اسلام آباد : سابق وفاقی وزیر اطلاعات فواد چوہدری کا کہنا ہے کہ پوری نام نہاد حکومت لندن بیٹھی ہے۔ یہاں روپیہ193 روپے فی ڈالر پر چلا گیا ہے۔
تفصیلات کے مطابق سابق وفاقی وزیر اطلاعات فواد چوہدری نے سماجی رابطے کی ویب ویب سائٹ ٹوئٹر پر معاشی صورتحال سے متعلق شہباز حکومت پر کڑی تنقید کرتے ہوئے کہا کہ پوری نام نہاد حکومت لندن بیٹھی ہے۔ یہاں روپیہ193روپے فی ڈالرپرچلاگیا ہے، ملک میں کوئی حکومت نہیں۔
فواد چوہدری کا کہنا تھا کہ پنجاب میں پانی میسرنہیں خریف کی فصلیں تباہ ہو رہی ہیں یہ مذاق بند کریں، عبوری حکومت بنائیں اور انتخابات کرائیں ،الیکشن کراؤ ملک بچاؤ،
پوری نام نہاد حکومت لندن بیٹھی ہے یہاں روپیہ 193 روپے فی ڈالر پر چلا گیا ہے ملک میں کوئ حکومت نہیں پنجاب میں پانی میسر نہیں خریف کی فصلیں تباہ ہو رہی ہیں یہ مذاق بند کریں عبوری حکومت بنائیں اور انتخابات کرائیں #الیکشن_کراو_ملک_بچاو https://t.co/SZtvLPhnVt
— Ch Fawad Hussain (@fawadchaudhry) May 13, 2022
خیال رہے انٹر بینک اور اوپن مارکیٹ میں ڈالر ملک کی تاریخ کی بلند ترین سطح پر برقرار ہے ، انٹربینک میں ڈالر192 روپے90 پیسے پرٹریڈکررہاہے جبکہ اوپن مارکیٹ میں ڈالر194روپےکے قریب فروخت ہورہا ہے۔
گذشتہ روز فواد چوہدری کا کہنا تھا کہ معاشی طورپر پاکستان کو تباہ کرنے کی کوشش کی جارہی ہے اور ملک کوسری لنکا ماڈل بنانے کیلئے کوششیں کی جارہی ہیں ، اس پراجیکٹ پر کام ہورہا ہے کہ پاکستان غیرملکی طاقتوں کے ہاتھوں میں چلا جائے، ملک بچانے کیلئےپی ٹی آئی کو جس حد تک جاناپڑا جائے گی۔
