Tag: شہباز گل

لاہور: ترجمان وزیراعلیٰ پنجاب شہباز گل نے کہا ہے کہ نیب آزاد اور خود مختار ادارہ ہے، دباؤ سے احتساب کا عمل متاثر نہیں ہوگا، شہباز شریف غم نہ کریں، اپنی کرپشن کے باعث جلد شاہد خاقان کے ہمراہ ہوں گے۔

تفصیلات کے مطابق ترجمان وزیراعلیٰ پنجاب شہباز گل نے سماجی رابطے کی ویب سائٹ ٹویٹر پر اپنے پیغام میں کہا کہ شاہد خاقان عباسی کو نیب نے ایل این جی کیس میں گرفتار کیا ہے، ایل این جی کیس بھی ہمارے دور میں نہیں بنایا گیا تھا۔

انہوں نے لکھا کہ کرپٹ لیگ کے ناکام صدر نے کرپشن سے توجہ ہٹانے کی کوشش کی، سستی روٹی کے نام پر اربوں روپے ہڑپ کرگئے آج پروپیگنڈہ کررہے ہیں۔

شہباز گل نے کہا کہ عوام کی فلاح کا جھوٹا راگ الاپنے والے ہڑتالیں کرانا چاہتے ہیں، نواز، شہباز شریف کا پورا ٹبر کرپشن اور کمیشن میں ملوث رہا ہے، قوم کو گمراہ کرنے کے بجائے ٹی ٹی اور منی لانڈرنگ کی تفصیلات دیں۔

مزید پڑھیں: نیب نے سابق وزیر اعظم شاہد خاقان عباسی کو گرفتار کرلیا

ترجمان وزیراعلیٰ پنجاب نے کہا کہ احسن اقبال کو بھی ناررووال کرپشن کیس میں جواب دینا ہوگا، کرپٹ لیگ کا شیرازہ بکھر چکا ہے، ان کے ممبران بھی ان کی چوری کے دفاع سے تنگ آگئے ہیں۔

واضح رہے کہ مسلم لیگ ن کے سینئر نائب صدر اور سابق وزیراعظم شاہد خاقان عباسی کو نیب نے گرفتار کرلیا، انہیں آج نیب نے ایل این جی کیس میں طلب کیا تھا تاہم وہ پیش نہیں ہوئے تھے۔

یاد رہے کہ چیئرمین نیب جسٹس (ر) جاوید اقبال نے شاہد خاقان کے وارنٹ گرفتاری جاری کر رکھے تھے۔

لاہور: ترجمان وزیراعلیٰ پنجاب شہباز گل نے کہا ہے کہ شاہد خاقان عباسی کی نئی ڈیوٹی آقاؤں کے کالے کرتوتوں کا دفاع ہے۔

تفصیلات کے مطابق ترجمان وزیراعلیٰ پنجاب شہباز گل نے شاہد خاقان عباسی کی پریس کانفرنس پر ردعمل دیتے ہوئے کہا کہ شاہد خاقان عباسی نے علی عمران کی کمپنی، چیک وصولی کی تردید نہیں کی ہے، پریس کانفرنس کرتے ہیں مگر سوالوں پر آئیں بائیں شائیں کرتے ہیں۔

انہوں نے کہا کہ شہباز شریف اربوں کی کرپشن سامنے آنے پر بوکھلا گئے ہیں، ن لیگ کرپشن کے ثبوتوں کو متنازع بنانے کی ناکام کوشش کرتی ہے۔

شہباز گل نے سوال کیا کہ بتائیں شریف خاندان کا منظور پاپڑ والے، مشتاق چینی سے کیا تعلق ہے، انہوں نے کہا کہ مسلم لیگ ن کی سیاست گلوبٹ، ناصر بٹ جیسے فراڈیوں کے گرد گھومتی ہے۔

مزید پڑھیں: شہباز شریف برطانوی عدالت میں ہتک عزت کا دعویٰ کریں گے: شاہد خاقان عباسی

ترجمان وزیراعلیٰ پنجاب نے کہا کہ پی ٹی آئی حکومت کرپٹ عناصر اور چوروں کے خلاف گھیرا تنگ کررہی ہے، ن لیگ کرپٹ، مفروروں اور اشتہاریوں کے دفاع کے مشن پر ہے۔

واضح رہے کہ اس سے قبل شاہد خاقان عباسی کا کہنا تھا کہ شہباز شریف برطانوی عدالت میں ڈیلی میل کے خلاف ہتک عزت کا دعویٰ کریں گے، شہزاد اکبر اور حواریوں سے پوچھا جائے کہ دوروں پر کتنے پیسے خرچ ہوئے، ڈیلی میل میں خبر لگوانا شہزاد اکبر کا کارنامہ ہے۔

ان کہنا تھا کہ شہزاد اکبر ایک پریس کانفرنس کریں گے تو ہم تین کریں گے، ہر بات کا جواب دیں گے، ثبوت ہیں تو ایف آئی اے اور نیب کو دیں اور شہباز شریف کو گرفتار کر لیں، عمران خان اور شہزاد اکبر کے خلاف شہباز شریف ہتک عزت کا دعویٰ کریں گے۔

