Tag: شہری

چڑیا گھر میں لوگ تفریح کے لیے جاتے اور بالخصوص بچے محظوظ ہوتے ہیں مگر ایک چڑیا گھر انتظامیہ کی عجیب اپیل نے شہریوں کو حیران کر دیا۔

دنیا کے ہر ملک میں چڑیا گھر موجود ہیں جہاں خطرناک جنگلی جانوروں، حشرات الارض سمیت خوبصورت اور معصوم جانور اور پرندے رکھے جاتے ہیں۔ یہاں لوگ تفریح کے لیے آتے ہیں اور بالخصوص بچے جنگلی اور من پسند جانور پرندے انتہائی قریب دیکھ کر خوب انجوائے کرتے ہیں۔

تاہم ڈنمارک میں واقعہ ایک چڑیا گھر کی انتظامیہ نے مقامی افراد سے ایک انتہائی عجیب وغریب اپیل کی ہے، جس نے شہریوں کو حیران وپریشان کر دیا ہے۔

ڈنمارک چڑیا گھر کی انتظامیہ نے عوام سے اپنے پالتو جانور چڑیا گھر کو عطیہ کرنے کی اپیل کی ہے۔ تاہم یہ اپیل ان جانوروں کو تفریحی کے لیے آنے والے افراد کو لبھانے کے لیے نہیں بلکہ گوشت خور جانوروں کو کھلانے کے لیے کی گئی ہے۔

غیر ملکی میڈیا کے مطابق ڈنمارک میں البورگ چڑیا گھر کی جانب سے سوشل میڈیا پر ایک پوسٹ کے ذریعہ شہریوں سے اپنے پالتو جانور جیسے خرگوش، مرغیاں، پونی گھوڑے، کتے ودیگر پالتو چھوٹے جانور چڑیا گھر کو عطیہ کرنے کی اپیل کی ہے تاکہ ان کو گوشت خور جانوروں کو کھلایا جا سکتے۔

پوسٹ کے ساتھ ایک شکاری جانور کی خوفناک تصویر بھی لگائی گئی ہے، جس میں اس نے منہ کھول رکھا ہے اور نوکیلے دانت نظر آ رہے ہیں۔

البورگ کی ویب سائٹ پر یہ بھی کہا گیا ہے کہ لوگوں کی جانب سے عطیہ کیے جانے والے جانوروں کو ماہر اسٹاف ’آسان موت دینے کے بعد شکاری جانوروں کو فراہم کرتا ہے۔

مذکورہ چڑیا گھر میں کئی بڑے جنگلی شکاری جانور موجود ہیں۔ ان میں آسٹریلوی شیر، یورپین جنگلی بلیاں، چیتے اور دوسرے جانور شامل ہیں۔

چڑیا گھر انتظامیہ کی جانب سے اس اپیل پر سوشل میڈیا پر بحث چھڑ گئی ہے اور صارفین کی اکثریت اس کو عجیب، حیران کن اور ظالمانہ تجویز قرار دے رہی ہے۔

لالچ بری بلا ہے جو بڑوں بڑوں کے ہوش اڑا دیتا ہے اور جب ہوش آتا ہے تو وہ سب کچھ گنوا چکے ہوتے ہیں جیسا کہ اس شہری کے ساتھ ہوا۔

دھوکا دہی کی تاریخ دنیا میں بہت قدیم ہے، لیکن جب سے دنیا ڈیجیٹل ہوئی ہے۔ انٹرنیٹ اور سائبر کرائم کی دنیا میں تو دھوکے باز لمحوں میں لوگوں کو ان کی دولت سے محروم کر دیتے ہیں۔ ایسا ہی اس شخص کے ساتھ ہوا، جو مفت موبائل کے لالچ میں آکر اپنی کروڑوں روپے کی جمع پونجی چند منٹوں میں گنوا بیٹھا۔

یہ واقعہ بھارتی کے آئی ٹی سٹی بنگلورو میں پیش آیا جہاں ہر دوسرا شخص آئی ٹی ماہر تصور کیا جاتا ہے لیکن اسی ٹیکنالوجی نے ایک شخص کو دو کروڑ 80 لاکھ بھارتی روپے (پاکستانی 9 کروڑ روپے سے زائد) صرف مفت موبائل فون حاصل کرنے کے لالچ میں گنوا بیٹھا۔

