کراچی: گلشن اقبال پولیس کا بلاک 1 میں اسٹریٹ کرمنلز سے مقابلہ ہوا، اہلکاروں نے 2 ملزمان کو زخمی حالت میں گرفتار کر لیا۔
اے آر وائی نیوز کے مطابق گلشن اقبال بلاک 1 میں اسٹریٹ کرمنلز اور پولیس کے درمیان مقابلہ ہوا، پولیس اہلکاروں نے اس وقت ملزمان کو جا لیا جب وہ ہوٹل پر بیٹھے شہریوں سے لوٹ مار کرکے فرار ہو رہے تھے۔
مقابلے کے بعد 2 ملزمان کو زخمی حالت میں گرفتار کر لیا گیا ہے، پولیس کے مطابق ملزمان نے ہوٹل پر بیٹھے لوگوں سے لوٹ مار کی، فرار ہو نے کے دوران ان کے پولیس سے مد بھیڑ ہوگئی۔
پولیس حکام کا کہنا تھا کہ ملزمان کے قبضے سے 2 پسٹل، راؤنڈ اور چھینے ہوئے7 موبائل فون برآمد ہوئے ہیں۔
ذارئع نے بتایا کہ سی سی ٹی وی فوٹیج میں مذکورہ ملزمان کو واردات کے بعد فرارہوتے دیکھا جا سکتا ہے۔