Tag: شہریار منور

پاکستان کی خوبرو اداکار شہریار منور کی دلہن ماہین صدیقی نے شادی پر نہایت مہنگا عروسی جوڑا پہنا جس کی قیمت یقیناً صارفین کو حیران کردے گی۔

اے آر وائی ڈیجیٹل کے ڈرامے اے عشق جنوں میں مرکزی کردار ادا کرنے والے شہریار منور اپنی شادی پر بھی کافی منفرد نظر آئے، انھوں نے تو شاندار لباس پہنا ہی تھا تاہم ان کی دلہن کا عروسی لباس توجہ کا مرکز رہا جس کی قیمت کئی مہنگے لہنگوں سے بھی زیادہ ہے۔

اداکار شہریار منور اور ماہین کے لیے ان کی شاد پر پاکستانی ڈیزائنر فراز منان نے لباس ڈیزائن کیا تھا اور دنونں نے ان کے ہی تیار کردہ لباس کا انتخاب کیا تھا۔

میڈیا رپورٹس کے مطابق ماہین صدیقی نے اپنی زندگی کے سب سے خوبصورت دن پر جو عروسی لباس زیب تن کی اس کی قیمت 60 لاکھ پاکستانی روپے بتائی جارہی ہے۔

شہریار منور کے لباس کی کیا قیمت تھی ابھی اس کی تفصیلات سامنے نہیں آئی، تاہم اندازہ لگایا گیا ہے کہ ان کی دلفریب پوشاک بھی کافی مہنگی ہوگی۔

View this post on Instagram

A post shared by AK BUZZ (@akbuzzofficial)

خیال رہے کہ دو روز قبل اداکار شہریار منور اور اداکارہ ماہین صدیقی رشتہ ازدواج میں منسلک ہوئے ہیں، سوشل میڈیا پر اس شادی کی رنگا رنگ تقریبات کی ویڈیوز اور تصاویر نے خوب دھوم مچائی۔

اس شادی میں پاکستان کی معروف اداکارہ ماہرہ خان اور دیگر ستاروں کی سج دھج نے تقریب کو چار چاند لگا دیے جبکہ ماہرہ کا رقص بھی سوشل میڈیا پر وائرل ہوا تھا۔

ماہین صدیقی نے اپنی بارات کے روز کوٹی کے ہمراہ گولڈن رنگ کا خوبصورت اور کامدار لہنگا چولی زیب تن کیا، شہریار نے براؤن اور گولڈن کلر کے امتزاج سے تیار کوٹ اور پینٹ کا انتخاب کیا تھا۔

پرڈیوسر اور اداکار شہریار منور نے اپنی فلم ہومن جہان کی ساتھی اداکارہ ماہرہ خان کے لیے ان کی شادی پر دل کو چھو لینے والا پیغام تحریر کیا ہے۔

شہریار ان چند قریبی لوگوں میں سے ایک تھے جنھوں نے ماہرہ کی شادی میں شرکت کی اور شادی کی تمام تقریبات میں پیش پیش رہے تھے، ان کی جانب سے ہمسفر کی اداکارہ کے لیے شیئر کیا گیا محبت بھرا پیغام سوشل میڈیا پر وائرل ہورہا ہے۔

اداکار نے اپنے انسٹاگرام اکاؤنٹ پر شادی کی کچھ اندرونی جھلکیاں شیئر کیں جب کہ انھوں نے اپنی منی کے لیے جذباتی نوٹ بھی تحریر کیا۔ دنوں نے ایک ساتھ فلم کی تھی جس میں ماہرہ کے کردار کا نام منیزہ عرفی نام تھا۔

انھوں نے اپنی اور ماہرہ کی تصاویر اور ویڈیوز شیئر کرتے ہوئے لکھا کہ ’میری پیاری منی، ہماری پہلی ملاقات ایک دہائی قبل ہوئی تھی جب آپ نے مجھ سے پوچھا کہ میں کون ہوں اور کیا کاروبار کرتا ہوں آپ کو پہلی ملاقات میں ہی گرویدہ کرنے کا سلیقہ آتا ہے۔‘

View this post on Instagram

A post shared by Sheheryar Munawar Siddiqui (@sheheryarmunawar)

انھوں نے مزید گزرے لمحات کا ذکر کرتے ہوئے لکھا کہ ہماری دوستی کا سفر خوبصورت سفر رہا ہے، جسے میں کسی اور کے ساتھ طے کرنا نہیں چاہتا تھا۔‘

جیسا کہ آپ ایک نیا سفر شروع کر رہی ہیں، میں آپ کے لیے خوش ہوں اور آپ کے لیے اس خواشہ کا اظہار کرتا ہوں کہ کو کائنات کی تمام محبت اور خوشیاں ملیں۔‘

View this post on Instagram

A post shared by Mahira Khan (@mahirahkhan)

واضح رہے کہ ماہرہ خان کے شوہر سلیم کریم کاروباری شخصیت اور پاکستان میں قائم ایک اسٹارٹ اپ کے سی ای او ہیں، اس ماہ کے شروع میں بھوربن میں ایک پروقار تقریب میں دنوں شادی کے بندھن میں بندھے تھے۔