بھارتی میڈیا کے مطابق 60 سالہ شخص کو ایک فراڈیے نے پھنسا کر مفت فون دیا اور مذکورہ شخص نے وہ فون لے لیا۔

رپورٹ کے مطابق فراڈی شخص نے واٹس ایپ کے ذریعے متاثرہ شہری سے رابطہ کیا اور خود کو سٹی بینک کا نمائندہ ظاہر کرتے ہوئے ایک منافع بخش پیکیج کی پیشکش کی۔

جعلی نمائندے نے سِم کارڈ خریدنے پر اسے ریڈمی کا نیا موبائل فون (مالیت ایک لاکھ روپے) مفت دینے کی پرکشش آفر کی۔ لالچی شخص نے بنا سوچے سمجھے یہ آفر قبول کر لی۔

تاہم مفت میں دیے گئے اس فون میں خاص قسم کے میلویئر وائرس موجود تھے، جن کی مدد سے موبائل فون اور دیگر اہم معلومات تک ہیکرز رسائی حاصل کرتے ہیں۔

رپورٹ کے مطابق ان وائرسز کو استعمال کر کے 60 سالہ شخص کے اکاؤنٹ سے دھوکے باز نے دو کروڑ 80 لاکھ بھارتی روپے ہتھیا لیے۔

متاثرہ شخص کو لُٹ جانے کا اس وقت پتہ چلا جب اسے بینک سے کال کر کے آگاہ کیا گیا کہ اس کے اکاؤنٹ سے ایک بڑی رقم منتقل کی گئی ہے۔

انسان کے گمان میں بھی نہیں ہوتا اور بے ضرر چیزیں اسے مشکل میں ڈال دیتی ہیں جیسا کہ ایک شخص کو ٹالکم پاؤڈر نے جیل کی ہوا کھلا دی۔

اس کو پولیس کی بے عقلی کہیں یا لا علمی کہ وہ جسم پر لگانے والے خوشبو دار ٹالکم پاؤڈر کو منشیات سمجھے اور اس کے مالک کو جیل بھیج دیا۔

غیر ملکی میڈیا کے مطابق یہ انوکھا واقعہ ارجنٹینا میں پیش آیا ہے جہاں پولیس نے میکسیمیلیانو نامی شخص کی تلاشی کے دوران اس کے پاس موجود ٹالکم پاؤڈر کو غلط فہمی میں کوکین سمجھ لیا اور بغیر اس کا موقف جانے شہری کو جیل بھیج دیا۔

رپورٹ کے مطابق مذکورہ شہری اکوسٹا مینڈوزا کے قصبے سے دارالحکومت بیونس آئرس جانے کے لیے بس میں سوار ہوا تھا کہ کچھ دیر بعد ہی بس کو پولیس نے روکا اور مسافروں کی تلاشی لی جس میں میکسیمیلیانو کے پاس سے ٹالکم پاؤڈر کے 18 ڈبے برآمد ہوئے۔

پولیس نے شہری کی جانب سے یہ بتائے جانے کے باوجود کہ یہ منشیات نہیں بلکہ ٹالکم پاؤڈر ہے، اس کی ایک نہ سنی اور حراست میں لے کر اسے جیل بھیج دیا جب کہ پاؤڈر کو تحقیقات کے لیے لیبارٹری۔

یہ سفید سفوف منشیات (کوکین) نہیں بلکہ جسم پر لگایا جانے والا ٹالکم پاؤڈر تھا، یہ حقیقت جاننے کے لیے پولیس کو تین ہفتے لگے اور جب تک وہ شخص بے گناہ جیل کی سلاخوں کے پیچھے قید رہا۔

ٹیسٹ کا نتیجہ آیا تو پولیس حکام کو پتہ چلا کہ شہری درست کہہ رہا تھا کہ یہ منشیات نہیں بلکہ ٹالکم پاؤڈر تھا جس کے بعد اس کو رہا کر دیا گیا۔