Tag: شہر قائد

کراچی: شہر قائد میں اے ٹی ایم میں لوٹ مار کی وارداتیں بڑھنے لگی ہیں جرائم پیشہ عناصر سے طلبہ بھی اب غیر محفوظ ہیں۔

اے آر وائی نیوز کے مطابق کراچی تھانہ گلزار ہجری کی حدود میں اے ٹی ایم سے پیسے نکالنے والا طالبعلم کو 2 ڈکیت نے لٹ لیا۔

سی سی ٹی وی فوٹیج میں لٹیروں کے چہرے واضح دیکھے جاسکتے ہیں، 2 ملزمان کی جانب سے اے ٹی ایم میں لوٹ مار کی گئی۔

متاثرہ طالبعلم کا کہنا تھا کہ سیکنڈ ایئر کی فیس جمع کرانے کے لیے پیسے نکالنے گیا تھا، فیس کے پیسے آن لائن کام کر کے مشکل سے جمع کئے تھے۔

اس حوالے سے پولیس کا کہنا ہے کہ درخواست موصول ہونے کے بعد ملزمان کی گرفتاری کے لیے کوشش جاری ہے۔

کراچی: شہر قائد کے علاقے نارتھ ناظم آباد بلاک ایف کے قریب 3 سال کا بچہ نالے میں گر کر جاں بحق ہوگیا۔

اے آر وائی نیوز کے مطابق کراچی کے علاقے نارتھ ناظم آباد بلاک ایف کے قریب 3 سال کا بچہ نالے میں گر کر جاں بحق ہوگیا جس کی لاش نکا کر قریبی اسپتال منتقل کردی گئی ہے۔

پولیس کا اس حوالے سے کہنا ہے کہ نارتھ ناظم آباد بلاک ایف میں  نالے میں گیس بھر جانے سے دھماکہ ہوا، نالے کے قریب کھیلتا 3 سالہ بچہ گڑھے میں گر کر جاں بحق ہوگیا۔

پولیس نے بتایا کہ ریسکیوٹیموں نے مشینری کی  مدد سے بچے کی لاش نکال لی ہے، لواحقین بچے کی  لاش کو ضابطے کی کارروائی کے بغیر گھر لے گئے۔

 پولیس کا کہنا ہے کہ جا ں بحق 3 سالہ محمد اجمل کوثر نیازی کالونی کا رہائشی  تھا۔

کراچی: شہر قائد کے علاقے نیوکراچی میں 18 اپریل کو فیکٹری میں دوران ڈکیتی چوکیدار کے قتل میں ملوث 3 ملزمان کو گرفتار کرلیا گیا۔

تفصیلات کے مطابق نیوکراچی صنعتی ایریا آپریشن اور انویسٹی گیشن نے مشترکہ کارروائی کرتے ہوئے 18 اپریل کو فیکٹری میں دوران ڈکیتی چوکیدار کے قتل میں ملوث 3 ملزمان کو گرفتار کرلیا۔

پولیس نے انکشاف کیا کہ گرفتار ملزمان میں ایک ملزم ایاز فیکٹری کا ورکر نکلا، تینوں ملزمان نے ایاز کی معلومات پر ڈکیتی کی واردات کو انجام دیا۔

پولیس حکام کا کہنا ہے کہ دوسرا ملزم سلمان پہلے بھی گرفتار ہوچکا ہے، تیسرے ملزم فیصل کا کباڑی کا کاروبار ہے۔

یاد رہے کہ ملزمان نے 18 اپریل کی رات فیکٹری میں داخل ہو کر چوکیدار غلام مرتضیٰ کو یرغمال بنایا تھا، ملزمان نے 6 لاکھ روپےلوٹے، ڈی وی آر نکالی، الیکٹرانک کیبلز بھی کاٹ کر لے گئے تھے۔

ڈکیتی کے دروان ملزمان نے چوکیدار کو قتل کیا اور بعد  میں اسکی موٹر سائیکل بھی لے گئے تھے۔

کراچی: شہر قائد میں مردہ مرغیوں کی سپلائی کا منظم دھندہ رک نا سکا، اسٹیل ٹاون پولیس نے سومار گوٹھ ناکے پر رات کے اندھیرے میں مردہ مرغیوں کی سپلائی کی کوشش ناکام بنادی۔

تفصیلات کے مطابق اسٹیل ٹاون پولیس نے سومار گوٹھ ناکے پر کارروائی کرتے ہوئے مردہ مرغیوں سے بھری سوزوکی تحویل میں لے لی، سوزوکی میں 200 سے زائد معدہ مرغیاں تھیں جسے ایک ہوٹل پہنچانا تھا۔

