ARYNews.tv | Urdu – Har Lamha Bakhabar

Tag: شہریار آفریدی

  • 106 ملین ڈالر مالیت کی منشیات نذرِ آتش، منشیات فروشوں کو نشانِ عبرت بنا دیں گے: شہریار آفریدی

    106 ملین ڈالر مالیت کی منشیات نذرِ آتش، منشیات فروشوں کو نشانِ عبرت بنا دیں گے: شہریار آفریدی

    کراچی: وزیرِ مملکت برائے داخلہ شہریار آفریدی نے کہا ہے کہ منشیات فروشوں اور ان کی پشت پناہی کرنے والوں کو نشانِ عبرت بنا دیں گے۔

    تفصیلات کے مطابق وزیرِ مملکت داخلہ شہریار آفریدی نے کراچی میں میڈیا سے گفتگو کرتے ہوئے کہا کہ آج ہزاروں ٹن منشیات جلائی گئیں، عوامی مسائل اجاگر کرنے پر میڈیا کے شکر گزار ہیں۔

    [bs-quote quote=”پاکستانی معاشرے کو منشیات سے پاک کرنے کے لیے پُرعزم ہیں۔” style=”style-7″ align=”left” color=”#dd3333″ author_job=”وزیرِ مملکت برائے داخلہ”][/bs-quote]

    قبل ازیں وزیرِ مملکت برائے داخلہ شہریار آفریدی نے کراچی میں کوسٹ گارڈ کی زیرِ نگرانی منعقدہ تقریب میں شرکت کی۔

    تقریب میں ضبط شدہ منشیات جن کی مالیت 106 ملین ڈالر تھی، کو نذرِ آتش کیا گیا، وزیرِ مملکت نے ڈی جی سجاد سکندر اور ان کی ٹیم کی کوششوں کی تعریف کی اور بہترین کارکردگی کی حامل شخصیات میں انعامات تقسیم کیے۔

    وزیرِ مملکت نے کہا کہ قانون کی حکمرانی قائم کرنے، منشیات فروشوں کے خلاف سخت قانونی کاروائی کرنے اور پاکستانی معاشرے کو منشیات سے پاک کرنے کے لیے پُرعزم ہیں۔

    دریں اثنا میڈیا سے گفتگو کرتے ہوئے شہریار آفریدی نے کہا کہ پی ٹی آئی حکومت سیاسی اتحادیوں کو ساتھ لے کر چل رہی ہے، تحریکِ انصاف الزامات کی سیاست نہیں کرتی۔

    ان کا کہنا تھا کہ ملک لوٹنے والے ایک ایک فرد کا حساب ہوگا، قانون سے کوئی بالا تر نہیں ہوگا، ماضی کی غلط پالیسیویں سے ملک قرضوں میں ڈوبا۔

  • بین الاقوامی میڈیا پاکستان کا مثبت رخ دکھانے لگا ہے: شہریار آفریدی

    بین الاقوامی میڈیا پاکستان کا مثبت رخ دکھانے لگا ہے: شہریار آفریدی

    اسلام آباد: وزیرِ مملکت برائے داخلہ شہریار آفریدی نے کہا ہے کہ مجھے یہ دیکھ کر خوشی ہوئی ہے کہ بین الاقوامی میڈیا پاکستان کا مثبت رخ دکھانے لگا ہے۔

    تفصیلات کے مطابق سماجی رابطوں کی ویب سائٹ ٹویٹر پر اپنے پیغام میں شہریار آفریدی نے کہا کہ بین الاقوامی میڈیا پاکستان کے مثبت اقدامات کو توجہ دینے لگا ہے۔

    [bs-quote quote=”ہم ایک ترقی پذیر قوم ہیں، یہ قوم اب تبدیل ہو رہی ہے۔” style=”style-7″ align=”left” color=”#dd3333″ author_name=”شہریار آفریدی” author_job=”وزیرِ مملکت”][/bs-quote]

    وزیرِ مملکت نے کہا کہ سماجی اور معاشی دونوں شعبہ جات میں بین الاقوامی میڈیا پاکستان کے مثبت اقدامات کا نوٹس لے رہا ہے۔

    شہریار آفریدی کا کہنا تھا کہ ہم ایک ترقی پذیر قوم ہیں، یہ قوم اب تبدیل ہو رہی ہے اور تبدیلی کی یہ لہر بہت واضح ہے، جسے لوگ دیکھ سکتے ہیں۔

