لاہور : آن لائن ٹیکسی ایپ کے ذریعے شہریوں سے لوٹ مار کرنے والے گینگ کو گرفتار کرلیا گیا، ایپ کا ہی سافٹ ویئر آپریٹر ہی مختلف جعلی اکاؤنٹس بنا کر لوٹ مار کی وارداتیں کرواتا تھا۔

تفصیلات کے مطابق پنجاب کے دارلحکومت لاہور میں آن لائن ٹیکسی سروس ایپ کے ذریعے لوٹ مار کرنے والا گینگ پکڑا گیا۔

پولیس نے شہریوں کو لوٹنے والے گینگ کے 4 ارکان کو گرفتار کر لیا ہے، گینگ کا ماسٹر مائنڈ ایپ کا ہی سافٹ ویئر آپریٹر نکلا، جو مختلف جعلی اکاؤنٹس بنا کر لوٹ مار کی وارداتیں کرواتا تھا۔

ایس پی ماڈل ٹاؤن اخلاق اللہ تارڑ نے بتایا کہ گرفتار مرکزی ملزم فرحان آن لائن ٹیکسی سروس کے ایپ آفس میں ملازم تھا اور وہ اپنے تین ساتھیوں کو جعلی اکاؤنٹس بنا کر دیتا تھا، جن کے ذریعے یہ گروہ شہریوں کی کوریئر کی گئی قیمتی اشیاء چوری کرتا اور فرار ہو جاتا۔

ایس ایچ او گلبرگ تیمور عباس نے پولیس ٹیم کے ہمراہ کارروائی کی، جس میں ملزمان کو گرفتار کیا گیا، پولیس کے مطابق یہ گروہ اب تک لاکھوں روپے مالیت کی اشیاء لوٹ چکا ہے۔

کارروائی کے دوران پولیس نے ملزمان کے قبضے سے چوری شدہ الیکٹرانک اشیاء، کپڑے، دو پستول اور دیگر سامان بھی برآمد کر لیا ہے۔

ایس پی ماڈل ٹاؤن نے کہا ہے کہ گرفتار ملزمان کے خلاف مقدمہ درج کر کے مزید تفتیش جاری ہے، جبکہ آن لائن پلیٹ فارمز پر شہریوں کی حفاظت یقینی بنانے کے لیے سیکیورٹی اقدامات مزید سخت کیے جا رہے ہیں۔

وزیراعلیٰ سندھ مراد علی شاہ نے کراچی میں ٹریفک جام کا نوٹس لےلیا، ایڈیشنل آئی جی سے شہریوں سے ہونیوالی لوٹ مار کی رپورٹ طلب کرلی۔

کراچی میں کئی جگہوں پر احتجاج کے باعث مختلف شاہراہوں پر ٹریفک جام ہوگیا تھا، جس کے بعد وہاں گاڑیوں میں پھنسے افراد سے لوٹ مار کی خبریں بھی میڈیا پر آئی تھیں، ٹریفک میں پھنسے افراد سے لوٹ مار کی میڈیا رپورٹس پر ایڈیشنل آئی جی سے رپورٹ طلب کی گئی ہے۔

ناظم آباد میں احتجاج کے باعث ٹریفک جام، ڈاکوؤں نے لوٹ مار شروع کردی

وزیراعلیٰ سندھ سید مرادعلی شاہ نے کہا کہ انتظامیہ احتجاج قانونی دائرے میں کرنے کی اجازت دے، سڑکیں بند کرنے سے عوام کو تکلیف ہوتی ہے۔

انھون نے کہا کہ پولیس اور انتظامیہ ناظم آباد میں ٹریفک روانی برقرار رکھنے کیلئےضروری اقدامات کرے، ٹریفک پولیس اور متعلقہ حکام خود فیلڈ میں موجود رہیں۔

کراچی: شاہ فیصل کالونی سے کورنگی جانے والے پل پر ڈاکوؤں نے ناکہ لگا کر شہریوں کر لوٹ لیا۔

تفصیلات کے مطابق کراچی کے علاقے شاہ فیصل کالونی سے کورنگی جانے والے پل پر ڈاکوؤں نے ناکہ لگا کر متعدد شہریوں سے لوٹ مار کی، ڈاکوؤں موبائل فون اور نقدی لوٹ کر فرار ہوگئے۔

پولیس کا کہنا ہے کہ ون فائیو پر اطلاع پر شرافی گوٹھ تھانے کی موبائل موقع پر پہنچی لیکن ڈاکو فرار ہوگئے، پولیس نے بتایا کہ ندی کے اطراف سے جرائم پیشہ افراد یہاں آکر لوٹ مار کر کے فرار ہوجاتے ہیں۔

کراچی : نارتھ ناظم آباد بلاک ڈی میں ڈکیتی کی واردات کے بعد بینک سے رقم لیکر نکلنے والےشہریوں سے منظم لوٹ مار کا انکشاف ہوا،گرفتارملزمہ نے بینک منیجرکےشامل ہونےکا دعویٰ کردیا۔

تفصیلات کے مطابق کراچی کے علاقے نارتھ ناظم آباد بلاک ڈی میں ڈکیتی کی ناکام واردات کا واقعہ پیش آیا، جس کے بعد بینک سے رقم لیکر نکلنے والےشہریوں سے منظم لوٹ مار کا انکشاف ہوا۔

واردات کے موقع سے گرفتار ملزمہ نے نےبینک منیجر کے شامل ہونے کا بھی دعویٰ کردیا ، گرفتار ملزمہ کا خصوصی ویڈیوبیان سامنے آگیا ہے، گرفتار ملزمہ کا نام ماریہ عمر 15 سال ہے۔

گرفتار ملزمہ نے بیان میں کہا کہ غازی گوٹھ کی رہائشی ہوں، ملزمان فرمان اوررشید گاؤں سے آئے تھے، ساتھی ملزمان نے بتایا کہ موٹر سائیکل بینک منیجر کی ہے، میں لڑکوں کے ساتھ تھی لیکن میں ان کو جانتی نہیں ہوں۔

ماریہ عمر کا کہنا تھا کہ میرے ابو جیل میں ہیں، لوٹ مارکرنے والے ملزمان فرید کالونی میں رہتےہیں۔

پولیس کا کہنا تھا کہ مبینہ کم عمرملزمہ کے بیگ سے ایک موٹر سائیکل کی نمبر پلیٹ بھی برآمد ہوئی ، مبینہ ملزمہ کے مطابق نمبرپلیٹ لوٹ مار میں استعمال ہونیوالی موٹر سائیکل کی ہے۔