اسلام آباد : وزیر اعظم نواز شریف سے شہباز شریف اور چوہدری نثار نے ملاقات کی ، جس میں سیاسی صورتحال پر مشاورت کی گئی۔
وفاقی وزیر داخلہ چوہدری نثار علی خان ار وزیر اعلی پنجاب میاں شہباز شریف نے اسلام آباد میں وزیر اعظم سے ملاقات کی، جس میں ملک کی موجودہ سیاسی صورتحال پر تفصیلی تبادلہ خیال کیا گیا، دونوں رہنماؤں نے اس سے قبل آرمی چیف جنرل راحیل شریف سے بھی ملاقات کی تھی۔
لاہور : گرم ہوتا سیاسی پارہ کیسے ٹھنڈا ہو۔ ایس کونسی تدبیر کی جائے کہ یوم آزادی پراحتجاج کے بجائے قومی مارچ ہوں۔حکومت اور حلیف جماعتیں بیک ڈور پالیسی کے تحت کاوشوں کو عملی جامع پہنانے میں مصروف ہیں۔پنجاب کے وزیراعلیٰ شہباز شریف نے تحریک انصاف سےتعلق رکھنےوالے خیبر پختونخواکے وزیراعلیٰ پرویز خٹک سے رابطہ کیا۔
دونوں وزرائے اعلیٰ کے درمیان سیاسی تناؤ میں کمی کیلئے مختلف امور پرغور ہوا۔ ذرائع کے مطابق حکومت نے تحریک انصاف کی ایک اورتجویز پر غورشروع کردیاہے۔ پارلیمانی مدت پانچ سال کے بجائے چار سال کا مطالبہ کیا رنگ لائے گا ۔ سنا ہے اس پرحکومتی حلقوں نے سنجیدگی سے غور شروع کردیا۔ حکومت تحریک انصاف کے دس حلقوں کےمطالبے کے پیشِ نظرعدالتی کمیش کے تحت تحقیقات کا اعلان پہلے ہی کر چکی ہے۔
لاہور: وزیر اعلیٰ پنجاب شہباز شریف کا کہنا ہے کہ عوامی مینڈیٹ پرکسی کوشب خون نہیں مارنے دیا جائے گا، لانگ مارچ کرنے والوں کے غیر جمہوری عزائم کھل کر سامنے آگئے ہیں۔
شہباز شریف کا کہنا ہے کہ وزیراعظم نے فراخدلی سے انتخابات سے متعلق سپریم کورٹ کے کمیشن کے قیام کا اعلان کیا ہے، عمران خان کی جانب سے اسے قبول نہ کرنا غیر جمہوری رویے کی عکاسی ہے۔
اُنہوں نے کہا کہ عوام کے منتخب وزیراعظم سے استعفی کا مطالبہ غیر آئینی اور غیر قانونی ہے، عوام نے اُنہیں مینڈیٹ دیا ہے اور وہ اس کا بھرپور تحفظ کریں گے۔
رائے ونڈ :وزیراعظم نواز شریف نے کہا ہے کہ پولیس اہلکاروں کو جان سے مارنے کے واقعات سے سیکورٹی اداروں اور لوگوں میں نفرت بڑھے گی ۔وزیراعظم نواز شریف سے وزیراعلیٰ پنجاب شہباز شریف نے رائے ونڈ میں ملاقات کی جس میں ڈاکٹر طاہر القادری کے یوم شہداء اور عمران خان کے آزادی مارچ پر تبادلہ خیال کیاگیا ۔
وزیر اعظم نے پولیس اہلکاروں کوتشدد کانشانہ بنانےاورجان سےمارنےکےواقعات پرتشویش کا اظہار کیا اور کہا کہ ایسےواقعات سےسیکیورٹی اداروں اور لوگوں میں نفرت بڑھےگی۔ وزیراعظم کا کہنا تھا کہ ایسےواقعات قابل مذمت ہیں سختی سےنوٹس لیں گے۔
فیصل آباد کے علاقے کھرڑیاں والا میں مسلم لیگ نون کے ایم پی اے شعیب ادریس اوراس کے ساتھیوں نے تھانے میں تشدد کر کے تین پولیس اہلکار زخمی کر دیئے۔ وزیراعلی شہباز شریف نے واقعہ کا نوٹس لے لیا۔
طاقت کا زور ، کرسی کا نشہ ایک بار پھر رکن اسمبلی شعیب ادریس پرچڑھا ۔زور بازو ایک مرتبہ اورپولیس اہلکاروں پرآزمایا ، فیصل آباد تھانہ کھرڑیاں والا کے اے ایس آئی ریاست اور ساتھی نشانہ بنے، وہ بھی تھانے کی حدود میں ، قتل کیس کے ملزمان کی گرفتاری کے لئے ایم پی اے شعیب ادریس کے قریبی عزیز کے ڈیرے پر چھاپہ مارا گیا
ملزمان تو نہ ملے مگر دو گن مین قابو کر لئے گئے ۔تو پھر طاقت کا نشہ اپنے عروج پر آیا اور رکن اسمبلی اپنے ساتھیوں سمیت پولیس اسٹیشن پہنچے اور تلخ کلامی کے بعددھما چوکڑی شروع کی ، مکے اور لاتیں برسا دیں ایسا تشدد کہ اے ایس آئی کے تین دانت توڑ ڈالے
۔مذکورہ رکن اسمبلی کا یہ معمول ہے ،اسی لئے اس بار وزیراعلی شہباز شریف نے بھی چپ نہ سادھی اور پولیس اہلکاروں کو زخمی کرنے والے ملزمان کی فوری گرفتاری کا حکم دے کر رپورٹ پیش کرنے کی ہدایت کر دی۔
آپریشن متاثرین کیلئے پنجاب حکومت کیجانب سے امداد کا آغاز کردیا گیا ہے،تفصیلات کے مطابق شمالی وزیرستان آپریشن کے متاثرین کیلئے پنجاب حکومت کی جانب سے آج سے مالی امداد کا آغاز کیا گیاہے ، وزیراعلیٰ پنجاب شہباز شریف کہتے ہیں ہرخاندان کے سربراہ کو سات ہزار روپے کی رقم دی جا رہی ہے۔ وزیراعلیٰ پنجاب شہباز شریف نے بنوں میں آئی ڈی پیز کیمپوں کا دورہ کیا۔ پاک فوج کی جانب سے آپریشن ضرب عضب اور آئی ڈی پیز کی بحالی پر وزیراعلیٰ کو بریفنگ دی گئی۔
شہباز شریف نے متاثرین میں امدادی رقم بھی تقسیم کی۔ وزیراعلٰی کا کہنا تھا کہ مشکل وقت میں قوم آئی ڈی پیز کیساتھ ہے، اٹھارہ کروڑ عوام کی دعائیں متاثرین کے ساتھ ہیں، دہشت گردوں نے پاکستان کاسکھ چین چھین لیاتھا، اس سے قبل گورنرخیبرپختونخوا سردار مہتاب کا کہنا تھا کہ وزیراعظم نے طالبان سے مذاکرات سےمسئلہ حل کرنےکی پوری کوشش کی، آپریشن ضرب عضب کا فیصلہ سوچ سمجھ کر کیاگیا، سردار مہتاب نے مزید کہا کہ قبائلیوں نے ہمیشہ پاکستان کے دفاع میں اہم کرداراداکیا،عوام قبائلیوں کی قربانیوں کوہمیشہ یادرکھیں گے