    خیال رہے کہ گزشتہ روز ایک خلیجی اخبار نے 10 بلین ٹری سونامی پروجیکٹ میں حکومت کی جانب سے ڈرون جیسی جدید ٹیکنالوجی کے استعمال کی خبر چھاپی تھی۔

    وزیرِ مملکت شہریار آفریدی نے اپنے ٹویٹر اکاؤنٹ سے 29 جنوری کو یہ خبر دی تھی کہ وزیرِ اعظم عمران خان نے پر تعیش کلبوں میں گھریلو ملازمین کے داخلے پر پابندی ختم کر دی ہے۔

    اس خبر کو بھی خلیجی اخبار کی ویب سائٹ نے نمایاں جگہ دی، اخبار نے شہریار آفریدی کے ٹویٹ کا لنک بھی شامل کیا۔

    شہریار آفریدی نے کہا کہ اشرافیہ کی علامتیں اور نو آبادیاتی ذہنیت ختم کی جائے گی، شروعات اسلام آباد کلب سے کی جا رہی ہے، ہمیں ان ملازمین کا شکر گزار ہونا چاہیے جو ہمارا بوجھ اٹھائے پھرتے ہیں۔

    ان کا کہنا تھا کہ دولت اور رنگ کے نام پر جو دیواریں اٹھائی جاتی ہیں، انھیں منہدم کریں گے۔

  • اب پاکستان کے فیصلے پاکستان میں ہوں گے، سر نہیں جھکائیں گے: شہریار آفریدی

    اب پاکستان کے فیصلے پاکستان میں ہوں گے، سر نہیں جھکائیں گے: شہریار آفریدی

    اسلام آباد: وزیر مملکت برائے داخلہ شہریار آفریدی کا کہنا ہے کہ پاکستان کے خلاف دشمن کے حربے ناکام بنانے پر قوم کے سپوت ستائش کے قابل ہیں، اب پاکستان کے فیصلے پاکستان میں ہوں گے، سر نہیں جھکائیں گے۔

    تفصیلات کے مطابق وزیر مملکت برائے داخلہ شہریار آفریدی نے تقریب سے خطاب کرتے ہوئے کہا کہ دنیا کو پیغام دینا ہے پاکستانی قوم ایک ذمہ دار قوم ہے، چین ہمارا سچا اور بہترین دوست ہے، چین سے دل کی گہرائیوں سے محبت کرتے ہیں۔

    وزیر داخلہ کا کہنا تھا کہ قبائلی علاقوں میں بہترین ترقیاتی کام ہوں گے۔ فاٹا کا پختونخواہ میں انضمام ترقی کی راہیں کھولے گا۔ سیاحت کے فروغ کے لیے ویزہ پالیسی میں نرمی کی ہے۔

    انہوں نے کہا کہ ملک میں انصاف اور امن ہمارا مقصد ہے، انتہا پسندی اور تنگ نظری کا خاتمہ کردیا ہے۔ پاکستان کی پوری دنیا عزت کر رہی ہے۔

    وزیر داخلہ کا کہنا تھا کہ پاکستان نے دہشت گردی کے خلاف کامیابی سے جنگ لڑی، عوام نے دہشت گردی کی جنگ میں بے پناہ قربانیاں دیں۔ دشمنوں نے پاکستانیوں کو آپس میں لڑانے کے لیے حربے استعمال کیے۔

    انہوں نے کہا کہ دشمن کے حربے ناکام بنانے پر قوم کے سپوت ستائش کے قابل ہیں، پاکستانیوں جاگ جاؤ اور دشمن کو بتا دو کہ ہم متحد ہیں۔ ’اب پاکستان کے فیصلے پاکستان میں ہوں گے، سر نہیں جھکائیں گے‘۔

    اس سے قبل وزیر داخلہ نے کہا تھا کہ جب تک اکٹھے نہیں ہوں گے دشمن ہم پر حملہ کرتا رہے گا، منشیات جیسی لعنت سے چھٹکارے کے لیے سب کو ساتھ لے کر چلنا ہے۔

    انہوں نے کہا تھا کہ صرف اسلام آباد ہی نہیں پوری دنیا کے لیے مثال بنانی ہے، دنیا کو بتانا ہے ہم نے ملک کے لیے کئی قربانیاں دی ہیں۔

