ARYNews.tv | Urdu – Har Lamha Bakhabar

Tag: شہباز شریف

  • مسلم لیگ ن کے صدر شہباز شریف کی امراضِ قلب کے مرکز میں نواز شریف کی عیادت

    مسلم لیگ ن کے صدر شہباز شریف کی امراضِ قلب کے مرکز میں نواز شریف کی عیادت

    اسلام آباد: پاکستان مسلم لیگ ن کے صدر شہباز شریف نے پمز اسپتال کے امراضِ قلب کے مرکز میں سابق وزیرِ اعظم نواز شریف کی عیادت کی۔

    تفصیلات کے مطابق اڈیالہ جیل کے قیدی نواز شریف کی عیادت کے لیے مسلم لیگ ن کے صدر شہباز شریف پمز اسپتال گئے جہاں انھوں نے بڑے بھائی کے ساتھ کچھ وقت گزارا۔

    ذرائع کا کہنا ہے کہ شہباز شریف نے کارڈیک سینٹر میں نواز شریف کی عیادت کی، وہ عقبی دروازے سے کارڈیک سینٹر میں داخل ہوئے۔

    ذرائع نے یہ بھی کہا کہ شہباز شریف اپنے بڑے بھائی کی عیادت کے لیے گئے تو وہ صرف 15 منٹ تک نواز شریف کے ہم راہ کمرے میں موجود رہے۔

    واضح رہے کہ دو دن قبل اڈیالہ جیل میں اچانک طبیعت کی خرابی کے باعث قیدی نواز شریف کو پمز اسپتال کے خصوصی وارڈ منتقل کیا گیا ہے۔

    نواز شریف کی صحت بہتر ہونے لگی، رپورٹس تسلی بخش قرار

    پمز اسپتال اسلام آباد کے پانچ ڈاکٹرز پر مبنی میڈیکل بورڈ نے نواز شریف کی صحت کا تفصیلی معائنہ کیا اور مختلف ٹیسٹ کروائے جن کے نتائج تسلی بخش نکلے ہیں۔

    یاد رہے کہ نواز شریف کو پمز اسپتال کے امراض قلب کے پرائیویٹ وارڈ میں رکھا گیا ہے، جسے عارضی طور پر سب جیل قرار دیا گیا ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • پنجاب میں حکومت سازی کے لیے جوڑ توڑ جاری، شہباز شریف کی پیپلز پارٹی رہنما سے ملاقات

    پنجاب میں حکومت سازی کے لیے جوڑ توڑ جاری، شہباز شریف کی پیپلز پارٹی رہنما سے ملاقات

    لاہور: پنجاب میں حکومت سازی کے لیے مسلم لیگ ن کی جوڑ توڑ جاری ہے، ن لیگ کے صدر شہباز شریف نے اس سلسلے میں پیپلز پارٹی کے رہنما مخدوم احمد محمود سے ملاقات کی۔

    ذرائع کا کہنا ہے کہ شہباز شریف اور سابق گورنر مخدوم احمد محمود کی ملاقات اسلام آباد میں ہوئی، ملاقات میں شہباز شریف نے پی پی کو مل کر حکومت بنانے کی پیش کش کی۔

    دوسری طرف ن لیگی صدر نے پی پی کے سینئر رہنما خورشید شاہ سے بھی ٹیلی فونک رابطہ کیا ہے، شہباز شریف نے پی پی کی قیادت سے ملاقات کی ہامی بھرلی۔

    دونوں رہنماؤں نے متحدہ مجلس عمل سے رابطوں پر اتفاق کیا، پی پی اور ن لیگ کے رہنما آج ملاقات کریں گے، اسفندیار ولی، آفتاب شیرپاؤ سے بھی رابطوں کا فیصلہ کیا گیا، خورشید شاہ کا کہنا تھا کہ پیپلز پارٹی کی کمیٹی تمام اپوزیشن جماعتوں سے رابطے کرے گی۔

