ARYNews.tv | Urdu – Har Lamha Bakhabar

Tag: شہباز شریف

  • وزیراعظم نواز شریف سےوزیراعلیٰ شہباز شریف کی ملاقات

    وزیراعظم نواز شریف سےوزیراعلیٰ شہباز شریف کی ملاقات

    لاہور: وزیراعظم نواز شریف سے وزیراعلیٰ پنجاب شہباز شریف نے ملاقات کی اورانہیں لاہور احتجاج سے متعلق انتظامات پربریفنگ دی،شہباز شریف نے کہا کہ مظاہرین کو روکنے کے لیےطاقت کو آخری آپشن کے طور پر استعمال کیا جائے گا۔

    وزیر اعلی پنجاب شہباز شریف نے وزیر اعظم نواز شریف سےملاقات کی دونوں رہنماؤں کےدرمیان پی ٹی آئی کےلاہور احتجاج سے متعلق بات چیت ہوئی ۔وزیر اعلی پنجاب نے وزیر اعظم کو حکمت عملی کے حوالے سے آگاہ کیا اور بتایا کہ ہڑتالیوں اور مظاہرین کو روکنے کے لیےطاقت کا استعمال آخری آپشن ہوگا،سانحہ فیصل آباد پر قائم تین رکنی حکومتی کمیشن کی رپورٹ سے بھی وزیر اعظم کو آگاہ کیا گیا۔

  • جماعت اسلامی کے امیر سراج الحق کی شہباز شریف سے ملاقات

    جماعت اسلامی کے امیر سراج الحق کی شہباز شریف سے ملاقات

    لاہور: جماعت اسلامی کے امیر سراج الحق اور وزیراعلی پنجاب محمد شہباز شریف کے درمیان ملاقات میں اتفاق پایا گیا کہ ملک میں اتحاد کی ضرورت ہے،دھرنے اور احتجاجوں سے قومی مفادات پر ضرب نہیں لگنی چاہیئے۔

    مسلم لیگ ن کے سیکرٹریٹ میں جماعت اسلامی کے سہ روزہ اجتماع میں شرکت میں آنے والے غیر ملکی مندوبین اور مسلم لیگ ن کی قیادت کے درمیان ملاقات ہوئی، ملاقات کے بعد میڈیا سے گفتگو کرتے سراج الحق کا کہنا تھا کہ اتحاد اور اتفاق کی جتنی ضرورت اب ہے پہلے کبھی نہ تھی دشمن ہمیں تقسیم کرنا چاہتا ہے۔

    سراج الحق امیر جماعت اسلامی وزیراعلی پنجاب محمد شہباز شریف نے کہا کہ پاکستان اس وقت متعدد چیلنجز کا سامنا کررہا ہے دھرنے اور احتجاج اپوزیشن کا حق ہے مگر قومی مفادات پر ضرب نہیں لگنی چاہئیے۔

    اجتماع میں آنے والے اسلامی تحریکوں کے قائدین نے بھی وزیراعلی پنجاب سے فردا فردا ملاقات کی، اس موقع پر سراج الحق نے جماعت اسلامی کے سہ روزہ اجتماع کیلئے تعاون فراہم کرنے پر پنجاب حکومت کا شکریہ ادا کیا۔

  • جہلم :پی ٹی آئی ریلی پرفائرنگ،آٹھ کارکن زخمی،تین ملزمان گرفتار

    جہلم :پی ٹی آئی ریلی پرفائرنگ،آٹھ کارکن زخمی،تین ملزمان گرفتار

    جہلم :پاکستان تحریک انصاف کے کارکنان کی ریلی پر فائرنگ سے آٹھ کارکن زخمی ہوگئے،تین کی حالت تشویشناک ہے،زخمیوں کو طبی امداد کیلئے سول اسپتال منتقل کردیا گیا۔

    ،وزیراعلیٰ پنجاب شہباز شریف نے ریلی پر فائرنگ کی نوٹس لے لیا ہے اورانہوں نے انتظامیہ سے فوری رپورٹ کرلی ہےجبکہ دیگرسیاسی قائدین نے بھی ریلی  کےشرکاء پر فائرنگ کی شدید مذمت کی ہے ۔