  • جب تک اکٹھے نہیں ہوں گے دشمن ہم پر حملہ کرتا رہے گا، شہریار آفریدی

    جب تک اکٹھے نہیں ہوں گے دشمن ہم پر حملہ کرتا رہے گا، شہریار آفریدی

    اسلام آباد: وزیر مملکت برائے داخلہ شہریار آفریدی نے کہا ہے کہ جب تک اکٹھے نہیں ہوں گے دشمن ہم پر حملہ کرتا رہے گا، منشیات جیسی لعنت سے چھٹکارے کے لیے سب کو ساتھ لے کر چلنا ہے، وزیراعظم مجھ سے روزانہ رپورٹ طلب کرتے ہیں۔

    تفصیلات کے مطابق اسلام آباد کو منششیات سے پاک کرنے کے حوالے سے آگاہی سیمینار کا انعقاد کیا گیا جس میں وزیر مملکت برائے داخلہ شہریار آفریدی، چیف کمشنر، آئی جی پولیس، اے این حکام ودیگر شریک ہوئے۔

    چیف کمشنر اسلام آباد نے آگاہی سیمینار سے خطاب کرتے ہوئے کہا کہ جب ذمہ داری سنبھالی تو کہا شہر کو ڈرگ فری بنانا ہے۔

    شہریار آفریدی نے کہا کہ منشیات فری اسلام آباد کی تقریب ہے اچھی ٹیم ملی ہے جس کی مدد سے منشیات کا خاتمہ کرسکتے ہیں، ایسا زمانہ بھی تھا وفات پر چالیس دن تک ٹی وی ریڈیو نہیں لگتا تھا، اس وقت ایک درد، احساس، جذبات ہوتے تھے والدین بچوں کے عیب پر پردے ڈالتے ہیں، ہمیں احساس کرنا ہوگا سمجھنا ہوگا۔

    مزید پڑھیں: کوئی کتنا بڑا ہو اُسے مثال بنادیں گے، شہریار آفریدی

    وزیر مملکت برائے داخلہ نے کہا کہ صرف اسلام آباد ہی نہیں پوری دنیا کے لیے مثال بنانی ہے، ایک ماں سے پوچھیں جس کے سامنے روز اس کا بیٹا مرتا ہے، دنیا کو بتانا ہے ہم نے ملک کے لیے کئی قربانیاں دی ہیں۔

    انہوں نے کہا کہ ہم ان بچوں کو مدرسے بھیجتے ہیں جن کا کوئی وارث نہیں ہوتا ہے اب یہ حکومت ان بچوں کی حفاظت اور ذمہ داری لے گی۔

    وزیر مملکت برائے داخلہ کا کہنا تھا کہ ہماری کسی سے کوئی ذاتی رنجس نہیں اور نہ ہی حکومت انتقامی سیاست پر یقین رکھتی ہے، ریاستی قانون پر ہر صورت عمل درآمد کرایا جائے گا۔

  • ساہیوال واقعہ : جے آئی ٹی رپورٹ پر ذمہ داران کو نشان عبرت بنا دیں گے، شہریار آفریدی

    ساہیوال واقعہ : جے آئی ٹی رپورٹ پر ذمہ داران کو نشان عبرت بنا دیں گے، شہریار آفریدی

    اسلام آباد : وزیرمملکت برائے داخلہ شہریارآفریدی نے کہا ہے کہ ساہیوال واقعے کی جے آئی ٹی رپورٹ کے بعد ذمہ داران کو عبرت کا نشان بنادیں گے، استعفیٰ بھی دینا پڑا تو ضرور دوں گا۔

    ان خیالات کا اظہار انہوں نے قومی اسمبلی میں خطاب کرتے ہوئے کیا، وزیرمملکت نے کہا کہ میں خودسمیت پورے ایوان کو ساہیوال واقعے کا ذمہ دارقرار دیتا ہوں، کوئی سوچ بھی نہیں سکتا تھا کہ ایسا ہوسکتا ہے، ساہیوال واقعے کو مثال بنا کر رہیں گے، مجھے استعفیٰ بھی دینا پڑا تو ضرور دوں گا۔

