ARYNews.tv | Urdu – Har Lamha Bakhabar

Tag: شہباز شریف

  • وزیراعلیٰ پنجاب کا وہاڑی میں ایک منصوبہ شہیدعبدالمعید کے نام سےمنسوب کرنے کا اعلان

    وزیراعلیٰ پنجاب کا وہاڑی میں ایک منصوبہ شہیدعبدالمعید کے نام سےمنسوب کرنے کا اعلان

    لاہور: وزیراعلیٰ پنجاب شہباز شریف نے وہاڑی میں ایک منصوبہ شہید عبدالمعید کے نام سے منسوب کرنے کا اعلان کرتے ہوئے کہا کہ عبدالمعید جیسے دلیر بیٹے پاک دھرتی کا فخر ہیں۔

    تفصیلات کے مطابق وزیرا علیٰ پنجاب شہباز شریف شہیدسیکنڈ لیفٹیننٹ عبدالمعید کے گھر پہنچے اور شہید کےاہل خانہ سے ملاقات کی اور تعزیت کا اظہار کیا۔

    اس موقع پر شہباز شریف نے کہا کہ پنجاب حکومت عبدالمعید کے اہلخانہ کی ہرممکن مدد کے لئے حاضر ہے، عبدالمعید نےبہادری اور جرأت کی مثال قائم کی، وطن پرجانیں نثارکرنے والے قوم کےہیروہیں۔

    ان کا کہنا تھا کہ عبدالمعید جیسے دلیر بیٹے پاک دھرتی کا فخر ہیں، عبدالمعید نے شہادت کا عظیم رتبہ پایا ہے، عبدالمعید کی عظیم قربانی رائیگاں نہیں جائے گی۔

    وزیراعلیٰ پنجاب نے وہاڑی میں ایک منصوبہ شہیدعبدالمعید کے نام سے منسوب کرنے کا اعلان بھی کیا۔

     مزید پڑھیں :  شمالی وزیرستان،  21سالہ سیکنڈ لیفٹیننٹ عبدالمعیداور سپاہی بشارت شہید 

    یاد رہے کہ شمالی وزیرستان میں فورسز کی گاڑی پر دہشتگردوں نے فائرنگ کی ، دہشتگردوں کی فائرنگ سے 21سالہ سیکنڈ لیفٹیننٹ عبدالمعید اور سپاہی بشارت شہید ہوگئے تھے۔

    شہید لیفٹیننٹ عبدالمعید کا تعلق وہاڑی کے علاقے بورے سے تھا جبکہ شہید ہونیوالے اکیس سالہ سپاہی بشارت کا تعلق گلگت سے تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند  آیا ہے تو اسے اپنی فیس بک وال پر شیئر کریں

  • طعنے سنتے ہوئے ستر برس ہوگئے، اب امداد سے توبہ کر لیں: شہباز شریف

    طعنے سنتے ہوئے ستر برس ہوگئے، اب امداد سے توبہ کر لیں: شہباز شریف

    لاہور: وزیر اعلیٰ پنجاب شہباز شریف نے کہا ہے کہ ستر سال گزر گئے، آج بھی ہمیں طعنے مل رہے ہیں، اب امریکا کو بتا دیں کہ ہم لڑنا نہیں چاہتے، آپ اپنی امداد کا حساب لے لیں۔

    شہباز شریف نے ان خیالات کا اظہار لاہور میں ایک تقریب سے خطاب کرتے ہوئے کیا۔ ان کا کہنا تھا کہ ایسی امداد سے توبہ کر لینی چاہیے، جس پر طعنے ملیں، وقار پر کسی قسم کا سمجھوتا نہیں کیا جا سکتا، ہم خطے میں اسٹیک ہولڈر ہیں، ہم سے مشاورت ضروری ہے۔