    وزیراعلیٰ پنجاب شہباز شریف نے آئی ئی جی پولیس اور ڈی پی او جہلم کو تحریک انصاف کے جلسے میں شرکت کے لئے آنے والی ریلی پر فائرنگ میں ملوث ملزمان کی فوری گرفتاری کا حکم دیا ہے ،جبکہ امیر جماعت اسلامی سراج الحق اور طاہر القادری نے واقعہ کی شدید مذمت کی ہے۔

    علاوہ ازیں پولیس نے تحریک انصاف کی ریلی پر فائرنگ کرنے والے تین ملزمان کو گرفتارکرکے اسلحہ برآمد کرلیا ہے، دریں اثناء پی ٹی آئی پنجاب کے صدر اعجاز چوہدری نے الزام عائد کیا ہے کہ فائرنگ مسلم لیگ کے رہنماندیم خالد نے کرائی  ہے۔

    جس کے جواب میں ندیم  خالد کا کہنا تھا کہ پہلے پی ٹی آئی والوں نے فائرنگ کی جس کے دفاع میں فائرنگ کی گئی،اس کے علاوہ نواز لیگ کے ترجمان زعیم قادری نے ایک سوال کے جواب میں کہا ہے کہ فائرنگ دونو جانب سے کی گئی ہے۔

      یہاں یہ امر قابلِ ذکر ہے کہ فائرنگ کے واقعے میں صرف تحریکِ انصاف کے آٹھ کارکنان زخمی ہوئے جبکہ نواز لیگ کا کوئی کارکن زخمی نہیں ہوا

  • شہبازشریف کےاستعفے تک کوئی جے آئی ٹی قبول نہیں،ڈاکٹرطاہرالقادری

    شہبازشریف کےاستعفے تک کوئی جے آئی ٹی قبول نہیں،ڈاکٹرطاہرالقادری

    لاہور: پاکستان عوامی تحریک کے سربراہ ڈاکٹر طاہر القادری نے کہا ہے کہ وزیرِاعلیٰ پنجاب شہباز شریف کے استعفے تک کاکسی قسم کی جے آئی ٹی قبول نہیں کریں گے۔

    اگر پنجاب پولیس کے افسران پر مشتمل ہی جے آئی ٹی بنانا تھی تو پانچ مہینے کیوں ضائع کئے گئے ؟ انہوں نے کہا کہ قوم کو دھوکہ دینے کیلئے یہ کہا جا رہا ہے کہ جے آئی ٹی کا سربراہ بلوچستان سے ہے جبکہ حقییقت یہ ہے کہ عبدالرزاق چیمہ پنجاب پولیس کے ہی افسر ہیں ۔

    جنہیں ڈیپوٹیشن پر سی سی پی او کوئٹہ تعینات کیا گیا ہے، اور مذکورہ افسر وزیراعلیٰ پنجاب کے قریبی دوستوں میں شمار کئے جاتے ہیں، ہم نے جس شخصیت کو جے آئی ٹی کیلئے ناپسندیدہ قرار دیا تھا یہ وہ ہی شخص ہیں۔

    انہوں نے سوال کیا کہ کیا کوئی قاتل یا قتل کی منصوبہ بندی کرنے والا اپنے خلاف تحقیقات کا حق یاجواز رکھتا ہے؟ ڈاکٹر طاہرالقادری نے کہا کہ نواز شریف اور شہباز شریف کیخلاف پہلے سے قتل اور اقدامِ قتل کے مقدمات درج ہیں،ان کو کون گرفتاری کے وارنٹ بھیجے گا اور کون ان کو گرفتار کرے گا؟

    ان کا کہنا تھا کہ سانحہ ماڈل ٹاؤن کے شہداء کا خون رائیگاں نہیں جانے دیں گے،انہوں نے کہا کہ آرمی چیف جنرل راحیل شریف نہایت شریف آدمی ہیں اور میں سمجھتا ہوں کہ پاکستان آرمی میں کم لوگ ہیں جو اچھی اور شریف طبیعت کے حامل ہیں۔

