Tag: شہباز شریف

وزیراعلٰی پنجاب شہباز شریف نے عید میلادالنبی کے موقعے پر صوبے بھر میں سیکیورٹی کے فول پروف انتظامات کی ہدایت کرتے ہوئے کہا ہے کہ جلوسوں کی سی سی ٹی وی کیمروں کے ذریعے نگرانی کی جائے۔

وزیراعلیٰ شہباز شریف نے آئی جی پنجاب کو ہدایت کی ہے کہ عید میلاد النبی کے لئے تیار کئے گئے سکیورٹی پلان پر عمل درآمد کو یقینی بنایا جائے۔ انہوں نے کہا کہ سینئر پولیس اور انتظامی افسران خود سکیورٹی انتظامات کی نگرانی کریں اور فیلڈ میں موجود رہیں۔

جلوسوں کے روٹس مکمل چیکنگ کے بعد کلیئر کئے جائیں اور سی سی ٹی وی کیمروں کے ذریعے نگرانی کی جائے، وزیراعلیٰ نے منتخب نمائندوں کو بھی ہدایت کی کہ وہ اپنے علاقوں میں سیکیورٹی انتظامات کا جائزہ لیں۔

وزیراعظم نوازشریف اور وزیراعلی پنجاب شہباز شریف نے رائیونڈ میں ملاقات کے دوران پرویز مشرف کیخلاف غداری کے مقدمے اور ان کی بیماری کے بعد کی صورتحال پر تبادلہ خیال کیا ہے۔
رائے ونڈ میں ہونے والی اس ملاقات میں وزیراعظم نواز شریف اور وزیراعلٰی شہباز شریف پرویز مشرف کیخلاف مقدمے اور بلدیاتی انتخابات سمیت سیاسی صورتحال پر بات چیت کی۔

اس موقع پر شہباز شریف نے وزیراعظم کو صوبہ میں جاری ترقیاتی منصوبوں کے بارے میں بھی بریفنگ دی۔ وزیراعلیٰ شہبازشریف سے پاکستان ایگزبیٹرز اور فلم پروڈیوسرز ایسوسی ایشن کے نمائندہ وفد نے بھی ملاقات کی۔

وفد سے گفتگو کرتے ہوئے وزیراعلٰی پنجاب نے کہا کہ فلم ابلاغ کا ایک موثر ذریعہ ہے ،اس کے ذریعے تہذیبی ، ثقافتی ، ملی اور تاریخی روایات سے نئی نسل کو آگاہ کیا جا سکتا ہے۔ انہوں نے کہا کہ سماجی اور معاشرتی مسائل کی نشاندہی کے لئے فلم ا ہم کردار اد ا کر سکتی ہے۔ وزیر اعلیٰ نے فلم انڈسٹری اور سینما گھروں کے مسائل کے حل کے لئے کمیٹی بھی تشکیل دے دی ہے۔