    ان کا کہنا تھا کہ امریکی صدر نے اپنے ٹویٹ میں بہت سخت بیان جاری کیا، عوام بےچاروں نےتو پاؤنڈ اور ڈالر بھی نہیں دیکھے ہوں گے، فیصلہ اشرافیہ کو کرنا ہے اور اشرافیہ میں بھی شامل ہوں، ماضی بھلائیں، آئیں سب مل کر ملک کے لیے فیصلے کرتے ہیں۔ ہاتھ میں ہاتھ ڈال کر دشمنوں کوبتا دیں کہ ہم متحد ہیں۔

    یہ بھی پڑھیں: ترقی مخالف سیاسی عناصر کوعوامی عدالت میں جواب دینا پڑے گا‘ شہبازشریف

    شبہاز شریف کا کہنا تھا کہ ہمیں امریکا یا کسی ملک سے لڑائی نہیں لڑنی، ہمیں مشاورت کے ساتھ فیصلہ کرنا چاہیے، ہم روکھی سوکھی کھا لیں گے، مگر اپنے وقار پر سمجھوتا نہیں کریں گے۔ آئیں، اس راستے پرچلیں جس کے لیے قربانی دی، آئیں سب اسٹیک ہولڈرز مل کر فیصلہ کریں۔

    ان کا یہ بھی کہنا تھا کہ سیف سٹی پروجیکٹ کے بعد اسمارٹ سٹی کی طرف جانا ہمارا مقصد ہے، سیف سٹی پروجیکٹ کو پنجاب کے دیگر شہروں تک پہنچائیں گے، جدید ٹیکنالوجی کی مدد سے دہشت گردی پر قابو پانے میں مدد ملے گی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • نواز و شہباز کی سعودیہ روانگی، این آر او یا کرپشن کی تحقیقات، پردہ اٹھ گیا

    نواز و شہباز کی سعودیہ روانگی، این آر او یا کرپشن کی تحقیقات، پردہ اٹھ گیا

    ریاض : سابق وزیراعظم نوازشریف اور ان کے بھائی وزیراعلیٰ پنجاب شہباز شریف کی اچانک سعودیہ عرب روانگی نے جہاں کئی سوالات اٹھا دیے تھے وہیں شریف خاندان کے لیے شاہی خاندان کی عدم توجہی نے ان سوالوں کے کچھ جواب دے دیئے ہیں.

    ذرائع کے مطابق سعودیہ عرب میں جاری کرپشن کے خلاف مہم میں گرفتار ہونے والے سعودی شہزادوں نے شریف برادران کے پارٹنرز ہونے کا دعوی کیا ہے جس کی بنیاد پر شریف بردران کو سعودیہ عرب طلب کیا گیا ہے.

    ذرائع کا کہنا ہے کہ شریف برادران کی سعودیہ عرب میں موجودگی کی اصل وجہ کرپشن کی تحقیقات ہے جس کے لیے سعودی ایجینسیز اُن سے پوچھ گچھ کر رہی ہیں.

    ذرائع نے دعویٰ کیا ہے کہ شریف برادران کو شاہی خاندان سے پذیرائی نہیں مل رہی ہے اور کسی اعلیٰ سعودی شخصیت نے ان سے ملاقات نہیں کی ہے اور دوسری جانب سعودی ایجنسیز نے کرپشن سے متعلق تحقیقات بھی کی ہیں.

    ذرائع کے مطابق سعودی شیخ پاکستان حکومت کی جانب سے قطری شہزادوں کو شکار گاہیں فراہم کرنے پر بھی ناراض ہیں اور قطر سے قربت پر نالاں سعودی حکام شریف برادران کو ماضی جیسی اہمیت نہیں دے رہے ہیں.

  • سابق وزیر اعظم کی کل سعودی عرب سے واپسی متوقع

    سابق وزیر اعظم کی کل سعودی عرب سے واپسی متوقع

    اسلام آباد: سابق نااہل وزیر اعظم میاں‌ نواز شریف کی کل سعودی عرب سے پاکستان واپسی متوقع ہے. ذرایع کے مطابق نواز شریف لاہور کے بجائے اسلام پہنچیں‌ گے۔

