لندن: برطانوی شہزادی کیٹ مڈلٹن نے کینسر سے ریکوری کے بعد پہلی تصویر شیئر کر دی۔
برطانوی میڈیا رپورٹس کے مطابق شہزادی کیٹ مڈلٹن کینسر سے ریکوری کے بعد منظر عام پر آ گئی ہیں، انھوں نے انسٹاگرام پر ایک پیغام بھی شیئر کیا ہے۔
کینسر کی تشخیص ہونے کے بعد شہزادی آف ویلز کیٹ مڈلٹن کسی بھی سماجی سرگرمی میں شامل نہیں ہوئیں اور منظر عام سے غائب رہیں، تاہم کئی ماہ بعد انھوں نے کینسر سے ریکوری کے بعد اپنی ایک تصویر سوشل میڈیا پر پوسٹ کی۔
کیٹ نے سوشل میڈیا پیغام میں کہا کہ کیموتھراپی سے گزرنے والا ہر شخص جانتا ہوگا کہ اس علاج کے دوران اچھے اور برے دنوں کا سامنا کرنا پڑتا ہے، میری صحت میں اب بہتری آ رہی ہے، میں کینسر کے علاج سے مطمئن ہوں مگر ابھی مزید چند ہفتے علاج جاری رہے گا۔
View this post on Instagram
انھوں نے کہا کہ گزشتہ دو مہینوں میں لوگوں نے انھیں حوصلہ افزائی سے بھرے بے شمار پیغامات بھیجے، ان پیغامات نے ان کے اور ولیم کے لیے بہت کچھ بدل کر رکھ دیا، اور مشکل وقتوں میں ان کی مدد کی۔
کیٹ نے مزید کہا ’’میرا علاج ابھی جاری ہے اور چند ماہ اور جاری رہے گا، میں اب کافی بہتر محسوس کرتی ہوں، اور معمولات زندگی کی طرف لوٹ کر انجوائے کر رہی ہوں۔‘‘