  • سانحہ کوٹ رادھا کشن انکوائری رپورٹ میں ہولناک انکشاف

    سانحہ کوٹ رادھا کشن انکوائری رپورٹ میں ہولناک انکشاف

    قصور: معائنہ کارٹیم نے سانحہ کوٹ رادھاکشن سے متعلق رپورٹ مرتب کرکے وزیراعلٰی پنجاب کو بھیج دی۔

    سانحہ کوٹ رادھا کشن کی انکوائری رپورٹ میں ہولناک انکشاف۔ جادو ٹونے کے معاملے کو مذہبی رنگ دے مسیحی جو ڑے کو آگ میں جھو نک دیا گیا، رپورٹ کے مطا بق مقتول شہزاد مسیح کا والد مبینہ طور پر جادو ٹونے کیا کرتا تھا،اکتیس اکتوبر کو شہزاد کے والد کاانتقال ہوا جس کے بعد لو احقین نے گھر میں مو جود تعویذ گنڈے نذر آتش کئے تو شرپسندوں نے مذہبی رنگ دیا بس کیا تھا سفاک لوگوں نے مسیحی جو ڑے پر بہیما نہ تشدد کیا ان درندہ صفت لو گوں کی سفاکیت کی آگ پھر بھی نہ بجھی تو اس شہزاد مسیح اور اس کی اہلیہ کو نیم مردہ حالت میں شعلے اگلتے اینٹوں کے بھٹے میں ڈال دیا۔

  • الطاف حسین کی میاں بیوی کو جلانے کی شدید مذمت

    الطاف حسین کی میاں بیوی کو جلانے کی شدید مذمت

    ایم کیو ایم قائد الطاف حسین نے کوٹ رادھا کشن میں میاں بیوی کو زندہ جلائے جانے کے واقعے کی شدید مذمت کی ہے۔

    لندن سے جاری کردہ ایک بیان میں الطاف حسین کا کہنا تھا کہ ذاتی جھگڑوں یا انتقامی کارروائیوں کو مذہبی رنگ دے کر کسی شخص کو نشانہ بنانا درست نہیں ،اس قسم کی کے واقعات سے پاکستان میں اقلیتی برادری نا صرف عدم تحفظ کا شکار ہورہی ہے بلکہ عالمی برادری میں پاکستان کا تشخص بری طرح متاثرہورہا ہے ۔ انہوں نے دل سوز واقعے پر مرحوم کے لواحقین سے دلی تعزیت اور ہمدردی کا اظہار کیا۔

  • وزیراعظم کا مسیحی جوڑے کوزندہ جلائے جانے کا نوٹس

    وزیراعظم کا مسیحی جوڑے کوزندہ جلائے جانے کا نوٹس

    اسلام آباد: وزیراعظم نواشریف نےمیاں بیوی کو زندہ جلائے جانے کے واقعے کا نوٹس لےلیا، اوراقلیتوں کے تحفظ کو یقینی بنانےکی ہدایت کی۔

    کوٹ رادھا کشن میں میاں بیوی کو جلانے کے واقعے کا سخت نوٹس لیتےہوئے وزیراعطم نوازشریف نے وزیراعلی پنجاب شہبازشریف کو ملزمان کے خلاف کارروائی کی ہدایت کی۔

    نوازشریف نےکہاحکومت اقلیتوں کے تحفظ کو یقینی بنائے گی مسیحی برادری سمیت اقلیتوں کےساتھ ا متیازی سلوک برداشت نہیں کیا جائےگا،ذمہ داروں کوقانون کی گرفت سےبچنے نہیں دینگے، میاں بیوی کو زندہ جلائے جانے کے واقعے پر پولیس نے ایف آئی آر درج کر لی ہے۔پولیس کے مطابق بھٹے کے مالک یوسف گجر، منشی شکیل اور ڈرائیوررمضان کوبھی نامزد کیاگیا ہے۔

  • کوٹ رادھاکشن میں میاں بیوی کوزندہ جلادیاگیا

    کوٹ رادھاکشن میں میاں بیوی کوزندہ جلادیاگیا

    قصور: کوٹ رادھا کشن میں میاں بیوی کو زندہ جلا دیا گیا،پولیس نے اڑتالیس افراد کو گرفتار کرلیا۔