    واضح رہے کہ میاں‌ نواز شریف چند روز قبل سعودی عرب گئے تھے، شہباز شریف پہلے ہی سعودی عرب میں‌ تھے. میاں‌ صاحب کے سعودی عرب جاتے ہی افواہوں‌ کا بازار گرم ہوگیا تھا، جلاوطنی، این آر او اور سعودی عرب میں‌کرپشن کے خلاف جاری تفتیش سمیت متعدد افواہیں‌ گردش کر رہی تھیں۔

    یہ بھی پڑھیں: وقت آگیا کہ آئین توڑنے والوں کو سزا دلوائی جائے: نواز شریف

    البتہ اب ذرایع نے دعویٰ کیا ہے کہ نااہل وزیراعظم نوازشریف کی کل وطن واپسی متوقع ہے اور نوازشریف لاہورکےبجائےاسلام آباد پہنچیں گے۔

    یاد رہے کہ نوازشریف کو تین جنوری کواحتساب عدالت میں پیش ہونا ہے۔

    شہباز شریف

    شہباز شریف کو سعودی عرب لے جانے والے جہاز سے متعلق بھی خبریں موصول ہورہی ہیں. اطلاعات کے مطابق شاہی خاندان کا یہ طیارہ جنرل راحیل شریف کو پاکستان لایا تھا، سعودی عرب سفیر کے کہنے پر شہباز شریف نے اسی میں‌ سفر کیا۔

    واضح رہے کہ ان اطلاعات کی تصدیق ہونا باقی ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • نوازشریف نے سیاست سے دستبرداری کی ہامی بھرلی: برطانوی جریدہ کا دعویٰ

    نوازشریف نے سیاست سے دستبرداری کی ہامی بھرلی: برطانوی جریدہ کا دعویٰ

    کراچی:‌ ایک برطانوی جریدے نے دعویٰ‌ کیا ہے کہ نوازشریف سیاست سے دستبرداری کی ہامی بھر چکے ہیں اور انھیں‌ بیرون ملک جانے کی اجازت دی جاسکتی ہے۔

    یہ دعویٰ برطانوی جریدے دی ٹائمز کے ایک آرٹیکل میں‌ کیا گیا۔

    مضمون میں کہا گیا ہے کہ نوازشریف نے دباؤ کے تحت شہبازشریف کو جانشین نامزد کیا اور اب نوازشریف جلاوطنی اختیار کرسکتے ہیں۔

    یہ بھی پڑھیں: وقت آگیا کہ آئین توڑنے والوں کو سزا دلوائی جائے: نواز شریف

    واضح رہے کہ آج سابق وزیر اعظم سعودی عرب روانہ ہوئے ہیں، وزیر اعلیٰ پنجاب شہباز شریف پہلے ہی سعودی عرب میں‌ موجود ہیں اور شریف برداران کی شاہی خاندان کی اہم شخصیات سے ملاقاتیں متوقع ہیں۔

    برطانوی جریدے کے پاکستانی نامہ نگار نے دعویٰ کیا ہے کہ سعودی ڈیل کے تحت کرپشن کیسز سے چھٹکارا ممکن ہے، نوازشریف کو باہر رہنےکی اجازت دی جا سکتی ہے۔

    دوسری جانب ذرائع کا کہنا ہے کہ شریف برادران اور چند وزراء کی سعودی عرب روانگی ڈیل کے معاملات کو طے کرنے کے لیے ہیں تاہم یہ ڈیل کامیاب ہوگی یا نہیں یہ معاملات پیرتک سامنے آجائیں گے۔

    ذرائع کا کہنا ہے کہ اس بار شریف برادران کو ڈیل کے لئے مشکلات کا سامنا ہے کیوں کہ پاناما فیصلہ اور ختم نبوت کے قانون میں تبدیلی کے بعد سے اہل رائے ونڈ کے لیے اب عوامی رائے تبدیل ہوچکی ہے۔

    ذرائع کے مطابق ماضی کے برعکس اس بار اپوزیشن بھی این آر او میں مضبوط رکاوٹ کے طور پر سامنے آ رہی ہے تاہم باوجود اس کے کہ مقدمات ختم ہونے کی ضمانت پر نواز و شہباز سیاست سے دستبردار ہونے کو تیار ہیں، ڈیل کامایب ہوتے نظر نہیں آرہی ہے۔

