Tag: شہباز شریف مستعفی

لاہور: حکومت نے پاکستان تحریک انصاف اور پاکستان عوامی تحریک سے براہ راست مذاکرات کا فیصلہ کرلیا ہے، وزیراعلیٰ پنجاب شہباز شریف نے بھی مستعفی ہونے کی پیشکش کردی۔

انقلاب اور آزادی مارچ کے دھرنوں سے شہر اقتدار مفلوج ہونے کے بعد حکمرانوں نے مذاکرات کی راہ اختیار کرلی، ذرائع کا کہنا ہے رائے ونڈ میں وزیر اعظم نواز شریف کی زیر صدارت اہم اجلاس میں شہباز شریف نےمستعفی ہونے کی پیشکش کردی، تووزیراعظم نوازشریف نے واضح پیغام دیدیا کہ اُن کے استعفے کا کوئی اپشن موجود نہیں۔

اجلاس میں فیصلہ کیا پی ٹی آئی اور تحریک انصاف سے براہ راست مذاکرات کئے جائیں گے، ملک کوبحرانی صورتحال سے نکالنے کےلیے پیپلزپارٹی کے شریک چیئرمین آصف علی زرداری اور اتحادی جماعتوں سے رابطے کئے جائیں گے، حکومت پارلیمنٹ میں موجود اپوزیشن جماعتوں کی کمیٹی بنانے پر بھی رضامند ہوگئی، اجلاس میں سانحہ ماڈل ٹاون میں ہونے والی خون ریزی پر بھی پنجاب حکومت کے ذمہ داروں نے صوبائی حکومت کو قانونی نکات پر اعتماد میں لیا۔