ARYNews.tv | Urdu – Har Lamha Bakhabar

Tag: شہریار خان آفریدی

  • ‘اسرائیل کے فلسطینیوں پر حملے کے مناظر بہری اور مردہ دنیا کو بیدار کرنے کے لیےکافی ہیں’

    ‘اسرائیل کے فلسطینیوں پر حملے کے مناظر بہری اور مردہ دنیا کو بیدار کرنے کے لیےکافی ہیں’

    اسلام آباد : چئیرمین کشمیر کمیٹی شہریار خان آفریدی کا کہنا ہے کہ اسرائیل نے فلسطینیوں پر رمضان میں حملہ کیا، مناظر بہری اور مردہ دنیا کو بیدار کرنے کے لیےکافی ہیں۔

    تفصیلات کے مطابق چئیرمین کشمیر کمیٹی شہریار خان آفریدی نے غزہ میں اسرائیلی بربریت پر سماجی رابطے کی ویب سائٹ ٹوئٹر پر اپنے پیغام میں کہا کہ غزہ میں 10 بچوں سمیت 31 افراد کے شہید ہونے کی اطلاع ہے، مناظر بہری اورمردہ دنیا کو بیدار کرنے کے لیےکافی ہیں ، نہتےشہریوں پر اسرائیلی بمباری انسانیت پر حملہ ہے،اسرائیل نےفلسطینیوں پر رمضان میں حملہ کیا۔

    دوسری جانب شہریار آفریدی کےٹوئٹ پر پاکستان میں فلسطینی سفیر احمدآمین نے اظہار تشکر کرتے ہوئے کہا محترم آپ کےگہرے احساس اور حمایت کے لیےشکریہ. فلسطین کا ہمیشہ ساتھ دینے پر پاکستان کاشکریہ ادا کرتے ہیں اور فلسطینی عوام ناانصافی کے خلاف ساتھ کھڑے ہونے پر شکرگزارہیں۔

  • رانا ثنا اللہ کے پاس خریداری کے لیے اربوں روپے کہاں سے آئے، شہریار خان آفریدی

    رانا ثنا اللہ کے پاس خریداری کے لیے اربوں روپے کہاں سے آئے، شہریار خان آفریدی

    اسلام آباد: وزیرمملکت برائے سیفران و انسداد منشیات شہریار خان آفریدی نے کہا کہ رانا ثنا اللہ کے پاس خریداری کے لیے اربوں روپے کہاں سے آئے، رانا ثنا اللہ اثاثے خریدتے رہے بیچے نہیں تو پیسے کہاں سے آئے۔

    تفصیلات کے مطابق اسلام آباد میں میڈیا سے گفتگو کرتے ہوئے وزیرمملکت شہریار خان آفریدی نے کہا کہ رانا ثنا اللہ کو اے این ایف نے منشیات سمیت گرفتار کیا، ثبوتوں میں برآمد ہیروئن، اسلحہ، رپورٹ اور2 درجن قریب گواہان ہیں۔

    شہریار خان آفریدی نے کہا کہ ملک کا پہلا ٹرائل ہوگا جس میں ایک بھی گواہ طلب نہیں کیا گیا، ہم نے قانون کے تحت ملزمان کو کاپیاں فراہم کیں۔

    انہوں نے کہا کہ رانا ثنا اللہ کے پاس خریداری کے لیے اربوں روپے کہاں سے آئے، رانا ثنا اللہ اثاثے خریدتے رہے بیچے نہیں تو پیسے کہاں سے آئے۔

    وزیرمملکت نے کہا کہ ہمارے گواہان کی زندگی کو خطرہ ہے، وکیل پرحملہ ہوا، گواہان کو بھی خطرہ ہے، آئی جی پنجاب فوری طور پر گواہان کو تحفظ فراہم کریں۔

    شہریار خان آفریدی نے کہا کہ آئین کے تحت وردی والے اہلکار پر آئین میں بھی تنقید نہیں کی جاسکتی، رانا ثنا اللہ کھلےعام اے این ایف کو نشانہ بنا رہے ہیں۔

    وزیرمملکت نے کہا کہ اےاین ایف کی ٹیم پرلاہور میں حملہ ہوا، اے این ایف اہلکاروں کو دی جانے والی دھمکیوں کا نوٹس لیا جائے۔ رانا ثنااللہ کا مقدمہ اے این ایف کے لیے ٹیسٹ کیس ہے۔

    انہوں نے کہا کہ کون سی ایسی طاقتیں ہیں جو کھلےعام منشیات فراہم کر رہی ہیں؟، دنیا کی نظریں پاکستان اور پاکستان کے اداروں پر ہیں، اےاین ایف کی کارکردگی پر دنیا فخر کرتی ہے۔

    اے این ایف نے رانا ثنا اللہ کو حراست میں لے لیا

    یاد رہے کہ رانا ثنا اللہ کو یکم جولائی کو انسداد منشیات فورس نے اسلام آباد سے لاہور جاتے ہوئے موٹر وے سے حراست میں لیا تھا، رانا ثنا اللہ کی گاڑی سے بھاری مقدار میں ہیروئن برآمد ہوئی تھی۔