    ذرائع کے مطابق میاں شہباز شریف اور خورشید شاہ کے درمیان آج اسلام آباد میں ملاقات متوقع ہے، ملاقات میں مشترکہ حکومت یا اپوزیشن بننے پر تبادلہ خیال کیاجائےگا۔

    ن لیگ کا ق لیگ سے بھی رابطہ

    دریں اثنا تختِ لاہورکی حکمرانی کے لیے جاری جوڑ توڑ میں ن لیگ نے ق لیگ سے بھی رابطہ کر لیا ہے، ن لیگ نے ق لیگ سے پنجاب میں حکومت بنانے کے لیے تعاون کی درخواست کر لی۔

    ن لیگ نے تختِ لاہور کو قبضے میں کرنے کے لیے آخری کوشش بھی کرلی، ذرائع کے مطابق ن لیگی رہنما سردار ایاز صادق نے چوہدری پرویزالٰہی سے ملاقات کا وقت مانگ لیا ہے۔

    پی ٹی آئی وفاق کے بعد پنجاب میں بھی حکومت بنانے کی پوزیشن میں آگئی

    ذرائع کا کہنا ہے کہ ن لیگ کے رہنما سابق اسپیکر قومی اسمبلی سردار ایاز صادق دیگر اپوزیشن جماعتوں سے بھی رابطے کریں گے اور حلف اٹھانے پر قائل کرنے کی کوشش کی جائے گی۔

    واضح رہے کہ پاکستان تحریکِ انصاف کی طرف سے بھی پنجاب میں حکومت سازی کا فیصلہ کر لیا گیا ہے، اس سلسلے میں پنجاب بھر کے آزاد امیدواروں سے رابطے بھی شروع کر دیے گئے ہیں۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • پنجاب کمپنیز اسکینڈل: نیب نے شہباز شریف کو پھر طلب کرلیا

    پنجاب کمپنیز اسکینڈل: نیب نے شہباز شریف کو پھر طلب کرلیا

    لاہور: پنجاب کمپنیز اسکینڈل سے متعلق سابق وزیر اعلیٰ پنجاب شہباز شریف کو قومی احتساب بیورو نے ایک بار پھر طلب کر لیا۔

    تفصیلات کے مطابق پنجاب کمپنیز اسکینڈل میں شہباز شریف کی پھر طلبی سامنے آگئی، قومی احتساب بیورو کی جانب سے لیگی صدر شہباز شریف کو بیس اگست کو پیش ہونے کا نوٹس جاری کیا گیا ہے۔

    قبل ازیں وزیر اعلیٰ پنجاب شہباز شریف کو رواں ماہ 17 جولائی کو نیب لاہور میں پیش ہونا تھا جہاں ان سے پنجاب پاور کمپنی اسکینڈل سے متعلق سوالات ہونے تھے تاہم وہ پیش نہیں ہوئے تھے، سابق وزیر اعلیٰ پر بے ضابطگیوں اور میرٹ کے بغیر بھرتیوں کا الزام ہے۔

    پنجاب پاور کمپنی اسکینڈل: شہبازشریف نے نیب میں طلبی کا نوٹس ہوا میں اڑا دیا

    یاد رہے کہ کمپنی کے سی ای او احد چیمہ پہلے ہی نیب کی تحویل میں ہیں، قبل ازیں پنجاب کمپنیز اسکینڈل میں چار جولائی کو بھی شہبازشریف نیب لاہور آفس میں پیشی بھگت چکے ہیں، دو گھنٹے کے سوال جواب کے باوجود نیب کو مطمئن نہیں کر سکے تھے۔

    نیب عدالت میں پیشی کے موقع پر داماد سے متعلق سوال پر برہم ہوگئے تھے، ان کا کہنا تھا کہ کسی افسر نے میرے رشتے دار کو خود شامل کیا تو میں نہیں جانتا۔