    وزیر مملکت برائے داخلہ کا مزید کہنا تھا کہ طاہرداوڑ کے کیس پر پارلیمانی کمیٹی بنارہے ہیں، کمیٹی میں محسن داوڑ بھی شامل ہوں گے، پارلیمانی کمیٹی اور جے آئی ٹی مل کر طاہر داوڑ کیس کی تہہ تک پہنچیں گے، ساہیوال واقعے پر جب جےآئی ٹی کی رپورٹ آئے گی، اس کی روشنی میں ذمہ داران کو عبرت کا نشان بنادیں گے۔

    شہریارآفریدی نے کہا کہ ملک کے اندر اور باہربیٹھی قوتیں پاکستان کو غیر مستحکم کرنے کی کوششوں میں مصروف ہیں، ففتھ جنریشن وار ہمیں مذہب اور جماعت کے نام پر تقسیم کررہی ہے، کلبھوشن یادیو کیس پر ماضی میں ایف آئی آر تک نہیں کاٹی گئی تھی۔

    وزیرمملکت نے مزید کہا کہ اسلحہ کلچر متعارف کرانے والوں کی اسمبلی رکنیت ختم ہونی چاہیے، اگر ایک بھی سیاسی کارکن مسلح ہو تو اس پارٹی کی رکنیت ختم کی جائے، پارلیمانی کمیٹی بنائیں جو نشاندہی کرے کہ کس علاقے کو انصاف نہیں مل رہا، پورے پارلیمان کو ایسی طاقت نہیں جو عدالتی فیصلے پر ایکشن لے، پارلیمنٹ کی ایک کمیٹی بنائیں جو مسائل کاحل تلاش کرے۔

  • جان کیوں نہ چلی جائے منشیات جیسے ناسور کو ختم کریں گے: وزیر داخلہ

    جان کیوں نہ چلی جائے منشیات جیسے ناسور کو ختم کریں گے: وزیر داخلہ

    اسلام آباد: وزیر مملکت برائے داخلہ شہریار آفریدی کا کہنا ہے کہ ڈرگ مافیا اتنا آگے جا چکا ہے کہ آنے والی نسلوں کی زندگی سے کھیل رہا ہے، جان کیوں نہ چلی جائے منشیات جیسے ناسور کو ختم کریں گے۔

    تفصیلات کے مطابق وزیر مملکت برائے داخلہ شہریار آفریدی نے تقریب سے خطاب کرتے ہوئے کہا کہ ایک مافیا ہے جس نے ملک کو جکڑا ہوا ہے، ایسی راہ پر چل پڑے ہیں جہاں صرف اندھیرا ہے۔

    شہریار آفریدی نے کہا کہ ڈرگ مافیا اتنا آگے جا چکا ہے کہ آنے والی نسلوں کی زندگی سے کھیل رہا ہے، جان کیوں نہ چلی جائے منشیات جیسے ناسور کو ختم کریں گے۔ موجودہ حکومت نے پاکستانیوں کا پیسہ پاکستان پر ہی لگانا ہے۔

    انہوں نے کہا کہ کارکردگی پر 3 سال تک خیبر پختونخواہ میں تحریک انصاف کو برا بھلا کہا گیا، جو سوچتے ہیں حکومت گھبرا جائے گی وہ سن لیں، عمران خان گھبراتے نہیں۔

    وزیر مملکت کا کہنا تھا کہ عمران خان روزانہ مجھ سے وزارت کا حال احوال معلوم کرتے ہیں کہ کیا ہو رہا ہے۔ چائلڈ پورنو گرافک کون کر رہا ہے، یہ سب کچھ منشیات سے جڑا ہے۔

    انہوں نے کہا کہ جی 11 کے سگنل پر منشیات کے خلاف پمفلٹ تقسیم کیے، کسی نے میرے ساتھ سگنل پر تصاویر بنوائیں اور وہ بعد میں پکڑا گیا۔ پکڑے گئے شخص سے متعلق خبر چلی کہ وہ میرا کوئی خاص ہے۔

    خیال رہے کہ اس سے قبل شہریار آفریدی نے کہا تھا کہ قانون سب پر لاگو ہے۔ میں، میرے گھر کے افراد ہوں یا کوئی اور۔ وزیر کا رشتہ دار ہونے کی وجہ سے کوئی بھی قانون سے بالاتر نہیں۔

