راولپنڈی : یوم دفاع کے موقع پر شہدا کے لواحقین شہدائے پاکستان کو خراج عقیدت پیش کرتے ہوئے اپنے جذبات کی عکاسی کررہے ہیں۔
تفصیلات کے مطابق یوم دفاع کے موقع پرشہدائے پاکستان کو خراج عقیدت کیا جارہا ہے ، شہدائے پاک فوج شجاعت اور بہادری کی پہچان ہیں۔
یوم دفاع کے موقع پر شہدا کے لواحقین نے اپنے جذبات کی عکاسی کی بیوہ میجر سعد نعمانی شہید نے کہا کہ جیسے 1965 کی جنگ میں پاک فوج کےجوان دشمن کے سامنے ڈٹ کرکھڑےتھے، آج بھی پاک فوج کےجوانوں کاوہی عزم اورحوصلہ ہے۔
ان کا کہنا تھا کہ 1965 میں دشمن لاہورپہ جب حملہ آورہواتوعوام اورفوج کے زبردست جوابی حملے سے اسے منہ کی کھانی پڑی۔
میجر محمد یاسر شہید کی بیٹی نے کہا کہ پوری قوم پاکستانی فوج پر فخر کرتی ہے جبکہ سپاہی طاہرعباس شہید کی بیوہ کا کہنا تھا کہ پوری قوم جیسے 1965 کی جنگ میں پاک فوج کیساتھ کھڑی تھی آج بھی کھڑی ہے، 1965 کے جوانوں کی تصاویر دیکھتی ہوں تو سوچتی ہوں کیسے جوان تھے جنہوں نےملک کی ماؤں بیٹیوں کی حفاظت کی۔
سپاہی محمد وسیم عباس شہید کے بھائی نے پیغام میں کہا کہ پاک فوج نے 1965 میں بھارتی فوج کو ناکوں چنے چبوائے، 1956کے معرکے کے بعد دشمن پریہ واضح ہو گیا پاکستانی عوام اپنی فوج کے ساتھ ہے، ملک کی طرف میلی آنکھ سے دیکھنے والوں کی آنکھیں نکال دی جائیں گی۔