    شہبازشریف کو آشیانہ ہاؤسنگ اسکیم میں کرپشن کے الزامات پر بھی طلب کیا گیا تھا، 22 جنوری کو چھوٹے میاں صاحب نیب لاہور میں ڈیڑھ گھنٹہ پیش ہوئے تھے۔

    دوسری جانب چوہدری برادران کے خلاف بھی آمدن سے زائد اثاثوں کی انکوائری جاری ہے، نیب نے پرویز الٰہی اور چوہدری شجاعت کو سولہ اگست کو طلب کیا ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • حلقہ این اے 249، شہباز شریف کی دوبارہ گنتی کی درخواست مسترد

    حلقہ این اے 249، شہباز شریف کی دوبارہ گنتی کی درخواست مسترد

    کراچی: الیکشن کمیشن آف پاکستان کے ریٹرننگ افسر نے قومی اسمبلی کے حلقہ این اے 249 سے شہبازشریف کی درخواست مسترد کردی، تحریک انصاف کےفیصل واؤڈا کو آر او نے فاتح امیدوار قرار دے دیا۔

    تفصیلات کے مطابق شہباز شہریف نے کراچی کے قومی اسمبلی کے حلقے این اے 249 سے انتخاب لڑا جس میں انہیں تحریک انصاف کے امیدوار فیصل واؤڈا نے بہت کم مارجن سے شکست دی۔

    شہبازشریف نے ووٹوں کی دوبارہ گنتی کے حوالے سے الیکشن کمیشن میں درخواست دائر کی جس میں مؤقف اختیار کیا گیا کہ ریٹرننگ افسر ایک بار پھر ووٹوں کی گنتی کرے کیونکہ ہمارے پولنگ ایجنٹس کو باہر نکال دی گیا تھا۔

    مزید پڑھیں: قومی اسمبلی میں تحریک انصاف کی 114 نشستیں ہیں: ایڈیشنل ڈائریکٹر الیکشن کمیشن

    ریٹرننگ افسر نے شہبازشریف کی درخواست مسترد کرتے ہوئے مؤقف اختیار کیا کہ ’پولنگ کے دوران امیدوار کی شکایت پر آر او کارروائی کا حق رکھتا ہے لہذا درخواست گزار کو اُسی وقت اپنے تحفظات کا اظہار کرنا تھا‘۔

    الیکشن کمیشن آف پاکستان نے قومی اسمبلی کے حلقہ این اے 249 سے تحریک انصاف کے امیدوار کو کامیاب قرار دیا۔

    خیال رہے کہ الیکشن کمیشن آف پاکستان نے قومی اسمبلی کی 251 نشستوں کے نتائج جاری کردیے جس کے مطابق تحریک انصاف 114 کے ساتھ پہلے نمبر پر ہے، پی ٹی آئی نے کراچی سے قومی اسمبلی کی 12 نشستیں حاصل کیں۔

    یہ بھی پڑھیں: الیکشن 2018: عمران خان کی پانچوں حلقوں پر کامیابی، نیا ریکارڈ بنادیا

    غیر سرکاری تنظیم فافن نے انتخابی عمل کو بہتر قرار دیتے ہوئے رپورٹ جاری کی جس کے  مطابق ملک بھر میں ووٹنگ کا ٹرن آؤٹ 53 فیصد سے زائد رہا یعنی رجسٹرڈ ووٹرز کی نصف آبادی نے اپنا حق رائے دہی استعمال کیا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • شہباز شریف کی اڈیالہ جیل میں نواز شریف سے ملاقات

    شہباز شریف کی اڈیالہ جیل میں نواز شریف سے ملاقات

    اسلام آباد : پاکستان مسلم لیگ نواز کے صدر شہباز شریف نے اڈیالہ جیل میں نواز شریف سے ملاقات کی ہے، جس میں اہم سیاسی امور پر مشاورت بھی ہوئی ہے۔