    ان کا مزید کہنا تھا کہ اس سے پہلے اگر وزیر کا رشتے دار ہوتا تھا تو ایف آئی آر خارج ہوجاتی تھی، اب وزیر کا رشتہ دار ہو یا نہیں مقدمہ درج ہوتا ہے اور سزا بھی ملے گی۔

    انہوں نے مزید کہا کہ منشیات میں پیسہ بہت ہے، بڑے بڑے لوگ ملوث ہیں۔ منشیات کی وجہ سے مائیں بہنیں اور دیگر اپنے پیاروں کو کھو بیٹھے ہیں۔

  • کراچی کے امن پر کوئی سمجھوتہ نہیں کیا جائے گا: شہریار آفریدی

    کراچی کے امن پر کوئی سمجھوتہ نہیں کیا جائے گا: شہریار آفریدی

    کراچی: وزیرِ مملکت برائے داخلہ شہریار آفریدی نے کہا ہے کہ پاکستان اور کراچی کو امن کا گہوارہ بنایا ہے، کراچی کے امن پر کوئی سمجھوتہ نہیں کیا جائے گا۔

    تفصیلات کے مطابق کراچی میں میڈیا سے گفتگو کرتے ہوئے شہریار آفریدی نے کہا کہ کراچی امن کا گہوارہ ہے اور ہمیشہ رہے گا، ہم ایک ٹیم بن کر دہشت گردی کے ناسور کا خاتمہ کریں گے۔

    [bs-quote quote=”دہشت گردی کے خلاف جنگ کو منطقی انجام تک پہنچانے کا وقت آ گیا ہے۔” style=”style-7″ align=”left” color=”#dd3333″ author_name=”شہریار آفریدی”][/bs-quote]

    شہریار آفریدی نے کہا کہ وہ علی رضا عابدی کے اہلِ خانہ سے تعزیت کے لیے ان کے گھر جا رہے ہیں۔

    وزیرِ مملکت برائے داخلہ شہریار آفریدی نے کہا کہ عوام کا اعتماد پی ٹی آئی حکومت پر ہے، رینجرز، پولیس اور دیگر سیکورٹی اداروں نے کراچی میں امن بحال کیا۔

    انھوں نے کہا ’دہشت گردی کے خلاف جنگ کو منطقی انجام تک پہنچانے کا وقت آ گیا ہے، وفاق اور صوبے مل کر دہشت گردی کے ناسور کا مقابلہ کریں گے، وزیرِ اعظم کا پیغام ہے دہشت گردوں کے خاتمے کی ذمہ داری ہم سب کی ہے۔‘

    یہ بھی پڑھیں:  کراچی: سابق رکن قومی اسمبلی علی رضا عابدی قاتلانہ حملے میں جاں بحق

    شہریار آفریدی نے کہا کہ علی رضا عابدی کے قتل کی تحقیقات میں پیش رفت ہو رہی ہے، قاتلوں تک جلد پہنچ جائیں گے، ایم کیو ایم پاکستان اور پی ایس پی نے ذمہ داری کا مظاہرہ کیا ہے۔

    خیال رہے کہ گزشتہ روز دہشت گردوں کی ٹارگٹڈ کارروائی سے ایک بار پھر کراچی میں خون کی بو پھیلی اور سابق رکن قومی اسمبلی اور ایم کیو ایم کے سابق رہنما علی رضا عابدی کو قتل کیا گیا۔

    موٹر سائیکل پر سوار دو قاتلوں نے ریکی کے بعد انھیں عین گھر کے دروازے پر گولیاں مار کر قتل کیا۔

  • عمارت میں آگ لگے تو صرف وہاں پر رکھا ریکارڈ جل جاتا ہے: وزیر داخلہ

    عمارت میں آگ لگے تو صرف وہاں پر رکھا ریکارڈ جل جاتا ہے: وزیر داخلہ

    اسلام آباد: وزیر مملکت برائے داخلہ شہریار آفریدی کا کہنا ہے کہ عمارت میں آگ لگے تو صرف وہاں پر رکھا ریکارڈ جل جاتا ہے، اب ایسا نہیں ہوگا کہ آگ لگے اور صرف سرکاری ریکارڈ جلے۔

