ARYNews.tv | Urdu – Har Lamha Bakhabar

Tag: شہزادہ ولیم

  • برطانوی شاہی جوڑا 15 اکتوبر کو وزیر اعظم عمران خان سے ملاقات کرے گا

    برطانوی شاہی جوڑا 15 اکتوبر کو وزیر اعظم عمران خان سے ملاقات کرے گا

    اسلام آباد: برطانوی شاہی جوڑے شہزادہ ولیم اور ان کی اہلیہ کیٹ مڈلٹن کے دورہ پاکستان کا شیڈول طے ہوگیا، شاہی جوڑا 15 اکتوبر کو وزیر اعظم عمران خان سے ملاقات کرے گا۔

    تفصیلات کے مطابق برطانوی شاہی جوڑے کے دورہ پاکستان کا شیڈول طے ہوگیا۔ برطانوی ولی عہد شہزادہ ولیم اور ان کی اہلیہ کیٹ مڈلٹن پرسوں یعنی 14 اکتوبر کی شب ساڑھے 9 بجے پاکستان پہنچے گا۔

    ذرائع برطانوی ہائی کمیشن کا کہنا ہے کہ شاہی جوڑا بچوں کے بغیر پاکستان کا دورہ کرے گا۔ ان کے ساتھ محافظین، طبی ماہرین اور 40 سے زائد صحافی بھی پاکستان پہنچیں گے۔

    ذرائع کے مطابق برطانوی شاہی جوڑا نور خان ائیر بیس پہنچے گا جہاں ان کا ریڈ کارپٹ استقبال کیا جائے گا۔ وفاقی وزیر، حکام دفتر خارجہ اور برطانوی ہائی کمیشن کے حکام جوڑے کا استقبال کریں گے۔ نور خان ایئر بیس پر برطانوی شاہی جوڑے کو گارڈ آف آنر پیش کیا جائے گا۔

    ذرائع کا کہنا ہے کہ اگلے روز منگل کو شاہی جوڑے کی صدر مملکت اور وزیر اعظم عمران خان سے ملاقاتیں ہوں گی، بعد ازاں شاہی جوڑا سیکٹر ایف 7 میں خواتین کے کالج کا دورہ کرے گا۔ منگل کو ہی جوڑا غیر سرکاری تنظیم کے توسط سے عوام سے ملاقاتیں کرے گا۔

    ذرائع کے مطابق دوسرے دن کا اختتام شاہی جوڑے کا پاکستان مونومنٹ کے دورے پر ہوگا۔ تیسرے دن بدھ کے روز شاہی جوڑا لاہور روانہ ہوگا۔ لاہور میں جوڑا ایس او ایس ولیج، ایچی سن کالج اور شوکت خانم اسپتال کا دورہ کرے گا۔ شاہی جوڑے کا بدھ کو بادشاہی مسجد اور مینار پاکستان جانے کا امکان بھی ہے تاہم سیکیورٹی کی وجہ سے اسے حتمی طے نہیں کیا گیا۔

    جمعرات کو شہزادہ اور شہزادی چترال روانہ ہوں گے۔ اسی روز ان کے درہ خیبر اور قلعہ خیبر کا دورہ بھی متوقع ہے تاہم یہ بہتر موسمی حالات سے مشروط ہوگا۔

    برطانوی شاہی جوڑا جمعرات کی رات واپس وفاقی دارالحکومت پہنچے گا۔ 18 اکتوبر یعنی جمعے کو ان کے فیصل مسجد کے دورے کا بھی امکان ہے۔ برطانوی شاہی جوڑا 18 اکتوبر دوپہر ڈیڑھ بجے نور خان ائیر بیس سے وطن واپس روانہ ہو جائے گا۔

  • شاہی جوڑے کی پاکستان آمد، شہزادہ ولیم اور اہلیہ شمالی علاقوں کا دورہ کریں گے، کینزنگٹن پیلیس

    شاہی جوڑے کی پاکستان آمد، شہزادہ ولیم اور اہلیہ شمالی علاقوں کا دورہ کریں گے، کینزنگٹن پیلیس