    تفصیلات کے مطابق ایون فیلڈ ریفرنس میں سزایافتہ سابق وزیراعظم نوازشریف، مریم نواز، اور کیپٹن صفدر سے ان کے وکلا خواجہ حارث اور امجد پرویز نے ملاقات کی۔

    تفصیلات کے مطابق ایون فیلڈ ریفرنس میں سزا پانے والے سابق وزیر اعظم میاں نواز شریف سے سابق وزیر اعلیٰ پنجاب و مسلم لیگ نواز کے صدر شہباز شریف نے کچھ دیر قبل اڈیالہ جیل میں ملاقات کی ہے۔

    ذرائع کا کہنا ہے کہ مسلم لیگ نواز کے صدر شہباز شریف اور سابق وزیر اعظم نواز شریف کے دوران اڈیالہ جیل میں ہونے والی ملاقات آدھے گھنٹے تک جاری رہی۔

    ذرائع کا کہنا ہے کہ شہباز شریف نے عام انتخابات کے اگلے ہی روز نواز شریف ملاقات میں اہم سیاسی امور پر مشاورت کی ہے۔

    خیال رہے کہ پاکستان مسلم نواز کے صدر شہباز شریف نے عام انتخابات کے نتائج مانے سے انکار کرتے ہوئے جلد لائحہ عمل دینے کا کہا تھا۔

    اڈیالہ میں گورنر راج، نوازشریف کی خفیہ ملاقاتیں

    یاد رہے کہ الیکشن سے دو روز قبل گورنر پنجاب رفیق رجوانہ اور خیبرپختونخواہ کے گورنر ظفر اقبال جھگڑا نے نوازشریف سے ملاقات کے لیے اپنے عہدے کا ناجائز استعمال کرتے ہوئے انتظامیہ سے اجازت لیے بغیر اڈیالہ پہنچے تھے۔

    دونوں گورنروں سے مجرم نوازشریف نے خفیہ طور پر ملاقات کی تھی، جس میں مریم نواز، کپٹن صفدر بھی موجود تھے، آدھے گھنٹے سے زائد وقت تک جاری رہنے والی ملاقات کے بعد رفیق رجوانہ اور اقبال جھگڑا پنجاب ہاؤس واپس چلے گئے تھے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • اب ووٹ کو عزت ملی ہے تو شہباز شریف کی چیخیں نکل گئیں، شیخ رشید

    اب ووٹ کو عزت ملی ہے تو شہباز شریف کی چیخیں نکل گئیں، شیخ رشید

    راولپنڈی: عوامی مسلم لیگ کے سربراہ شیخ رشید احمد نے کہا ہے کہ آج پاکستان جیت گیا ہے، اب ووٹ کو عزت ملی ہے تو شہباز شریف کی چیخیں نکل گئی ہیں۔

    ان خیالات کا اظہار انہوں نے میڈیا سے گفتگو کرتے ہوئے کیا، شیخ رشید نے کہا کہ وہ جو کہتے تھے مجھے کیوں نکالا اب کہاں غائب ہوگئے، ووٹ کو عزت ملی ہے تو مشاہد حسین ٹیں ٹیں کررہے ہیں۔

    سربراہ عوامی مسلم لیگ نے کہا کہ آج پاکستان میں نیا سورج طلوع ہوگا، الیکشن کمیشن، چیف جسٹس کا بروقت انتخابات کرانے پر شکر گزار ہوں۔

    انہوں نے کہا کہ جب کہتا تھا عمران خان کے ساتھ مل کر حکومت بناؤں گا تو مذاق اُڑایا جاتا تھا، میری جیت بے روزگار نوجوانوں اور مزدوروں کی جیت ہے، میں سرمایہ کاروں کا امیدوار نہیں عوام کا نمائندہ ہوں۔