  • تمام مذاہب کو تحفظ دینا ریاست کی ذمہ داری ہے: شہریار آفریدی

    تمام مذاہب کو تحفظ دینا ریاست کی ذمہ داری ہے: شہریار آفریدی

    کراچی: وزیر مملکت برائے داخلہ شہریار خان آفریدی کا کہنا ہے کہ تمام مذاہب کو تحفظ دینا ریاست کی ذمہ داری ہے۔ مدارس، مساجد، علما، چرچ، مندر کو عزت دینا ذمہ داری ہے۔

    تفصیلات کے مطابق وزیر مملکت برائے داخلہ شہریار آفریدی نے جامعہ بنوریہ میں خطاب یا، اپنے خطاب میں ان کا کہنا تھا کہ مدارس کے لوگوں کو بدقسمتی سے عزت نہیں دی گئی۔ مدارس سے جڑے افراد کو بھی عزت ملے گی۔

    انہوں نے کہا کہ سوشل میڈیا پر مسالک و مذاہب کے نام پر لڑایا جا رہا ہے، مسلمان تفرقے سے دور رہتا ہے۔ مدرسے میں غیر ملکی طلبا پاکستان کے سفیر ہیں۔

    وزیر داخلہ کا کہنا تھا کہ خدا سے التجا ہے کہ ہمیں سود کے عذاب سے نکالے، بڑی رقم سود کی ادائیگی میں چلی جاتی ہے۔

    شہریار آفریدی نے مزید کہا کہ تمام مذاہب کو تحفظ دینا ریاست کی ذمہ داری ہے، مدارس، مساجد، علما، چرچ، مندر کو عزت دینا ذمہ داری ہے۔ ’افواج، رینجرز اور پولیس کو امن کے لیے قربانیاں دینے پر سلام‘۔

    اس سے قبل کراچی میں رینجرز کی پاسنگ آؤٹ پریڈ کی تقریب سے خطاب کرتے ہوئے وزیر مملکت کا کہنا تھا کہ اس پریڈ سے مخاطب ہونا میرے لیے اعزازکی بات ہے۔

    انہوں نے کہا تھا کہ رینجرز نے ہر میدان میں اعلیٰ کارکردگی کا مظاہرہ کیا، سرحد کی حفاظت ہو یا کراچی میں امن، رینجرز نے ہرجگہ ذمے داری نبھائی۔ رینجرزنے کراچی میں تمام چیزوں کا مقابلہ کرکے امن برقرار رکھا۔

    وزیر داخلہ نے کہا تھا کہ کراچی کے حالات پہلے کے مقابلے میں بہت بہتر ہیں، کراچی پھر سے معاشی اور تجارتی سرگرمیوں کا مرکز بن گیا ہے۔

  • شہریارخان آفریدی نے وزیرمملکت برائے داخلہ کےعہدے کا حلف اٹھالیا

    شہریارخان آفریدی نے وزیرمملکت برائے داخلہ کےعہدے کا حلف اٹھالیا

    اسلام آباد : پاکستان تحریک انصاف کے رہنما شہریار خان آفریدی نے وزیرمملکت برائے داخلہ کے عہدے کا حلف اٹھا لیا۔

    تفصیلات کے مطابق ایوان صدر میں پی ٹی آئی کے رہنما اور رکن قومی اسمبلی شہریارخان آفریدی نے وزیرمملکت برائے داخلہ کا حلف اٹھایا، صدرممنون حسین نے شہریار خان آفریدی سے حلف لیا۔

    انہوں نے سماجی رابطے کی ویب سائٹ ٹویٹرپراپنے پیغام میں کہا کہ اللہ تعالی نے مجھے یہ ذمہ داری دی ہے، اللہ میری مدد فرمائے اور مجھے طاقت دے کہ میں فرض کی ادائیگی احسن طریقے سے کرسکوں۔

    وفاقی کابینہ کی جانب سے دو روز قبل شہریارخان آفریدی کو وزیرمملکت برائے داخلہ بنانے کا فیصلہ کیا گیا تھا، وزیراعظم عمران خان نے منظوری دی تھی۔

    وزارت داخلہ لوٹی گئی دولت کی واپسی کے لیے ہرممکن اقدامات کرے‘ عمران خان

    یاد رہے کہ 27 اگست کو وزارت داخلہ میں اجلاس کی صدارت کے دوران وزیراعظم عمران خان کو ماتحت اداروں کے بارے میں بریفنگ دی گئی تھی۔

    وزیراعظم عمران خان نے اجلاس سے خطاب کرتے ہوئے کہا تھا کہ وزارت داخلہ ملک سے لوٹی گئی دولت کی واپسی کے لیے ہرممکن اقدامات کرے۔

    عمران خان کا کہنا تھا کہ ایف آئی اے اور نیب مل کرکام کریں، منظم جرائم اور کرپشن کے خاتمے کے لئے مربوط روابط قائم کیے جائیں.

    وزیراعظم کا کہنا تھا کہ بیرون ملک پاکستانی ملک کا اثاثہ ہیں،ان کو ملک میں سرمایہ کاری کے مواقع فراہم کیے جائیں گے۔

    عمران خان کا کہنا تھا کہ وزارت داخلہ اور اس کے ذیلی ادارے شہریوں کے تحفظ کے لیے ضروری اقدامات اٹھائیں۔