Tag: شہروز سبزواری

پاکستانی فلم انڈسٹری کی مشہور فلم آئینہ کا سیکوئل بننے جارہا ہے اور فلم کے لیے شہروز سبزواری کو کاسٹ کرلیا گیا ہے۔

فلم آئینہ 70 کی دہائی کی مشہور فلم تھی جس میں مرکزی کردار شبنم اور ندیم بیگ نے ادا کیا تھا۔ اب حال ہی میں ہدایت کار سید نور نے اس فلم کا سیکوئل آئینہ 2 بنانے کا اعلان کیا ہے جس میں ایک بار پھر ندیم اور شبنم جلوہ گر ہوں گے۔

سنہ 77 میں ریلیز کی جانے والی فلم آئینہ میں ان دونوں کا ایک بیٹا بھی دکھایا گیا تھا جو اب سیکوئل میں بڑا ہوچکا ہوگا۔ یہ کردار بہروز سبزواری کے بیٹے شہروز ادا کریں گے۔

It’s an Honour just standing next to you, let alone sharing screen for my first Film. Ab tow ‘Chein Aye Na’ : )

A post shared by Shahroz Sabzwari (@shahrozsabzwari) on Jan 3, 2017 at 1:05pm PST

شہروز خود بھی ایک بہترین اداکار ہیں اور متعدد ڈراموں میں اداکاری کے جوہر دکھا چکے ہیں۔ ان کے ساتھ کسی اداکارہ کو بھی لیا جائے گا، تاہم وہ کون ہوگی ابھی اس کا فیصلہ نہیں کیا گیا۔

واضح رہے کہ اداکارہ شبنم کچھ عرصہ قبل ہی پاکستان آئی ہیں۔

کراچی کے ایک مقامی ہوٹل میں فلم کی تیاری کے حوالے سے منعقد کی گئی تقریب میں انہوں نے آئینہ کی شوٹنگ کی یادوں کو بھی دہرایا۔

انہوں نے بتایا کہ فلم کی شوٹنگ کا وقت صبح 9 بجے ہوتا تھا اور وہ بالکل وقت پر تیار ہو کر سیٹ پر پہنچ جاتی تھیں لیکن ندیم کا کچھ پتہ نہیں ہوتا تھا۔

مزید پڑھیں: شبنم اور ندیم کی جوڑی آئینہ 2 میں جلوہ گر

بالآخر وہ 12 بجے آنکھیں ملتے ہوئے سیٹ پر نمودار ہوتے تھے اور آتے ہی ایسا بہانہ گھڑتے تھے کہ کوئی بھی انہیں کچھ نہیں کہہ پاتا تھا۔

شبنم نے بتایا کہ وہ اس بات پر ندیم بیگ سے بہت لڑتی بھی تھیں کیونکہ انہیں شام میں جلدی گھر پہنچنا ہوتا تھا لیکن ندیم کی وجہ سے شوٹنگ دیر سے ختم ہوتی تھی۔

فلم آئینہ سنہ 1977 میں ریلیز کی گئی تھی جسے بشیر نیاز نے تحریر کیا تھا اور ہدایت کار نذر الاسلام تھے۔ اس فلم کا شمار پاکستان کی کامیاب ترین فلموں میں ہوتا ہے۔