    تفصیلات کے مطابق کوٹ رادھا کشن کے نواحی گاوّں چک نمبر انسٹھ کے رہائشی بھٹہ مزدور شہزاد مسیح شمع بی بی کو مشتعل افراد نے ایک کوارٹر میں بند کر کے شدید تشدد کا نشانہ بنایا اور انہیں بھٹے میں پھینک کر زندہ جلادیا،پولیس نے اڑتالیس افراد کو حراست میں لے لیا۔۔وزیراعلی شہباز شریف نے واقعے کی تحقیقات کیلئے تین رکنی کمیٹی تشکیل دیدی،صوبائی وزیر برائے اقلیتی امور طاہر خلیل سندھو بھی جائے وقوعے پر پہنچ گئے۔

  • عوام کو معاشی اعتبار سے سہولت پہنچانا ہماری ترجیح ہے، نوازشریف

    عوام کو معاشی اعتبار سے سہولت پہنچانا ہماری ترجیح ہے، نوازشریف

    لاہور: نواز شریف وزیراعظم نواز شریف نے کہا ہے کہ عوام کو معاشی اعتبار سے سہولت پہنچانا ان کی ترجیح ہے۔لاہور میں وزیر اعلیٰ شہباز شریف سے بات چیت کرتے ہوئے وزیراعظم نواز شریف کا کہنا تھا کہ عوام کی جان و مال سے بڑھ کر کوئی چیز مقدم نہیں۔

    انہوں نے کہا کہ قانون نافذ کرنیوالے ادارے محرم الحرام کے دوران اپنی ذمہ داریاں دل جمعی سے مکمل کریں۔ اس موقع پر وزیر اعلی پنجاب شہباز شریف نے وزیر اعظم کو یقین دہانی کرائی کہ عوام کو ملنے والی سہولت کی راہ میں رکاوٹ بننے والوں کوکسی صورت برداشت نہیں کیا جائے گا۔

    وزیر اعلیٰ نے کہا کہ حکومتی اقدامات کے ثمرات عوام تک پہنچانے کیلئے ہدایات جاری کر دی ہیں۔ دونوں رہنماؤں کے درمیان ملاقات میں ملک کی مجموعی سیاسی صورتحال سمیت محرم الحرام کی سکیورٹی اور امن و امان کی صورتحال پر بھی غور کیا گیا۔

  • وسائل نہ رکھنے والے باہر نکل آئے تو ملک میں کچھ نہیں بچے گا، شہباز شریف

    وسائل نہ رکھنے والے باہر نکل آئے تو ملک میں کچھ نہیں بچے گا، شہباز شریف

    لاہور: وزیراعلی شہباز شریف نے کہا ہے کہ انقلاب لانے والے یاد رکھیں کہ یہ ملک دو طبقات میں تقسیم ہو چکا ہے اور اگر وسائل سے محروم طبقہ باہر نکل آیا تو نہ جاتی عمرہ رہے گا اور نہ ہی بنی گالہ بچے گا۔

    وزیراعلی ہاوس میں لیڈی ہیلتھ وزیٹرز ، ورکرز اور الائیڈ سٹاف کو مستقل کرنے کی تقریب سے خطاب کرتے ہوئے وزیراعلی شہباز شریف نے کہا کہ ملک میں بحران پیدا کرنے والے عوام کی حالت پر رحم کھائیں ،انہوں نے معیشت کو ناقابل تلافی نقصان پہنچایا ہے، ان کا کہنا تھا کہ پاکستان محروم اور وسائل رکھنے والے طبقات میں تقسیم ہو چکا ہے، وسائل رکھنے والے محروم لوگوں سے ہاتھ ملانا پسند نہیں کرتے ۔

    انہوں نے انقلاب کی بات کرنے والوں پر واضح کیا کہ اگر وسائل نہ رکھنے والے باہر نکل آئے تو ملک میں کچھ نہیں بچے گا، وزیراعلی نے کہا کہ اپوزیشن والے قوم کی حالت پر رحم کھاتے ہوئے ہوش کے ناخن لیں، وزیراعلی نے کہا کہ شعبہ صحت سے تعلق رکھنے والے باون ہزار ملازمین کو مستقل کرنے میں اگرچہ تاخیر ہوئی مگر انہیں انکا حق مکمل طور پر ملے گا۔