ARYNews.tv | Urdu – Har Lamha Bakhabar

Tag: شہباز شریف

  • تحریک انصاف نے الیکشن کمیشن سے پانچ نشتوں کے کاغذات کی نقول طلب کرلیں

    تحریک انصاف نے الیکشن کمیشن سے پانچ نشتوں کے کاغذات کی نقول طلب کرلیں

    اسلام آباد: تحریک انصاف نے الیکشن کمیشن سے شریف خاندان کے پانچ افراد کے کاغذات نامزدگی کے نقول فراہم کرنے کا مطالبہ کردیا ہے۔

    تفصیلات کے مطابق تحریک انصاف کے رہنماء محمد مدنی نے دستاویزات حاصل کرنے کے لئے الیکشن کمیشن کو باضابطہ درخواست جمع کروادی ہے۔

    درخواست میں حلقہ این اے 120 میاں محمد نواز شریف ، پی پی 159، حمزہ شہباز این اے 119 اور کیپٹن صفدر کے حلقے این اے 21 کے کاغذات نامزدگی کی تفصیلات کی نقول فراہم کرنے کا مطالبہ کردیا ہے۔

    تحریک انصاف کے رہنماء نے الیکشن کمیشن سے اسحاق ڈار کی سینٹ میں ٹیکنوکریٹ کی نشست پر جمع کرائے گئے کاغذات کی نقول فراہم کرنے کا بھی مطالبہ کیا ہے۔

    محمد مدنی نے مزید بتایا کہ کاغذات کے حصول کے بعد اس کی باقاعدہ تحقیقات کی جائے گی اور آئین کے آرٹیکل باسٹھ، تریسٹھ کے تحت الیکشن کمیشن سے متعلقہ افراد کے خلاف کارروائی کا مطالبہ بھی کیا جائے گا۔

    اس موقع پر انہوں نے مزید کہا کہ متعلقہ نشستوں پر لیگی رہنماؤں نے الیکشن کمیشن میں بیان کی گئی تفصیلات حقائق سے برعکس ہیں۔

    واضح رہے پانامہ لیکس میں شریف فیملی کی آف شور کمپنیز کے انکشاف کے بعد تحریک انصاف کی جانب سے وزیر اعظم پاکستان پر استعفیٰ کے لئے دباؤ ڈالا جارہا ہے۔

  • پنجاب اسمبلی کا اجلاس : وزیراعلیٰ کی غیرحاضری پراپوزیشن کی قرارداد

    پنجاب اسمبلی کا اجلاس : وزیراعلیٰ کی غیرحاضری پراپوزیشن کی قرارداد

    لاہور : شہباز شریف کی پنجاب اسمبلی سے طویل غیر حاضری کے خلاف متحدہ اپوزیشن نے قرارداد جمع کرادی۔ رواں سال وزیر اعلیٰ پنجاب نے صرف2اجلاسوں میں شرکت کی۔

    تفصیلات کے مطابق وزیراعلیٰ پنجاب میاں شہبازشریف کی اسمبلی سےطویل غیرحاضری متحدہ اپوزیشن نے وزیر اعلیٰ پنجاب کے خلاف قرارداد جمع کرادی۔

    قرارداد میں متحدہ اپوزیشن کی جانب سے کہا گیا ہے کہ وزیر اعلیٰ پنجاب کا صوبائی اسمبلی کے ساتھ رویہ انتہائی غیر سنجیدہ ہے۔

    پنجاب اسمبلی ذرائع کے مطابق وزیر اعلیٰ محمد شہباز شریف نے رواں پارلیمانی سال کے دوران اب تک ہونے والے اسمبلی اجلاسوں میں صرف دو مرتبہ شرکت کی ہے۔