    شیخ رشید نے کہا کہ پنڈی جیل میں شہباز شریف اور شاہد خاقان عباسی کا انتظار ہورہا ہے، میرا ایک ہی مقصد تھا کرپٹ نواز شریف کو باہر پھینک دوں، قبضہ گروپوں اور منشیات فروشوں کا جنازہ نکال دوں گا۔

    سربراہ عوامی مسلم لیگ نے کہا کہ تمام جماعتوں کے لیے ہمارے دروازے کھلے ہیں، تمام پارٹیوں کو ساتھ لے کر چلیں گے، جنہوں نے ووٹ نہیں دئیے ان کی بھی خدمت کریں گے، لال حویلی تمام جماعتوں کا ہیڈ کوارٹر ہے۔

    مزید پڑھیں: کہا تھا عمران خان حکومت بنائیں گے اور میں ان کے ساتھ ہوں گا، شیخ رشید

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • شہبازشریف نے انتخابات میں دھاندلی کے الزامات عائد کر دیے

    شہبازشریف نے انتخابات میں دھاندلی کے الزامات عائد کر دیے

    لاہور: مسلم لیگ ن کے صدر شہبازشریف نے انتخابات میں‌ دھاندلی کے سنگین الزامات عائد کر دیے.

    تفصیلات کے مطابق سابق وزیر اعلیٰ‌ پنجاب نے  پریس کانفرنس کرتے ہوئے کہا کہ خیال تھا کہ ووٹرز کو آزادانہ اظہاررائے کا موقع دیا جائے گا، مگر ایسا نہیں‌ ہوا.

    شہباز شریف نے کہا کہ اپنی زندگی میں ایسی خوفناک صورتحال نہیں دیکھی، ملک بھرسے شکایات ملی ہیں کہ فارم45 نہیں دیا گیا.

    ان کا کہنا تھا کہ گرمی کے باوجود لوگ ووٹ ڈالنے کے لئے گھروں سے باہر نکلے، حالاں کہ 13 جولائی کے بعد کارکنوں کے خلاف مقدمات درج کیے گئے.

    شہباز شریف کا کہنا تھا کہ پولنگ کاوقت بڑھانےکی درخواست کی تھی، مگر نہیں مانی گئی، لوگ فارم 45 کے لئے ترس گئے ہیں.

    ان کا کہنا تھا کہ کروڑوں عوام کے مینڈیٹ کی توہین کی گئی، لاہورکےکسی حلقے کا ابھی تک اعلان نہیں کیا گیا، خیال تھا کہ ووٹرز کو آزادانہ اظہار رائےکا موقع دیاجائےگا. البتہ ایسا نہیں‌ ہوا.

    واضح رہے کہ آج ملک بھر میں‌ قومی اور صوبائی اسمبلی کی نشستوں‌ کے لیے انتخابات ہوئے، جن میں‌ اب تک کے ٹرینڈز کے مطابق پاکستان تحریک انصاف کو اکثریت حاصل ہے.

    سیکریٹری الیکشن کمیشن نے سیاسی جماعتوں‌ کے تحفظات رد کردیے

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • آج کا دن پاکستان کی تقدیر بدلنے کا دن ہے، شہباز شریف

    آج کا دن پاکستان کی تقدیر بدلنے کا دن ہے، شہباز شریف

    لاہور : مسلم لیگ ن کے سربراہ شہباز شریف کا کہنا ہے کہ آج کا دن پاکستان کی تقدیر بدلنے کا دن ہے لوگ گھروں سے باہر نکلیں ، ووٹ کاسٹ کریں۔

    تفصیلات کے مطابق مسلم لیگ ن کے سربراہ شہباز شریف نے ووٹ کاسٹ کرنے کے بعد میڈیا سے گفتگو کرتے ہوئے کہا کہ آج کادن پاکستان کی تقدیر بدلنے کا دن ہے، لوگ گھروں سے باہرنکلیں، ووٹ کاسٹ کریں۔

