Tag: شہری قتل

کراچی : ڈاکوﺅں نے موبائل فون کے لئے ایک اور شہری کو قتل کردیا اور موبائل فون چھینے بغیر ہی فرار ہوگئے ۔

تفصیلات کے مطابق کراچی کا ایک اور شہری ڈکیتی مزاحمت پر قتل کردیا گیا، قائدآباد میں دودھ کی دکان پر ملزمان نے شہری سے موبائل چھیننے کی کوشش  کے دوران مزاحمت پرفائرنگ کردی۔

جس کے نتیجے میں پینتیس سالہ باقر موقع پرہی جاں بحق ہوگیا، پولیس کا کہنا ہے باقر دکان سے دودھ لے رہا تھا کہ دو ملزمان آئے اورموبائل چھیننے کی کوشش کی مزاحمت پر فائرنگ کردی اور موبائل فون چھینے بغیر فرار ہوگئے۔

حکام نے بتایا کہ لاش جناح اسپتال منتقل کردی گئی ہے ، مقتول حمل گوٹھ کا رہائشی تھا۔

مزید پڑھیں : کراچی کا ایک اور نوجوان ڈکیتی مزاحمت پر قتل

گذشتہ روز بھی کراچی کے ایک اور نوجوان کو ڈکیتی مزاحمت پر قتل کردیا تھا، یہ واقعہ بھینس کالونی سکھن تھانے کی حدود میں پیش آیا۔

مقتول کے اہل خانہ کے مطابق دو ملزمان نے ڈکیتی کے دوران بسم اللہ کو گولی ماری اور اس کا موبائل فون چھین کر فرار ہوگئے۔

بعد ازاں پی ٹی آئی کراچی کے صدر راجہ اظہر نے کہا تھا کہ کراچی میں ڈکیتی مزاحمت پر ایک اور نوجوان کو مار دیا گیا، گھر کی دہلیز پر فائرنگ کا فوری نوٹس لیا جائے۔

کراچی : ڈکیتی مزاحمت پرایک اور شہری کو قتل کردیا گیا، مقتول کی شناخت اللہ دتہ کے نام سے ہوئی ہے، جو اسپیئر پارٹس کی دکان پر کام کرتا تھا۔

تفصیلات کے مطابق کراچی کے علاقے تین ہٹی میں دکان میں ڈکیتی کی واردات کے دوران فائرنگ سے ایک شہری جان کی بازی ہار گیا،

پولیس نے بتایا کہ مقتول کی شناخت اللہ دتہ کے نام سے ہوئی ہے، جو اسپیئر پارٹس کی دکان پر کام کرتا تھا۔

حکام کا کہنا تھا کہ دو موٹر سائیکلوں پر سوار چار مسلح افراد نے وہاں موجود لوگوں سے رقم اور موبائل فون چھینے فرار ہوتے ہوئے فائرنگ کی، جس سے اللہ دتا زخمی ہوا تاہم طبی امداد کے لیے جناح اسپتال منتقل کیا گیا جہاں وہ زخموں کی تاب نہ لاتے ہوئے دم توڑ گیا۔

پولیس نے مزید کہا ہے کہ واقعے کی تحقیقات شروع کر دی گئی ہیں ،مقتول کا تعلق پنجاب سے تھا۔

کراچی : شہر قائد میں اسٹریٹ کرمنلز نے ایک اور شہری کی جان لے لی، دو ملزمان نے موبائل فون اور دیگر سامان لوٹنے کی کوشش کی اور مزاحمت پر سینے میں گولی ماردی۔

تفصیلات کے مطابق کراچی میں ڈکیتی مزاحمت پر ایک اور شہری کو قتل کردیا گیا، گلشن اقبال گیلانی اسٹیشن کے قریب نامعلوم موٹر سائیکل سوار ملزمان کی فائرنگ سے 40 سالہ احتشام اویس جاں بحق ہوا۔

پولیس نے بتایا کہ مقتول احتشام اپنی گاڑی بنوانے کے لئے ورکشاپ پر کھڑا ہوا تھا کہ موٹر سائیکل پر سوار دو ملزمان نے موبائل فون اور دیگر سامان لوٹنے کی کوشش کی۔

ملزمان نے مزاحمت پر سینے میں ایک گولی ماری اور سامان لے کر فرار ہوگئے، مقتول کو اس کی گاڑی میں ڈال کر اسپتال منتقل کیا گیا تاہم وہ جانبر نہ ہوسکا۔

واقعے کے بعد ایس پی گلشن قبال ظفر صدیق جائے وقوعہ پر پہنچ گئے، ایس پی گلشن نے جائے وقوعہ کا معائنہ کیا اور تمام تر تفصیلات حاصل کی۔

ایس پی گلشن ظفر صدیق کا کہنا تھا کہ اطراف میں لگے سی سی ٹی وی فوٹیجز بھی حاصل کی جارہی ہیں ، واقعے کے حوالے سے مزید تحقیقات کی جارہی ہے اور لاش کو ضابطے کی کارروائی کے لئے جناح اسپتال منتقل کردیا گیا۔

عینی شاہد کا کہنا ہے کہ دو ملزمان موٹر سائیکل پر سوار ہوکر آئے تھے ، شہری کی جانب سے مزاحمت کی جس پر ملزمان نے گولی ماری۔