     یہ بھی پڑھیں: نواز لیگ کا امریکا سے مدد لینے کا فیصلہ، ذرائع

    تجزیہ کاروں کے مطابق ایسے وقت میں جب پاکستان میں ن لیگ کی مشکلات بڑھتی جارہی ہیں، پارٹی سیٹ اپ میں کوئی بڑی تبدیلی عین ممکن ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • شہبازشریف اور رانا ثنااللہ کو مستعفی ہونا پڑے گا: آصف زرداری

    شہبازشریف اور رانا ثنااللہ کو مستعفی ہونا پڑے گا: آصف زرداری

    لاہور : شہباز شریف اور رانا ثنا اللہ کو ماڈل ٹائون سانحہ کا حساب دینا ہوگا، وہ تحقیقات پر اثر انداز ہوئے، انھیں استعفیٰ دینا پڑے گا، پیپلزپارٹی سانحہ ماڈل ٹائون کے متاثرین کے ساتھ ہے۔

    ان خیالات کا اظہار پیپلزپارٹی کے شریک چیئرمین آصف علی زرداری نے پاکستان عوامی تحریک کے سربراہ ڈاکٹر طاہر القادری کے ساتھ مشترکہ پریس کانفرنس کرتے ہوئے کیا۔

    آصف زرداری کا کہنا تھا کہ نوازشریف چاہتے ہیں کہ کچھ دوستوں کی مدد مل جائے، بیرون ملک جائیداد بچانے کی کوششیں ہورہی ہیں، مگر ہم اب یہ مذاق نہیں ہونےدیں گے، نوازشریف پر302کےمقدے ہونے چاہییں۔

    پیپلزپارٹی کے شریک چیئرمین کا کہنا تھا کہ میاں برادران جمہوریت کونقصان پہنچانا چاہتے ہیں، جج نوازشریف کو کہتے رہے کہ منی ٹریل بتائیں، میاں صاحب نےآخری دم تک ججزکو منی ٹریل نہیں بتائی۔

    آصف زرداری اور طاہرالقادری کی دوسری ملاقات 29 دسمبر کو ہوگی

    ان کا کہنا تھا کہ اس اجلاس کی دعوت دینے پر طاہر القادری کا شکرگزار ہوں، سانحہ ماڈل ٹاؤن پرشروع سے ڈاکٹرصاحب کےموقف کےحامی ہیں۔

    ڈاکٹر طاہر القادری

    پریس کانفرنس کے آغاز میں پاکستان عوامی تحریک کے سربراہ طاہر القادری نے اپنے مختصر خطاب میں کہا کہ وہ آصف زرداری، خورشید شاہ اور دیگر کو خوش آمدید کہتے ہیں۔

    ملاقات میں اے پی سی کے ایجنڈے اور اہم امور زیر غور آئے۔ ملاقات میں سو فی صد ہم آہنگی پائی جاتی ہے، کسی ایک نکتے پر بھی اختلاف نہیں۔

    طاہر القادری کا یہ بھی کہنا تھا کہ سعودی عرب سے شریف برادران کو کوئی این آر او نہیں ملے گا، پاکستان عوام ایسا این آر او قبول نہیں کریں گے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں

  • نیب کا گھیرا تنگ کرنے کا فیصلہ، دو سابق وزرائے اعظم شکنجے میں

    نیب کا گھیرا تنگ کرنے کا فیصلہ، دو سابق وزرائے اعظم شکنجے میں

    اسلام آباد: چیئرمین نیب جاوید اقبال کی زیرصدارت ہونے والے اجلاس میں نوازشریف اور شہبازشریف کے خلاف ریفرنس دائرکرنے کی منظوری دی گئی ہے۔

    تفصیلات کے مطابق اس اقدام کا فیصلہ شریف برادران پر رائے ونڈ روڈ کی تعمیر میں قومی خزانے کو ساڑھے بارہ کروڑ نقصان پہنچانے کا الزام سامنے آنے پر کیا گیا۔

    دریں اثناء اجلاس میں‌ نندی پور پاور پروجیکٹ سے متعلق تحقیقات کی بھی منظوری دی گئی جس میں قومی خزانے کو 113 ارب روپے نقصان پہنچایا گیا ہے۔

    نندی پوراسکینڈل میں بابراعوان، راجا پرویز اشرف، سیکریٹری قانون مسعود چشتی، شاہد رفیع اور ڈائریکٹر اعجازبشیر کے نام بھی شامل ہیں.