    بعد ازاں شہباز شریف نے سماجی رابطے کی ویب سائٹ ٹوئٹر پر اپنے پیغام میں کہا میں نےابھی اپنا ووٹ کاسٹ کیاہے، سب باہر نکلیں اور پاکستانی ترقی وخوشحالی کے لئے ووٹ ڈالیں۔

    ن لیگ کے صدر کا کہنا تھا کہ توقع ہے کہ الیکشن ملک میں امن اور استحکام لائے گا۔

    مزید پڑھیں :  عام انتخابات 2018 کے لیے پولنگ کا عمل شروع

    واضح رہے کہ پاکستان کے گیارہویں عام انتخابات کے لیے ملک بھر میں پولنگ کا عمل جاری ہے، جہاں 10 کروڑ 59 لاکھ 55 ہزار 409 ووٹرز حق رائے دہی استعمال کریں گے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • الیکشن: ناصر الملک، عمران خان، شہباز شریف، بلاول بھٹو کس شہر میں ووٹ ڈالیں گے؟

    الیکشن: ناصر الملک، عمران خان، شہباز شریف، بلاول بھٹو کس شہر میں ووٹ ڈالیں گے؟

    اسلام آباد : الیکشن 2018میں عمران خان اسلام آباد میں، شہباز شریف لاہور، بلاول بھٹو لاڑکانہ میں ووٹ ڈالیں گے، الیکشن انتظامات کو حتمی شکل دے دی گئی، انتخابی سامان کی ترسیل جاری ہے۔

    تفصیلات کے مطابق کونسی اہم شخصیات اپنا ووٹ کہاں ڈالیں گی؟ اس حوالے سے ذرائع کا کہنا ہے کہ نگراں وزیراعظم ناصر الملک سوات میں ووٹ کاسٹ کریں گے، چیئرمین پی ٹی آئی عمران خان اپنا ووٹ اسلام آباد، ن لیگ کے سربراہ شہباز شریف لاہور اور چیئرمین پی پی بلاول بھٹو زرداری اپنا ووٹ لاڑکانہ میں ڈالیں گے۔

    اس کے علاوہ آصف علی زرداری نواب شاہ، یوسف رضا گیلانی ملتان میں اپنا ووٹ کاسٹ کریں گے، سابق وزیراعظم راجہ پرویز اشرف گوجر خان میں حق رائے دہی استعمال کریں گے جبکہ چوہدری نثارعلی راولپنڈی اور مولانا فضل الرحمان ڈی آئی خان میں ووٹ ڈالیں گے۔

    ذرائع کے مطابق متحدہ قومی موومنٹ پاکستان کے کنویئرخالد مقبول صدیقی اور ڈاکٹر فاروق ستار کراچی میں اپنا ووٹ کاسٹ کرینگے۔

    دریں اثناء عام انتخابات 2018 کے سلسلے میں الیکشن کمیشن نے تمام تر تیاریاں مکمل کرلی ہیں، انتخابات میں10کروڑ59لاکھ سے زائد ووٹرز اپنا حق رائے دہی استعمال کریں گے، الیکشن انتظامات کو حتمی شکل دے دی گئی، پاک فوج کے اہلکاروں نے پولنگ اسٹیشنوں کی سیکیورٹی سنبھال لی۔

    تما م پولنگ اسٹیشننوں پر انتخابی سامان کی ترسیل بھی جاری ہے۔ پولنگ کا عمل صبح8سے شام6بجے تک بغیر کسی وقفے کے جاری رہے گا۔

    قومی اسمبلی کے270اور صوبائی اسمبلیوں کے570حلقوں پر مقابلہ ہوگا، جبکہ قومی وصوبائی اسمبلی کی9نشتوں پر الیکشن ملتوی ہوچکے ہیں، الیکشن کے موقع پر کل ملک بھر میں عام تعطیل ہوگی، ملک بھر میں کسی بھی ناخوشگوار واقعے سے نمٹنے کے لئے الیکشن کمیشن نے پاک فوج کی معاونت حاصل کی ہے۔