پولیس کا کہنا ہے کہ سوزوکی ڈرائیور رضوان کو گرفتار کرلیا گیا ہے ملزم رات کے اندھیرے میں مردہ مرغیاں سپالئی کررہا تھا، ملزم کے خلاف 270/269 دفعات کے تحت مقدمہ درج کرلیا گیا ہے۔

پولیس کا کہنا ہے کہ سوزوکی میں 200 سے زائد مری ہوئی مرغیاں موجود تھی، مردہ مرغیوں سے شدید تعفن اٹھ رہا تھا۔

پولیس کا کہنا ہے کہ ملزم رضوان نے دوران تفتیش اعتراف کیا کہ اسے  یہ مردہ مرغیاں ایک ہوٹل پہنچانی تھی جبکہ ملزم ان مردہ مرغیوں کو ایک کمپنی پہنچانے کا ذکر بھی کررہا تھا۔

پولیس کا کہنا ہے کہ سوزوکی کو تحویل میں لے کر مال ضبط کرلیا ہے، تفتیشی پولیس کی جانب سے مزید کارروائی کی جارہی ہے۔

کراچی: گوشت کے بے جا استعمال اور جگہ جگہ گندگی سے کراچی کے شہری بے بیمار ہونے لگے۔

اے آر وائی نیوز کے مطابق فوڈ پوائزنگ کے کیسز میں خوفناک حد تک اضافہ رپورٹ کیا گیا ہے، گزشتہ تین روز میں صرف ایک سرکاری اسپتال میں 1700 سے زائد فوڈ پوائزنگ کے کیسز رپورٹ ہوئے ہیں۔

سول اسپتال انتظامیہ کے مطابق 1700 سے زائد گزشتہ تین روز میں فوڈ پوائزنگ کے کیسز تاحال رپورٹ ہو چکے ہیں، عید کے دوسرے روز 400،  تیسرے روز 600 جبکہ گزشتہ روز 670 سے زائد فوڈ پوائزنگ کے کیسز رپورٹ ہوئے۔

اسپتال انتظامیہ کا بتایا ہے کہ تمام مریضوں کی عمر 12 سال سے زائد ہے، گوشت کے بے جا استعمال اور جگہ جگہ آلائشوں سے ہر عمر کے افراد متاثر ہو رہے ہیں۔

ڈاکٹرز کا کہنا ہے کہ ریڈ میٹ کا ایک مخصوص حد سے زائد استعمال خطرناک ہوسکتا ہے لہٰذا کھانے اڑاتے وقت احتیاط کا دامن مضبوطی سے تھامے رکھنا لازم ہے۔

طبی ماہرین کے مطابق کھانے میں ہاتھ پر قابو رکھنے کے ساتھ ساتھ فریزر میں رکھے گوشت کے دورانیے پر بھی نظررکھنے کی ضرورت ہے، مخصوص مدت کے بعد گوشت میں بیکٹیریل ری ایکشن شروع ہوجاتا ہے جو کہ کھانے والوں کی صحت پر منفی اثرات مرتب کرسکتا ہے۔

دل اور جگر کے امراض میں مبتلا مریضوں کو گوشت کھانے کے معاملے میں خصوصی احتیاط برتنا ہوگی۔

کراچی: شہر قائد کے ساحل سے طوفان بیپر جوائے 230 کلو میٹر دوری پر ہے، تاہم کراچی میں اربن فلڈنگ کا خدشہ موجود ہے۔

حکام نے خبردار کیا ہے کہ سمندری طوفان آج کسی بھی وقت ٹکرا سکتا ہے، طوفان کے باعث کراچی اور حیدر آباد میں آج اور کل تیزہواؤں کے ساتھ موسلا دھار بارش ہوگی تاہم کراچی میں اربن فلڈنگ کا خطرہ موجود ہے۔

حکام کا کہنا ہے کہ طوفان کے باعث کراچی اور حیدر آباد میں آج اور کل تیزہواؤں کے ساتھ موسلا دھار بارش ہوگی۔

حکام کا بتانا ہے کہ طوفان ٹکرانے کے ابتدائی دوگھنٹے خطرناک ہوں گے، بارش وقفے وقفے سے ہفتے تک جاری رہ سکتی ہے۔

واضح رہے کہ طوفان کی وجہ سے کراچی کے ساحل پر دفعہ 144 نافذ ہے، سی ویو روڈ بند کر دیا گیا۔

کراچی کے علاقے ابراہیم حیدری منوڑہ، کیپ ماؤنٹ اور ہاکس بے کے ساحلوں پر سمندری پانی کی سطح بلند ہوگئی ہے، ہاکس بے کے مقام سمندر ی پانی مچھلی چوک تک آگیا۔