ARYNews.tv | Urdu – Har Lamha Bakhabar

Tag: شہریار خان

  • حفیظ کے بولنگ ایکشن کا ٹیسٹ بہت جلد چنائی میں کرئیں گے، شہریارخان

    حفیظ کے بولنگ ایکشن کا ٹیسٹ بہت جلد چنائی میں کرئیں گے، شہریارخان

    لاہور: پاکستان کرکٹ بورڈ کے چیئرمین شہریار خان کا کہنا ہے کہ محمد حفیظ کے بولنگ ایکشن کا ٹیسٹ بہت جلد چنائی کی بائیو مکینک لیب سے کرایا جائے گا۔

    قذافی سٹیڈیم میں میڈیا سے گفتگو کرتے ہوئے شہریار خان نے بتایا کہ پی سی بی سعید اجمل اور محمد حفیظ کے بولنگ ایکشن کے آفیشل ٹیسٹ کے لئے سات جنوری سے قبل آئی سی سی کو درخواست کرے گا۔ انہوں نے کہا کہ نیوزی لینڈ کیخلاف سیریز کیلئے محمد حفیظ کے متبادل کھلاڑی کو بھیجنے کا فیصلہ نہیں کیا۔ پاکستان میں ٹیسٹ کرکٹ کی جلد بحالی تو ممکن نہیں، لیکن کینیا کی طرح پہلے ہم ایسوسی ایٹ ممالک کو یہاں بلائیں گے اور بعد میں بنگلہ دیش اور سری لنکا کو دعوت دیں گے۔

  • محمد عامر کی سزا میں کمی، پی سی بی نے آئی سی سی کو درخواست دیدی

    محمد عامر کی سزا میں کمی، پی سی بی نے آئی سی سی کو درخواست دیدی

    لاہور: پاکستان کرکٹ بورڈ نے کرکٹر محمد عامر کی سزا میں کمی کےلیے آئی سی سی کو درخواست دے دی ہے ۔

    گذشتہ دنوں ہونے والے آئی سی سی کے اجلاس میں انٹی کرپشن کے ضابط اخلاق میں ترامیم کی گئی تھی جس کے تحت پی سی بی نے کرکٹر محمد عامر کی سزا میں نرمی کےلیے درخواست آئی سی سی کو بھیجی ہے، درخواست میں مطالبہ کیا گیا ہے کہ انٹی کرپشن قوانین میں ترامیم کے بعد قوانین کے تحت محمد عامر کو ڈومیسٹک کرکٹ کھیلنے کی اجازت دی جائے ، آئی سی سی یہ درخواست انٹی کرپشن یونٹ کے حوالے کرے گی، جس کے بعد انٹی کرپشن یونٹ محمد عامر کی سزا میں کمی کی تجاویز آئی سی سی کو پیش کرے گی۔

  • محمدعامر کیلئے کرکٹ کے دروازے کھل گئے، شہریارخان

    محمدعامر کیلئے کرکٹ کے دروازے کھل گئے، شہریارخان

    ابوظہبی : چئیرمین پی سی بی شہریار خان کا کہنا ہے کہ محمد عامر کی ڈومیسٹک کرکٹ میں واپسی کے لئے آئندہ ہفتے آئی سی سی کو درخواست دیں گے۔ ابوظہبی میں میڈیا سے گفتگو کرتے ہوئے پاکستان کرکٹ بورڈ کے چئیرمین شہریار خان کا کہنا ہے کہ محمد عامر کے لئے کرکٹ کے دروازے کھل گئے ہیں۔

    عامر کی ڈومیسٹک کرکٹ میں واپسی کیلئے آئندہ ہفتے تک آئی سی سی کو درخواست دے دیں گے۔ چئیرمین پی سی بی نے پابندی کا شکار سلمان بٹ اور محمد آصف کو ہری جھنڈی دکھادی۔ کہتے ہیں دونوں کھلاڑیوں کو ابھی مزید ری ہیبلیٹیشن کی ضرورت ہے۔