    وزیر اعلیٰ پنجاب مالی سال دوہزار پندرہ سولہ کے بجٹ کی منظوری کے موقع پر اسمبلی میں تشریف لائے تھے۔ وزیر اعلیٰ کی پنجاب اسمبلی سے مسلسل غیرحاضری کے حوالے سے قائد حزب اختلاف میاں محمود الرشید کی جانب سے گزشتہ اجلاس میں پوچھے جانے والے سوال پر بھی حکومتی جماعت نے سخت رویہ اختیار کیا تھا۔

     

  • حکومت چلتی نظر نہیں آرہی، شیخ رشید کی اے آر وائی کے پروگرام میں پیشن گوئی

    حکومت چلتی نظر نہیں آرہی، شیخ رشید کی اے آر وائی کے پروگرام میں پیشن گوئی

    اسلام آباد: عوامی تحریک کے سربراہ شیخ رشید نےکہا ہے کہ بجٹ پیش ہونے کے بعد حکومت کا چلنا مشکل نظر آرہا ہے۔

    اے آر وائی نیوز کے پروگرام ’دی رپورٹرز‘ میں گفتگو کرتے ہوئے شیخ رشید کا کہنا تھا کہ اب پاکستان میں احتساب کے عمل سے سب کو گزرنا ہوگا، حکومت اپنی غلطیوں کی وجہ سے بند گلی میں داخل ہوگئی ہے، دو ماہ بہت اہم ہیں بجٹ پیش ہونے کے بعد حکومت گھر جاتی نظر آرہی ہے۔

    شیخ رشید نے مزید کہا کہ ابھی اپوزیشن کی جانب سے چند سوالات پیش کئے گئے ہیں اگر ان کا جواب نہیں دیا گیا تو میں دیڑھ سو سے زائد سوالات بمعہ ثبوت قوم کے سامنے پیش کریں گے۔

    انہوں نے بتایا  کہ اگر صورتحال گھمبیر ہوئی تو میاں محمد نواز شریف اگلے وزیر اعظم کے لئے اپنی اہلیہ کلثوم نواز کو نامزد کریں گے، جس کے بعد شریف برادران کے اپنے تعلقات خراب ہونے کا اندیشہ ہے۔

    ایک سوال کے جواب میں انہوں نے کہا کہ اگر وزیر اعظم پاکستان کی جانب سے آرمی چیف کے خلاف کوئی سازش کی گئی یا پھر مدت ملازمت سے پہلے برطرفی کا کوئی نوٹس بھیجا گیا تو حالات نہایت سنگین ہوسکتے ہیں۔

    مولانا فضل الرحمان کے حوالے سے پوچھے گیے سوال کے جواب میں شیخ رشید نے کہا کہ مولانا صاحب اپوزیشن کے ساتھ آنے کے لئے تیار ہیں، مگر اب اپوزیشن کا کوئی بھی رکن اُن سے رابطہ نہیں کرے گا۔

    شیخ رشید نے پیشن گوئی کی ہے کہ اس بار سعودیہ عرب بھی شریف فیملی کو تحفظ فراہم نہیں کرے گا۔

    پروگرام کے آخر میں شیخ رشید نے انکشاف کیا کہ وزیراعلی پنجاب شہباز شریف اور وفاقی وزیر داخلہ چوہدری نثار کو پیغام بھیجا ہے کہ جمہوریت کی مضبوطی کے لئے اپنا کردار ادا کریں اور وزیر اعظم کے لیے کسی نئے فرد کا انتخاب کریں۔

  • پنجاب میں زرعی ترقی کیلئے 100 ارب روپے کے پیکج کا اعلان

    پنجاب میں زرعی ترقی کیلئے 100 ارب روپے کے پیکج کا اعلان

    لاہور : وزیراعلیٰ شہباز شریف نے صوبے میں زراعت کی ترقی کیلئے 100 ارب روپے کے پیکج کا اعلان کر دیا۔ یہ اعلان انہوں نے لاہور میں زرعی کانفرنس سے خطاب کرتے ہوئے کیا۔