    لندن: کینزنگٹن پیلیس کا کہنا ہے کہ دورہ پاکستان کے دوران شاہی جوڑا اسلام آباد سے لاہور اور پھر شمالی علاقوں کا دورہ بھی کرے گا۔

    غیرملکی خبررساں ادارے کے مطابق برطانوی شہزادہ ولیم اور ان کی اہلیہ شہزادی کیٹ مڈلٹن 14 تا 18 اکتوبر پاکستان کا دورہ کریں گے، شاہی جوڑے کے سیکریٹری اطلاعات نے دورے سے متعلق بیان جاری کیا ہے۔

    اعلامیہ کے مطابق برطانوی شاہی جوڑا اسلام آباد اور لاہور کا دورہ کرے گا، شاہی جوڑا پہاڑی علاقوں اور مغربی سرحدی علاقوں کا دورہ بھی کرے گا، برطانوی دفتر خارجہ اور دولت مشترکہ کی درخواست پر دورہ کیا جائے گا۔

    کینزنگٹن پیلیس کے مطابق دورے میں خواتین اور بچوں کی تعلیم پر فوکس کیا جائے گا، شہزادہ ولیم اور شہزادی کیٹ مڈلٹن نوجوانوں سے بھی ملاقات کریں گے۔

    شاہی جوڑا ماحولیاتی تبدیلیوں کے اثرات پر بھی غور کرے گا، شہزادہ ولیم اور اہلیہ کیٹ مڈلٹن پاک فوج کے حکام سے بھی ملاقات کریں گے، پاکستان کی سیکیورٹی صورت حال، چیلنجز پر بھی تبادلہ خیال ہوگا۔

    واضح رہے کہ شہزادہ ولیم، شہزادہ چارلس اور لیڈی ڈیانا کے بڑے بیٹے ہیں اور انہیں پاکستانی دفتر خارجہ کی جانب سے دورے کی دعوت دی گئی تھی۔

    برطانیہ میں تعینات پاکستانی ہائی کمشنر نفیس زکریا نے شہزادہ ولیم اور ان کی اہلیہ کیٹ مڈلٹن کی جانب سے دورہ پاکستان ترتیب دیے جانے کا خیرمقدم کرتے ہوئے کہا تھا کہ پاکستان کی حکومت اور عوام ان کے استقبال کے منتظر ہیں۔

    ان کا کہنا تھا کہ شاہی جوڑے کا دورہ برطانیہ اور پاکستان کے تعلقات کی عکاسی کرے گا، پاکستان اور برطانیہ کے تاریخی روابط ہیں جنہیں دونوں مزید مستحکم کرنے کی خواہش رکھتے ہیں۔

    خیال رہے کہ 2006ء میں شہزادہ چارلس نے اپنی اہلیہ کمیلہ پارکر کے ہمراہ پاکستان کا دورہ کیا تھا۔

  • کنگسٹن پیلس کا برطانوی شاہی جوڑے کے دورہ پاکستان کی تاریخ کا اعلان

    کنگسٹن پیلس کا برطانوی شاہی جوڑے کے دورہ پاکستان کی تاریخ کا اعلان

    لندن: کنگسٹن پیلس نے برطانوی شاہی جوڑے کے دورہ پاکستان کی تاریخ کا اعلان کردیا۔

    تفصیلات کے مطابق برطانوی شہزادہ ولیم اور شہزادی کیٹ مڈلٹن آئندہ ماہ اکتوبر میں پاکستان کے دورے پر پہنچیں گے، شہزادہ ولیم، شہزادی کیٹ مڈلٹن کے ہمراہ 14 سے 18 اکتوبر کو پاکستان کا دورہ کریں گے۔

    برطانوی ہائی کمشنر نے دورے کی تصدیق کرتے ہوئے کہا کہ شہزادہ ولیم اور کیٹ مڈلٹن پاکستان کا سرکاری دورہ کریں گے۔

    واضح رہے کہ شہزادہ ولیم، شہزادہ چارلس اور لیڈی ڈیانا کے بڑے بیٹے ہیں اور انہیں پاکستانی دفتر خارجہ کی جانب سے دورے کی دعوت دی گئی تھی۔

    برطانیہ میں تعینات پاکستانی ہائی کمشنر نفیس زکریا نے شہزادہ ولیم اور ان کی اہلیہ کیٹ مڈلٹن کی جانب سے دورہ پاکستان ترتیب دیے جانے کا خیرمقدم کرتے ہوئے کہا تھا کہ پاکستان کی حکومت اور عوام ان کے استقبال کے منتظر ہیں۔

    ان کا کہنا تھا کہ شاہی جوڑے کا دورہ برطانیہ اور پاکستان کے تعلقات کی عکاسی کرے گا، پاکستان اور برطانیہ کے تاریخی روابط ہیں جنہیں دونوں مزید مستحکم کرنے کی خواہش رکھتے ہیں۔

    خیال رہے کہ 2006ء میں شہزادہ چارلس نے اپنی اہلیہ کمیلہ پارکر کے ہمراہ پاکستان کا دورہ کیا تھا۔

  • شہزادی شارلٹ کے اسکول کا پہلا دن، والدین کی نیک تمنائیں

    شہزادی شارلٹ کے اسکول کا پہلا دن، والدین کی نیک تمنائیں

    لندن: برطانوی شہزادہ ولیم اور ان کی اہلیہ شہزادی کیٹ مڈلٹن کی بیٹی نے آج تعلیم کے حصول کے لیے اسکول کا رخ کیا، والدین نے شارلٹ کو خوشگوار موڈ‌ میں‌ اسکول چھوڑا۔

    ڈیلی مرر کی رپورٹ کے مطابق برطانوی شہزادہ ولیم اور ان کی اہلیہ شہزادی کیٹ کی بیٹی شہزادی شارلٹ نے آج پہلی بار اسکول میں قدم رکھا، کیٹ مڈلٹن اور والد شہزادہ ولیم نے انہیں حصول علم کے جاری سفر کے لیے نیک خواہشات کا اظہار کیا۔

    شہزادی شارلٹ نے ٹھامس بیٹرسی اسکول میں اپنے بڑے بھائی شہزادہ جارج کو جوائن کیا۔

    والدین کی جانب سے نیک خواہشات کے اظہار کے بعد شارلٹ نے اپنے نئے کلاس میٹس کو جوائن کیا اور ڈیسک پر بیٹھ کر کچھ انتہائی دلچسپ مضامین کا انتخاب کیا۔

    اسکول ویب سائٹ اسٹیٹس کے مطابق ہم سمجھتے ہیں کہ ابتدائی سالوں کا فاؤنڈیشن مرحلہ سیکھنے کی طرف مثبت رجحان پیدا کرنے میں بنیادی حیثیت رکھتا ہے۔

    مزید پڑھیں: شاہی شادی میں ننھی شہزادی شارلٹ دلہن کا لباس زیب تن کریں گی

    اسکول ویب سائٹ میں کہا گیا کہ اسکول کے ابتدائی سال میں بچے بہت کچھ سیکھتے ہیں، کچھ کری ایٹو، پرابلم حل کرتے ہیں، اچھے تعلقات بناتے ہیں اور خوش ہوتے ہیں۔

    اسکول کے ابتدائی سال میں اساتذہ کی جانب سے بچوں کو سپورٹ کیا جاتا ہے اور مختلف سرگرمیاں متعارف کرائی جاتی ہیں تاکہ کھیل کود میں بچے پڑھ بھی سکیں۔

    شہزادی شارلٹ کو اسکول میں پرسنل، سوشل، ایموشنل ڈیولپمنٹ، کمیونی کیشن اور لینگویج، فزیکل ڈیولپمنٹ، لٹریسی، حساب اور آرٹ اینڈ ڈیزائن کے حوالے سے سکھایا جائے گا۔

    آئندہ چند دنوں میں ہم نے چند ایسی چیزیں ذہن میں رکھی ہیں جو ننھی شہزادی سیکھ لیں گی، شہزادی شارلٹ کو اسکول میں لوگوں کی مدد کرنا، کتابیں پڑھنا، رائٹنگ اور دیگر کھیلوں سے آگاہ کیا جائے گا۔

  • برطانوی شہزادہ جارج نے زندگی کی 6 بہاریں دیکھ لیں

    برطانوی شہزادہ جارج نے زندگی کی 6 بہاریں دیکھ لیں

    لندن: برطانوی شہزادہ ولیم اور شہزادی کیٹ مڈلٹن کے بڑے بیٹے شہزادہ جارج الیگزینڈر لوئی 6 برس کے ہوگئے۔

    غیرملکی خبررساں ادارے کے مطابق برطانوی شہزادہ جارج آج اپنی چھٹی سالگرہ منا رہے ہیں، چھٹی سالگرہ کے موقع پر شاہی محل نے سماجی رابطے کی ویب سائٹ ٹویٹر پر تصاویر جاری کردیں۔

    رپورٹ کے مطابق شاہی محل کنگسٹن پیلس کی جانب سے شہزادہ جارج کی چھٹی سالگرہ کے موقع پر جاری کی گئی نئی تصاویر ان کی والدہ شہزادہ کیٹ مڈلٹن نے کھینچیں ہیں۔

    برطانیہ کے مستقبل کے تاج دار شہزادہ جارج اپنی نئی تصاویر میں ہنستے مسکراتے ہوئے شاہی باغ میں کھیلتے ہوئے دکھائی دے رہے ہیں، انہوں نے سفید ٹی شرٹ زیب تن کی ہوئی ہے۔


    شاہی محل کی جانب سے ٹویٹر پر جاری پیغام میں کہا گیا ہے کہ شہزادہ جارج کی نئی تصاویر ان کی سالگرہ کی مناسبت سے لی یگئیں، شہزادہ جارج کے لیے محبت بھرے پیغامات پر سب مداحوں کا شکریہ ادا کرتے ہیں۔

    یاد رہے کہ شہزادہ جارج کی پیدائش کے بعد سے شہزادہ ولیم اور شہزادی کیٹ کے بچوں کی سالگرہ پر تصاویر جاری کرنا شاہی محل کی روایت بن چکا ہے۔

    شہزادہ جارج اپنے دادا شہزادہ چارلس اور والد شہزادہ ولیم کے بعد شاہی تخت کے لیے تیسرے نمبر پر امیدوار ہیں۔

  • اولاد ہم جنس پرست ہوئی تو ساتھ دوں گا، شہزادہ ولیم کا شرمناک انکشاف

    اولاد ہم جنس پرست ہوئی تو ساتھ دوں گا، شہزادہ ولیم کا شرمناک انکشاف

    لندن : شہزادہ ولیم نے ہم جنس پرستوں کی حمایت کرتے ہوئے کہا ہے کہ ’میرے بچے ہم جنس پرست ہوئے تو ان کی حمایت کروں گا، مجھے معلوم ہے اس معاملے پرمیرے خاندان اور رتبے سے مجھے پریشانیاں اٹھانی پڑ سکتی ہیں۔

    تفصیلات کے مطابق برطانوی شہزادہ ولیم نے کہاہے کہ اگر ان کے بچے ہم جنس پرست ہوئے تو وہ ان کی پوری طرح سے حمایت کریں گے تاہم اس کے لیے ان پر آنے والے دباؤ پر پریشان ہوں گا۔

    شہزادہ ولیم کا کہنا تھا کہ میں نے یہ والد بننے سے قبل ہی سوچ لیا تھا، کاش ہم ایسی دنیا میں رہتے جہاں یہ عام اور اچھی بات ہوتی مگر میرے خاندان اور رتبے سے مجھے پریشانیاں اٹھانی پڑ سکتی ہیں۔

    غیرملکی خبررساں ادارےکا کہنا تھا کہ یہ بات انہوں نے لندن میں منعقدہ البرٹ کینیڈی ٹرسٹ (اے کے ٹی) کی ایل جی بی ٹی یوتھ چیریٹی تقریب سے خطاب کرتے ہوئے کہی۔

    واضح رہے کہ یہ ٹرسٹ ان ہم جنس پرستوں کی مدد کرتا ہے جنہیں بے گھر ہونے کے خدشات ہوتے ہیں۔

    برطانوی خبر رساں ادارے کے مطابق شہزادہ ولیم کا کہنا تھا کہ میرے بچے جو بھی فیصلہ کریں گے میں ان کی پشت پناہی کروں گا۔

    ان کا کہنا تھا کہ کتنی رکاوٹیں ہیں آپ جانتے ہیں، نفرت آمیز جملے اور تفرقہ جھیلنا پڑ سکتا ہے، یہ بات بھی مجھے پریشان کرتی ہے۔

    شہزادہ ولیم کا کہنا تھا کہ ہم سب کو مل کر اسے ٹھیک کرنا ہوگا اور اس بات کی یقین دہانی کرانی ہوگی کہ یہ ساری باتیں ماضی کا حصہ بن جائیں۔

  • برطانوی شاہی جوڑے کے پروٹوکول کی زد میں آکر بزرگ خاتون زخمی

    برطانوی شاہی جوڑے کے پروٹوکول کی زد میں آکر بزرگ خاتون زخمی

    لندن: برطانوی شہزادہ ولیم اور کیٹ مڈلٹن کے پروٹوکول کی زد میں آکر 80 سالہ بززگ خاتون شدید زخمی ہوگئیں۔

    غیرملکی خبررساں ادارے کے مطابق شہزادہ ولیم کی اہلیہ کیٹ مڈلٹن کے ہمراہ تقریب میں شرکت کے لیے لندن سے ونڈسر جارہے تھے کہ ان کی حفاظت کے لیے موجود پروٹوکول میں کیمبرج پولیس ٹریفک کلیئر کرارہی تھی کہ حادثہ پیش آیا۔

    آئرین نامی بزرگ خاتون پولیس کی موٹر سائیکل سے ٹکر کے باعث شدید زخمی ہوئیں جنہیں اسپتال منتقل کردیا گیا ہے۔

    مقامی پولیس کے مطابق بزرگ خاتون کی حالت خطرے سے باہر ہے انہیں اسپتال میں طبی امداد دی جارہی ہے۔

    عینی شاہدین کے مطابق بزرگ خاتون غلط سائیڈ سے آرہی تھی اور پولیس ٹریفک کلیئر کروارہی تھی جب یہ حادثہ پیش آیا۔

    پولیس کا کہنا تھا کہ اس حادثے میں زخمی ہونے والی خاتون اور متاثرہ خاندان سے ہمیں ہمدردی ہے تاہم معاملے کی تحقیقات جاری ہیں۔

    مزید پڑھیں: شہزادہ فلپ ٹریفک حادثے میں بال بال بچ گئے

    شاہی جوڑے نے بھی حادثے پر افسوس کا اظہار کرتے ہوئے کہا کہ ان کے لیے ہمارے دل میں ہمدردی ہے، جب تک بزرگ خاتون مکمل طور پر ٹھیک نہیں ہوجاتیں ہم ان سے رابطے میں رہیں گے۔

    واضح رہے کہ رواں سال جنوری میں شہزادہ فلپ ٹریفک حادثے میں بال بال بچ گئے تھے، شہزادہ فلپ کی گاڑی مخالف سمت سے آنے والی گاڑی سے ٹکرا گئی تھی۔

    حادثے میں ان کی کار کوشدید نقصان پہنچا تھا لیکن خوش قسمتی سے وہ محفوظ رہے، جبکہ دو خواتین اس حادثے میں معمولی زخمی ہوئی تھیں۔

  • شہزادہ ولیم اور کیٹ مڈلٹن میں دوریاں بڑھنے لگیں؟

    شہزادہ ولیم اور کیٹ مڈلٹن میں دوریاں بڑھنے لگیں؟

    لندن: برطانوی شہزادہ ولیم اور کیٹ مڈلٹن میں دوریاں بڑھنے لگیں، جس کی وجہ بنیں کیٹ مڈلٹن کی دوست جن سے تعلقات کی ‌افواہ گردش کررہی ہیں۔

    غیرملکی خبررساں ادارے کی رپورٹ کے مطابق 2018 میں شہزادہ ولیم نے اہلیہ کی دوست روز ہینبری سے مراسم بڑھائے یہ بات شہزادہ کے ہاں تیسرے بچے شہزادہ لوئس کی پیدائش سے ایک ماہ پہلے کی ہے۔

    کیٹ مڈلٹن نے جب شوہر سے ان افواہوں کے حوالے سے سوال کیا تو انہوں نے ہنس کر جواب دیا کہ ایسا کچھ نہیں ہے۔

    میڈیا رپورٹس کے مطابق روز ہینبری ایک سابق ماڈل ہیں اور بڑے ٹی وی اداکار کی اہلیہ ہیں، دونوں کا گھر بھی ولیمز اور کیٹ کے گھر کے قریب واقع ہے۔

    مزید پڑھیں: کیٹ مڈلٹن ملکہ برطانیہ کے نقش قدم پر چلنے لگیں

    اس واقعے کے بعد سے شہزادی اپنی دوست روز ہینبری سے تعلقات ختم کردئیے ہیں، دوسری جانب شاہی خاندان کے وکیلوں کی جانب سے ان خبروں کو جھوٹا قرار دیا گیا ہے۔

    شہزادہ ولیم کی جانب سے اس طرح کے اقدام کے بعد سے ہیری نے بھائی اور بھابی سے آؤٹنگ کے دوران دوری اختیار کرلی ہے۔

    گرجا گھر سے جب کیٹ مڈلٹن ، شہزادہ ولیم، شہزادہ ہیری اور میگھن مرکل واپس آرہے تھے کہ ہیری نے دونوں سے دوسری جانب جاکر دوری اختیار کررکھی تھی۔

    خیال رہے کہ پرنس ہیری اور میگھن مرکل کے یہاں آنے والے چند روز میں ننھے مہمان کی آمد متوقع ہے جس کو لے کر برطانوی میڈیا میں پیش گوئیاں شروع ہوگئی ہیں۔

  • شہزادہ ولیم اپنی بیٹی کے کس کام سے پریشان ہیں؟

    شہزادہ ولیم اپنی بیٹی کے کس کام سے پریشان ہیں؟

    بچوں کی تربیت یقیناً ایک مشکل امر ہے چاہے ان کے والدین کسی بڑے  ملک کے شاہی خاندان  کے وارث ہی کیوں نہ ہوں، ایسا ہی کچھ شہزادہ ولیم کے ساتھ بھی ہورہا ہے۔

    حال ہی میں برطانیہ کے شاہی خاندان کے وارث شہزادہ ولیم نے اس بات کا اظہار کیا ہے کہ ان کی بیٹی  شہزادی شارلٹ کا کونسا کام انہیں مشکل لگتا ہے۔

    اکثر والدین بالخصوص والد کے لیے بچوں کی نیپی تبدیل کرنا یا آدھی رات کو نیند سے بیدار ہوکر اپنے روتے ہوئےبچے کو خاموش کرانا ایک مشکل مرحلہ لگتا ہے، لیکن شہزادہ ولیم کے معاملے میں ایسا نہیں ہے۔

    حالانکہ بچوں کی نگہداشت ان کے لیے اتنا مشکل بھی نہیں ہے کہ ان کی اہلیہ کے علاوہ ایک فلم ٹائم ملازمہ بھی شہزادی شارلٹ کے کام انجام دینے کے لیے ہمہ وقت موجود رہتی ہیں، تاہم شہزادہ ولیم اورکیٹ مڈلٹن اپنے آپ کو ایسے والدین ثابت کرنا چاہتے ہیں جنہیں اپنے بچوں کے کام خود کرکے خوشی ملتی ہے۔

