہے جبکہ رینجرز بھی ماڈل ٹاؤن پہنچ گئی ہیں۔

مزید پڑھیں : نیب ٹیم حمزہ شہباز کو گرفتار کرنے شہبازشریف کی رہائش گاہ پہنچ گئی

ڈپٹی ڈائریکٹرنیب کا کہنا ہے کہ وارنٹ موجودہیں آج گرفتاری کے بغیرنہیں جائیں گے۔

کارکنان کی جانب سے رہائش گاہ کے سامنے احتجاج جاری ہے اور دھرنا دے دیا ہے، کارکنان نے پولیس اہلکاروں کو دھکے دیئے اور دھمکیاں دیں، کارکنان کا کہنا ہے کسی صورت نیب کو حمزہ شہبازکوگرفتار نہیں کرنےدیں گے۔