    ان کا کہنا تھا کہ آئندہ سال کے اختتام تک گیس سے چلنے والے 3600 میگاواٹ کے منصوبے آپریشنل ہو جائیں گے۔

    زرعی کانفرنس 2016 سے خطاب کرتے ہوئے وزیراعلیٰ شہباز شریف نے کہا کہ 100 ارب روپے کا پیکج زرعی ترقیاتی منصوبوں اور سبسڈی پر مشتمل ہو گا۔ وزیراعلیٰ کا کہنا تھا کہ پاک چائنا اقتصادی راہداری کے منصوبوں میں ساڑھے 3 ہزار ارب روپے توانائی بحران پر قابو پانے کیلئے مختص کئے گئے ہیں۔

    وزیر قانون پنجاب کا کہنا تھا کہ مسلم لیگ نون سے زیادہ کسی کا احتساب نہیں ہوا، ہمیں جلاؤ گھیراؤ اور ریلیوں کی سیاست میں الجھایا جا رہا ہے۔

    تقریب سے وزیر زراعت ڈاکٹر فرخ جاوید اور دیگر نے بھی اپنے خطابات میں حکومتی اقدامات کو زرعی شعبے میں ترقی کیلئے اہم قرار دیا۔

     

  • لاہور: ڈائریکٹر فوڈ اتھارٹی عائشہ ممتاز پھر ایکشن میں آگئیں

    لاہور: ڈائریکٹر فوڈ اتھارٹی عائشہ ممتاز پھر ایکشن میں آگئیں

    لاہور: صفائی کے ناقص انتظامات پر لاہور میں ڈائریکٹر فوڈ اتھارٹی عائشہ ممتاز نےانجینئرنگ یونیورسٹی کا کیفے ٹیریا اور چار ریستوران سیل کر دئیے۔

    پنجاب فوڈ اتھارٹی کے مطابق ڈائریکٹر عائشہ ممتاز نے لاہور کی انجینئیرنگ یونیورسٹی کے مرکزی کیفے ٹیریا پر چھاپہ مارا، جہاں صفائی کے انتظامات انتہائی ناقص تھے، جس پر اسے سیل کر دیا گیا۔

    ڈائریکٹر فوڈ اتھارٹی نے داتا دربار کے اطراف میں چار ریستوران بھی سیل کئے ہیں، جہاں گندگی اور بدبو کا راج تھا اور ان کے کچن واش روم کے ساتھ تھے۔

  • ملتان دھماکے کے ذمہ دار قانون کی گرفت سے نہیں بچ سکتے، شہباز شریف

    ملتان دھماکے کے ذمہ دار قانون کی گرفت سے نہیں بچ سکتے، شہباز شریف

    لاہور: وزیر اعلی پنجاب شہباز شریف کو ملتان میں ہونے والے دھماکے کی ابتدائی رپورٹ پیش کردی گئی ہے، وزیر اعلی کہتے ہیں کہ ملتان دھماکے کے ذمہ دار قانون کی گرفت سے نہیں بچ سکتے۔

    لاہور میں وزیراعلیٰ پنجاب محمد شہبازشریف کی زیر صدارت اعلیٰ سطح کا اجلاس ہوا جس میں صوبے میں امن عامہ کی مجموعی صورتحال اورنیشنل ایکشن پلان کے تحت کئے جانے والے اقدامات پر پیشرفت کا جائزہ لیا گیا۔

    اس موقع پر وزیر اعلی پنجاب نےصوبے بھر میں مساجد،امام بارگاہوں اور عبادتگاہوں کی سکیورٹی کو مزید سخت کرنے کا حکم دیا اور کہا کہ حساس مقامات کی سکیورٹی پر خصوصی توجہ دی جائے۔

    وزیر اعلی پنجاب نے کہا منافرت پر مبنی لٹریچر کی تقسیم و اشاعت کیخلاف بلاامتیازکارروائی جاری رکھی جائے گی۔۔نفرت انگیز تقاریر کسی صورت برداشت نہیں اور ایسی تقاریر کرنیوالوں کے خلاف قانون کے تحت بلاامتیاز کاروائی کی جائے گی۔