    تفصیلات کے مطابق وزیر مملکت برائے داخلہ شہریار آفریدی نے تقریب سے خطاب کرتے ہوئے کہا کہ ہم ایک عظیم قوم بننے جا رہے ہیں، ملک کا پیسہ عوام پر لگے گا کسی کی جیب میں نہیں جائے گا۔ نئے پاکستان میں صرف ایک چیز چلے گی وہ ہے قانون و آئین کی پاسداری۔

    وزیر داخلہ نے کہا کہ ہم ایک ایسا پاکستان بنائیں کہ روز حشر کے دن ہم پر فخر کیا جائے۔ ایران اور چین کو دیکھ لیں ان کا ٹارگٹ نوجوان ہوتا ہے۔

    انہوں نے کہا کہ عمارت میں آگ لگے تو صرف وہاں پر رکھا ریکارڈ جل جاتا ہے، اب ایسا نہیں ہوگا کہ آگ لگے اور صرف سرکاری ریکارڈ جلے۔ تمام واقعات جن میں سرکاری ریکارڈ جلا اس کا ڈیٹا اکٹھا کر لیا گیا۔

    شہریار آفریدی نے کہا کہ ایسے تمام واقعات کی انکوائری کروائی جائے گی، پہلے سول ڈیفنس کے 20 نمبر ہوتے تھے، ٹریننگ دی جاتی تھی۔ اب ایسانہیں ہوتا جو کسی بھی طرح ٹھیک نہیں۔

  • حکومت کا درّہ آدم خیل کے اسلحے کو مین اسٹریم میں لانے کا فیصلہ

    حکومت کا درّہ آدم خیل کے اسلحے کو مین اسٹریم میں لانے کا فیصلہ

    اسلام آباد: پاکستان تحریکِ انصاف کی حکومت نے درّہ آدم خیل کے اسلحے کو مین اسٹریم میں لانے کا فیصلہ کر لیا ہے۔

    تفصیلات کے مطابق حکومت نے درّہ آدم خیل کے اسلحے کو مین اسٹریم میں لانے کا فیصلہ کر لیا، درّہ آدم خیل میں تیار کیا جانے والا اسلحہ عالمی سطح پر فروخت کے لیے پیش کیا جائے گا۔

    [bs-quote quote=”اسلحہ نمائش کی مذمت کی جانی چاہیے۔” style=”style-7″ align=”left” color=”#dd3333″ author_name=”شہریار آفریدی” author_job=”وزیر مملکت”][/bs-quote]

    وزیرِ مملکت شہریار آفریدی نے سینیٹ کے اجلاس میں اسلحے سے متعلق ایک سوال کا جواب دیتے ہوئے کہا کہ حکومت درّہ آدم خیل کا اسلحہ عالمی مارکیٹ میں متعارف کرا رہی ہے۔

    وزیرِ مملکت نے اجلاس میں بتایا کہ پاکستان کا مقامی سطح پر تیار شدہ اسلحہ امریکا اور دیگر ممالک میں جا رہا ہے۔

    حکومت نے ممنوعہ بور کے اسلحہ لائسنس سے متعلق صوبوں سے بھی تجاویز مانگ لی ہیں، وزیرِ مملکت کا کہنا تھا کہ لائسنس والے اسلحے کی بھی نمائش نہیں ہونی چاہیے۔

    یہ بھی پڑھیں:  اسلحہ جنگ کے لئے نہیں تحفظ کے لئے بھی ضروری ہے، پرویز خٹک

    حکومت نے پارلیمنٹ ممبرز سے اسلحہ نمائش کی حوصلہ شکنی کرنے کی درخواست کر دی ہے، شہریار آفریدی نے کہا کہ اسلحہ نمائش کی مذمت کی جانی چاہیے۔

    شہریار آفریدی نے انکشاف کیا کہ اسلحہ لائسنس کے سلسلے میں سب زیادہ درخواستیں ارکانِ اسمبلی کی جانب سے آتی ہیں، ایوان میں بھی سب سے زیادہ سوال اسلحے لائسنس پر ہوتے ہیں۔

  • نئے پاکستان میں کوئی لاقانونیت کا تصور نہ کرے: شہریارآفریدی

    نئے پاکستان میں کوئی لاقانونیت کا تصور نہ کرے: شہریارآفریدی

    اسلام آباد : وزیر ممالکت برائے داخلہ نے تقریب سے خطاب کرتے ہوئے کہا کہ قانون کی عملداری ہوگی، حکومتی رٹ کو کوئی چیلنج نہیں کرسکتا، نئے پاکستان میں کوئی لاقانونیت کا تصور نہ کرے۔