    الیکشن کے لئے ملک بھر میں85ہزار307پولنگ اسٹیشنز قائم کئیے گئے ہیں، جبکہ پنجاب میں47813،سندھ میں17747، خیبرپختونخوا میں 12634،بلوچستان میں4420پولنگ اسٹیشن قائم کیے گئے ہیں، اس کے علاوہ فاٹا میں1736،ایف آر میں160،اسلام آباد میں797پولنگ اسٹیشن قائم کیے گئے ہیں۔

    ملک بھرمیں17007پولنگ اسٹیشنز کو انتہائی حساس قرار دیا گیا ہے، جس کے مطابق سندھ میں 5878 پولنگ اسٹیشنز، پنجاب اور اسلام آباد میں5487کے پی کے3874، بلوچستان کے1768پولنگ اسٹیشنز انتہائی حساس قرار دیئے گئے ہیں، انتہائی حساس پولنگ اسٹیشنز پر سی سی ٹی وی کیمروں کی تنصیب اور پاک فوج اور پولیس اہلکار تعینات کیے گئے ہیں۔

     

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

  • یوٹرن کے نشان پرعمران خان کی تصویر لگنی چاہئے، شہباز شریف

    یوٹرن کے نشان پرعمران خان کی تصویر لگنی چاہئے، شہباز شریف

    سرگودھا: پاکستان مسلم لیگ ن کے صدر اور سابق وزیر اعلیٰ پنجاب شہباز شریف نے کہا ہے کہ عمران خان ہر بات پر یوٹرن لیتے ہیں، جہاں یوٹرن کا نشان ہو وہاں عمران خان کی تصویر لگنی چاہئے، تصویر لگنے سے لوگ سمجھ جائیں گے یوٹرن ہے۔

    ان خیالات کا اظہار انہوں نے سرگودھا میں جلسے سے خطاب کرتے ہوئے کیا، شہباز شریف نے کہا کہ پشاور میٹرو میں عمران خان نے بیڑہ غرق کیا ہے، عدالت نے فیصلہ دیا میٹرو کا ٹھیکا بلیک لسٹ کمپنی کو دیا گیا، عمران خان نے پشاور میٹرو کو 14 سے 68 ارب پر پہنچادیا، وہ لاہور میٹرو میں کرپشن کا ایک ثبوت بھی نہیں لائے۔

    شہباز شریف نے کہا کہ ہم نے اسپتالوں کی شکل اور حالات بدل دی، پنجاب میں اسکول اور یونیورسٹیاں بنائیں، میں نے جیسے پچھلے دس سال آپ کی خدمت کی آئندہ بھی کروں گا، مسلم لیگ ن کو موقع دیا تو پاکستان کو ملائیشیا اور ترکی بنادوں گا اگر نہ بنایا تو میرا نام بدل دیجئے گا۔

    سابق وزیر اعلیٰ پنجاب نے کہا کہ اگر موقع دیا تو بھارت کو کئی محاذوں پر شکست دے کر بدلہ لیں گے، ن لیگ نے ملک بھر میں موٹرویز کا جال بچھایا ہے، 25 جولائی کو الیکشن کے دن شیر دھاڑے گا، سرگودھا والوں اگر حکومت میں آیا تو یونیورسٹی بناؤں گا، الیکشن میں کامیاب ہوکر سرگودھا کو لاہور بنادوں گا۔

    مسلم لیگ ن کے صدر نے کہا کہ اسے گرفتار کیا گیا جس نے ایٹمی دھماکے کرکے پاکستان کو عظیم قوت بنایا، دونوں باپ بیٹی کو جیل کی سلاخوں کے پیچھے ڈال دیا گیا، نواز شریف کو بیمار والدہ سے ملاقات کی اجازت بھی نہیں دی گئی، 25 جولائی کو آپ نے ووٹ کی طاقت سے نواز شریف ان کی بیٹی کو باہر لانا ہے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں