Tag: شہر قائد

کراچی: شہر قائد کے علاقے ناظم آباد سے پولیس نے تین مبینہ دہشت گردوں کو گرفتار کرنے کا دعویٰ کیا ہے۔

پولیس حکام کے مطابق خفیہ اطلاع پر ناظم آباد نمبر چارکے علاقے سے تین ملزمان ہارون ، انجم اور عامر کو گرفتار کیا گیا ہے ۔

پولیس کا دعویٰ ہے کہ ملزمان دہشت گردی کا منصوبہ بنا رہے تھے جو بروقت کارروائی کرکے ناکام بنا دیا گیا۔ملزمان کے قبضے سے اسلحہ اور دھماکا خیز مواد برآمد ہوا ہے، ملزمان سے مزید پوچھ گچھ کی جارہی ہے۔

کراچی: شہر قائد کی سڑکیں تالاب کا منظر پیش کرنے لگی پانی پائپ لائن پھٹنے سے شہر کی اہم شاہراوں پر پانی پانی ہوگیا، جس کے باعث شدید ٹریفک جام ہوگیا ۔

گلشن اقبال میں چوراسی قطر کی پائپ لائن پھٹنے سے یونیورسٹی روڈ تالاب کا منظر پیش کرنے لگا، لائن پھٹنے کے باعث پانچ گروڑ گیلن پانی سڑکوں پر بہہ گیا۔پانی کے باعث شہر کی اہم شاہراہوں پر بدترین ٹریفک جام ہوگیا ۔

ٹریفک جام میں پھنسی گاڑیوں کا ایندھن ختم ہوا تو کچھ کی گاڑیوں میں پانی بھر جانے سے گاڑیاں بند ہوگئیں لوگوں کو پانی میں چل کر سڑک پار کرنا پڑی۔

واٹر بورڈ کا کے مطابق پائپ لائن کی مرمت میں اڑتالیس گھنٹے لگ سکتے ہیں، لائن پھٹنے سے لیاری جمشید ٹاؤن پی ای سی ایچ ایس کے علاقے متاثر ہوئے ہیں،جبکہ گلشن اقبال اور اطراف میں پانی فراہمی معطل ہوگئی۔

کراچی: شہر قائد کے مختلف علاقوں میں پولیس کی کارروائیاں، بینک ڈکیتوں اور ٹارگٹ کلرز سمیت چھ ملزمان کو گرفتار کرکے اسلحہ اور دستی بم برآمد کرلیا۔

ایس ایس پی اے سی ایل سی عرفان بہادر نے پریس کانفرنس کرتے ہوئے بتایا کہ فیڈرل بی ایریا کے علاقے سے پولیس نے کارروائی کرتے ہوئے چار ملزمان کو گرفتار کرلیا جن کے قبضے سے چھینی ہوئی گاڑیاں موٹرسائیکل اورا سلحہ برآمد ہوا۔

پولیس کے مطابق ملزمان نے دوران تفتیش اٹھارہ اگست کو گلشن اقبال میں بینک ڈکیتی کا بھی اعتراف کیا۔ ملزمان کے قبضے سے بینک ڈکیتی کے پندرہ لاکھ روپے بھی برآمد ہوئے ۔

فیڈرل بی انڈسٹریل ایریا پولیس کارروائی کرتے ہوئے سیاسی جماعت کے دو ٹارگٹ کلرز کو گرفتار کرکے اسلحہ اور دستی بم برآمد کرلیا۔

گرفتار ملزمان میں کامران عرف کامی اور عاطف شامل ہیں جنہوں نے 14 اور سات افرادکو قتل کرنے کا اعتراف کیا ہے پولیس کے مطابق ملزمان نے بیشتر ٹارگٹ کلنگ سیاسی مخالفین اور اقلیتی برادری سے تعلق رکھنے والے افراد کی کی ہے۔

پولیس کو ٹارگٹ کلر کامران نے بتایا کہ اس نےلیاری گینگ وار کے کارندے کو صابر ہوٹل اردو بازار کے قریب قتل کیا، دو افراد کو ساتھیوں کے مدد سے اغوا کرکے رنچھوڑلائن میں قتل کیا۔گھانچی پاڑا سے ایک شخص کو اغوا کے بعد قتل کیا۔ایک نوجوان جو سول اسپتال کے پاس سے اغوا کیا اور ایم اے جناح روڈ پر قتل کیا۔

ملزم عاطف انکشاف کیا کہ اس نے ساتھیوں کے ساتھ ایک نوجوان کاشف کو رنچھوڑ لائن کے اسٹاپ پر قتل کیا، رنچھوڑ لائن میں ہی موٹر سائیکل چھینے کے دوران مزاحمت پر ایک نوجوان کو مار ڈالا۔

حساس اداروں نے ایک مراسلے میں پولیس کے اہم افسران پر حملے کا خدشہ ظاہر کیا ہے، پولیس افسران میں ایس ایس پی راؤانوار، فاروق اعوان، راجہ عمر خطاب اور مظہر مشوانی شامل ہیں۔