    شہباز شریف نے سکیورٹی اداروں کو ہدایت کی شرپسند عناصر پر کڑی نظر رکھی جائےاور کالعدم تنظیموں کی سرگرمیوں کا پوری قوت سے قلع قمع کیا جائے۔

  • قصور ویڈیواسکینڈل: وزیراعلیٰ پنجاب نے متعدد سینئر پولیس افسران کو معطل کردیا

    قصور ویڈیواسکینڈل: وزیراعلیٰ پنجاب نے متعدد سینئر پولیس افسران کو معطل کردیا

    لاہور : وزیراعلٰی پنجاب شہباز شریف نے قصور ویڈیو اسکینڈل میں غفلت برتنے پر ایڈیشنل آئی جی اسپیشل برانچ کو او ایس ڈی جبکہ ڈی پی او قصور اور ایس پی اسپیشل برانچ قصور سمیت متعدد افسران کو معطل کر دیا۔

    پنجاب حکومت کے ترجمان کے مطابق وزیر اعلٰی شہباز شریف نے قصور ویڈیو اسکینڈل میں غفلت برتنے اور ملزمان کو بروقت گرفتار نہ کرنے پر ایڈیشنل آئی جی اسپیشل برانچ عارف مشتاق کو او ایس ڈی بنانے کے احکامات جاری کر دیئے ہیں۔

    جبکہ شواہد موجود ہونے کے باوجود کارروائی نہ کرنے پر ڈی پی او قصور رائے بابر سعید، ایس پی سپیشل برانچ قصور، ڈی ایس پی سپیشل برانچ قصور اور ڈی ایس پی سمیت متعدد افسران کو معطل کر دیا۔

    ذرائع کے مطابق ایوان وزیر اعلٰی میں ہونے والے اعلٰی سطح کے اجلاس میں وزیراعلٰی نے قصور ویڈیو اسکینڈل پر آئی جی پنجاب سمیت سنیئر پولیس افسران کی سخت سرزنش کی۔

    ان کا کہنا تھا کہ اڑھائی ماہ گزر جانے کے باوجود متعلقہ پولیس کا زیادتی کا شکار ہونے والے بچوں کی داد رسی نہ کرنا اور اسپیشل برانچ جیسے ادارے کے افسران کا اس واقعہ سے بے خبر ہونا انتہائی افسوسناک ہے۔

    وزیر اعلٰی نے اس موقع پر ڈی آئی جی ابوبکر خدابخش کی قیادت میں 5 رکنی جوائنٹ انوسٹی گیشن ٹیم تشکیل دیتے ہوئے اسے 14 روز میں تحقیقات مکمل کرنے کی ہدایت بھی کی۔

  • شہباز شریف نے قصور واقعے کی جوڈیشل انکوائری کا حکم دے دیا

    شہباز شریف نے قصور واقعے کی جوڈیشل انکوائری کا حکم دے دیا

    لاہور : وزیر اعلیٰ پنجاب شہباز شریف نے قصور ویڈیو اسکینڈل کی جوڈیشل انکوائری کا اعلان کردیا۔ آئی جی پنجاب کا کہنا ہے کہ گرفتار ملزمان کا ریمانڈ لے لیا ہے جلد حقائق تک پہنچ جائیں گے۔

    تفصیلات کے مطابق قصور واقعے نے انسانیت کا سر شرم سے جھُکا دیا، اے آر وائی نیوز نے جگایا تو بالآخر خادم اعلیٰ کو ہوش آ ہی گیا۔

    وزیر اعلیٰ شہبازشریف نے واقعے کی جوڈیشل انکوائری کا اعلان کردیا ۔ شہباز شریف نے محکمہ داخلہ کوہدایت کی ہے کہ چیف جسٹس ہائیکورٹ سے انکوائری کمیشن کی تشکیل کےلئےفوری درخواست کی جائے۔

