Tag: شہباز شریف کی گاڑی

لاہور : مسلم لیگ ن نے پارٹی صدر شہبازشریف کی گاڑی روک کراحتجاج کرنےوالوں پر مقدمہ درج کرانے کی تردید کرتے ہوئے کہا کہ واقعے کو جان بوجھ کر پروپیگنڈے کے لئے استعمال کرنا افسوس ناک ہے۔

تفصیلات کے مطابق مسلم لیگ ن نے پارٹی صدر شہبازشریف کی گاڑی روک کراحتجاج کرنےوالوں پر مقدمہ درج کرانے کی تردید کردی۔

مریم اورنگزیب نے کہا کہ ایف آئی آر شہباز شریف نہیں لاہور پولیس کی جانب سے درج کی گئی، گاڑی روکنے والے افراد پر ایف آئی آر شہباز شریف نے ہی ختم کرائی۔

ن لیگی رہنما کا کہنا تھا کہ اطلاع ملتے ہی سی سی پی او سےرابطہ کیا گیا، شہبازشریف نےسی سی پی ا وکوبتایا ایسا کوئی واقعہ نہیں ہوا اور گاڑی روکنے والے افراد پر ایف آئی آر شہباز شریف نےہی ختم کرائی اور ان کے واضح کرنے کے بعد ایف آئی آر خارج کر دی گئی تھی۔

شہباز شریف نے گاڑی روکنے والے افراد کو اگلے روز گھر بلاکر تسلی سے بات سنی اور مسئلہ حل کرایا، واقعے کو جان بوجھ کر پروپیگنڈے کے لئے استعمال کرنا افسوس ناک ہے۔

یاد رہے پی ٹی آئی نے شہریوں کے خلاف مقدمہ درج کرنے کی شدید مذمت کرتے ہوئے کہا تھا کہ احتجاج کا آئینی حق استعمال کرنے والوں پرمقدمہ شہباز شریف کے خوف اور بوکھلاہٹ کا ثبوت ہے۔

لاہور: سابق وزیراعظم شہباز شریف کی گاڑی روکنے والے مظاہرین پر پرچہ کٹ گیا، علاقہ مکینوں نے شہباز شریف کی گاڑی روک کر شدید احتجاج اور نعرے بازی کی تھی۔

تفصیلات کے مطابق سابق وزیر اعظم شہباز شریف کی گاڑی کو روکنا مظاہرین کو مہنگا پڑ گیا ، گاڑی روک کر احتجاج کرنے والوں کیخلاف مقدمہ درج کرلیا گیا۔

تھانہ کاہنہ کے سب انسپکٹر کی مدعیت میں روڈ بلاک کرنے پر چار نامزد اور نوے نامعلوم افراد کیخلاف مقدمہ درج کیا گیا۔

مقدمے کے متن میں کہا کہ چند روز قبل شہباز شریف کاہنہ کے دورے پر نکلے تو روہی نالے پر مکینوں نے گاڑی روکی اور اہل علاقہ نے شہباز شریف کی گاڑی کے آگےشدید احتجاج اور نعرے بازی کی تھی۔

مقدمے میں کہا گیا کہ کاہنہ کے قریب فٹ پاتھ پرلوگوں نے احتجاجی کیمپ لگا رکھا تھا۔

یاد رہے عوامی رابطہ مہم کے دوران حلقہ این اے 132 میں احتجاجی مظاہرین نے سابق وزیراعظم شہباز شریف کی گاڑی روک لی تھی ، عوام کا دیرینہ مطالبہ تھا کہ روہی نالہ کو پکا کیا جائے، روہی نالے کی وجہ سے فیکٹریوں کاکیمیکل انڈرگراؤنڈ واٹرلیول کوخراب کر رہا ہے۔

شہباز شریف اس حلقہ این اے 132 سے رکن قومی اسمبلی تھے۔

لاہور : عوامی رابطہ مہم کے دوران حلقہ این اے 132 میں احتجاجی مظاہرین نے سابق وزیراعظم شہباز شریف کی گاڑی روک لی اور نعرے لگائے۔

تفصیلات کے مطابق عوامی رابطہ مہم کے دوران حلقہ کے عوام نے سابق وزیراعظم شہباز شریف کی گاڑی روک لی۔

شہبازشریف کی گاڑی روکنےکاواقعہ گزشتہ رات پرانا کاہنہ مین فیروز پور روڈ پر پیش آیا ، جہاں مقامی لوگوں نے فیروزپور روڈ پرانا کاہنہ احتجاجی کیمپ لگا رکھا تھا۔

عوام کا دیرینہ مطالبہ ہے کہ روہی نالہ کو پکا کیا جائے، روہی نالے کی وجہ سے فیکٹریوں کاکیمیکل انڈرگراؤنڈ واٹرلیول کوخراب کر رہا ہے۔

شہباز شریف اس حلقہ این اے 132 سے رکن قومی اسمبلی تھے، مقامی لوگوں نے شہبازشریف کی آمد سے قبل راستے میں احتجاجی کیمپ لگالیا۔

شہبازشریف کی گاڑی روک کر مظاہرین کی جانب سے نعرے لگائے گئے ، جس پر شہباز شریف نے مظاہرین سےدرخواست لی اور آج ملاقات کیلئے بلالیا۔