    شہریار خان نے کہا کہ وہ کھلاڑیوں اور مینجمنٹ کی پرفارمنس سے مطمئن ہیں۔ ایک سوال پر ان کا کہنا تھا کہ کینیا کی ٹیم پاکستان کا دورہ کرنے کے لئے تیار ہے۔

  • سری لنکا اور بنگلہ دیش دورہ پاکستان پر آمادہ ہیں، شہریار خان

    سری لنکا اور بنگلہ دیش دورہ پاکستان پر آمادہ ہیں، شہریار خان

    لاہور: پاکستان کرکٹ بورڈ کے چیئرمین شہریار خان کا کہنا ہےکہ سری لنکا اور بنگلادیش کی ٹیموں نے پاکستان آنے پر غیر مشروط رضامندی ظاہر کردی ہے، دو ہزار پندرہ سے ٹیمیں پاکستان کا آنا شروع ہوجائیں گی۔

    چیئرمین پی سی بی نے میڈیا سے بات کرتے ہوئے کہا کہ ایشیائی ممالک کا دورہ کامیاب رہا، سری لنکا اور بنگلادیش نے پاکستان آکر کھیلنے پر رضا مندی ظاہر کردی ہے، امید ہے دوہزار پندرہ سے ٹیمیں پاکستان آنا شروع ہوجائیں گی۔

    شہریار خان نے کہا کہ بھارتی بورڈ کے صدر سری نیواسن نے بتایا کہ بار بار سیریز کھیلنے کے لئے حکومت کی اجازت کی ضرورت نہیں۔

    چئیرمین پی سی بی نے کہا کہ اجمل کے ایکشن میں بہتری آرہی ہے، امید ہے وہ ورلڈ کپ میں ٹیم کا حصہ ہوں گے۔

    محمد عامر کے مستقبل کے حوالے سے چئیرمین پی سی بی نے کہا کہ آئی سی سی کے چیئرمین نے یقین دہانی کرائی ہے کہ اگر قانون میں تبدیلی ہوئی تو عامر کے لئے ان سے جو کچھ ہوا وہ کریں گے۔

  • چئیرمین کرکٹ بورڈ نے شاہد آفریدی کے ارمانوں پر پانی پھیر دیا

    چئیرمین کرکٹ بورڈ نے شاہد آفریدی کے ارمانوں پر پانی پھیر دیا

    لاہور:چیرمین پی سی بی شہریار خان نے آفریدی کے کپتان بننے کے خواب کو چکنا چور کرتے ہوئے دو ٹوک الفاظ میں واضح کر دیا ہے کہ مصباح الحق ہی ورلڈ کپ تک ٹیم کے کپتان رہیں گے۔

    چیرمین پی سی بی شہریار خان نے کپتانی کا خواب دیکھنے والے آوٹ آف فارم شاہد آفریدی کے تمام ارمانوں پر پانی پھیرتے ہوئے صاف صاف الفاظ میں کہہ دیا کہ مصباح الحق ہی ورلڈ کپ تک کپتان رہیں گے۔

    شہریار خان نے آفریدی کے متنازعہ بیان کو اڑھے ہاتھوں لیتے ہوئے کہا کہ آفریدی کا بیان غیر ذمہ دارنہ تھا، آفریدی کوڈ آف کنڈکٹ کے مرتکب نکلے تو کاروائی کی جائے گی۔

    شہریار خان نے مزید کہا کہ آفرید ی کی ٹیم میں جگہ بنتی ہے یا نہیں اس کا فیصلہ سلیکٹرز کرینگے، لوگ کہتے ہیں آفریدی کو کپتان بنایا جائے لیکن دیکھنا ہے کہ وہ ٹیم میں رہنے کے قابل بھی ہیں یا نہیں۔

    شہریار خان نے مزید کہا کہ مصباح الحق کو بورڈ کی مکمل سپورٹ حاصل ہے جب تک مصباح خود نہ چاہے انھیں کپتانی سے کوئی نہیں ہٹا سکتا ہے۔