    شہزادہ ولیم اکثر شارلٹ کے اسکول کی سرگرمیوں میں بھی حصہ لیتے نظر آتے ہیں لیکن ایک کام ایسا ہےجو ان سے بالکل نہیں ہوپاتا۔

    حال ہی میں بلیک پول کے دورے میں شہزادہ ولیم اپنی بیٹی کے ساتھ پڑھنے والی ایک بچی کے والد سے گفتگو کررہے ت ھے جس نے کہا کہ اسے اپنی بیٹی کے بالوں میں کنگھا کرنا انتہائی مشکل کام ہے۔

    جیسے ہی اس شخص نے یہ بات کہی ، شہزادےکو لگا کہ یہ مسئلہ ان کا بھی ہے ، انہوں نے اس شخص کو مشورہ دیا کہ ’کبھی بھی پونی ٹیل بنانے کی کوشش مت کرنا ۔۔۔ وہ تو خوفناک ہے‘۔

    ان کی بات سن کر شہزادی کیٹ مڈلٹن نے بیچ میں مداخلت کرتے ہوئے کہا کہ’ کیا کبھی آپ نےلہراتے ہوئے بال بنانے کی کوشش کی ہے‘۔ جس پر شہزادے نے مسکراتے ہوئے جواب دیا کہ ’ میں پونی ٹیل بھی بنا سکتا ہوں لیکن اس کی مشق کرنے کے لیے میرے بال اتنے بڑےنہیں ہیں‘‘۔

  • ملکہ برطانیہ نے بیٹے کی جگہ پوتے کو بادشاہ نامزد کردیا

    ملکہ برطانیہ نے بیٹے کی جگہ پوتے کو بادشاہ نامزد کردیا

    لندن: ملکہ برطانیہ نے بیٹے شہزادہ چارلس کی جگہ پوتے شہزادہ ولیم کو بادشاہ نامزد کردیا۔

    غیرملکی خبررساں ادارے کے مطابق ڈیمینشیا کے مرض میں مبتلا ملکہ الزبتھ بطور ملکہ مزید خدمات سرانجام نہیں دینا چاہتی ہیں۔

    رپورٹ کے مطابق ملکہ الزبتھ نے برطانوی روایات کے برعکس اپنے بیٹے شہزادہ چارلس کے بجائے اپنے پوتے شہزادہ ولیم کو بادشاہ نامزد کیا ہے۔

    شہزادہ ولیم کے بادشاہ بننے کے بعد ان کی اہلیہ کیٹ مڈلٹن برطانیہ کی نئی ملکہ بن جائیں گی۔

    [bs-quote quote=”کیٹ مڈلٹن برطانیہ کی نئی ملکہ بن جائیں گی” style=”style-8″ align=”left”][/bs-quote]

    برطانوی میڈیا کے مطابق ملکہ الزبتھ کا یہ ماننا ہے کہ شہزادہ چارلس میں بادشاہت سنبھالنے کی اہلیت نہیں ہے جبکہ شہزادہ ولیم میں بادشاہت کرنے کے نظم اور طاقت موجود ہے۔

    ملکہ الزبتھ کے مطابق شہزادہ ولیم کو عوام میں بھی مقبول ہیں اور ان کا یہی خیال ہے کہ شہزادہ ولیم اپنے والد سے زیادہ اس بادشاہت کے حقدار ہیں۔

    برطانوی میگزین میں یہ انکشاف کیا گیا ہے کہ ملکہ الزبتھ نے شاہی محل میں ہونے والی ایک تقریب میں اپنی خواہش کے مطابق شہزادہ ولیم کو بادشاہ کا تاج بھی پہنایا تھا۔

    مزید پڑھیں: ملکہ برطانیہ نے پاکستانی نژاد خاتون کو گریٹر مانچسٹر کی ہائی شیرف تعینات کردیا

    ایک میگزین کی رپورٹ میں بتایا گیا ہے کہ ملکہ الزبتھ نے شہزادہ چارلس کو برطانیہ سے کسی دوسرے منتقل کرنے کی ہدایت بھی ہے کہ اور اس سے شہزادہ چارلس بہت افسردہ ہیں۔