    اسی طرح اجلاس میں نیب نے سابق وزیراعظم یوسف رضا گیلانی کے خلاف بھی تحقیقات کی منظوری دے دی ہے جس میں اُن پر کے سابق ایم ڈی رزاق کی غیر قانونی تقرری کا الزام ہے

    اس کے علاوہ سابق وفاقی وزیرڈاکٹرارباب، ان کی اہلیہ، سابق وزیراعلیٰ بلوچستان اسلم رئیسانی اور سابق ایم این اے غلام حیدر کے خلاف تحقیقات کی منظوری دی گئی ہے.

    جن افراد پر ریفرنس دائر کرنے کا فیصلہ کیا گیا ہے اُن میں سابق وائس چانسلر وفاقی اردو یونیورسٹی ڈاکٹر ظفراقبال کا نام بھی شامل ہے، نیب کے اس انتہائی اہم اجلاس میں‌ محکمہ ریونیو سندھ کے افسران کےخلاف بھی تحقیقات کی منظوری دی گئی.

    تجزیہ کاروں‌ کے نزدیک جسٹس جاوید اقبال کی سربراہی میں نیب کی جانب سے منظم اور ٹھوس اقدامات کرپشن کی روک تھام میں‌ معاون ثابت ہوسکتے ہیں.

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئرکریں۔

  • شہباز شریف کا مسیحی قیدیوں کی سزا میں 3ماہ کی کمی کا اعلان

    شہباز شریف کا مسیحی قیدیوں کی سزا میں 3ماہ کی کمی کا اعلان

    لاہور : وزیراعلیٰ پنجاب شہبازشریف نے جیلوں میں قید مسیحی قیدیوں کی سزا میں3ماہ کی کمی کا اعلان کردیا ہے۔

    تفصیلات کے مطابق وزیراعلیٰ پنجاب شہبازشریف نے کرسمس کے موقع پر جیلوں میں قید مسیحی قیدیوں کی سزا میں3ماہ کی کمی کا اعلان کردیا ہے۔

    اس موقع پر شہبازشریف نے کہا کہ کوئٹہ میں مسیحی بھائیوں کو سفاکی سے مارا گیا، ایساعمل کرنے والے انسانیت کےدشمن ہیں، دہشتگردوں کو کہیں پناہ نہیں ملے گی،قانون حرکت میں آئیگا۔

    وزیراعلیٰ پنجاب کا کہنا تھا کہ چرچ حملے پر مسیحی برادری سےاظہارافسوس کرتاہوں، چرچ حملے میں ملوث افراد کو کڑی سے کڑی سزادی جائے گی۔

    انھوں نے کہا کہ قائداعظم نے فرمایا تھا آئین کے تحت اقلیتوں کو برابر کے حقوق حاصل ہیں، پاکستان میں تعلیم کےمیدان میں مسیحی برادری اہم کردارادا کررہی ہے، افواج پاکستان میں بھی اقلیتی برادری نے کارہائےنمایاں سرانجام دیے۔

    شہبازشریف کا مزید کہنا تھا کہ پاکستان ہم سب کاہے،سب کومل کرامن کاگہوارہ بناناہے، اقلیتوں کےحقوق کاتحفظ ہمارےآئین وقانون میں درج ہے، اقلیتوں کےحقوق کےحوالےسےبل جلداسمبلی میں پیش کریں گے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • کیا شہباز شریف کی سوئی قسمت جاگ اٹھی؟ وزارت عظمیٰ کے سوال کا دلچسپ جواب