    ان خیالات کا اظہار وزیر مملکت برائے داخلہ شہریار آفریدی نے اسلام آباد میں پولیس کی پاسنگ آؤٹ پریڈ سے خطاب کرتے ہوئے کیا،، ان کا کہنا تھا کہ تھا کہ مدینہ کے بعد اللہ نے پاکستان کی دھرتی کو کلمے سے جوڑا ہے۔

    وزیر مملکت برائے داخلہ کا کہنا تھا کہ جوانوں کی قربانیوں سے ملک میں امن قائم ہوا ہے، امن و جنگ میں قانون نافذ کرنے والے ادارے ہماری طاقت ہیں۔

    [bs-quote quote=”
    راؤ انوارپر کیوں ہاتھ نہیں ڈالتے؟ کیس عدالت میں ہے،حکومت کا کوئی عمل دخل نہیں” style=”style-6″ align=”left”][/bs-quote]

    شہریار آفریدی کا کہنا تھا کہ ہمارے اداروں کی قربانیوں پر قوم فخر کرتی ہے، دھرتی کےلیے قربانی دینے والوں کا کوئی ثانی نہیں۔

    ان کا کہنا تھا کہ وزیر اعظم نے جب مجھے یہ ذمہ داری دی تو کہا کہ ’بہت بڑی ذمہ داری ہے، اللہ کے سوا کسی اور کے آگے مت جھکنا‘ وزیر اعظم کی واضح ہدایات ہیں کہ بڑے مگر مچھوں پر ہاتھ ڈالا جائے۔

    شہریار آفریدی نے کہا کہ ہماری پولیس دنیا کے لئے مثال بنے گی، کے پی پولیس گزشتہ5سال ایک مثال تھی، اسلام آباد پولیس بھی پوری دنیا کے لئے مثال قائم کرے گی، حکمرانوں نے اسلام آباد پولیس کو استعمال ضرور کیا لیکن سکون نہیں دیا۔

    وزیر مملکت برائے داخلہ کا کہنا تھا کہ پہلا عزم شہیدوں کے پیکج پر عملدر آمد تھا، اسٹیٹ آف دی آرٹ سہولتیں و ٹیکنالوجی ریاست کی ذمہ داری ہے اس لیے وزیراعظم کے ساتھ میٹنگ میں آّئی جی نے جو کچھ مانگا دیا گیا۔

    شہریار آفریدی نے بتایا کہ گرینڈ آپریشن میں357 ارب کی زمین قبضہ مافیا سے واگزار کرائی، اسلام آباد پولیس فورس فرنٹ پر گئی اور قبضہ چھڑایا، نئے پاکستان میں کوئی لاقانونیت کا تصور نہ کرے۔

    نوجوانوں سے گفتگو کرتے ہوئے ان کا کہنا تھا کہ منشیات آنے والی نسلوں کے لئے ایک ناسور ہے، قوم کا مورال گرجائے تو نوجوان آسرا منشیات میں ڈھونڈتے ہیں، ڈرگ مافیا کو پکڑا جاتا ہے تو کچھ دن بعدان کو ضمانت دی جاتی ہے۔

    وزیر مملک برائے داخلہ کا کہنا تھا کہ قانون کی عملداری ہوگی، حکومتی رٹ کو کوئی چیلنج نہیں کرسکتا۔

    شہریار آفریدی کا کہنا تھا کہ لوگ مجھ سے پوچھتے ہیں راؤ انوارپرکیوں ہاتھ نہیں ڈالتے؟ کیس عدالت میں ہو تو فیصلہ عدالت ہی کرسکتی ہے اس میں حکومت کا کوئی عمل دخل نہیں۔

    ان کا مزید کہنا تھا کہ طاہر داوڑ کے معاملے پر پارلیمانی کمیٹی کا اعلان جلد ہوگا، افغانستان سے پاکستان میں بدامنی کے خواہاں ناکام ہوں گے۔

    مستقبل پاکستان اور پاکستانی قوم کا ہے، ہماری صرف ایک ہی سوچ ہے جو پاکستان سے شروع ہوکر پاکستان پر ختم ہوتی ہے، وزارء کے درمیان مقابلہ ہے جو کارکردگی دکھائے گا وہ آگے جائے گا۔