Tag: شہباز شریف کی بیٹی

لاہور : احتساب عدالت نے پنجاب پاور ڈویلپمنٹ کمپنی، ایرا اور سرکاری محکموں کے فنڈز کی خورد برد کے کیس میں شہباز شریف کی بیٹی اور داماد کی جاٸیداد قرق کرنے کا حکم دے دیا۔

تفصیلات کے مطابق احتساب عدالت کے جج نسیم ورک نے پنجاب پاور ڈویلپمنٹ کمپنی، ایرا اور سرکاری محکموں کے فنڈز کی خورد برد کے کیس میں اپوزیشن لیڈر شہباز شریف کی بیٹی اور داماد کیخلاف تحریری حکم جاری کردیا۔

عدالت نے شہباز شریف کی بیٹی اور داماد کی منقولہ اور غیر منقولہ جائیدادیں قرق کرنے کا حکم دے دیا اور رابعہ عمران اور عمران علی کو اشتہاری قرار دے کر دائمی وارنٹ گرفتاری جاری کر دیئے۔

عدالت نے قرار دیا کہ رابعہ عمران اور عمران علی یوسف کی گرفتاری تک وارنٹ برقرار رہیں گے اور ٹراٸل ان کی گرفتاری کے بعد شروع ہو گا۔

عدالت نے فیصلے میں قرار دیا کہ ملزموں کو اشتہاری قرار دینے سے پہلے پیشی کیلئے 30 روز کی مہلت دی گئی مگر انھوں نے اس رعایت سے فائدہ نہیں اٹھایا ، اس لئے مسلسل عدم پیشی کی بنا پر اشتہاری قرار دیکر جائیدادیں قرق کرنے کا حکم دیا گیا ہے۔

نیب نے رابعہ عمران سمیت دیگر ملزموں کیخلاف ریفرنس دائر کیا، جس میں منی لانڈرنگ ایکٹ کی دفعات بھی شامل کی گئی ہیں ۔

ریفرنس کے مطابق عمران علی اور رابعہ عمران نے بطور مالکان فاطمہ ڈویلپرز مالی فوائد حاصل کیے، انھوں نے ارتھ کوئیک ری کنسٹرکشن اینڈ ری ہیبلیٹیشن اتھارٹی کے فنڈز فاطمہ فاطمہ ڈویلپرز کو منتقل کئے۔

لاہور: اپوزیشن لیڈر شہباز شریف نے کہا ہے کہ نواز شریف کی صحت تشویش ناک ہے، ان کی خرابیٔ صحت پر ہم سب اللہ سے دعا گو ہیں کہ نواز شریف جلد صحت یاب ہوں۔

تفصیلات کے مطابق اپوزیشن لیڈر شہباز شریف کی اسپیشل بچوں کی پینٹنگ نمائش دیکھنے کے لیے الحمرا آمد کے موقع پر انھوں نے کہا کہ نواز شریف کیس کی کل سماعت ہے، ہم دعا گو ہیں اللہ بہتر کرے۔

میڈیا سے گفتگو کرتے ہوئے شہباز شریف نے کہا کہ ہمیں زندگی میں ہمت نہیں ہارنی چاہیے، حالات چاہے کتنے ہی مشکل کیوں نہ ہوں مقابلہ کرنا چاہیے۔

شہباز شریف نے کہا کہ خصوصی بچے معاشرے میں اہم کردار ادا کر سکتے ہیں، میری بیٹی عائشہ آٹزم سے متاثرہ بچوں کا اسکول چلا رہی ہے، اتنا اچھا کام کرنے پر بیٹی عائشہ پر فخر محسوس کر رہا ہوں۔

یہ بھی پڑھیں:  نوازشریف کی رپورٹ ہیک کرنے کی کوشش کی گئی، ڈاکٹر یاسمین راشد

ن لیگی رہنما کا کہنا تھا کہ چیلنجز کا مقابلہ بہادری کے ساتھ کرنا چاہیے، خیال رہے کہ اس وقت خود شریف برادران کو نیب کی جانب سے مختلف کرپشن کیسز میں مقدمات کا سامنا ہے اور دونوں کو قید بھی بھگتنی پڑ رہی ہے۔

واضح رہے کہ اپوزیشن لیڈر شہباز شریف کی بیٹی عائشہ ہارون اسپیشل بچوں کے اسکول کی بانی ہیں۔

خیال رہے کہ آج وزیر صحت پنجاب ڈاکٹر یاسمین راشد نے کہا ہے کہ نواز شریف کی رپورٹ ہیک کرنے کی کوشش کی گئی ہے، گردوں سے متعلق ان کی رپورٹس نارمل ہیں، کوئی خطرے کی بات نہیں۔