کراچی: لیاری بہارکالونی میں دہشتگردوں کی فائرنگ سے شہیدہونے والے رینجرزاہلکارکی نمازجنازہ ادا کردی گئی۔
ذرائع کے مطابق شہید رینجرز اہلکار نائیک دلشادعلی کی نمازجنازہ ہیڈ کوارٹر رینجرز جناح کورٹس بلڈنگ میں اداکی گئی، نماز جنازہ میں ہوم سیکریٹری، ڈی جی رینجرز، آئی جی سندھ،اعلیٰ افسران اورجوانوں نے شرکت کی۔
رینجرز ترجمان کے مطابق شہید کا جسدخا کی آبائی گاؤں خیرپور میرس میں فوجی اعزاز کیساتھ تدفین کیلئے روانہ کیاگیا۔
شہید نائیک دلشاد علی 23 سال قبل سندھ رینجرز میں بطور سپاہی بھرتی ہوئے تھے، شہید نائیک دلشاد علی نے نہایت جانفشانی سے اپنے پیشہ وارانہ فرائض سرانجام دیئے۔
واضح رہے کہ فائرنگ کا واقعہ لیاری کے علاقے بہارکالونی میں پیش آیا تھا، جہاں دہشت گردوں نے الفلاح روڈ پر قائم رینجرز چوکی پر فائرنگ کرکے ڈیوٹی پر مامور اہلکار کو شہید کردیا تھا۔