فیصل آباد: ترجمان وزیراعلیٰ پنجاب شہباز گل نے کہا ہے کہ شہباز شریف اور ان کا خاندان عوامی دولت دونوں ہاتھوں سے لوٹتے رہے، اسکینڈل کی انگلینڈ اور پاکستان کے اندر تحقیقات کرائیں گے۔

تفصیلات کے مطابق ترجمان وزیراعلیٰ پنجاب شہباز گل نے نیوز کانفرنس کرتے ہوئے کہا کہ امداد اور خیرات کا مال بھی کھالیا گیا ہے، مافیا پہلے پیسوں کی پیشکش کرتا ہے بات نہ بنے تو دھمکیاں دیتا ہے، کوئی قانون ہاتھ میں لے گا تو قانون حرکت میں آئے گا۔

انہوں نے کہا کہ خبریں آرہی ہیں کہ شہباز شریف نے امدد کا مال بھی کھایا، پہلے یہاں کا مال کھایا جاتا تھا اب امداد کھانے کے اسکینڈل بھی سامنے آرہے ہیں، جیل والے چیک کرکے نہ بھیجیں تو یہ لوگ جیل کا سامان بھی چوری کرلیں گے۔

شہباز گل نے کہا کہ ادارے آزادانہ احتساب کا عمل جاری رکھے ہوئے ہیں، ہماری حکومت کسی کو سیاسی انتقام کا نشانہ نہیں بنارہی ہے، ہم وہ حکمران نہیں جو یہ کہیں کہ آپ کو قربانی دینی چاہئے۔

مزید پڑھیں: شہبازشریف نے زلزلہ متاثرین کی امداد میں لاکھوں پاؤنڈ کی خورد برد کی، برطانوی اخبار

ترجمان وزیراعلیٰ پنجاب نے کہا کہ مشکل وقت میں عوام کے ساتھ کھڑے ہیں، ایک ایک پائی جمع کریں گے، سیکیورٹی کے 80 فیصد اخراجات کم کیے ہیں۔

انہوں نے کہا کہ پنجاب میں اپوزیشن کے 40 سے 45 ایم پی ایز ہمارے ساتھ ہیں، ہماری حکومت نے صحت کے ترقیاتی بجٹ میں 46 بلین رکھے ہیں، ہڑتال سے مسئلے ختم نہیں ہوں گے، ہم تاجر برادری کے ساتھ بیٹھ کر بات کریں گے۔

واضح رہے کہ برطانوی اخبار نے دعویٰ کیا تھا کہ سابق وزیراعلیٰ پنجاب شہباز شریف نے زلزلہ متاثرین کی امداد میں لاکھوں پاؤنڈ کی خوردبرد کی، خادم اعلیٰ نے ڈی ایف آئی ڈی فنڈ پروگرام سے بھی چوری کی۔

لاہور: ترجمان وزیراعلیٰ پنجاب شہباز گل نے کہا ہے کہ مریم صفدر نے جھوٹ بولنے میں ریکارڈ قائم کردئیے ہیں۔

تفصیلات کے مطابق ترجمان وزیراعلیٰ پنجاب شہباز گل نے کہا ہے کہ مریم صفدر نے جھوٹ بولنے میں ریکارڈ قائم کردئیے ان کا نام گنیز بک آف ورلڈ ریکارڈ میں جانا چاہئے۔

شہباز گل نے کہا کہ ان کے نمایاں کارناموں میں جعلی ٹرسٹ ڈیڈ شامل ہے، جج صاحب کی جعلی ویڈیو، والد کی صحت پر مسلسل جھوٹ بولنا شامل ہے۔

شہباز گل کا کہنا تھا کہ کیلبری کوئن جتنا بھی جھوٹ بول لیں، انہیں قوم سے لوٹی جانے والی دولت واپس کرنا ہوگی، بیگم صفدر اشتہاری بھائیوں کو بےگناہ ثابت کرتی رہیں، انہوں نےشہباز شریف سے ن لیگ کی صدارت اُچک لی ہے۔

مزید پڑھیں: نیب طلبی کا نوٹس، مریم نواز کو گرفتاری کا خوف

یاد رہے کہ ایون فیلڈ ریفرنس میں جعلی ٹرسٹ ڈیڈ کے معاملے پر احتساب عدالت کے جج محمد بشیر نے سابق وزیراعظم نواز شریف کی صاحبزادی مریم نواز کو نوٹس جاری کرتے ہوئے 19 جولائی کو طلب کیا ہے۔

خیال رہے کہ آج نیب نےمریم نوازکی طلبی کاسمن جاتی امرامیں وصول کرا دیا، ادارہ برائے احتساب ٹیم نے پولیس حکام کے ساتھ جاکر جاتی امرا میں نوٹس دیا۔

احتساب عدالت نےمریم نوازکےسمن تعمیل کے لئےنیب بھجوائےتھے، سمن میں ہدایت کی گئی ہے کہ مریم نواز مقدمے میں حاضری کو یقینی بنائی اور ذاتی حیثیت میں لاہور کی احتساب عدالت میں پیش ہوں۔