    وزیر اعلی کی زیرصدارت اجلاس میں شہباز شریف کوسانحہ قصور کی ابتدائی تحقیقاتی رپورٹ پیش کی گئی۔شہباز شریف نےواقعےکو گھناؤنا فعل قرار دیتے ہوئے فرارملزمان کی فوری گرفتاری کی حکم بھی دیا۔

    آئی جی پنجاب مشتاق سکھیرا کا کہنا ہے کہ ملزمان کے خلاف بلاتفریق کارروائی کی جائے گی،گرفتار ملزمان میں سے چھ کا جسمانی ریمانڈ حاصل کرلیا گیا ہے۔

  • پنجاب فوڈ اتھارٹی کی ڈائریکٹرعائشہ ممتاز کی کارکردگی پر وزیراعلٰی کی جانب سے اعزاز

    پنجاب فوڈ اتھارٹی کی ڈائریکٹرعائشہ ممتاز کی کارکردگی پر وزیراعلٰی کی جانب سے اعزاز

    لاہور: وزیر اعلٰی شہباز شریف نے پنجاب فوڈ اتھارٹی ایکٹ 2011 میں مجوزہ ترامیم کی منظوری دیدی، ان کا کہنا ہے کہ خوراک کے نام پر لوگوں کو زہر کھلانے والے انسانیت کے دشمن ہیں۔

    پنجاب فوڈ اتھارٹی کا اجلاس وزیراعلٰی شہباز شریف کی زیرصدارت ہوا، جس میں پنجاب فوڈ اتھارٹی ایکٹ 2011 میں مجوزہ ترامیم کی منظوری دی گئی۔

    اجلاس سے خطاب کرتے ہوئے وزیر اعلٰی کا کہنا تھا کہ خوراک کے نام پر لوگوں کو زہر کھلانے والے انسانیت کے دشمن ہیں، مضر صحت اور غیر معیاری اشیاء تیار اور فروخت کرنے والوں کی جگہ جیل ہے، پنجاب فوڈ اتھارٹی ایسے عناصر کیخلاف کریک ڈاؤن جاری رکھے۔

     وزیر اعلٰی شہباز شریف نے پنجاب فوڈ اتھارٹی کی ڈائریکٹر آپریشن عائشہ ممتاز کی کارکردگی کو سراہا اور انہیں شاباش دیتے ہوئے کہا کہ کسی دباؤ یا سفارش کو خاطر میں نہ لایا جائے۔ انہوں نے کہا کہ ڈائریکٹر آپریشنز پنجاب فوڈ اتھارٹی نے قابل ستائش اقدامات کئے ہیں۔

  • شریف خاندان نے ایک روپے کا قرض معاف نہیں کرایا، شہبازشریف

    شریف خاندان نے ایک روپے کا قرض معاف نہیں کرایا، شہبازشریف

    لاہور: وزیراعلیٰ پنجاب شہباز شریف کا کہنا ہے کہ شریف خاندان نے ایک روپے کا قرض معاف نہیں کرایا، مشرف نے دوہزار دو میں سرکاری نوٹیفیکیشن کے ذریعے اربوں کے قرضے معاف کیے ۔

    وزیراعلیٰ پنجاب شہباز شریف نے نیب رپورٹ مسترد کردی، لاہور میں پریس کانفرنس کرتے ہوئے شہباز شریف نے کہا کہ سود سمیت پانچ ارب سے زائد قرضے بینکوں کو ادا کئے۔

     ان کا کہنا تھا کہ مشرف دور میں سرکاری نوٹیفیکیشن کے ذریعے قرضے معاف کئے گئے۔

    شہباز شریف نے کہا کوئی سیاستدان قرضہ معاف نہ کرانےکادعویٰ نہیں کرسکتا،بینکوں کو ادائیگی کےکلیئرنس سرٹی فکیٹس بھی موجود ہیں۔