    کیا شہباز شریف کی سوئی قسمت جاگ اٹھی؟ وزارت عظمیٰ کے سوال کا دلچسپ جواب

    لاہور: میاں نواز شریف کی نااہلی کے بعد اہم ترین سوال یہ تھا کہ اگلے انتخابات میں ن لیگ کی جانب سے وزارت عظمیٰ کا امیدوار کون ہوگا؟

    ابتدا میں شبہاز شریف کا نام سنا جارہا تھا، مگر پھر مریم نواز کا نام میاں صاحب کے جانشین کے طور پر لیا جانے لگا، اس مسئلے کی وجہ سے پارٹی میں اختلافات کی خبریں بھی آئیں۔

    البتہ یوں لگتا ہے کہ حدیبیہ کیس کے بعد حالات میاں شہباز شریف کے حق میں سازگار ہوگئے ہیں، آج ہونے والے ایک اجلاس میں جب ایک صحافی نے شہباز شریف سے یہ سوال پوچھا کہ کیا آپ وزارت عظمیٰ کے اگلے امید وار ہیں؟ تو وزیرا علیٰ پنجاب کی خواہش زبان پر آگئی۔ فوراً جواب دیا: اللہ آپ کی زبان مبارک کرئے۔

    اس دلچسپ جواب پر اجلاس میں قہقہے بلند ہوئے۔

    یہ بھی پڑھیں: نواز چلے گئے اب شہباز شریف کی باری ہے، عمران خان

    اطلاعات کے مطابق سابق وزیراعظم نوازشریف کی زیرصدارت غیررسمی اجلاس میں نواز شریف نے آئندہ انتخابات کے بعد وزارت عظمیٰ کے لئے شہباز شریف کو موزوں ترین امیدوار قرار دیتے ہوئے ان سے اختلافات کی خبروں کو رد کر دیا ہے۔

    تجزیہ کاروں کے مطابق حدیبیہ کیس کے بعد حالات شہباز شریف کے حق میں سازگار ہورہے ہیں، البتہ اگر یہ کیس دوبارہ کھل گیا، تو وزیر اعلیٰ پنجاب کے لیے پھر مشکلات کھڑی ہوسکتی ہیں۔ میاں نواز شریف کی جانب سے آخری وقت پر فیصلہ تبدیل کرنا بھی امکانی ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • عوام کی خدمت سے بڑھ کر اور کوئی ترجیح نہیں‘ وزیراعلیٰ پنجاب

    عوام کی خدمت سے بڑھ کر اور کوئی ترجیح نہیں‘ وزیراعلیٰ پنجاب

    لاہور: وزیراعلیٰ پنجاب شہبازشریف کا کہنا ہے کہ مخالفین کی منفی سیاست کی پرواہ کیے بغیر ترقی کا سفرآگے بڑھا رہے ہیں۔

    تفصیلات کے مطابق وزیراعلیٰ پنجاب شہبازشریف نے اپنے بیان میں کہا کہ عوام کی خدمت سے بڑھ کر اور کوئی ترجیح نہیں ہے۔

    شہبازشریف نے کہا کہ ن لیگی حکومت نے ساڑھے 4 سال عوام کی بے لوث خدمت کی جبکہ عوام بخوبی جانتے ہیں کون باتیں اور کون ان کی خدمت کررہا ہے۔

    وزیراعلیٰ پنجاب نے کہا کہ جنوبی پنجاب کی ترقی پر خصوصی توجہ مرکوز ہے، مخالفین کی منفی سیاست کی پرواہ کیے بغیر ترقی کا سفرآگے بڑھارہے ہیں۔

    شہبازشریف نے کہا کہ عوام دھرنے یا نعرے نہیں بلکہ اپنے مسائل کا عملی حل چاہتے ہیں۔

    آج عوام کومفاد پرستوں پرفتح مل گئی‘ شہبازشریف

    یاد رہے کہ رواں ماہ 8 دسمبر کو وزیراعلیٰ پنجاب میاں محمد شہبازشریف کا کہنا تھا کہ سپریم کورٹ نے اورنج لائن منصوبہ جاری رکھنے کی اجازت دی، آج عوام کومفاد پرستوں پرفتح مل گئی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