Tag: شہید ارشد شریف

اسلام آباد : ایک طرف شہید ارشد شریف کے جنازے کی ادائیگی اور دوسری طرف ان کیخلاف بغاوت کے مقدمے کی سماعت ہوئی۔

تفصیلات مطابق سینیئر صحافی ارشد کے جنازے کے موقع پر اسلام آباد ہائی کورٹ میں ارشد شریف پر بغاوت کے مقدمے کی سماعت ہوئی۔

دو ہفتے قبل اسلام آباد ہائی کورٹ نے 27 اکتوبر کیلئے کیس مقرر کیا تھا ، بغاوت پر اکسانے کے مقدمہ میں ارشد شریف کی درخواست پر 23 مئی کو آرڈر ہوا تھا۔

ارشد شریف کی درخواست پر اسلام آباد ہائی کورٹ نے ان کی گرفتاری سے روکا تھا ، جس کے بعد ارشد شریف کی درخواست پر آرڈر آج تک برقرار تھا۔

چیف جسٹس اطہر من اللہ کے سپریم کورٹ تعیناتی کی سفارش کی وجہ سے کاز لسٹ کینسل کردی گئی۔

خیال رہے صحافی ارشد شریف کی نماز جنازہ فیصل مسجد میں ادا کردی گئی ہے، جس میں لاکھوں افراد نے شرکت کی۔

اسلام‌ آباد : سینیئر صحافی شہیدارشد شریف کے پوسٹ مارٹم کیلئے قائم میڈیکل بورڈ میں مزید دو سینئر ڈاکٹرز شامل کردیئے گئے۔

تفصیلات کے مطابق شہیدارشد شریف کے پوسٹ مارٹم کیلئے قائم میڈیکل بورڈمیں توسیع کردی گئی۔

ذرائع نے بتایا ہے کہ پمز اسپتال کے مزید 2سینئر ڈاکٹروں کو میڈیکل بورڈ میں شامل کیا گیا اور پوسٹ مارٹم کرنے والے بورڈ کے ارکان کی تعداد 6 سے بڑھاکر8 کر دی گئی ہے۔

ذرائع کا کہنا ہے کہ میڈیکل بورڈ میں شعبہ ناک، کان، گلہ کے سربراہ ڈاکٹر الطاف اور شعبہ اورو میگزیلو فیشل سرجری کے ڈاکٹر عمر فاروق کو شامل کیا گیا ہے۔

شہید سینئر صحافی ارشد شریف کے پمز اسپتال میں پوسٹ مارٹم کے معاملے پر 6 رکنی بورڈ تشکیل دیا گیا تھا۔

جس مین پمز کےشعبہ میڈیکولیگل کے 3ڈاکٹرز ، سینئرمیڈیکولیگل آفیسر ڈاکٹر فرخ کمال، ڈاکٹر نسرین بٹ،ڈاکٹرارشاد اور پروفیسرممتاز نیازی شامل تھے۔

پمز اسپتال انتظامیہ نے میڈیا سے بات کرتےہوئے بتایا اہل خانہ کی جانب سے پوسٹ مارٹم کی درخواست آئی تھی، پوسٹ مارٹم جلد مکمل ہو جائے، پوسٹ مارٹم کیلئےکچھ ٹیسٹ ہوتے ہیں ان کی رپورٹ میں کچھ وقت درکار ہوتا ہے۔